منتدى كل العرب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
منتدى كل العرب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
منتدى كل العرب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى كل العرب


 
الرئيسيةأحدث الصورالتسجيلدخول
نرحب بجميع الزوار و الاعضاء الكرام و ونتمنى لكم قضاء اجمل الاوقات معنا وباب التسجيل مفتوح للجميع ... كل عام وأنتم بخير... تذكر قول الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }
ملف  للأكلات المصرية شامل لاغنى عنه لست البيت المصريه 97562610
تنبيه! / يمنع منعا باتا وضع أى ملفات تحتوى على موسيقى أو صور نساء أو ممثلين أو أغانى أو أفلام و يمنع وضع صور لذوات أرواح سواء اطفال او نساء او رجال او حيونات فى الصوره الرمزيه و التواقيع

 

 ملف للأكلات المصرية شامل لاغنى عنه لست البيت المصريه

اذهب الى الأسفل 
2 مشترك
كاتب الموضوعرسالة
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:18 am

ملف للأكلات المصرية بملف don
منقول من عالم حواء
نبدأ بأول قسم

(( قســــــــــــم اللــــــــــــحـــوم))

كفتة داوود باشا
المقادير:
نص كيلو لحمة مفرومة حمراء _ بصلة متوسطة مبشورة _ملح فلفل _بهارات لحم .،( الصلصه) 2 ملعقة كبيرة صلصة طماطم _ماء _ نص ملعقة كبيرة توم مهروس _ سمن للتحمير .
الطريقة:
تخلط كل المقادير مع تخلط تماما..ناخد قطعة لحم اد الليمونة و نكورها بين ايدينا على هيئة كورة...وهكذا نستمر حتى ينتهى المقدار كله...نحضر مقلاة تيفال ونضع فيها سمنة الى ان تسخن ثم نحمر الكفتة...بعد ماتتحمر نشيلها فى طبق جانبا..نحضر حلة نضع بها حوالى نص كوب من السمن الباقى من تحمير الكفتة..ونضع الثوم المهروس الى ان يصفر..ثم اضع الصلصة و الماء و ملح وفلفل الى ان تغلى..اضع الكفتة فى الصلصة الى ان تستوى حوالى ربع ساعة تؤكل مع ارز ابيض و بالهنا و الشفا
طريقة للتقديم، بكبشة مخرمة تشيلى الكفتة من الصلصة و تحطيها فى قعر طبق ثم تحطى عليها مقدار من الارز ثم نبطط بضهر الملعقة كويس ثم نقلبة فى سيرفيس التقديم و بجا نبة طبق الصلصة

كباب حلة
اللحمة حسب الكمية اللى انتى عيزاها يعنى كيلو او اكتر او اقل .لحمة مغسولة و مقطعة مكعبات __ ملح و فلفل __رشة بهارات لحمة __ بصلة متوسطة مبشورة او بصل قاورمة ( الصغير قوى ) سليم زى ما هو_ ملعقة كبيرة سمن __فصين مستكة و فصين حبهان __ فحم (حوالى 2 قطعة كبيرة ) فوطة مطبخ نظيفة .
الطريقه:
ضعى السمن فى حلة على النار الى ان يسخن ثم اضع البصل الى ان يصفر ثم اضع الحبهان و المستكة ثم اضع اللحمة و اقلب كلة كويس قوى لحد لونها ما يتغير و يتحمر شوية و تشرب مايتها افضل اذود شوية ماء فى شوية ماء لحد ما تستوى و تشرب مايتها فى هذه الاثناء اكون ولعت الفحمة و احمرت خالص ازيح بالملعقة اللحمة على الاجناب و فى النص اضع الفحم المولع بسرعة و اضغ غطاء الحلة بسرعة قبل الدخان ما يطلع برة ثم اغطى الحلة تماما بالفوطة لمنع خروج اى دخان تترك مغطاة حتى موعد الاكل تقدم مع ارز ابيض و سلطة طحينة

الكبدة الاسكندراني
المقادير:
1\2 ك كبدة +3 بصلات وسط+3 حبات فلفل رومي (بارد)+2 حبة طماطم+ملح و فلفل أسود و بهارات+2ثوم مدقوقين+ ملعتين كبار صلصة طماطم+1\2 ملعقة خل+زيت ذرة
الطريقة:
تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا. الفلفل برضه يقطع نصفين و بعدين شرايح رقيقة. الطماطم برضه نقطعها اربع ارباع و تقطع شرايح رقيقة.
نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين. نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي. ثم نضيف الكبدة و نقلب و نتبلها بالتوابل المذكورة. أما الخل و الصلصة و الثوم الدقوق نخلطهم مع ذرة سكر و نقلبهم كويس لحد ميبقى عامل زي الكاتشب و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها و لا نحتاج مية من برة. و تقلب ثم تطفي النار. و تؤكل مع الخبز و سلطة الطحينة و السلطة الخضراء.

صينيه الرقاق باللحمة المفرومة
المقادير:
1/2 كيلو رقاق+سمن سايح أو زيت +مرق لحم أو دجاج أو بط حسب نوع اللحم اللي حيقدم الى جانب الرقاق+1/2 كيلو لحم مفروم+بصلة كبيرة مبشورة+مقدار من السمن او الزيت لعمل العصاج +ملح- فلفل أسود- بهارات
الطريقة:
نحضر صينية فرن و ندهنها بالسمن او الزيت. نقوم بغمس ورقة ورقة من الرقاق في وعاء به المرق قبل رصه في الصينية. و عند رص الورقة في الصينية نقوم بدهن سطحها بالسمن او الزيت. و عندما ننتهي من نصف كمية الرقاق، نفرد العصاج على السطح ثم نقوم برص الجزاء المتبقي من الرقاق بعد نفس الخطوات السابقة (غمسه في المرق ورقة ورقة و مسحه بالزيت او السمن). و عندما تنتهي الكمية نقوم برش القليل من المرق على الوجه باليد بحيث لا تكون كمية كبيرة و لكن كمية تكفي لتطرية الوجه، ثم نقوم بتقطيع الرقاق بالسكين مربعات. ثم نقوم بدهن السطه بالسمن او الزيت. تجهيز العصاج يتم عن طريق بشر البصلة ثم وضع الملح و الفلفل و البهارات عليها و اضافة القليل من السمن او الزيت ثم اضافة اللحم المفروم و التقليب على نار هادية حتى ينضج اللحم. توضع صينية الرقاق بالفرن و عندما يحمر الرقاق من اسفل، نشغل الشواية من فوق لتحمير السطح مع الانتباه حتى لا يحترق السطح. بعد خروج الصينية من الفرن نقوم بتغطيتها بغطاء حتى "تعرق" أي يتصاعد بخار الماء بها فيساعد على تطرية الرقاق. تقدم قطع الرقاق و الى جانبها لحم محمر، دجاج محمر، بط محمر، شرائح ديك رومي، بفتيك، دجاج بروست، كفتة لحم او دجاج، او اي نوع اخر من اللحوم او الدجاج، مع السلطات الشهية مثل السلطة الخضراء و سلطة الفاصولياء الخضراء و بابا غنوج و الطحينة و الحمص و غيرها

حوواوشي
المقادير
للعجينه: 1ملعقة سكر صغيرة+ا ملعقة خميرة كبيرة+3/4 كيلو دقيق+1 ملعقة زيت+كوب ماء
للخلطة:3/4 كيلو لحم مفروم+8 بصلات مفرومين+ا ملعقة فلفل اسود وملح +2 ملعقة كبيرة زيت+بقدونس مفروم
الطريقة:
السكر + الخميرة فى ربع كوب ماء او اقل ويكون الماء دافى ويوضع فى مكان دافئ ومظلم لمده 10 دقائق ليخمر،نضع الدقيق ونفتحه من المنتصف ونضع عليه الخميرة + ملعقة الزيت ويقلب مع اضافة قليل من الماء( نص الكوب مثلا)ونزيد ماء كلما احتاج الخليط بحيث تكون النتيجه ان العجين لا يلزق فى اناء العجن ،بعد تجانس العجين تعجن باليد لمده 5 دقائق حتى تصير يتمط قليلا ومتماسكة لا تقطع اثناء الشد تندى بالماء وتترك ساعة ثم تعجن مرة اخرى ل 5 دقائق وتترك نص ساعه،تقطع وحدات حجمها حسب الرغبة وتوضع فيها الخلطة السابقة وتغطى كل قطعه عجين بقطعه اخرى وتلزق الاطراف فى بعضها ونمسح وجهها بالماء باليد،توضع فى فرن ساخن لمده نص ساعه حتى تلاحظة ان الوجه احمر،او لنتيجه احسن توضع على بلاطه كبيرة داخل الفرن لتاخد نفس نتيجه الافران البلدي

اللحمة الباردة
بانسبة للحمة هى مش كتلة لحم ؟ هو عرق تلبيانكو مخصوص للحمة الباردة او الروزبيف بتغسليه كويس و تنشفية ثم تجيبى ملح وفلفل و بهارات و تدعكية كويس كلة من برة وبعدين تجيبى 5 فصوص ثوم صحيحة زى ماهى وترشى عليهم رشة ملح وفلفل ثم تعملى 5 شفوق فى العرق و تحشرى فىكل شق ثومة تجيبى دوبارة جامدة و تلفى العرق كويس (المفروض انه بيتلف بطريقة معينة علشان يتلف صح واللحمة ماتكلكعش)المهم هاتى صينية بها 3 ملاعق سمن وفصين حبهان على فصينمستكة و حمرى العرق كويس من جميع الجهات لحد ما ياخد لون احمر حلو ثم تضيفى الماء شوية شوية الى ان يستوى بياخد حوالى ساعة و نص ثم تضعى الصينية فى القرن لحد ما الماء يتشرب والعرق ينشف شيليه من الفرن لما يبرد خالص فكى الدوبارة و لفى العرق فى فرخ ورق فويل و ضعيه فى الفريزر لمدة يوم ولما تبدؤا فى اكله يقطع سلايس رفيعه ولما تخلصى يلف فى الفويل تانى و يوضع فى الثلاجة و فى المناسبات يدهن التوست او البيتى بان بمسحة ذبدة و عليها شريحة الروزبيف بالنسبة للبنات حديثى الزواج اعملو اللحمة الباردة عندك جاهز لانه بيكون سريع انك تسحبى منة سواء عشاء او غذاء او السفر

صينية الجلاش باللحمة المفرومة
المقادير:
نصف كيلو جلاش (باكو)+لحمة مفرومة معصجة +بيضتان+ملح ,فلفل+كوب حليب ( طويل او مج)+سمن
الطريقة
اضرب البيضتين بالشوكة و عليهم ملح وفلفل و احطهم على كوب اللبن واخلطهم كويس قوى بالشوكة.تدهن صينية بالسمن ثم نضع نص كمية الجلاش مع المسح بالفرشاة سمن بين كل ورقتين و هكذا حتى ننتهى من نص الكمية ثم اضع اللحمه المعصجة مع فردها كويس ثم نضع نص كمية الجلاش التانية بنفس الطريقه الاولى ثم ادهن وجة الصينية بالفرشاة بالسمن و اقطع الجلاش بالسكينة اما مثلثات او مربعات وادخلها الفرن حوالى 10 دقائق حتلاقيها وشها احمر خفيف اروح مطلعاها و صبة عليها كلها كوب اللبن بالبيض و ادخلها تانى الفرن لحد ما تستوى و تحمر . تطلعيها و تعيدى تقطيعها على القطعة السابقة و بالهنا و الشفا

الشاورما 1
المقادير:
علبة ذبادى_بصلة متوسطة _ طماطماية متوسطة _2 ملعقة خل _1/2 ملعقة سماق _ 1/2 ملعقة كارى _ عصير 1/2 ليمونة _ 2 فص ثوم _ 1/2 ملعقة تابل شاورما . دجاجة كاملة مخلية او صدور دجاج مقطعة شرائح رفيعة
[الطريقة
نضرب كلة فى الخلاط بتاع العصير ( الدورق ). نفتح الفرخة من ظهرها بالطول و نضع عليها المقدار المضروب . ونتركها ساعة ثم نضعها على النار و نغطى الصينية بورقة فويل لحد ماتستوى نص سوى . نتركها تبرد ثم نقطع الفراخ شرائح رفيعة مثل الشاورما و ممكن تقطعيها بأيدك على طول من غير سكينة حتلاقيها سهلة جدا مع الاحتفاظ بالسائل الموجود فى الصينية ، نضع شوية زيت فى صينية يعنى حوالى 3 معالق كبيرة . ونفرد فيها الشاورما الى ان تحمر من جهة ثم نقلبها تحمر من الجهة التانية .ارش عليها شوية من السائل اللى سبق و احتفظنا به و اقلبهم علشان تاخد شوية طراوة . وكدة اصبحت جاهزة طبعا انتى عارفة طريقة تقديمها بتجيبى العيش الشامى و تفصلى الوش عن الضهر او تعملى الرغيف زى ماهو و تدهنية بالمايونيز المخصوص اللى حقولك طريقتة حالا .ثم شرائح خيار مخلل او كام صابع بطاطس محمرة و بالمعلفة نحط الشاورما ونلف الرغيف و تلفية فى ورقة ذبدة و بالهنا و الشفا
طريقة مايونيز الشاورما:2 فص ثوم _ بعض نقاط عصير ليمون _و بعض نقط خل _نضعهم على المايونيز ونقلبهم بالمعلقة ثم ندهن بيهم الرغيف .

البيكاتا بالمشروم
المقادير:
شرائح بفتيك بتلو (العدد حسب ماانتى عاوزة) - ملح - فلفل – عصير ليمونة – ملعقة كبيرة زبدة_ علبة مشروم صغيرة مقطعة قطع صغيرة - 2 علبة كريمة لباني الحجم الصغير- 3 بصلات كبار مقطعين صعير
الطريقة:
يتبل شرائح البفتيك بالملح والفلفل و عصيرالليمون ثم نضع الذبدة في صينية يا ريت لو تيفال على النار و لما تسيح نضع اللحمة و نحمرها على نار هاديةمع التقليب باستمرار من الناحيتين لحد ما الوشين يتحمروا . ثم اشيلهم من الصينية فى طبق و بعدين احط البصل فى الصينية مكان اللحمة اللى شيلتها و اقلبه لحد ما يدبل ( يعنى تحسى انه بقى طرى ) و بعدين تروحى حطة المشروم المقطع مع البصل و تقلبيهم لحد برضة اما تحسى ان المشروم دبل . و بعدين تروحى حطة الكريمة اللبانى على البصل والمشروم فيغلي لحد ماتلاحظى ان الكريمة اللبانى تخنت شوية .( خلى بالك كل دة حياخد منك مجرد ثوانى علشان الكريمة اللبانى ما بتستناش كتير على النار ) وبعدين تروحى حطة اللحمة اللى كنتى شيلتيها على جنب فى طبق فى الصينية و يادوب تلفى اللحمة لفة فى الكريمة اللى فى الصينية و تلاحظى انها عليها كريمة من الوشين تشيليها فورا. وبالهنا و الشفا

صينة الكفتة بالطحينة وشرائح البطاطس
لكفتة بالطحينة:_
المقادير:
كيلو لحم مفروم+بصلة كبيرة مبشورة+خلطة تتبيل الكفتة من كنور أونضع ملح وبهارات العادية+1/2 رغيف فينو
مقادير سلطة الطحينة:نص كوب طحينة+3 فصوص ثوم مدقوق+معلقة خل+زيت+ماء للتخفيف
الطريقة:_
اولا بالنسبة للطحينة بنحط كل المقادير نع بعض ونقلب كويس جدا وكل ما نلاحظ انها تقيلة خففى بشوية ماء لحد ما يبقى لونها فاتح وفى نفس الوقت نخلط اللحم المفروم مع البصلةوالتوابل وبنجيب الفينو ونبلة بالماء ونفتفتة مع خليط اللحم انا بقول فينو لان من غيرة حتلاحظوة ان الصينة بعد ما تخرج من الفرن حجمها صغر او كشت وجود الفينو بيساعدها تحتفظ بنفس حجمها ال دخلتى بيها الفرن،نجيب صنية مدهونة ونبدا فى وضع اللحمة بداخلها نفرشها يعنى فى قلب الصنية وممكن نحط على الوش ترنشات بطاطس وفى الاخر نسقيها بالسطلة الطحينة ودخليها الفرن و أول ما تخرج من الفرن سخنى فحمة على النار وحيها بعد كدة فى الصنية علة قطعة خبز وحطى فوقيها حبة سمنة وغطيها باحكام الفحم بيدى نكهة الشواء

الكرشة بالحمص
المقادير:
كرشة مسلوقة و مقطعة قطع صغيرة _كوب عصير طماطم _بصلة متوسطة مفرومة _نص كوب حمص (حمص الشام )مسلوق نص سلق _معلقة سمن كبيرة _نص راس ثوم +ملح _فلفل _ كمون _ كوب و نص من ماء سلق الكرشة
الطريقة:
نضع السمن فى حلة و نحمر فيها البصلة لما يصفر نضع الثوم و الحمص و نقلب تقليبتين ،و بعدين نحط عصير الطماطم و على نار متوسطة لحد الطماطم ما تتسبك و دة طبعا بانك حتلاقى لونها اتغير و تقلت اضع حوالى كوب و نص من الماء اللى سلقت فية الكرشة اللى الحلة و الملح والفلفل و الكمون و نسيبها لحد ما الماء اللى حطناة تغلى نضع الكرشة المسلوقة المقطعة فى الحلة و نقلب و نسيبها على نار هادية لحد ما تستوى و هى مش بتاخد كتير يعنى حوالى 20 دقيقة مثلا و بالهنا و الشفا

المخ البانية
المقادير:
مخ مسلوق _ملح _ فلفل _بيض مضروب_دقيق _ بقسماط ناعم ._سمن
الطريقة :
نقطع المخ اما قطع صغيرة او شرائح ،نضع المخ فى الدقيق حيغطية و بعدين نحطة فى البيض و بعدين فى البقسماط ،نضع السمن فى مقلاية بس يكون السمن غزير يعنى كتير و نحمر المخ و بالهنا و الشفا

الكبدة المحمرة
المقادير:
نص كيلو كبدة _ملح _فلفل _عصير ليمون _ سمن للتحمير
الطريقة:
تقطع الكبدة شرائح و تبليها بالملح و الفلفل وعصير الليمون و سيبيها شوية فى التتبيلة ، نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى ،وبعدين حطى عليها شوية فى شوية ماء لحد ما تستوى

الكبدة بالفلفل و الطماطم
المقادير:
نص كيلو كبدة _ملح _فلفل _فلفلة رومى كبيرة _بصلة كبيرة _طماطماية كبيرة +م زيت او سمن _ م ص خل +فصين ثوم.
الطريقة:
نقطع الكبدة قطع صغيرة و كذلك الفلفل و البصل و الطماطم .نضع السمن فى حلة و نشوح فيها البصل و الفلفل و فصين الثوم لحد ما يصفروا ثم نضع الطماطم و الخل و نقلب ثم نضع الكبدة و نقلب نقلب لحد ما تاخد لون محمر اضع ربع كوب فى ربع كوب ماء لحد ماتستوى و يكون فيها صوص بنى.

السحق البيتى
المقادير:
نص كيلو لحمة مفرومة _ملح _ فلفل _ قرفة _ جوزة الطيب _ نص كوب ماء _شطة حسب الرغبة – امعاء منظفه
الطريقة :
نضع التوابل كلها على اللحمة ،اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة ،اضع القمع فى اول طرف الامعاء و ايدء انزل فى اللحمة المفرومة و انا عمالة ابل صباعى اللى بزوء بيه اللحمة بالماء .لحد ما املى الطول اللى امامى و بعدين اروح ماشية علية بايدى مبططة مبططة مبططة علشان ،فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و اعقد و هكذا لحد ماحتلاقى حبل السجق اللى بتشوفية عند الجزار اتكون قدامك ،تحطيهم فى اكياس نايلون و على الثلاجة

طريقة تسوية السجق
المقادير: سجق _ 2 طماطماية كبيرة _ 2 فلفلة رومى _ فلفلة حامية -ملح _فلفل _زيت او سمن
الطريقة :
بطرف السكينة اعمل شق صغير فى كل صابع سجق ،اضع الزيت او السمن فى مقلاية على النار ثم اضع الفلفل رومى و الطماطم ،تقليبة و بعدين احط وحدات السجق و اقلب اقلب ثم اضع شوية شوية ماء و اغطى المقلاية لحد ما يستوى اعلى النار واقلب السجق لحد ما يتحمر اروح طافية النار و نعمله سندوتشات بالمستردة او حسب الرغبة ،ملحوظة :ممكن نعمل سندوتشات بيض بالسجق بتبقى حلوة جدا و من باب التغيير

كفتة الرز
المقادير
- نصف كيلو لحم أحمر مفروم- 1 كوب رز مطحون + نصف ملعقة بيكربونات- بصله كبيره + 2 فص توم كبار- ملح + فلفل + ملعقه كبيره كمون- 3 ملاعق بقدونس مفري- سمن أو زيت للتحمير
الطريقه
بإستعمال الكبه أو المالتي براكتيك (أكبر من الكبه )أفرم البصل والثوم وأضيف الملح والفلفل الأسود والكمون وبعد كده أعجنهم مع اللحمه والرز المطحون المضاف اليه البيكربونات وكمان البقدونس .. أعجن الكل مع بعض كويس .. ممكن أعيد فرمهم بالكبه من تاني لتكوين عجينه متماسكه أشكل من العجينه كور صغيره أو أصابع .. ثم أقليها في السمن أو الزيت

الكفته بالصلصه
أسخن ملعقة سمن أو زيت وأحمر فيها ملعقه صغيره ثوم مفروم إلي أن يصفر لونه..أضع 2 ملعقه كبيره صلصه ونصف كوب ماء وبعد ما تتسبك .. أضيف 2 كوب ماء ..وأتركها لتغلي .أحط الكفته بعد تحميرها وأتركها تستوي حوالي ربع ساعه علي نار هاديه

كفتة محشية ( الطريقة الاولى )
المقادير:
كيلو لحمة مفرومة +بصلتان +نصف حزمة بقدونس +نص رغيف عيش فينو مبلول فى الماء و معصور جامد+ملح _و فلفل اسود _ جوزة الطيب +بيضتان مضروبين بالشوكة +ست بيضات مسلوقة +بقسماط ناعم +زيت للتحمير
الطريقة:
نضع اللحمة و البصل والبقدونس و العيش بعد عصرة بايدك من الماء ثم يضاف اليها الملح والبهارات وتخلط جيداً،تقسم اللحمة الى ست قطع متساوية وتحشى كل قطعة ببيضة مسلوقة بعد ما تقشريها طبعا و تضغطى عليها كويس قوى بايدك و بعدين تدحرجيها فى الدقيق وبعدين فى البيض و بعدين البقسماط و تحمر فى الزيت المقدوح و تنشل و بالهنا و الشفا

الطريقة التانية
بدل ما نحمرها فى بيض و بقسماط نعملها زى ما قلت و نلفها فى ورقة فويل مدهونة زيت بالفرشاة و بعدبن نسويها فى الفرن (( وفية طريقة تانية بالسلق بس الصراحة اللى فى الفرن او التحمير احلى )ممكن تنوعى فى الحشو يعنى خضار سوتية و انا بحط مع البيض شرائح خيار مخلل بيبقى طعمها حلو

اللحم بالورق بالورق الفويل ( سهل جدا)
المقادير:
كيلو لحم قطع ( بتلو او كباب حلة )+ملح _ فلفل _ بهارات _ رشة جوزة الطيب +2 معلقى كبيرة سمن _ او معلقة سمن و معلقة زيت +بصلتين +فرخ و رقة فويل
الطريقة :
نقطع البصل شرائح و بعدين نحط علية مقادير التتبيلة كلها و ندعكهم كويس،نضع اللحم المغسول و السمن على البصل السابق ، نفرد الفويل امامنا و نضع المقدار اللى عملناة و نلفة كويس باحكام عشان لما اللحمة تنزل مايتها ما تخرجش من الفويل،نحطها على صينية و ندخلها الفرن حوالى ساعة و بعدين نفتح الوش اللى فوق بس بتاع الفويل وحطة تانى عشان وش اللحمة يحمر

البرجر
المقادير:
1 كيلو لحمه مفرومه+1 كوب فول صويا منقوع 3 ساعات+2 بصله كبيره مبشوره+ملعقه كبيره توم مفروم+4 ملاعق كبيره نشا +ملح - فلفل أسود - بهار +ملعقه كبيره سماق (اختياري)
الطريقة:
نجيب طبق غويط نحط فيه اللحمه المفرومه وبعدها نفرم التوم والبصل في الكبه ونتبلهم بالملح والفلفل والبهار ونخليهم ناعمين خالص ونحطهم علي اللحمه، ونخلط بالكبه فول الصويا بعد ما يكون منقوع في ميه حوالي 3 ساعات وعاصرينه كويس قوي .. ونضيفه علي اللحمه ..ونعجن ونعجن.. ونضبط العجينه بإستعمال النشا حيت تتكون لدينا عجينه متماسكه نقسم العجينه لكور .. نضعها بين كيسين نايلون ونضغط عليها إما بطبق صغير أو بغطاء علبه نشوي قطع البيرحر في مقلايه تيفال وعلي نار هاديه يوجد في محلات الأدوات المنزليه قالب لتشكيل البرجر لحفظ البرجر في الفريزر يجب وضع بلاستيك بين القطع

الاستيك بالصوص و المشروم
المقادير:
قطع ستيك يفضل البتلو حتبليها بالملح و الفلفل +مشروم مقطع شرائح+علبة صغيرة كريمة طازجة+ربع كوب شوربة لحمة او مكعب ماجى لحمة و 2 معلقة كبيرة دقيق +زبدة و زيت (لتحمير الاستيك)+ملح , فلفل
الطريقة:
ضعى قطع الاستيك فى دقيق من الوجهين و نفضى الدقيق الزيادة- سخني على النار 2ملعقة من الزيت مع2 ملعقة من الزبدة في مقلا ية لحد ما تقدح . ضعي قطع الا ستيك و اتركيهم من غير ما تقلبيها لحد ما يتغير لونها شوية بس ما تحمريهاش يعنى حتبقى بنى فاتح تروحى بالشوكة مقلباة على الوش التانى و اتركيها برضة لحد ما تبقى بنى فاتح . استمري لحد ما تخلصى كل القطع واحدة واحدة فى الزيت و الزبدة اللى حمرتى فيهم الاستيك وحيكون فية برضة زى صوص او سائل غامقة ناشف قليل ناتجة عن تحمير اللحم حنبدء في عمل الصلصة البنى وللعلم ان الخطوة دى هي سر الطبق ضعى المشروم و حمرية حتى يتغير لونه .
اضيفي الكريمة اللبانى و قلبي أو ملعقتين من الدقيق مع التقليب ثم ضعى الشوربة و قلبي حتى تحصلي على سمك مثل الكريمة . او البشاميل ضعىالاستيك فى الصوص تقليبة على الوجهين ثم يغرف فى السرفيس و نضع على جنب الطبق الصوص بالمشروم

الكفتة و الكباب المشوييين
بالنسبه للحمه لو ضاني أو شمبري بأحب أسلقها نص ساق وبعدين أشيلها من الشوربه وأتبلها وأشويها علي الفحم .. ولو بتلو لباني أتبلها وأشويها علي طول..
تتبيلة الشوي ( أفضل التتبيل قبل الشوي بوقت كافي أقله 6 ساعات ):بصل جوانح أو ترنشات - فلفل أسود - بهار - شوية خل صغيرين - قطع من الليه الملح أفضل وضعه بعد الشوي كل دول أدعكهم كويس وأضعهم علي اللحمه وأسيبها للتتبيل وقت الشوي تتشك في أسياخ ده لو كان الشوي علي الفحم مباشرة ومعها قطع من الليه أما لو كان الشوي علي الشوايه الغاز أوالكهرباء أوحتي في مقلايه علي البوتاجاز أعطي ريحة شوي الحاتي بتوليع فحمه أو أكتر وبعد شوي اللحمه أضعها قي حله وأتبلها بالملح و في وسطها طبق صغير به ملعقة زيت أو سمنه أحط فيها الفحم وهو والع وأقفل علي طول بإحكام دخانها سيعطيني ريحة الحاتي ..

عمل الكفته
المقادير:
1 كيلو لحم مفروم وعليه حوالي 100 جرام ليه +2 بصله كبيره مفرومه ناعم +ملعقة كبيره ثوم مفروم ناعم+ملح - فلفل أسود – بهار+1 كوب بقدونس مفروم+كوب بقسماط ناعم
الطريقة:
أخلط جميع المكونات وأعيد فرمها مع بعضها،اشكلها في الأسياخ أوبشكل أصابع مجوفه من الداخل بتشكيلها علي يد ملعقه خشبيه
وأعمل نفس طريقة اللحمه وقت الشي

البفتيك المحشى
المقادير:
كيلو بفتيك +ملح _ فلفل _مستردة _3 فصوص ثوم _عصير ليمون _ عصير بصل
الحشو :عصاج بدون صلصة _ او خضار مسلوق مشكل _ ملح _ فلفل
الطريقة :
زى ما اتعودنا بندق البفتيك بالمدق المخصوص بتاع اللحمة و نتبلة بالملح و الفلفل و عصير البصل و عصير الليمونة و المستردة كويس نفرد كل شريحة و نحشيها بالخضار او اللحمة المعصجة ( يعنى نجيب معلقة كبيرة من الحشو و نحطها عند اول حتة البفتيك و بعدين نلف نلف )حيبقى شكلها فى الاخر زى صباع الكفتة التخين لو حتحشى بالخضار شوحيه الاول دقيقتين فى معلقة زبدة على النار و ممكن تحطى معاة شويه بقدونس صغيرين مفرومين نقفل البقتيكة بعد ما لفناها (برمناها ) بخلة او لفيها بالخيط
نضع معلقتين سمن فى مقلاية و فصوص الثوم وبعدين ضعى البفتيك وحمرية فى السمن كويس و بعدين حطى شوية شوية ماء او شوربة لحد ما البفتيك يستوى نشيلة و نفك الخيط او نسحب الخلة بالراحة ويقدم بالهنا و الشفا

الممبار
المقادير :
كيلو ممبار- 3 بصلات- شبت مقطع صغير - بقدونس مقطع صغير - كزبرة خضراء مقطعة صغير- ملح - فلفل - كمون- 3 طماطم كبيرة- 3كوب ارز- شطة ( لو عوزاة حراق )- 2 ملعقة سمن
اولا :طريقة تنظيف الممبار
- اول حاجة تشيلى الدهن بتاع الممبار و تغسلى الممبار جيدا و على الوش التانى و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك و بعدين خلى ماء الحنفية ينزل جواة كويس و اغسلية تانى كويس قوى ثم ضعي علية كمية مش قليلة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق كمان وادعكية كويس و بعدين ارجعى اغسلية كويس كدة تبقى مطمنة انه نضف تماما و ابدئى بقى تقطعية بالمقاس اللى انتى عوزاة يعنى صغير او يبقى الصباع طويل.
الحشوة: -
نغسل الارز،نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن بالقمع- نحشي الممبار لثلثه بس بالخلطةو بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى - فى حلة كبيرة نغلى ماء و نضع به ملح و نمسك كل قطعة ممبار و نزلها بالراحة فى الماءالمغلى نلاحظ انها تنكمش و تتقفل من الطرفين و يترك على النار حتى ينضج - يصفي من ماء السلق و يحمر في الزيت و بالهنا والشفا

الكبدة بالردة
المقادير :
كيلو كبدة شرائح +رأس توم مفرومة ناعم جدا - ملح -فلفل - نصف ملعقة صغيرة كمون - 2 ملعقة كبيرة كزبرة ناعمة -2 كوب ردة ناعمة + نص كوب دقيق - ( تخلطيهم مع بعض )+زيت للقلى
الطريقة :
تبلى الكبدة و ضعى عليها و الملح و الفلفل و التوم و الكزبرة و الكمون و قلبيهم كويس وحطيها فى الثلاجة تقريبا ساعتين علشان تشرب من كل التتبيلة كويس طلعيها من الثلاجة و سخنى الزيت ،نضع شريحة شريحة فى خليط الردة بالدقيق و اضغطى عليها با يدك كويس من الناحيتين ،و ضعيها فى الزيت لحد ما تحمر من الناحيتين بس خلى بالك الكبدة اساسا بتستوى بسرعة يعنى ما تسبيهاش على النار دى يادوب بتاخد ثوانى،طلعيها من المقلاية و بالهنا و الشفا
ملحوظة لو عاوزة الكبدة مشوية :تعملى كل اللى عملناة عادى لحد مت تخرجيها من الثلاجة و بعدين تشويها

الطرب ( منديل الخروف )
المقادير:
- منديل خروف +كيلو لحم مفروم+بصلة+معلقة بقدونس مفروم+- ملح- فلفل –بهارات+1/4 كوب سمن
الطريقة:
- يقطع المنديل قطع متساوية بالسكينة على شكل مربعات او مستطيلات - يفرم البصلً ويخلط مع اللحم المفروم والبقدونس والملح و الفلفل والبهارات- يوضع مقدارمن الحشو في وسط كل قطعة من المنديل ثم تلف زى ما بنلف محشى الكرنب على شكل صوابع تخينة نرص الطرب على الشواية او فى الفرن على الرف الشبك

الياخنى
1/2 كيلو لحم ضانى او بتلو او كندوز صغير (نقطعهم قطع متوسطة مش كبيرة )+1/2 كيلو بصل قاورمة ( الصغير اللى عامل زى البلى )+2 معلقة كبيرة سمن +3 معالق كبيرة حمص الشام +عصير طماطم
الطريقة :
ينقع الحمص فى ماء من بليل او ممكن نسلقة نص سلق مع شوية ملح و كمون ،نضع السمن فى حلة على النار ثم نضع البصل القاورمة صحيح زى ماهو لحد ما يصفر ،ثم نضع علية قطع اللحمة ،ثم نضع الحمص على اللحمة و نقلب المقدار كلة و نضيف الملح و الفلفل،و عصير الطماطم حوالى نص كوباية ،نسيبة على النار و نزودلة شوية فى شوية ماء لحد ما يستوى نص سوى نطفى النار و نضع المقدار فى صينية او طاجن فرن و ندخلة الفرن لحد ما اللحمة و الحمص يستووا و طبعا نبقى بنبص علية عشان ازا احتاج شوية ماء على ما يستوى نحط له نطلعة من الفرن(البصل بنستخدمه زى ماهو صحيح مش بنبشره)

الكبيبة الشامى
المقادير:
1/2كيلو لحمة مفرومة حمراء +كيلو الا ربع برغل +بصلة متوسطة +ملح - فلفل
للحشو: لحمة مفرومة معصجة وحطى عليها مع التتبيلة رشة قرفة ناعمة و( شوية صنوبر محمرين ودة حسب الرغبة )
الطريقة :
اغسلى البرغل كويس وخلى بالك علشان بيبقى فية حصى صغير و انقعية فى الماء حوالى 1/4 ساعة بس،صفى البرغل كويس قوى قوى من الماء،وحطية على فوطة مفرودة علشان تشرب الماء اللى فية ،و بالضغط علية بين ايديكى كويس ،افرمى البرغل الاول لوحدة فى المفرمة او الكبة مع البصلة ،ضعى اللحمة المفرومة على البرغل و اخلطيهم كويس،وبعدين افرميهم تانى مع بعض و مع التوابل،كونى محضرة جانبك طبق فية ماء مثلج،و ابدئى فى عمل وحدات الكبيبة ،خدى قطعة اما صغيرة قد البيضة لو انتى بتحبيها صغيرة او خدى قطعة من العجينة قد البرتقالة لو انتى بتحبيها كبيرة ( زى بتاعة ابو حيدر )،تبلى ايدك بالماء و تكوريها على شكل بيضاوى و ما تخليهاش تخينة من الداخل و بالمعلقة الصغيرة حطى داخلها الحشوة و بلى ايدك و لفى واقفلى لفى واقفلى وكدة بقيت جاهزة كملى باقى العجينة ،رصصى كل الكبيبة فى صينية و حطيها فى الثلاجة شوية و بعدين يا تحمريها فى زيت غزير يا اما تحفظيها فى اطباق فل فى الفريزر و بالهنا و الشفا

الكبيبة الصينية
نفس الطريقة بعد ما تبقى عجينة الكبيبة جاهزة، ادهنى صينية بالزيت و ابدئى افردى جزء من العجينة فى الصينية برضة تبلى ايدك بالماء و تبططى لحد ما تغطى القاع ،تجيبى اللحمة المعصجة و تفرشيها على الراقة الاولى و بعدين تجيبى حتة حتة من العجينة و تبططيها بين ايديكى و تحطيها على اللحمة جنب بعض جنب بعض لحد ما تغطى اللحمة كويس و بعدين تقطعيها بطرف السكينة المبلول سمبوكسات و فى كل سمبوكسة واحدة صنوبر و قطع صغيرة على الوش من السمنة ودخليها الفرن لحد ما تستوى و تتحمر

البيض الاسكتلندى
المقادير:
يكيلو لحمة مفرومة +5 بيضات مسلوقين جامد+بصلة كبيرة مبشورة+نص حزمة بقدونس مفرومة +ملح – فلفل – دقيق – بقسماط ناعم – بيضة مضروبة بالشوكة
الطريقة
نخلط اللحمة بالبصلة بالملح بالفلفل بالبقدونس و نخلطهم كويس زى ما بنعمل عجينة الكفتة ،بعد ما نسلق البيض كويس و نقشرة طبعا و ننشفة من اى ماء و ندحرجة فى الدقيق ،نجيب اللحمة و ناخد قطعة حلوة و نحاول بأدينا كويس نغطى البيضة خالص بالضغط كويس قوى على اللحمة ،وبعدين نحطها فى الدقيق و نضغط برضة بأيدنا كويس و بعدين نحطها فى البيض المضروب وبعدين نحطها فى البقسماط الناعم ونحمرها فى الزيت الغزير
( 2 ) ممكن بعد ما تغطى البيضة المسلوقة باللحمة كويس قوى
تجيبى قطعة ورقة فويل و تدهنيها بالفرشاة بالزيت وتحطى فيها كورة اللحمة المفرومة و تقفليها كويس و تكملى باقى المقدار بنفس الطريقة و تحطيهم فى صينية فى الفرن لحد مايستووا يعنى ابقى افتحى واحدة بعد 1/3 ساعة وانتى حتعرفى بالتقريب باقى على سويها قد اية ؟ وبعد ما تستوى شيليهم من الورق الفويل وحطيهم تانى يحمروا و بالهنا و الشفا

الكبيبه (للقلي والشوي والصينيه)
المقادير:
1 كيلو لحم مفروم ناعم ( 3 أدوار بالمفرمه )+1 كيلو برغل +2 بصله متوسطه +1 ملعقه صغيره من كل من فلفل أسود - قرفه - بهار - كمون ونخلطهم+2 ملعقه صغيره ملح+حوالي ربع كيلو لحم مفروم ( خشن ) مقلي بالزبده ومتبل بالملح والفلفل والبهار
بصله كبيره مقطعه بالسكين لقطع صغيره ومقليه بالزيت ( لونها بني فاتح )+صنوبر محمر بالزيت ( إختياري )+شرائح رقيقه من الليه أو الدهن لحشو الكبه المشويه متبله بالبهارات والملح والقرفه
الطريقه
ننقي البرغل ونغسله وننضفه من أي شوائب .. وننقعه في ماء بارد حوالي نص ساعه +نعصره جيدا ونفرده علي فوطه ليتخلص من الماء الزائد+نفرمه بالمفرمه مع البصل ثلاثة أدوار حتي نطمئن بأنه أصبح ناعم جدا ،ندعكه باليد كويس ،نقسم كيلو اللحم أربعة أربع،نأخذ ربع كيلو لحم مفروم ونعجنه مع البرغل ونكون عجينه ،نقسم العجينه ثلاثة أقسام للقلي ثلث العجينه نضيف عليها بهارات مخلوطه وملح - للشوي ثلث العجينه الثاني نضيف أليها نصف كيلو لحم + بهارات وملح - للصينية ثلث العجينه التالث نضيف إليه ربع كيلو لحم مفروم + بهارات وملح
بالنسبه للكبيبه المقليه.. نعجن كبيبة القلي كويس ونضيف القليل من الماء البارد إلي أن تتكون عجينه متماسكه وطريه ليسهل تشكيلها .. ونقسمها قطع في حجم البيضه .. نرق الكبيبه ونجوفها من الداخل ونحاول نخلي الغلاف رقيق بقدر الإمكان ونحشيها بالبصل واللحم المقليين وممكن الصنوبر أيضا .. المهم يكون حشو قليل أي حوالي نصف الفراغ داخل الكبه .. بعد الفراغ من تشكيل كل الكميه .. نقليها في زيت ساخن يغطيها أو نحفظها في الفريزر لحين الإستعمال
بالنسبه للكبيبه المشويه ..نعجن اللحم مع البرغل .. والنوع ده من الكبيبه اللحمه فيه أكتر من البرغل للتشكيل نقسم الكميه لقطع في حجم البيضه .. ونرقها دائره ونحشيها بالدهن أوالليه .. ثم نفرد قطعه ثانيه ونضعها علي الأولي ونغلقها جيدا .. وبكده تكون جاهزه للشوي إما في مقلايه تيفال مدهونه بالزيت أو في شواية الفرن أو الأجمل علي الفحم
الكبيبه بالصينيه ..
ندهن صينيه حرفها واطي بالسمنه ونفرد أقل من نصف العجينه ونبططها لإرتفاع حوالي 1 سم .. نضع اللحم المفروم المقلي والصنوبر .. ثم نفرد باقي العجينه علي كيس نايلون بمقاس صينية الكبيبه .. ونحاول قلبها فوق الصينيه .. أو نفرد قطعه قطعه علي باطن اليد ونحاول بالطريقه دي تغطية الصينيه .. المهم نجهز الصينيه بحيث تكون الطبقه السفلي أقل من العليا .. ونرسم عليها خطوط كالبقلاوه لكن غير عميقه .. ونضع حوالي ملعقتين سمن ونعمل حفره صغيره في وسط الصينيه لتجميع السمن فيها وتوزيعه من القاع نخبزها .. بعد الخبز نسكب باقي السمن منها ونغطيهاحالا حتي تبقي طريه ..

كفتة بالارز
المقادير:
رز"حسب الكمية"+بهارات،ملح وفلفل وثوم+صلصة طماطم متسبكة+بيض و ودقيق
الطريقة:
ترفعي الارز علي النار حتي ينضج جيدا"رز عادي خالص مش مفلفل لاننا عاوزين الرز فيه شوية معجنة بسيطة اوي و بعد ماستوي ترفعيه من علي النار تضيفي اليه صلصة طمام متسبكة والبهارات والثوم"بهارات مش كتير لاننا محدقين الرز من البداية وتكوري تكوري....تدخليه الثلاجة يمسك نفسه وبعدين تحمريه في الزيت بعد ماتغطسيه في بيض ودقيق وتحمريه حتي يصبح لونه ذهبي...

طريقة خفيفة للسجق في عشا
انتى ممكن تعملية بالبيض انك تقطعيى قطع صغيرة و تخلطية مع البيض الملخبط وممكن تعملى بيض اومليت و تروحى حطة السجق جواة وتبرميه علية وممكن تجيبى مربعات من عجينة الباف باسترى اللى عملناها و تحطى واحدة فى كل مربع و تلفية و تدهنى الوش بالبيض او اللبن و تحطية فى الفرن وممكن تحطية برضة فى البيتزا وممكن تحطية فى اللازانيا وممكن طبعا الطريقة بتاعتنا اللى هى بتحمرية فى سمن خفيف وتقطعى علية طماطماية كبيرة و ممكن واحدة فلفل رومى او حامى و شويه ماء و ملح وفلفل وتقلبية لحد ما يستوى

السجق الاسكندراني
والي ممكن تعمليه زي السوسيس الإسكندراني وعن تجربه لمده شهر
تأخذي السجق وتقطعيه الى دوائر صغيره المساحه،ثم تقومي ببشر بصله ،وتحمريها في الزيت،في صينيه تيفال ،بعد ما يصفروا ضعي صلصه طماطم عليهم ،واتركيهم الي ان يحدث التسبيك المطلوب،مع اضافه التوابل والملح والفلفل حسب الرغبه ،ثم قومي بإضافه السجق الي التسبيكه ،مع بعض الشطه الحمراء قطع الشطه الخضراء ،يعني تقطعي شطه خضره حسب الرغبه ،وتتركيهم الي ان يمتص السجق الصلصه المسبكه يعني على نار هادئه جدا
ملاحظه مهمه قبل ان تضعي السجق في التسبيكه يجب ان تحمريها في بعض الزيت في المقلاه قليلا حتى تخرج مستويه بالاضافه انها تكون غير رقيقه يعني ماسكه في بعضها

كبد وكلاوى بالصوص مع الارز الابيض
المقادير:
1كيلو كبدة ضانى +عدد 3 كلاوى +عدد 2 قلب +2فلفل اخضر رومى او حامى+رأس ثوم مفصصة ومفرومة+ملح – فلفل – كمون+ربع كوب زيت
الطريقة
يقطع الكبد والكلاوي والقلوب إلي شرائح رفيعة او مكعبات،ثم تغسل بالماء وتصفي في مصفاة كل واحد لوحدة،ثم يسخن الزيت وتقلب شرائح القلوب والكلاوي كويس لحد ما ينزلوا مايتهم ويشربوها،وبعدين تضاف شرائح الكبدة إلي القلوب والكلاوي وتقلب جيدا ثم يضاف الثوم و الملح و الفلفل و الكمون والفلفل الأخضرثم يقلب كله مع بعض ويترك علي نار هادئة لحد ما يستووا مع اضافة القليل من الماء كلما احتاجوا و بالهنا و الشفا ويقدم مع طبق من الارز الابيض
ملحوظة :ازا كنتى عوزاها بالصوص يبقى قبل ما تطفى النار وبعد ما تستوى تسيبى فيها شوية صوص وازا كنت مش عيزاها بصوص يبقى بعد ما تستوى والماء بتاعها ينشف تقلبيها فى السمنة اللى معاها فى الحلة

الكفتة المحشية بالحبن
المقادير:
بصلة كبيرة مفرومة ناعمة+3 ملاعق كبيرة زيت +فصين ثوم مفرومين+كيلو لحم مفروم +2 ملعقة بقدونس مفروم+ملح+بيضة
ربع كوب بقسماط+(او)نص رغيف عيش فينو مبلول فى ماء ومعصور جامد+1 ملعقة صغيرة بهارات لحمة+1 كوب جبن شيدر مبشورة
الطريقة:
حمري البصل فى الزيت لحد ما يدبل ويصفر وبعدين شيلية من الزيت و اركنبة ،ضعي اللحمة و الملح و الثوم و البهارات و البقسماط و البقدونس و البيضة واعجنيها لتحصلي علىكفتة متماسكة..افردي على الترابيزة امامك قطعة نايلون ثم افردى فوقها الكفتةعلى هيئة مستطيل وافرديها وبططيها كويس بايدك ضعى البصل فوق اللحم يعنى افردية على المستطيل وبعدين حطى الجبنة الجبن مع ترك مسافة 1 سم من الطروف.حنبتدى نلف اللحمة على هيئة اسطوانه زى السويسرول بالظبط بس من الناحية العريضة للمستطيل ضعي رول اللحم فى الصينية ودخليها الفرن لحد ما تستوى وتحمر حوالى ساعة الا ربع بعد ما تطلعيها من الفرن اتركي الرول يبرد شوية قبل التقطيع علشان ما تفرفطش منك وبالهنا والشفا

البورجر المحشية بالجبن
نفس طريقة البورجر اللى كتبناها فبل كدة بس حنزود فى المقادير شرائح من الجبنة الشيدر:
1 كيلو لحمه مفرومه 1 كوب فول صويا منقوع 3 ساعات+2 بصله كبيره مبشوره ، ملعقه كبيره توم مفروم+4 ملاعق كبيره نشا، ملح - فلفل أسود - بهار، ملعقه كبيره سماق (اختياري)
الطريقة:
اول حاجه نجيب طبقغويط نحط فيه اللحمه المفرومه وبعدها نفرم التوم والبصل في الكبه ونتبلهم بالملحوالفلفل والبهار ونخليهم ناعمين خالص ونحطهم علي اللحمه،ونخلط بالكبه فول الصويابعد ما يكون منقوع في ميه حوالي 3 ساعات وعاصرينه كويس قوي .. ونضيفه علي اللحمه ..ونعجن ونعجن..ونضبط العجينه بإستعمال النشا حيت تتكون لدينا عجينه متماسكه نقسم العجينه لكور .. نضعها بين كيسين نايلون ونضغط عليها إما بطبق صغير أوبغطاء علبه نضع اول بورجاراية ونضع فوقها قطعة او شريحة او سلايس من الجبنة و نلزقها بايدنا كويس على البورجر ثم نضع واحدة بورجر تانية على الجبنة ونضغط بايدنا كويس قوى علشان طبقتين البورجر يلزقوا فى بعض كويس ( يعنى زى السندوتش ) نشوي قطع البيرحر في مقلايه تيفال وعلي نار هاديه

لحم روستو بالخضر
المقادير:
عرق لحمه+4 فصوص توم - ملح - فلفل أسود - 3 ملاعق خل+ ملح - فلفل أسود - بهار
الحشو ربع كيلو بسله - ربع كيلو جزر - بصله متوسطه - 2 فلفل حلو - ملعقه صغيره ثوم)
الطريقة: نشق عرق اللحمه بالطول ونفرغ جزء من داخله .. نعمل 4 فتحات نضع فيها الثوم .. ونتبل اللحم بالخل ثم بالملح والفلفل نقطع الجزر والبصل والفلفل والثوم الكل تر****ت ونخلطه مع البسله نشوح الخضار في قطعة زبده ونتبله بالملح والفلفل والبهار نحشي اللحم بالخضارونربطه جيدا بالخيط الخاص باللحم،نحمر اللحم في صينيه بها قليل من الزيت حتي يصير لونه بني فاتح من جميع الجهات،بعد تحمير اللحم عندنا طرق مختلفه للتسويه نلف عرق اللحم في ورق ألمنيوم ونسلقه في ماء حتي ينضج
أو نزيده قليلا فقليلا من الماء في نفس صينية التحميرحتي تمام نضجه أو- نضيف للحم كوب من الماء ونغطي الصينيه بورق الألمنيوم وندخله فرن حاربعد تمام النضج نتركه يبرد ثم نقطعه ونحافظ علي الشكل في التقديم ممكن تنويع الخضر في الحشو

طاجن لسان العصفور بالعصاج
المقادير:
نص كيلو لسان عصفور (كيس) – 2 معلقة سمنة – ربع كيلو لحمة معصجة بالصلصة
الطريقة
نسلق اللسان عصفور زى ما بنسلق المكرونة ،بالضبطونشطفها برضة بالماء البارد ،ادهنى طاجن فرن او صينية بايركس بالسمنة،نضع طبقة من لسان العصفور و نسويها بالمعلقة وبعدين نضع طبقة من العصاج عليها ثم طبقة من لسان العصفور (ولو عندك لسة متبقى ممكن تكملى كمان طبقة من كل نوع ضعى على الوجة طبقة خفيفة من العصاج بالصلصة ورشة جبنة مبشورة
ودخليها الفرن يا دوب حتحمر لان كل المقادير مستوية وبالهنا والشفا

فخدة فى الفرن
فخذة ضانى- 2 ملعقة كبيرة صلصة طماطم- ملعقة كبيرة بهارات لحم+2ملعقة كبيرة خل- ملعقة صغيرة فلفل أسود- ملعقةكبيرة ملح 5- فصوص ثوم صحيحة – بصلة كبيرة مقطعة حلقات 2 ملعقة كبيرة زيت او سمنة
الطريقة:
اغسلي الفخذة ونشفيها،اعملي بعض الخروم بالسكينة فى لحم الفخذة، ضعي في طبق الملح و الفلفل – و البهارات – و الخل – و اخلطيها جيدا ،ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس ،نضع الزيت او السمن فى صينية كبيرة على النار ونحمر فيها البصل ،نضع الفخدة فى السمنة ونقلبها كويس فيها لحد ما تحمر من جميع الجهات، نتركها على النار ونغطيها مع اضافة الماء كلما احتاجت الى ان تستوى تلت ارباع سوى، غطى الصينية بورق الألمنيوم،و ضعيها فى الفرن ،لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم علشان وشها يحمر و بالهنا و الشفا

طاجن اللحمة بالبصل ((فى الفرن))
المقادير:
1/2 كيلو لحمة .+عصير طماطم.+3 بصلات مقطعين شرائح تخينة.+ملح ، فلفل.1 معلقة سمن.
الطريقة:
نسلق اللحمة نص سلقة.نضع البصل فى الطاجن وعلية اللحمة ومعلقة سمن.ثم نضع عصير الطاماطم حتى يعطى الطاجن كلة . يوضع فى الفرن الى ان تنضج اللحمة .

الكوارع
أهم حاجه نضافتها وغسيلها .. وبعد كده إدعكيها بشوية دقيق وملح ونص كوب خل .. وسيبيها متبله بيهم فتره في التلاجه وبعد كده أشطفيهم كويس ،حطيهم في حله فيها ميه مغليه .. وسيبيها تاخد غلوه واحده علي النار ..وأرفعيها وأشطفيها تاني هاتي حله نضيفه حطي فيها قطعة زبده صغيره علشان تسيحي فيها فصين مستكه .حطي ميه سخنه علي المستكه وبعد ما تغلي ضعي الكوارع ..ضيفي بصله مقطعه أو مبشوره ونص ملعقه صغيره حبهان مطحون .. وملحي الشوربه أتركيها تستوي علي نار عاليه في الأول وبعد كده وطي النار لغاية ما تتم سواها

الكوارع بالخل و البقدونس
المقادير:
عدد 2 كوارع+3 لتر ماء+بصلة – جزرة+ملح – فلفل – 5 وحدات فلفل اسود صحيح+2 معلقة كبيرة زيت+2 معلقة كبيرة خل+معلقة صغيرة بقدونس +معلقة صغيرة بصل مفروم
الطريقة:
نسلق الكوارع فى الماء مع البصلة والجزرة و الملح والفلفل لحد ما تستوى تماما، نشيل اللحم من العضم ونسيب اللحم لحد ما يبرد، نخلط الزيت مع الخل مع البصل المفروم مع البقدونس مع بعض ،ونضعها على اللحم البارد ونقلبها ونسيبها حوالى نص ساعة بس كل شوية تقلبيها تقليبة مع التتبيله شيليها من التتبيلة وضعيها فى طبق التقديم مع شرايح الطماطم و الليمون

الكوارع بالدمعة
المقادير:
2 كوارع مسلوقة+كوب من شوربة سلق الكوارع+ربع كيلو طماطم متصفية+ملح – فلفل+معلقة كبيرة سمن+بصلة صغيرة مفرومة +معلقة كبيرة خل+5 فصوص ثوم
الطريقة
نضع السمن على النار ونحمر فية البصل ثم الثوم حتى يصفر،نضع الخل على البصل والثوم لحد ما يغلى ثم نضع الطماطم، ونتركها لحد ما تتسبك ثم نضع كوب شوربة الكوارع ونسيبها لحد ما تغلى ، شيلى من عضم الكوارع وضعية فى الدمعة على نار هادية لمدة ربع او ثلث ساعة وتغطيتها اثناء السوى رصصى الكوارع فى طبق التقديم وصبى عليها الدمعة ( الصلصة )

طاجن كوارع الضان على الطريقه المغربيه
المقادير:
مكونات خلطه البهارات
(1 حزمه كزبره - 1 ملعقه شاى كركم مطحون - 2 ملعقه شاى كمون مطحون - 1 ملعقه شاى كزبره مطحونه - 2/1 ملعقه شاى قرفه مطحونه - 1 ثمره فلفل احمر حار مجفف - 2 فص ثوم مفروم - 2 ملعقه مائده عسل )- 4/1 كوب زيت زيتون - 8 كوارع ضان - 3 بصلات مقطعه الى حلقات سميكه - ملعقتين سكر - 1 ملعقه مائده خل - 3 كوب مرقه - ليمون للتجميل - اوراق كزبره للتجميل.
الطريقة:
تمزج مكونات البهارات سويا فى الكبه حتى تصير عجينه متماسكه - نسخن 3 ملاعق زيت فى اناء تحمر الكوارع فوق نار عاليه وتنقل فى بايركس على النار نشوح البصل وننثر عليها السكر وتشوح على نار متوسطه 10 دقائق تضاف خلطه البهارات وتشوح على النار ثم نضيف الخل والمرقه ويترك الخليط على نار هادئه جدا 10 دقيقه نصب صوص البهارات على الكوارع وتدخل فرن مع تغطيتها مده ساعه تقلب الكوارع على الجهتين وتترك حتى تنضج تماما

كبيبه (تركى)
المقادير
1/2 كيلو برغل+2 بيضه +دقيق للعجن+ماء ساخن
الحشو:لحم مفروم معصج+بصله مخرطه+عين جمل أو زبيب (حسب الرغبة)+فلفل أخضر وأحمر مقطع صغير جدا
الطريقة:
يتم غسل البرغل جيدا وتصفيته ثم وضع حوالى كوب متوسط ماء ساخن ونتركه حوالى 1/4 ساعه حتى يتشرب الماء ،نضع البيض ونضع الدقيق (بدون مقدار حسب العجن حوالى 2 أو 3 ملاعق كبيره) ويتم العجن باليد جيداً مثل عجن (عجينة فطاير أو بيتزا)،ويتم عمل الخلطة نعضج اللحمة لوحدها ونأخذ البصله نحمرها حتى يصبح لونها دهبى ونرفعها من النار ونخلط عليها العصاج والفلفل والمكسرات ونقلبهم جيدا،يتم عمل وحدات من البرغل مثل لف الكبيبة العادية نأخذ كور فى حجم البيضه ونلفها من الداخل بالأصبع حتى نفتحها فتصبح مثل محشى الباذنجان بس صغير ومنفوخ (أرجو أن يكون الشرح واضح وبسيط) ويكون بجانب يدنا طبق به ماء نبل اليد به من وقت لآخر حتى لا يلصق باليد،نضع داخلها ملعقة من العصاج ونقفل ونلف بالماء فتصبح شكل بيضه كبيرة قليلا ولها بوز،نضع ماء يغلى ونضع به ملح وزيت ونسلق به وحدات الكبيبه لمدة عشر دقائق ولكن فى حله واسعة حتى لا يلتصق ببعضه أو يفتح،وبعد ان نخرجه ما الماء نضعه فى مصفاه ثم يتم تحميره فى زيد ساخن فيصبح لونه دهبى ويرص فى طبق التقديم

طريقة سريعة للكبدة
المقادير:
1/2 ك كبدة +2 طماطم متوسطة+4 او 5 فصوص ثوم+1 م ك سمن، او زيت لو بتحبيها بزيت+ملح و فلفل اسود
الطريقة:
قطعي الكبدة مكعبات صغيرة. قطعي الطماطم م


عدل سابقا من قبل قطرة ندى في الأحد 08 نوفمبر 2009, 2:37 am عدل 1 مرات
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:25 am

ثانيا (( قســــم الطيـــــــور))

الحمام المحشى
المقادير:
حمام بعدد افراد الاسرة او حسب الرغبة .كوب أرز _ أو حسب عدد الحمام -ملعقة صغيرة فلفل أسود -ملعقة صغيرة ملح _ بهارات _ ملعقة كبيرة كمون -الكبد والقوانص بتاعة الحمام (بعد تقطيعهم لقطع صغيرة)- بصلة كبيرة أو بصلتين متوسطتي الحجم-ورق لورا _ 2 فص حبهان _ 2 فص مستكة _ 2 ملعقة كبيرة سمنة
الطريقة:
قومي بخلط البصل مع الملح والبهار والكمون والفلفل الأسود - قومي بإضافة الكبد والقوانص المقطعين إلى الخليط -اغسلي الأرز - ضعي الخليط كله على الأرز مع السمنة و اخلطية كويس - أبدأي بحشو الحمام واحدة واحدة من الأسفل ومن عند الرقبة فوق (بشرط انك ما تمليش الحمامة بالحشو لأن الأرز يينفش وبيذيد فى الماء اثناء السلق - اقفلى الحمام المحشي بوضع الرجلين فى الفتحة اللى تحت او خيطية بابرة و فتلة)- ضعي الحمام في ماءمغلى وبصلة صغيرة وأوراق اللورا و ملح و كمون. مع ملاحظة ان تكون الحلة كبيرة عشان لو الحلة صغيرة على الحمام ممكن رجلين الحمام يقطع الحمام اللى جنبه على النار-بعد ما يستوى نص سوا بنشيلة من الشوربة و نشوحة فى حلة تانية فيها ملعقة سمنة و الحبهان و المستكة ثم نصب عليهم الشوربه لحد ما الحمام يستوى -بعد السوى تشيلية بالراحة فى طبق لحد ما يبرد-ثم تحمرية فى مقلاية بها زيت و سمن

الارانب البانية
المقادير:
ارنب مقطع و مدعوك جيدا بالدقيق ثم يغسل جيدا بالماء _ بصله متوسطة _ملح و فلفل ناعم_2 فص مستكة و 2 فص حبهان _2 بيضة _بقسماط ناعم _زيت للقلى
الطريقة:
*ضعى ماء فى حلة مضاف له ملح و بعد ان يغلى الماء ضعى الارنب فى الحلة حتى تغلى الماء غلوة .نشيل الا رنب من الماء ونكب هذا الماء فى الحوض لانه بيكون زفر .نضع حلة على النار بها ملعقة سمن و2 فص مستكة و 2 فص حبهان لمدة ثانية و ريحتهم حتطلع اضع الارنب يادوب تشويحة ثم اصب علية ماء مغلى نظيف وبه بصلة مقطعه نصين و ملح و نتركة حتى يستوى و ذ لك بوضع بوز السكينة او شوكة اذا كان لحمه جامد يبقى لسه سيبيه لحد لما تلا قى لحمة طرى يعنى استوىطلعى الارنب من الشوربة وحطية فى طبق لحد ما يبرد خالص اضربى البيضتين كويس بالشوكة مع اضافة زرة ملح و فلفل اسود ناعم ضعى قطع اللا رنب فى البيض قطعة قطعة ثم على طول فى البقسماط *بعد ما تخلصى الكمية سخنى لزيت على النار ثم ضعى القطع الى ان يتحمر الوجه اقلبى بالشوكة على الوجه التانى يحمر برضه و بعدين تشيلية على ورق خاص بامتصاص الذائد من المادة الدهنية

كفتة الفـراخ
المقادير:
فرخة مسلوقة تقطع قطع صغيرة _حبة بطاطس كبيرة مسلوقة _بصلة متوسطة _3 فصوص ثوم _حزمة بقدونس _2بيضة _ملح – فلفل اسود ناعم _بقسماط _زيت للقلى .
الطريقة
تسلق الفرخة و تخلى تماما من العظم - تقطع قطع صغيرة تخلط جميع المقادير معاً جيداً فى الكبة- نبل ا يدينا بالماء حتى لا تلتصق بها العجينة اثناء العمل و نأخذ من خليط الفر خة المضروبة فى الكبة و نشكلها اصابع او اقراص مثل البورجر - نضع الأقراص فى البقسماط مباشرة بدون بيض لأن الكفتة بها بيض ثم نقليها فى الزيت و لما تحمر نشيلها على ورق ماص للمادة الدهنية

صينية دجاج بالخضار فى الفرن
المقادير:
فرخة مغسولة بالدقيق والملح ثم بالماء كويس _ عدد 3 حبات بطاطس _3 حبات بصل _ 3 حبات فلفل رومى _ملح _فلفل اسود ناعم _كمون _بهارات فراخ _كزبرة ناشفة _زيت
الطريقة:
قطعى البطاطس و البصل و الفلفل الرومى حلقات متوسطة ..اخلطى الملح و الفلفل و البهارات و الكمون و الكزبرة ..مع بعض ثم حطيهم على الفرخة و افضلى قلبيهم مع بعض كويس .. هاتى الصينية و ادهنيها كويس زيت ثم حطى شوية خضار ثم رصصى اجزاء الفراخ ثم ضعى باقى الخضار وو ضبى الخليط كدة بأيدك ثم ضعى حوالى 2 ملعقة زيت غطى الصينية بورق فويل و دخليها الفرن حوالى 1 ساعه او ازيد نص ساعة لحد ما تبصى عليها و تنغزى الفراخ بالسكينة تلا قيها استوت شيلى الفويل وسيبيها 5 دقايق يادوب تاخد لون من فوق و حيكون فيها شويه صوص

الدجاج البروست
المقادير:
دجاجة +بصل- ملح و قلقل و بهارات- ليمون- خل+دقيق+زيت للقلي
الطريقة:
نقطع الدجاجة 8 قطع و نعمل شقوق بالسكينة في كل قطعة نضرب البصل في الخلاط و نضيف له التوابل و الليمون و الخل ثم نتبل الدجاج و نحاول نضع التتبيلة في الشقوق اللي عملناها. نترك الدجاج المتبل في الثلاجة يوم كامل (كل ما تركت أطول كل ما شربت من التتبيلة اكتر و أنا مرة تبلتها و تركتها في الديب فريزر اسبوع و بعدين عملتها و كانت روعة!!) نضع الزيت الغزير على النار حتى يسخن و بعدين نغمس كل قطعة دجاج في الدقيق (بدون بيض) ثم نقلي القطع على نار متوسطة (لأنها لو حامية الدجاج يستوي من الخارج و ميستويش حلو من جوة و لو هادية حتاخد وقت كتير قوي انتي اتحكمي في النار احسن) تخرج ذهبية اللون و نضعها على مناديل ورقية لتمتص الزيت ثم تقدم مع السلطات و الخبز او المكرونة

الشيش طاووق
التتبيلة عبارة عن:
عصير ليمونة كبيرة _5 فصوص ثوم مقشرين و مهروسين _ نصف ملعقة صغيرة زنجبيل بودرة ملح و فلفل _ 2ملعقة كبيرة صلصة طماطم _ 2 ملعقة كبيرة زيت +صدور دجاج مخلية ( فيلية ) حسب عددكم . تقطعيهم مكعبات متساوية مقاس واحد
الطريقة:
تخلطى التتبيلة كلها و تحطيها على الدجاج و تسبيها فى التتبيلة مش اقل من 2 ساعات و ياريت لو تسيبيها طول الليل بعد كدة تدخلى قطع الدجاج فى العيدان و بين كل قطعتين قطعة بصل و قطعة فلفل رومى و قطعة طماطم و يا اما تشويهم على الشواية او تضعى فى مقلاية تيفال نقطتين ثلاثة زيت و تسويهم على الهادى قوى لحد ما يحمروا

الفراخ البانية
المقادير:
صدور فراخ مخلية __ ملح و فلفل _2بيضة مضروبة بالشوكة مع 1/2 كوب حليب _ بقسماط ناعم _ دقيق .
الطريقة:
تبلى الصدور باملح و الفلفل ثم ضعيها الاول فى الدقيق ثم تشيليها و تحطيها فى خليط البيض ثم فى البقسماط و تحطيهم جنب بعض فى طبق لحد ما تخلصى المقدار كلة و تسيبيه شوية بتاع 10 دقائق المهم فى مقلاية تضعى مقدار متساوى من السمن و الذيت لحد مايسخن ثم احمر الصدور عادى على الوشين بس تكون النار متوسطة .. لانها لو النار عالية حيتحرق الغلاف بسرعة و لو النار واطية ح تتشال الطبقة الخارجية و تسيب الصدور. فعلشان كدة خليها متوسطة و بعد ما يبقى لونها دهبى حلو تشيليها على الورق الماص المخصوص

فراخ بانية ( مطعم لارين )
نص كيلو صدور _2 كوب حليب _ملعقة بهارات _ملح _فلفل _2 ملعقة خل _ملعقة زيت زيتون _فصين ثوم
الطريقة :
يقلب المقدار جيدا ثم توضع فيها الفراخ وتترك ( كلما زادت مدة النقع تعطيها طراوة و طعم مميز .نجهز الغطاء الخارجى:كوب دقيق + كوب بقسماط ناعم + رشة ملح +رشة فلفل +ملعقة بهارات .ناخد شريحة من الفراخ و نضعها فى خليط الدقيق على طول ( بدون بيض ) و نحمرها فى زيت غزير الى ان تصبح زهبية اللون ,.

الفاهيتا
المقادير:
4 فلفلات رومى كبيرة _ 4 طماطماية كبيرة _ 2 معلقة كبيرة ذبادى _ 5 فصوص ثوم _ 1معلقة صغيرة كارى _ 1 بصلة كبيرة _ 2 معلقة خل _ ملح وفلفل +صدور فراخ مقطعة مكعبات مش صغيرة
الطريقة
تعمل بنفس طريقة الشاورما ماعدا( الفلفل و الطماطم )فى مقلاية تيفال كبيرة نضع قليل من الذيت ثم نرصص الفراخ الا ول داير مايدور المقلاية فى الطرف خالص ثم وراها على طول ترصصى الفلفل المقطع داير مايدور ثم نرصص الطماطم ورا الفلفل داير ما يدور فخلى بالك حيفضل فية مكان فاضى فى منتصف المقلاية نترك كلة لحد ما كلة يسخن و ينزل مايتة وطبعا كل واحد حيستوى و يشرب من ماء التانى اللى جانبه فحيبقى الطعم رائع المهم لما يشربوا الماء اللى حينزل خالص فى المنتصف فى الحتة اللى فاضية نطش الخل حيطلع دخان ثم نقلبهم بسرعة مرتين مع بعض و نطفى و نعمل السندوتشات
ملحوظة : مهمة قوى طريقة ترتيب المقلاية يعنى مش بنحط كلة على بعضة لآلآلآ ودة سر برضة

طاجن الحمام بالفريك
المقادير:
حمام مسلوق +الشوربة المتخلفة من سلق الحمام +سمن +كوب فريك
الطريقة :
طبعا حتكونى غسلة الفريك كويس .. تجيبى حلة صغيرة و تحطى فيها السمن و تحمرية شوية لحد ما تحسى ان كله اتبل بالسمنة
تروحى طشة علية شوربة الحمام و تسيبيةيغلى يعنى حوالى 10 دقائق ملحوظة ( لكل كوب فريك 2 كوب شوربة الحمام) و طبعا تظبطى الطعم هاتى طاجن فخار و ادهنية بالسمن وبعدين حطى نص مقدار الفريك فى الطاجن وروحى مرصصة الحمام بالراحة جنب بعض على الفريك حطى باقى مقدار الفريك فوق الحمام و افرشية علية كويس غطى الطاجن بورقة فويل و دخلية الفرن بس الفرن يكون متوسط خالص لحد ما يستوى و ذلك بانك تخدى شوية على طرف المعلقة تدوقية الاول سيحى على النار معلقتين سمن و خليهم يتقدحوا وبعدين صبيها على وش الطاجن دخلية تانى الفرن لحد ما بحمر وش الطاجن و حيبقى شكلة شهى

الحمام بالفريك ( طريقة أخرى)
مقادير:
لكل زوج حمام أستعمل كوب فريك منقوع نص ساعه+ ملعقه كبيره بصل مبشورومتبل بالملح والفلفل والبهارات + بقدونس مفري ونعناع
الطريقه : أضع في حله ملعقة زيت ذره وأشوح فيها الفريك والبصل وبعد كده أحط نص كوب ميه وأسيبها تستوي نص سوا وأضيف البقدونس والنعناع
أتبل الحمام ببصله مبشوره وملح وفلفل ..
أحشي الحمام بالفريك وبين الجلد والرقبه ولا أترك فراغ لأن الفريك مش هيزيد
ألف بالفويل كل واحده لوحدهاوأقفل عليها كويس
أرص الحمام ملاصق لبعضه في صينيه فيها شوية ميه وأدخلها الفرن حرارته فوق المتوسط لمدة ساعه
النتيجه رائعه .. حمام متحمر ومستوي وفي نفس الوقت سهل وخفيف ومناسب في العزايم
شرط نجاح الحمام حاجتين الاولى لازم تحطية اثناء السوى فى حلة كبيرة علشان لما الشوربة بتغلى الحمام بيتحرك فرجلية بتدخل فىالحمام اللى جنبة و بيقطعة فبيتشرم و يخرج الارز . تانى حاجة ما تمليهوش بالخلطة لانة بينفش و بيقطع الجلد لانة رقيق قوى يعنى بعد ما تحشى الحمامة بالارز امشى بايدك عليها خرجى الذيادة من فوق من عند الرقبة

الحمام الكولبست
المقادير:
الحمام العدد اللى انتى عيزاة _ ملح _ فلفل _ كمون _ سمن _ 2 بصلة كبيرة ._ليمونة كبيرة
الطريقة:
بعد غسل الحمام كويس نفتحة من ظهره بالطول بالسكينة نحضر مقلاية او صينية و نضعها على النار و نضع السمن نقطع البصل شرايح تخينة و نحمرها فى الزيت لحد لونها ما يبقى قريب للبنى نضع الحمام جنب بعض مع التوابل و نوطى النار حينزل شوية ماء نسيبه لما يشربها و يحمر فى السمن مع البصل و يبقى لونه بنى اضع قليل قليل من الماء لحد مايستوى خدى بالك ان الحمام حيستوى على طول مش حياخد وقت ولما تلاحظى انه خلاص على وشك بنعصر الليمون مع اخر رشة ماء و ننطفى النار بعد ما يستوى و نطلع الحمام بصوص خفيف مع البصل

البط
المقادير
عدد 3بصلات كبار+عدد 3 معالق كبيرة ارز+معلقة ملح صغيرة+ملعقة كبيرة كمون+نصف ملعقة صغيرة فلفل+2 ملعقة كبيرة سمن للحشو +سمن و زيت للتحمير للتشويح _ فصين مستكة _فصين حبهان .
الطريقة:
نضع حلة على النار فيها ماء و بصلة مقطوعة نصين و ملح و كمون لحد ما يغلي لعمل الحشوة:نخلط البصل بعد تقطيعه بالسكينة تقطيع كبير والارز والملح و الفلفل والكمون و السمن و الكبدة والقنصة المتقطعة صغير و ندعكهم كويس بايدنا نحشى البطة من الفتحة اللى تحت بالعرض بالخلطة بس ما املهاش قوى عشان الارز مايطلعش اخيط الفتحة بعد الحشو بخيط و فتلة نضع البطة في الحلة بعد ما غلي الماء لمدة ساعة او ساعة ونصف و بتعرفى السوى لما تنغزيها بالسكينة ما تطلعش دم و تلاقى لحمها طرى
حنشوحها زى ما عملنا قبل كدة فى الحمام و نطلعها من الشوربة و يا اما نحطها فى صينية و ندهن وش البطة بالسمن و ندخلها الفرن او نحمرها فى المقلاية بخليط من الزيت و السمن لحد ما تحمر

كوردن بلو
المقادير
نص كيلو صدور فراخ مخلية ( او حسب العدد المطلوب)+1.5ك دقيق _ 2 م ك نشا (كورن فلاور )+كوب و نص بقسماط _2 بيضة مضروبة بالشوكة +ملح _ فلفل _شرائح جبنة شيدر او جبنة موزاريلا +زيت للتحمير _ زيتون اسود او اخضر
الطريقة
تفتح صدور الدجاج بالطول بالسكينة بس ما تفصليهاش عن بعض يعنى تبقى ممسوكة من جنب واحد ،تفرد و توضع بين قطعتين من ورق البلاستك و تدق بالمدق بتاع البوفتيك حتى تصبح رفيعة. تتبل بالملح و الفلفل. تفرد كل شريحة دجاج على طبق مسطح. نضع شريحة جبن على نصف شريحة الدجاج ثم زيتون اسود ثم شريحة جبن أخرى. يقفل نصف شريحة الدجاج الآخر فوقهم يعنى كانك حشينى سندويتش و يضغط عليه عشان نتاكد انه اتقفل كويس. تكررنفس العملية مع باقي شرائح الدجاج. يوضع البيض المخفوق فى طبق. و نخلط الدقيق و النشا فى طبق لوحدهم و يوضع البقسماط فى طبق أخر. تمزج كل شريحة دجاج بالدقيق مع الضغط باليد لتلصق جيدا. ثم نضعه فى البيض المخفوق ثم فى البقسماط مع الضغط جيدا باليد. رصى بقى الدجاج بعد ما خلص و حطية حوالى نص ساعة فى الثلاجة .يسخن الزيت فى مقلاية كبيرة ثم يحمر الدجاج (الكوردون بلو) على الجانبين حتى يصبح ذهبى اللون. ليكى حرية الاختيار فى الحشو يعنى ممكن شريحة سلامى مع الجبنة و الزيتون وممكن بصل و فلفل رومى مع الجبنة و ممكن شرائح سوسبس.
سر فى عمل الكوردن بلو ..
علشان تخلية واسع من جوة ويطلع مفرغ من جوة زى بتاع برة السر هو: الخلطة اللى بتحطيها جواة (الزبد والجبنة والبقدونس والتوم) اولا تخلطيها مع بعض لحد ما تبقى عجينة متماسكة ..وبعدين تشكليها صوابع بالتخن اللى انتى عاوزاة وتحطيعا على شريحة الدجاج وتبرمى بكدة الشرائح ها تديكى نفس شكل صوابع الحشو.....

اسكالوب كوردون بلو
المقادير:
شرائح بفتيك بتلو ( العدد حسب الرغبة )،للحشو :علبة عش الغراب ( مشروم ) +قطع لحم مدخن +بصلة مبشورة _شريحة جبن موزاريلا او جودة او شيدر _ملح _ فلفل _ بهارات ، للتغطية :بيضة مضروبة _ دقيق _ بقسماط ناعم_ زيت للقلى
الطريقة :
نتبل البفتيك بالملح و الفلفل و البهارات و عصير البصلة .نفرد البفتيك و ندقة كويس بالمدق المخصوص بتاع اللحمة (عشان ما يكلكعش ويفضل مفرود ) ثم نضع على كل شريحة بفتيك شريحة لحم مدخن و عليها شريحة الجبنة و عليها شرائح المشروم ثم نضع عليهم شريحة تانية فوقهم من البفتيك ( يعنى كاننا بنغطيها ) ندق بقى على طروف البفتيك بالمدق علشان البفتيكة اللى فوق و البفتيكة اللى تحت يلزقوا فى بعض نضع قطعة البفتيك فى الدقيق من الناحيتين و بعدين تحطيها فى البيض و بعدين فى البقسماط نحمر البفتيك فى زيت غزير على نار هادية علشان يستوى

روستو الدجاج المخلى المحشو
المقادير
دجاجة كبيرة، حوالى 2 كيلوجرام أو أكثر +الحشوة +ربع كيلو لحمة مفرومة +بصلة كبيرة مبشورة +5 فصوص ثوم مفرومين
ملعقة كبيرة بقدونس مقطع صغير قوى +ملعقة صغيرة ملح _فلفل اسود+نصف ملعقة صغيرة من جنزبيل _ وجوزة الطيب_ وبهارات مطحونين+رشة قرفة +ملعقة سمن كبيرة +2-3 ملاعق كبيرة سمن، لدهان وش الفرخة من برة +قطعة ورق مفضض فويل تكفى لتلف بها الدجاجة
الطريقة:
تقطع الفرخة من الضهر بالطول و نخليها من العضم مع الإبقاء عليها قطعة واحدة كاملة ومفرودة. ( ممكن الفرارجى يعملهالك و انتى واقفة)تعجن مقادير الحشوة كلها مع بعض و تحطيهم فى وسط الدجاجة المفرودة و بعدين تلفى الدجاجة على الحشو كويس و تخيطى الفرخة ادهنى الدجاجة بالسمن وملح وفلفل و بهارات،وتلفيها كويس بالورق الفويل. وتوضع فى طبق بايركس او صينية
دخليها فى فرن حار لمدة ساعة. اطفى الفرن وشغلى الشواية على الدرجة الهادئة، وافتحى الورق من على وجه الدجاجة حتى تحمر (حوالى نصف ساعة) او لو مفيش شواية خليها فى الفرن و افتحى الورق من على وجة الدجاجة لحد ما تحمر برضة
طريقةالتقديم: بعد ما تبرد تقطع حلقات بسمك حوالى 2 سم، زى حلقات السويسرول بس بسكينة تكون حامية عندما تبرد تماما
ملحوظة: ممكن تحشيها بدل الحشوة السابقة بتشكيلة من الخضروات .

صينية الفراخ بالزبادى
المقادير:
فرخة نظيفة و مغسولة و مفتوحة من الظهر بالسكينة بالطول ملح ، فلفل ، بهارات ، عصير ليمونة ، 3 فص ثوم مهروس ، معلقة خل ابيض ، 2 زبادى صغير جهينة او اى نوع عندك ( ولوعندك بودرة ثوم ، و بودرة بصل يبقى تمام تحطى ربع معلقة من كل نوع ) معلقة زيت كبيرة
الطريقة :
اضربى الزبادى خفيف بالشوكة و حطى عليه كل المقادير ،ضعى كل الخليط على الفرخة و ادعكيها بيهم كويس ،ياريت لو تسبيها من بليل عادى فى الثلاجة او ممكن تسيبيها ساعتين بس وممكن تعمليها على طول،ممكن تشويها على الشواية و ممكن تحطيها فى صينية فى الفرن

الدجاج النجرسكو
المقادير:
دجاجة روستو +كيس مكرونة مسلوقة (نص كيلو)+3 معالق كبيرة جبنة رومى مبشورة +بشاميل (حوالى كوب )+معلقة زبدة للوجة
الطريقة :
قطعى الدجاجة الى اربع ارباع و شيلى منها العضم ،اسلقى كيس المكرونة فى ماء وملح عادى و اشطفيها و صفيها من الماء ، اخلطى المكرونة مع البشاميل كويس ،نضع قطع الدجاج فى صينية الفرن او صينية بايركس جنب بعض ،نضع عليها المكرونة اللى بالبشاميل ( يعنى غطى بيها الفراخ ) ،رشى الوش بالجبنة الرومى المبشورة و بعدين وزعى معلقة الزبدة ،دخليها الفرن

الدجاج الروستو
المقادير:
دجاجة +معلقتين زيت - معلقتين زبدة +ملح - فلفل - بصلة
الطريقة :
حتغسلى الفرخة عادى بالملح و الدقيق و تغسليها كويس تتبليها بالملح و الفلفل و عصير بصل ضعى الزيت و الزبدة على النار و شوحى فيهم الفرخة دخليها الفرن لحد ما تستوى 3/4 سوى وكدة حتكون جاهزة اننا نعمل بيها النيجرسكو

الفراخ المحشية
المقادير:
فرخة حوالى كيلو ونص+او فية فراخ مخصوصة للحشو+كوب ارز مصرى او ارز طويل الحبة+ملح – فلفل اسود – بهارات دجاج – كمون – اقل من ربع معلقة زنجبيل بودرة – معلقة خل – معلقة عصير ليمون – معلقة زيت زيتون - فص ثوم +صلة كبيرة - من ربع لنص كيلو لحمة مفرومة - خلة خشب او ابرة و فتلة +ورقة فويل
الطريقة
نغسل الدجاجة و نضفها بالطريقة العادية و نعمل بالسكينة فيها عدة شقوق عند الصدر- نخلط كل المقادير اللى باللون الاحمر مع بعض - ونتبل بيهم الفرخة كويس جدا بالدعك الجيد - نتركها فى التلاجة حوالى ساعتين عشان تمسك فيها التتبيلة ولحمها يشربها و تبقى طعمها احلى - نجهز الحشو : نغسل الارز و وننقعة لمدة نصف ساعه تقريباً - وفي هذا الأثناء نضع ماء يغلي بالملح.وإذا غلى الماء ضعي الأرز وسيبية يطبخ لحد ما يبقى نص سوى بس أهم حاجة مايكونش مستوى تماماً - ثم تقومي بتصفيته بالمصفاة وتتركيه جانباً-نحمي قليل من زيت في المقلاية ثم نضع البصلة المبشورة لحد ما تزبل وحتى يصبح لونها ذهبي تضيفي اللحم المفروم وبعد تغير لون اللحم تضعي البهارات والملح وتتركيه حتى يستوى و يتعصج اللحم وتضيفي ورقة واحدة غار و تقلبيى كلة .الآن جهز اللحم - ضعي عليه الأرز وحركيهم مع بعض وبكدة تكون الحشوة جاهزة والآن تحشي الفرخةو تحاولي تمليها تماماً - ثم تغلقيها أو تخيطيها حسب ماانتى عاوزة وتضعيها في الصينية ثم تدخليها في الفرن و تغطى وش الصينية بورقة فويل على درجة 180 يعنى متوسط الحرارة لمدة من ساعة و نص لساعتان - وممكن تحطى تشكيلة من الخضروات فى قاع الصينية تحت و حوالين الفرخى (بطاطس – بسلة – جزر) - وممكن تحطى الفرخة فى كيس حرارى و تخرمية بالشوكة كام خرم و ترششية الاول رشة دقيق و بعدين تقفلية بالرباط المخصوص بتاعة و تحطية فى صينية فى الفرن
ملحوظة: خلى بالك اثناء سلق الارز نص سلقة ان الارز المصرى بيستوى بسرعة اسرع من الامريكى او البسمتى - بعد ماتستوى الفرخة تشيلى الورقة الفويل من عليها و تدخليها تانى الفرن عشان وشها يحمر و بالهنا و الشفا

طريقة عمل المرتديللا
المقادير:
1 كيلو صدور دجاج +حوالي نصف كوب زيتون أسود وأخضر قطع صغيره ( إختياري )+2 ملعقه كبيره توم مفروم+ملح وفلفل أ سود وبهارات
الطريقه
نفرم الدجاج مع التوم والملح والفلفل والبهارات ..مرتين بالمفرمه ،نعجن ونضيف الزيتون للعجن نشكل العجينه كأسطوانه ونلفها بورق الفويل نسلق الأسطوانه الملفوفه في ماء مغلي مضاف إليه ملح وفلفل و بصله مقطعه وفصين مستكه وحبهان وربع كوب خل نتركها علي نار متوسطه حوالي ساعه ننزع ورق الفويل عنها وننشفها من الماء بورق المطبخ نعيد لفها بالفويل ونتركها في التلاجه لحفظها عمل مرتديللا اللحم بنفس الطريقة نستبدل كيلو الدجاج بكيلو لحم أحمر مفروم

الدجاج بصلصه الصويا
المقادير:
فرخة +بصله مبشوره +مقدار من الملح +مقدرا من الفلفل +والقليل من الخل
الطريقة:
أولا بعد تنظيف قطع الدجاج وتقطيعها يعني فصل الاوراك عن الصدور ثم نقوم بتتبيل قطع الدجاج بها ونضعهم في حلة الضغط الباخاري أو البرستوا ونقوم بإشعال النار عليها من دون أن نغطي الحله أو القدر الموقد على المنتصف يعني درجه حراره عاليه
المهم بعد أن تري بخار الماء يتصاعد قومي بإضافه صلصه الصويا على الدجاج على كل قطعه على حدا ثم أغلقي الحله وإتركيها على نار هادئه جدا لمده ربع ساعه ثم زيدي من درجه الحراره لمده ربع ساعه أخرى المهم الى أن تتبخر كميه المياه التي تنزل من الدجاجه كلها ولا يتبقى الى القليل من الماء ارفعيها وضعيها في صينيه وضعي ماءها عليها واتركيه افي الفرن في الشوايه الي ان تحمر واجهتها وانعمي بطعم رائع للدجاج

الفراخ بالمايونيز
المقادير:
فرخة مسلوقة+تقريبا نص كوب مايونيز او كوب حسب حجم الفرخة+بصلة متوسطة
الطريقة
بعد ما تسلقى الفرخة و تطلعيها من الحلة و تسبيها تبرد، اخليها من العضم ،ويا اما تقطعبها قطع صغيرة (يعنى تنسليها)،يا اما تقطعى مثلا الصدر على اتنين و الورك على اتنين ،ابشرى البصلة و حطيها على الفراخ واخلطيهم وبعدين حطى نص المايونيز معاهم و اخلطيهم وقدميها فى الطبق مع شرايح طماطم و شرايح ليمون وممكن شوية بقدونس مفرومين بالسكينة

الديك الرومي
المقادير:
ديك رومي وزن من 4الي 6 كيلو+ربع كيلو لحمه مفرومه أو مقطعه بسكين إلي قطع صغيره+كوب من الصنوبر علي لوز (محمر)+بصله مبشوره+3 كوب رز+ملح - فلفل أسود - بهار – قرفه+ملعقه كبيره صلصه + ملعقه كبيره زبده
الطريقه
نتبل الديك الرومي بالملح والفلفل والبهار وعصير برتقاله ونتركه في التلاجه لتاني يوم نضع ملعقة سكر في كسروله علي النار إلي أن تسيح ويتغير لونها للون البني الفاتح .. نضيف عليها 3 كوب ماء أو شوربه + ملح وفلفل أسود وبهار وقرفه لنستعملها في تسوية الرز ، نقلي اللحمه المفرومه بالزبده ونتبلها بالملح والفلفل والبهار .. نضيف الصنوبر واللوز المقلي نحمر الرز بربع كوب زيت علي سمن .. ونضيف له اللحمه المفرومه مع المكسرات ..ونقلب نضع الشوربه .. ونتركه علي النار حتي يتشرب .. ونسويه نصف تسويه نسلق الديك الرومي في حله واسعه نصف تسويه أيضا ..مع إضافة المستكه والحبهان ثم نرفعه من الشوربه ونتركه يبرد قليلا ..نتبله ببصله مبشوره ومدعوكه بالملح والفلفل والبهار نحشي الديك الرومي بالرز ثم ندهنه بملعقة صلصه عليها ملعقة زبده ..نلفه بورق ألمنيوم ندخله فرن ساخن حوالي ساعتين حتي يتم تسويته بالكامل ويكتسب اللون الوردي الجميل يوضع في سرفيس ونضع تحته فرشه من الرز بالخلطه والمكسرات المحمره ممكن حشو الديك الرومي بدون سلقه ولفه بورق ألمنيوم .. ووضعه في الفرن .. في الحاله دي ممكن يستوي .. لكن لحمه بينشف شويه .. وخصوصا لو كان من النوع البلدي

صينية الفراخ بالكاتشب
المقادير:
فرخة حوالى كيلو ونص+3 بصلات متوسطة شرائح+4 معالق كبيرة كاتشب+نص ليمونة كبيرة +معلقة خل – ملح – فلفل – زيت – بهارات – فصين ثوم
الطريقة
نغسل الفرخة و نقطعها من ضهرها بالطول بالسكينة ندعك الفرخة بالملح والفلفل والبهارات والثوم والليمون والخل ونتركها ساعة فى التتبيلة بعد ساعة نشيلها من التتبيلة وندهنها بالكاتشب بالفرشاة كويس ندهن صينية بالزيت ونضع فيها الفرخة ونضع عليها معلقة زيت ونغطيها بورقة فويل وندخلها فرن متوسط الحرارة لحد ما تستوى وبعدين نشيل الورقة ونخليها تحمر

الاجنحة بالسمسم
المقادير:
اجنحة متجمعة او كيلو اجنحة+معلقة طحينة+ربع كوب سمسم+بصلة مبشورة+ملح و فلفل و ربع معلقة بودرة زنجبيل+بيضة
بقسماط ناعم
الطريقة
اغسلى الاجنحة و شيلى الجزء الرفيع اللى فيها اخلطى الطحينة و البصلة و الملح ضعى كل البهارات على الاجنحة وادعكيها كويس ضعى خليط الطحينة على الاجنحة وسيبيها ساعتين ثلاثة ضعى السمسم على البقسماط واخلطيهم شيلى الاجنحة من التتبيلة وحطيها فى البيض المضروب ثم فى البقسماط ضعى الزيت على النار لحد ما يسخن حمرى فية الاجنحة وطلعيها على ورق ماص الدهون

قالب الاجنحة
المقادير:
كيلو اجنحة+3 بصلات كبيرة +نص كوب عصير ليمون+3 معلقة كبيرة خل+3 معالق زيت زيتون+فصين ثوم مهروسين+ملح و فلفل و معلقة بودرة فلفل احمر و بهارات فراخ+معلقتين زيت
الطريقة:
اغسلى الاجنحة و شيلى الجزء الرفيع اللى فيها تبليها بالملح و البهارات و الخل وعصير الليمون لمدة ساعتين ثلاثة نضع معلقتين الزيت على النار يسخنوا نحمر البصل و الثوم ثم نضع الاجنحة يتحمروا ونسيبهم على النار حوالى ربع ساعة ضعى الاجنحة فى طبق بايركس ونضع زيت الزيتون عليهم و معلقة بودرة الفلفل الاحمر غطيها بورق فويل ودخليها الفرن حوالى ربع ساعة

طرق لعمل الدجاج البروستيد
الطريقة الاولى:
المقادير:
دجاج على حسب الرغبة(من ناحية الكمية)+2 مكعب ماجي وممكن أكثر تبعا للكمية المعدة نذوبها في ماء ساخن+دقيق.بيض.بقسماط
الطريقة:
نغسل الدجاج ونفركه بالدقيق والملح ونشطفه(الغرض ازالة الزفر)-نقطعة اوصال(صدر -فخذ-.....)-نسلقه على النار.-نغمسه في الماجي حتى يتشبع بالنكهة- نغمسه في الدقيق ثم البيض ثم البقسماط.......ونقليه في زيت غزير وحار حتى يحمر

الطريقة الثانية
المقادير:
2 دجاجة مقطعة أربع أو ثمان أجزاء، للنقع:3 بيض+1 علبة حليب مركز ( مبخر)+1 مكعب ماجي مذاب في قليل من الماء الحار+3 فص ثوم مهروس+فلفل أسود ناعم ( قليل)+ملح +2/1 ملعقة صغيرة بايكنج باودر
للتغليف:دقيق أبيض + ذرة ملح + ذرة بهار +زيت عميق للقلي
الطريقة
نضع قطع الدجاج في وعاء -- نخلط مقادير النقع في الخلاط ثم نصبها على قطع الدجاج ونتركها 10 دقائق أو أكثر- في كيس نايلون نخلط الدقيق والملح والبهار - نرفع قطع الدجاج من السائل ونضعها في كيس الدقيق - نرج كيس الدقيق حتى تتغطى قطع الدجاج بالدقيق نرفع قطع الدجاج من الدقيق ونضعها في الزيت الحار
الطريقة الثالثة
دجاج مقطع ينقع في طاسة فيها ماء مع ملعقة كبيرة ملح لكل دجاجة ملعقة كبيرة ملح والماء يغطي الدجاجة وتترك في الثلاجة لمدة ساعتين بعد ذلك نصفيها من الماء ثم نغمسها في البيض المخفوق ونغلفها بخلطة البروست من كنور الحراق ماركة ونقليها في الزيت لمدة عشر دقائق وتذوقي البروستد المقرمش الحار اللذيذ.

فراخ بالطماطم والزيتون الاخضر
المقادير:
فرخة نضيفة ومقطعة ارباع+2 معلقة زبدة+3 معالق صلصة طماطم مخلوطة بكوب ماء+بصلة كبيرة مفرومة+معلقة مستردة
ملح وفلفل +3 معالق كبيرة زيتون اخضر+2 طماطم مقطعة ارباع صغيرة+2 فلفلة خضراء مقطعة ارباع صغيرة
الطريقة
حمرى فى معلقة زبدة ارباع الفراخ لحد ما تخليها دهبى اضع الفراخ بعد التحمير فى طبق فرن ،فى معلقة الزبدة التانية احمر البصل لحد ما يصفر ثم اضع الفلفل واقلبهم ثوانى اضع الطماطم و الزيتون و المستردة ثم كوب الصلصة وملح وفلفل لمدة 5 دقائق ثم اصب الخليط على وش الفراخ اغطى الصينية بورق فويل واضعة فى الفرن لمدة ساعة ونص لحد ما تستوى الفراخ ويحمر الوش

الفراخ بالكسبرة الخضراء
المقادير:
فرخة حوالى كيلو ونص+1/2 كوب زيت+3 بصلات كبيرة+1/4 كوب عصير ليمون+1/4 كوب خل+3 معالق زبدة+1/2 كوب كسبرة خضراء+ملح – فلفل – معلقة بهارات فراخ+معلقة زعتر
الطريقة
نقطع الفرخة الى اربع ارباع نتبل الفرخة بالخل و الزعتر و الملح والفلفل والبهارات ونتركها من نص ساعة لساعة نضع الزيت على النار يسخن و نحمر فية الفراخ نضع الزبدة على النار تدوب ونضع عليها الكسبرة و البصل المفروم و عصير الليمون ونتركهم حوالى ربع ساعة نضع الفراخ فى طبق فرن و نصب عليها الخلطة اللى عملناها وندخلها فرن متوسط الحرارة حوالى نص ساعة

فراخ مشوية بالجنزبيل
المقادير:
فرخة حوالى كيلو ونص+2 فص توم مهروسين+نص معلقة جنزبيل بودرة+نص كوب زبادى+ربع كوب زيت زيتون+نص معلقة صغيرة زعتر مطحون+ملح
الطريقة
نقطع الفرخة من الضهر بالسكينة بالطول ونعمل اخرام فى لحم الدجاجة نتبلها بالزبادى والثوم و الزعتر و الجنزبيل و الملح وزيت الزيتون وندعكها كويس بالتتبيلة ونتركها من بليل للصبح او لمدة لاتقل عن ساعتين نضع الفرخة فى الشواية او على حديدة الفرن وتشوى

أصابع او كرات او اقراص الديك الرومى المقليه
المقادير:
نص كيلو صدر ديك رومى+ بصلة مفرومة+معلقة كبيرة كسبرة خضراء مفرومة+كوب عيش فينو مفروم فى الكبة+2 معلقة زيت زيتون+نص معلقة صغيرة جنزبيل بودرة+ ملح وفلفل ابيض +زيت للتحمير
الطريقة:
نقطع صدر الديك الى قطع متوسطة نضع البصله على قطع صدر الديك و الثوم والكسبرة و العيش المفروم والملح و الفلفل و الجنزبيل ونخلطهم وبعدين نحطهم فى المفرمة لحد ما تنعم خالص يعنى افرميها مرتين ورا بعض شكلى المقدار اللى عندك على هيئة كور او اصابع او اقراص و بططيها وحمريها فى الزيت لحد ما تحمر

الديك الرومى المشوى
المقادير:
كيلو صدر ديك رومى مخلى +2 كوب زبادى +نص راس ثوم مهروس+معلقة صغيرة كارى+معلقة صغيرة جنزبيل بودرة+ معلقة صغيرة كركم+ملح وفلفل +3/4 كوب زيت زيتون
الطريقة
قطعى صدر الديك الرومى الى مكعبات متساوية متوسطة ،اخلطى الزبادى بالثوم بزيت الزيتون بالكارى بالكركم بالملح وباقى التوابل كويس،انقعى قطع الصدر فى الخليط اللى عملناه من بليل او لمدة لاتقل عن ساعتين ،تنغز الصدور فى الاسياخ وتشوى

كفته الديك الرومى
المقادير:
كيلو صدر ديك رومى مخلى +بصلة +ملح و فلفل و كمون +كوب ورق بقدونس+نص كوب زيت زيتون+بيضة مضروبة+نص كوب بقسماط ناعم
الطريقة :
اغسلى صدر الديك وادعكيه بالخل والدقيق كويس ،قطعى صدر الديك الى مربعات قد قطع اللحم الكباب حله افرمى البصلة وافرمى البقدونس ضعى البصلة و البقدونس و البقسماط والتوابل على قطع الديك الرومى ثم نضع كله فى المفرمه ونفرمهم ناعم .ثم نضع البيضة المضروبة للكفته ونخلطهم كويس نعمل الكفتة اصابع ويا اما تضعيها فى اسياخ الشوى ونشويها او نضعها فى صينية وندخلها الفرن لحد ما تستوى وتحمر

فيلية الديك الرومى المخلى
المقادير:
نص كيلو صدر ديك رومى مخلى +4 بصلات شرائح +ملح – فلفل+2 معلقة زيت زيتون+1 فلفلة رومى خضراء مفرومة +1 فلفلة رومى حمراء مفرومة+معلقة صغيرة كركم +بهارات فراخ
الطريقة
قطعى الصدور قطع زى كباب الحلة ضعى الزيت فى المقلاية وشوحية ثم ضعى علية الفلفل الرومى وشوحية ثم ضعى قطع الديك الرومى وشوحيها مع البصلة و الفلفل . ثم ضعى الملح والفلفل و الكركم والبهارات ضعى قليل من الماء ( ساخن) وغطية وكل شوية تقلبى وتزودى شوية ماء لحد ما يستوى تغرفية فى طبق التقديم على طول وهو سخن

يخنى الدجاج بالطماطم والكريمه
المقادير:
2 ملعقه كبيرة زيت - 2 ملعقه كبيره زبدة- علبة عيش غراب - 2/1 كيلو قطع دجاج - 2 بصله مقطعه -ثوم - طماطم - كوب شوربة - كوب كريمه -بقدونس - زعتر اخضر
الطريقة
ناخذ نصف مقدار الزيت مع ثلث مقدار الذبدة فى مقلاية ثم يضاف عيش الغراب ويشوح على النار حتى يطرى ويصبح ذهبى اللون نخرج عيش الغراب من المقلاية بالمقصوصه نضيف الكميه المتبقيه من الزيت للمقلاية مع قليلمن الزبد ونحمر فيها الفراخ على نار عاليه حتى يصبح جلدها ذهبى وهش نضيف اخر كميه من الزبد ويضاف البصل والثوم ونشوح على نار متوسطه الى حوالى 3 دقائق او حتى يصبحان طريان ثم نصب الطماطم والشوربة والكريمه نعيد وضع عيش الغراب والدجاج فى المقلاية وتترك تغلى على نارهادئه حوالى ثلث ساعةنضيف البقدونس والزعتر ويتبل اليخنى بالملح والفلفل ويترك يغلى على نار هادئه مده 5 دقائق قبل تقديمه

فراخ سريعة بالجبنة
المقادير:
فرخة مخلية- 3/4 كوب جبنة سائلة(سبرد) -فلفلة خضراء رومى+جزرة -2 بصلة -زيت -ملح – فلفل – بهارات فراخ
الطريقة
يقطع الدجاج الى قطع مربعة ويقطع البصل شرايح والفلفلة الى حلقات ونبشرالجزر نضع الزيت على النار مع شرايح البصل وقلبيه لحد ما يدبل ويصفر ثم نضع الفراخ ونقوم بتقليبها كويس وغطى الحلة وتقضلى كل شوية تقلبيهم لحد ما الفراخ تستوى ثم ضعى التوابل والملح ثم نضعها في صينية ويضاف اليها الجبنة ونضع فوقه الفلفلة والجزر ويغطى بورقة فويل ويوضع في فرن متوسط الحرارة من نصف ساعة لساعة الا ربع وبعدين نشيل الفويل لحد ما الوش ياخد لون

اشكال كفتة الدجاج
المقادير:
فرخة 2 كيلو - بصلة كبيرة - نص حزمة بقدونس - ملح – فلفل بهارات – كمون – رغيف فينو +بيضة – بقسماط – بياض بيضة – زيت – ورق نايلون كبير – اشكال تقطيع البسكوت
الطريقة
نسلق الفرخة ونخليها من العضم نقطع الفرخة قطع صغيرة بالسكينة نفرم البقدونس ونفرم البصلة نبل العيش لحد ما يطرى خالص ونصفية بأيدنا من الماء كويس نضع البصل و البقدونس والملح والفلفل والبهارات و الكمون و البيضة والعيش على الفراخ ونخلطهم كويس ونضربهم فى الكبة ضربة واحدة علشان تبقى خشنة شوية نفرد الكيس النايلون امامنا على الرخامة ونضع علية العجينة ونفردها بايدنا شوية تبقى متوسطة التخانة .نجيب القطاعات البلاستيك بتاعة البسكوت ونغمسها فى الدقيق ثم نقطع بها اشكال من العجينة لحد ما يتكون عندك اشكال مختلفة , نغمس وحدات الكفتة فى بياض البيض المضروب و بعدين فى البقسماط ثم نضعها في صينية فى الثلاجة لمدة ساعتين لحد ما تمسك نفسها وتجمد شوية نحمرها فى الزيت ونشيلها على الورق الماص للدهون

صينية البذنجان بالفراخ
المقادير:
فرخة مسلوقة ومقطعه إلى قطع صغيرة. +3 بصلات مقطعة قطع صغيرة+فلفلتين رومى مقطعة قطع صغيرة.+جزرتين مبشورين.+كيلو بذنجان مقلي .+فصين ثوم+كوب صغير جبنة سبرد +علبة قشطة+ملح وفلفل و بهارات.
الطريقة:
نحمر البصل في معلقتين زيت مع فصين ثوم ثم يضاف الدجاج إلى البصل المحمر والملح والفلفل والبهارات مع التقليب .ثم يضاف الفلفل الرومى والجزر ونستمر في التقليب لحد ما يذبل الفلفل والجزر .ثم يوضع نصف الخليط في صينية وبعدها نضع طبقة من البزنجان المقلى بحيث يغطى الوجه تماماً بالباذنجان المقلي ثم يضاف علية باقي الخليط الأول .نضرب بالمضرب علبة القشطة والجبنة ونخلطهم كويس ثم يغطى بهذه الخلطة وش الصينية وندخلها الفرن لحد ما الوش يحمر

المسخن الفلسطيني
المقادير:
خبز عربي ابيض+1 دجاجه مسلوقه ومقطعه شرائح+2 كوب بصل شرائح+3 ملعقه اكل سماق+3/1 كوب زيت زيتزن+2/1 كوب صنوبر محمص + ملح دارسين+ فلفل اسود+زيت للقلي
الطريقه:
يحمر كوب واحد من البصل في زيت ساخن ثم يصفي._ يقلب باقي البصل علي النار حتي يذبل ثم يضاف اليه زيت الزيتون والدجاج ونصف كمية الصنوبر ويقلب علي نار هادئه ثم يتبل بالملح والفلفل الاسود والدارسين ثم يضاف اليه السماق ويخلط. يقسم رغيف الخبز الي قرصين ثم يمسح بقليل من زيت الزيتون ويوضع مقدار من الحشوه ثم يطوي علي شكل اسطوانه وتقسم الي جزأين. تصف رولات المسخن في طبق التقديم وتزين بالبصل المحمر والصنوبر .

صينية البطاطس بالفراخ والسماق
المقادير:
فرخة مسلوقة+كيلو بطاطس +2 ملعقة كبيرة سماق+ملح وفلفل +شوربة الفرخة+معلقة زيت
الطريقة
اسلقى الفرخة واخليها من العظم والجلد وقطعيها قطع متوسطة ضعى عليها الملح والفلفل والسماق واخلطيهم كويس قشرى البطاطس وقطعيها حلقات رفيعة هاتى طبق فرن ورصصى البطاطس فى القعر ثم ضعى فوق البطاطس الفراخ ومعلقة صغيرة زيت ثم ضعى شوربة الفراخ عليهم فى الصينية لحد ما تغطيهم ضعى الصينية فى فرن متوسط الحرارة لحد ما تتشرب الشوربة
تحمر وش الفراخ

دجاج محشى بحشوة جديدة
المقادير:
فرخة صغيرة (كيلو)+ربع كيلو مشروم+بصلة كبيرة مفرومة+معلقة صلصة كبيرة+لبابة رغيف عيش فينو+معلقة بقدونس مفرى
بيضة مضروبة+ملح وفلفل
الطريقة
اخلطى كل المقادير مع بعض احشى الدجاجة بالخليط دة ادهنى الدجاجة من برة بقطعة زبدة صغيرة جدا ضعى الدجاجة فى ورقة فويل ولفيها كويس ضعى الدجاجة فى فرن حامى لحد ماتستوى حوالى ساعة وبعدين افتحى الفويل علشان تحمر الفرخة

الدجاج بالجزر والكرفس
المقادير:
4 صدور دجاج+بصلة متوسطة+4 عيدان كرفس+4 جزرات+كوب ونص شوربة دجاج+ملح وفلفل
الطريقة
نقطع البصلة حاقات كبيرة ونقطع عيدان الكرفس قطع كبيرة نقشر الجزر ونقطعة قطع كبيرة نضع نص كمية الخضار فى صينية
ونرصص فوقها قطع الدجاج ثم نضع باقى كمية الخضار فوق الدجاج نرش عليهم الملح والفلفل ونصب الشوربه نضع الصينية على النار لحد ماتغلى ونشيل الريم اللى حيظهر نغطى الصينية ونضعها فى فرن متوسط الحرارة لحد ما يستوى حوالى ساعة
ملحوظة : ممكن استخدام الدجاج بعظمة بس منزوع الجلد

طاجن الدجاج بالحمص
المقادير:
فرخة حوالى 2 كيلو+بصلة كبيرة+معلقة صغيرة جنزبيل بودرة+كوب حمص+كوب عصير طماطم+ملح وفلفل - زرة بيكربونات+نص كوب زيت زيتون+كوب كسبرة خضراء مفرومة صغير
الطريقة:
تقطع الفرخة الى اربع ارباع انقعى الحمص من بليل لحد الصبح و الصبح اشطفية من الماء اللى كان منقوع فيها اسلقى الحمص فى ماء مغلى مع زرة البيكربونات.لحد ما يستوى وبعدين شيلية من الماء واشطفية وضعية فى المصفاة ضعى زيت الزيتون فى مقلاية مع البصلة المفرومة لحد ما تصفر نضع الدجاج على البصل تقليبه ثم ضعى عصير الطماطم و التوابل و كوب ماء ساخن
ونتركه لحد ما الفراخ تقرب تستوى نضع عليها الكسبرة الخضراء ثم نضع الحمص لحد ما يغلو غلوة ويكون فية صوص بكمية مناسبة نضع الخليط كله فى طاجن فرن ونضع على الوحه حلقات الطماطم وندخلها الفرن لحد الوحه مايحمر

طاجن الدجاج بحمص الشام
المقادير:
2 ملعقه مائده زبد - 1 بصله مقطعه - ثوم - 1 ثمره جزر مقطعه قطع صغيره - 2/1 عود كرفس مقطع قطع صغيره - 2/1 كيلو دجاج مقطع - 1 ملعقه خل - 1 كوب مرقه - 2 ملعقه مائده عصير ليمون - 2/1 كوب بقسماط - 2/1 كيلو حمص شام مسلوق ومصفى - 4/1 كيلو عيش غراب صغير الحجم - 2 ملعقه مائده نعناع مقطع - بقدونس مفروم
الطريقة:
نشوح البصل فى الزبد حتى يطرى بنضيف الثوم والجزر والكرفس ونشوح على نار هادئه 5 دقائق ثم نخرج المكونات من الاناء ونضعها جانبا نذيب الكميه الباقيه من الزبد فى الاناء ونحمر قطع الدجاج فوق نار عاليه نعيد جميع قطع الدجاج الى الاناء بالاضافه الى خليط الكرفس نضيف الخل ونقلب جيدا نضيف المرقه وعصير الليمون يترك على نار هادئه مده ساعه نضيف حمص الشام و عيش الغراب نحكم غطاء الاناء ويترك اليخنى يغلى على نار هادئه 15 دقيقه يقدم بعد نتر اوراق النعناع والبقدونس على الوجه

افخاذ الدجاج المحشوة
المقادير:
10 افخاذ دجاج+جزرتان+عودان من الكرفس العود و ليس الورق+قرع مقطع+نصف اصبع الزبدة+كريما+2م ص الخردل
الطريقة:
انزعى العظام عن لحم الفخد مع ابقاء الجلد قطعى الجزر و الكرفس و القرع الى قضبان رفيعة طول القضيب 10سم .ثم اختارى ثلاثة قضبان من كل صنف و ادخليها الى افخاذ الدجاج المجوفة فى وسطها.سخنى الزبدة فى مقلاة كبيرة ثم اضيفى الدجاج. و اقليها من كل جوانبها حتى تسمر خففى درجة الحرارة و اتركى الدجاج ينضج لمدة 10 دقائق ثم ارفعيها عن النار و اتركيها ساخنة .اضيفى الكريما و الخردل الى المقلاة و اتركى المزيج يغلى. بعد ذلك خففى درجة الحرارة و اتركى المزيج ينضج و هو مكشوف لمدة 3 دقائق حتى يتكثف قليلاً . صبى الصلصة فوق الدجاج قبل تقديمه .

دجاج مغربى بالليمون والزيتون
المقادير:
دجاجة مقطعة مع عظمها وجلدها +فلفل اسود+1 م ص زنجبيل بودرة+2 ملاعق كبيرة زيت زيتون+3 ملاعق كبيرة زبدة+ بصلة كبيرة مقطعة نصفين+2 سن ثوم+ نص ملعقة زعفران+حزمة كزبرة +3 ونص كوب ماء+واحد ليمونة مخللة مقطعة+10 حبات زيتون
الطريقة:
نحط الدجاج فى قدر ونضيف الملح والفلفل والزنجبيل والزيت والزبدة والبصل والثوم والزعفران والكزبرة والماء ونخليه يغلى مدة ساعة ونقلبه خلالها مرتين بس ارفعى الدجاج فقط ونحمره شويه بالسمن ونحطه جانبا الثوم والبصل اللى فى المرق فى خلاط واطحنيه بعدين رجعيه للقدر ونضيف الليمون المخلل والزيتون وخليه يغلى على النار رتبى الدجاج بطبق وصبى المرقه فوقه
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:26 am

ثالثا (( قسم الشوربات))
شوربة الخرشوف
المقادير:
4 عدد خرشوف مجمد +4 كوب شوربه دجاج أو لحم +1 ملعقة دقيق+1 ملغقة زبده+1 كوب كريمه لباني+عصير ليمونه
الطريقه
نذيب الزبده ونقلب الدقيق قليلا بدون أن يتغير لونه نضيف الشوربه ونتركها تغلي .. ويراعي أن تكون مصفاه جيدا نضيف الخرشوف بعد تقطيعه مكعبات صغيره .. ونتركه يستوي لدقائق نضيف الكريمه وبمجرد غلوه واحده و نطفئ النار ونضع عصير الليمونه

شوربة الفراخ بالكريمة
المقادير:
قطع فراخ مسوقة .+2 معلقة دقيق+1 لتر لبن+1 كوب شوربة
الطريقة :
تحطى معلقتيين سمن او زبد على النار وتحمرى فيهم معلقتيين الدقيق لحد ما يبقى لونى دهبى .حطى علية لتر اللبن وحركى فية لحد ما تحسى ان الخليط بدا يثقل شوية .ضيفى الملح والفلفل الاسود والشوربة وقلبى ضيفة بعد كدة قطع الفراخ الصغير وقلبى لحد ما الشوبة تاخد القوام المطلوب

شوربة الماشروم
المقادير:
علبة صغيرة مشروم+2 معلقة دقيق+1 لتر لبن+1 كوب شوربة
الطريقة :
نحمر المشروم فى الزيت شوية لحد ما لونة يبدا يتغير طريقة الشوربة نفس الطريقة السابقة مع تتغيير اضافة الماشروم على شوربة الكريمة بدل من اضافة الفراخ..

شوربة العدس
المقادير
بصلة متقطعة صغير ـ زيت زيتون ـ 2 طماطم طتقطعة صغير ـ جزرة او 2 متقطعة حلقاتـ عدد 1 بصله خضراء ـ عدس حسب الكمية اللي عايزاها (يعني للمكونات ده ممكن كوب او كوب و نصف) ـ عدد 1 بطاطس مقطعة مكعبات ـ 1 فلفل رومي مقطعة صغير ـ فرخة مسلوقة ( حسب الرغبة ممكن تعمليها من غير فراخ بس بالفراخ بتبقى احلى كتير)
الطريقة
تنسلي الفراخ و تركنيها على جنب تحطي الزيت يحمي و تحمري فيه البصل و البصل الاخضر لحد ما يصفر و بعدين تحطي الجزر و تقلبي شوية و بعدين تضيفي العدس المغسول بعد مكا تصفيه من المية و تقلبي و بعدين تضيفي الطماطم و البطاطس و الفلفل و تقلبي شوية و بعد كده ضيفي الشوربة و تابعي العدس لانه بيشرب مية كتير و حيقي طبعا بالملح و الفلفل و ممكن شوية قرفة لما يقرب يستوي حطي الفراخ و اعصري عليه نصف ليمونة و لو مش عايزة فراخ ممكن

شوربة العدس (طريقة أخرى)
المقادير:
ربع كيلو عدس اصفر +ملح – فلفل – كمون – بصلة متوسطة مخرطة رفيع – طماطماية – بطاطس صغيرة – جزرة صغيرة +شطة حسب الرغبة
الطريقة
نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاسطاية مقشرة و مقطعة نصين ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد عارفينها
وانا بفضل المصفاة ثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار

شوربة الخضار بالكرفس
المقادير :
خضار مشكل +1 حزمة كرفس+1 مكعب مرقة دجاج+2 معلقة زبدة او زيت زيتون
الطريقة:
تحطى الزبدة لحد ما تسيح بعد تضيفى عليها الخضار وتقلبة لحد ما لون الخضار يصبح زاااهى اوى..بعد كدة نضيف الماء ومكعب مرقى الدجاج الملح نترك الخضار لحد ما يقر يستوى نضع الكرفس المفرى على الشوبة ونفلب ويترك لغلوتين ..((علشان ما بتهريش)) وتقدم ساخنة..
شوربه الكريمه بالمشروم
المقادير:
½1 ملعقة طعام زبدة+2 ملعقة كبيرة مشروم مقطع +2 ملعقة طعام دقيق+ربع ملعقة شاي فلفل اسود+¼ 4 كأس ماء +2 مكعب شوربة او لو عندك شوربه فراخ+4 ملعقة كبيرة كريمة مخفوقة .
الطريقة :
ضعي الماء وأضيفي له مكعبات الشوربة واتركيه ليغلي. قطعي المشروم الطازج و حطيه في حله تيفال علي نار هاديه علشان هينزل ميه و دي اللي بتدي الطعم للشوربه سيحي الزبده و حطي الدقيق و قلبي و بعدين الماء السابق و قلبي بمضرب البيض اليدوي علشان ميتكتلش و بعد ما تهدي حطي المشروم السابق و الكريمه و سيبيها علي النار بس متفورش علشان الكريمه متقطعش
علي فكره يمكن استعمال قطع من الدجاج المسلوق مع الشوربة و خدي بالك لا تضعي الكريمة على الشوربة وهى حارة وذلك لكي لا تنفصل المادة الدهنية عن المادة اللبنية في الكريمة وبذلك لا تعطى الطعم والشكل المطلوب.

شوربة القرع
المقادير:
كيلو قرع +2 بصلة+معلقتين كريمة لبانى+معلقتين زبدة +ملح وفلفل
الطريقة
-قشري القرع و قطعيه قطع صغيرة ضعي الزبدة على النار ثم ضعي البصل لحد ما يحمرثم ضعى القرع وضعى الماء وسبيهم على النار لحد ما يستوى القرع ,بعد مايستوى حطية فى الخلاط واضربيه وبعدين رجعية الحلة تانى وضعى الملح والفلفل والكريمة وقلبى تقليبتين وتغرف ( يشبه شوربة العدس)

شوربة الفول النابت
المقادير:
4 كوب فول نابت+2 معلقة سمنة او زيت+ملح - فلفل +حبهان – مستكة+بصلة متوسطة+ليمون
الطريقة
انقعى الفول النابت كزا يوم لحد ما تلاقية نبت وبعدين قشرية اسلقى الفول النابت وضعى البصلة لحد ما يقرب من السوى اقدحى السمنة وضعى المستكة والحبهان لحد ما ريحتهم تطلع روحى حطة عليهم الشوربة على طول غلوة مع الملح والفلفل عند الغرف اعصرى عليها ليمون

شوربة البروكلى
المقادير:
كيس بروكلى مثلج+بصل مفروم+2 بطاط متوسط الحجم+كم عود كرفس+ماجى+فلفل و قليل من الكمون+جبن كرافت مبشور
الطريقة :
احمسى البصل و قليل من الثوم ثم اضيفى البروكلى و الكرفس و الفلفل و الكمون و الماجى و ضعيه على جنب قطعى البطاط الى قطع صغيرة ثم ضيفيه الى الماء الى ان يستوى ثم ضيفيه الى خلطة البروكلى و اتركيه يتجانس على النار الى ان يغلى كله ضعيه فى الخلاطة الكهربائية ثم ديريه فى القدر اضيفى الليمون عليه.عند التقديم اضيفى قليل من الجبن المفروم ثم ضعى الشوربة فوقه .

شوربة الشوفان مع الذرة
المقادير:
بصل مفروم+ شوفان+ ذرة معلبة او مجمدة+ علبة مشروم مقطعة+ماجى ليمون فلفل كمون و قليل من بهارات +ملعقة زبدة
الطريقة :
يحمس البصل المفروم مع ملعقة زبدة و ملعقتين زيت مازولا الى ان يصبح وردى ثم ضيفى الشوفان و الماجى و احمسيهم جميعاً و اضيفى البهارات ثم اضيفى الماء الساخن الى ان
يتجانس الخليط ثم ضيفى الذرة الى ان يستوى ثم اخيراً اضيفى الليمون

شوربة الشعيريه بالكريمه
المقادير
ملعقتين زبده+3ملاعق دقيق+ربع كوب من الحليب المعلب+ربع كوب شعيريه+صدرين دجاج مقطع الى قطع صغيره+كوب خضار مشكله+ملح فلفل اسود +حبة ماجي
الطريقه
ضعي في قدر الدجاج والخضار واتركيها الى ان تنضج في الماء والملح والماجي بعد ذلك ضعي الزبده في القدر على النار وضعي الشعيريه وقلبي الى ان تصفر ثم اضيفي الدقيق وقلبي ثم اضيفي ماء السلق وضعيها على الشعيريه وقلبي واتركي الخليط ليغلي تم اضيفي الحليب والخضار والدجاج وتبلي الخليط بالملح والفلفل الأسود ويترك على نار هادئه حتى يغلظ الخليط وتتسبك الشوربه تغرف وتقدم

شوربة السبانخ السريعه

المقادير:
كوب سبانخ طازج اومثلج+ ظرف شوربة ماجي كريمة الدجاج البودره+كوبين حليب سائل+كوبين ماء+فلفل اسود
الطريقه
اتخلط جميع القادير وتوضع في القدر على النارحتى يبدا يثقل فاضيف السبانخ المفروم واتركيه يغلي ثم اغرفيه
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:28 am

رابعا (( قسم المأكولات البحرية See Food))
كليمارى مقلى مع الرز بنكهه الكاليمارى
المقادير:
ليمونة كاملة بالقشر+فلفلة حامية+ربع رأس ثوم مقشر+2 ملعقة خل+ملعقة مسطردة+ملعقة كارى+ملعقة صويا صوص+فلفل أسود - ملح
الطريقة:
نضع كل المقادير مع بعضها فى الخلاط ، ثم نضيف اليها الكاليمارى طوال الليل ويوضع فى الثلاجة، ثم نخرج الكاليمارى من الخلطة و نغمره فى بيض ثم دقيق ثم نحمره فى زيت حامى
طريقة عمل الارز: نسخن بعض الزيت و نضع فيه التتبيلة المتبقية من تتبيله الكاليمارى و نقلب جيداً ثم نضع الرز و الملح و نقلب لثلاث دقائق ثم نضع الماء و يطبخ بالطريقة العادية ليصبح الرز بنفس نكهة الكاليمارى المقلى
الكاليمارى المحشى
المقاير
كيلو كاليمارى+2 بصلة كبيرة مفرومة+رأس ثوم مفروم+3 كوب عصير طماطم+ملح- فلفل- كمون- بهارات سمك-كوب بقدونس - كوب شبت - كوب كسبرة+زيت نباتى+3 أكواب رز مصرى
الطريقة
نحمر البصلة فى الزيت و بعد 5 قائق نضيف الثوم وبعد قليل نضيف عصير الطماطم و البهارات و نتركها تتسبك، نطفىء النار و نضيف الشبت و البقدونس و الكسبرة و الرز و نقلب جيداً، نحشى الكاليمارى و نضعها على جنب، نضع الخلطة المتبقية فى طاجن و نضع الكاليمارى المحشى واقفاً فى وسط هذه الخلطة، نغطى الطاجن و نضعه فى الفرن إلى أن ينضج الرز ثم تكشفه ونولع الشوايه إلى أن يحمر الوجه
كفتة الكاليمارى (أو الجمبرى)
المقادير
نصف كيلو من أزرع الكاليمارى+نصف كوب رز مغسول و مجفف و مطحون ناعم مثل الدقيق+بصلة كبيرة+نصف رأس ثوم+حزمة بقدونس و حزمة كسبرة+ملعقة كبيرة نعناع جاف+ملح - فلفل - كمون - شطة
الطريقة
- نضع فى الكبة البصل و الثوم و الخضرة و البهارات حتى تصبح ناعمة ثم نضيف الكاليمارى و نفرم قليلا (يعنى يكون الكاليمارى ظاهر إلى حد ما )، نضيف الرز المطحون شوية بشوية حتى تتماسك العجينة، نشكلها أصابع و نقليها فى زيت غزير حتى تصبح ذهبية، نقسم الكفتة قسمين قسم يقدم كما هو، والقسم الآخر نعمل له صلصة طماطم كالتالى نحمر ثوم فى زيت نباتى و نضيف عصير طماطم و ملح و فلفل و كمون و شطة و بعد أن تتسبك نضيف الكفتة و نتركها تغلى فى الصلصة عشر دقائق و تقدم مع زر أبيض أو رز بالشعرية،ملحوظة : أفضل أن نقلى الجزء الذى سيقدم بالصلصة أولاً و نعد الصلصة ثم نقلى الجزء الآخر حتى لا يبرد
طرق للسمك الفيلية:
(1) المقادير:
نصف كيلو سمك فيليه+ ملعقة زيت+بصلة مقطعة+5 فصوص ثوم+جزرة مكعبات +جزر ينسون ( يمكن الإستغناء عنه )+كراثة مقطعة
الطريقة:
نسخن الزيت و نضع عليه البصل ثم الثوم ثم الخضروات المقطعة و نتركها تستوى على نار هادئة مع التقليب
(2) المقادير:
ملعقة زيت+ملعقتين دقيق+ملعقة مسطردة+رشة زعفران+2 كوب لبن+حزمة شبت مفروم+حزمة بقدونس مفروم
الطريقه:
نصنع الصلصة بتسخين الزيت ثم نضع الدقيق حتى يصفر ثم الزعفران و اللبن و المسطردة و نقلب بسرعة حتى تصبح كالبشاميل، نضع الصلصة على الخضار و نضيف البقدونس و الشبت و نقلب جيداً ثم نطفىء النار، نضع قطع الفيليه على الخليط ثم نصب الجميع فى صينية بايركس أو قالب فرن
(3) المقادير:
2 بطاطسة مسلوقة نصف سلق و مبشورة و مخلوط عليها ملعقة زيت +كوب جبنة رومى مبشورة
الطريقة
نضع منها البطاطس أولاً على وجه الصينية ثم نرش الجبن الرومى و ندخلها فى فرن متوسط حوالى ثلث أو نصف ساعة بالكثير ثم نحمر الوجه
فيليه السمك بالطحينة و الكسبرة
المقادير: ثلاث أرباع كيلو سمك فيليه قطع كبيرة+(عصير ليمونتين + ملح و فلفل لتتبيل السمك)+بصلتين كبار مقطعين جوانح+حزمة كبيرة كسبرة مفرومة+نصف كوب طحينة +5 فصوص ثوم+ملعقتين خل+عصير ليمونة+ملح - فلفل - كمون - شطة+كوبين و نصف ماء+دقيق+زيت للقلى
الطريقة: يتبل السمك بالملح و الفلفل و الليمون و يترك ساعة فى الثلاجة، تعد سلطة الطحينة بخلط الطحينة و الخل و الليمون و التوابل و الثوم و نصب الماء بالتدريج حتى تصبح خفيفة القوام ثم نضع عليها الكسبرة المفرومة و تترك جانباً ليظهر طعمها، نصفى السمك من التتبيل و نغمره بالدقيق و نقليه فى زيت حار على نار حامية (و ذلك حتى يتلون من الخارج دون أن ينضج من الداخل )، نخرج السمك من الزيت و نضعه على مناديل المطبخ ليتشرب كل الزيت الزائد ثم نضعه بنظام فى صينية أو طاجن، فى نفس الزيت نضع البصل و نقلب حتى يصبح ذهبى اللون و نصفيه جيداً فى مصفاة ثم نضعه هو الآخر على مناديل المطبخ للتخلص من الزيت على قدر المستطاع، نخلط البصل على سلطة الطحينة ثم نصبها على السمك و نضع الصينية فى الفرن حوالى نصف ساعة إلى أن تغلظ الصلصة فنشعل الشواية ليحمر الوجه
شوربة البكلويز
المقادير :
كيلو بكلويز+ملعقتين زيت نباتى+5 فصوص ثوم مفرومة+فص مستكة+ملح - فلفل - كمون+كوبين ماء
الطريقة
قبل البدء فى التحضير لا بد من غسل المحار جيداً و نقعة فترة حتى يتخلص من الرمال إذ أنه يعيش مدفون فى الرمال
يصفى المحار جيداً من الماء، نضع الزيت على النار و عندما يحمى نضيف المستكة ثم الثوم و التوابل، عندما يصفر الثوم نضيف البكلويز و نقلب حتى تتفتح جميع حبات المحار و يتغير لونة للون الوردى، نضيف الماء و نظبط الملح و نتركه يغلى 10 دقائق، يغرف فى أطباق كبيرة و عميقة مع الشوربة و نعصر عليه كمية مناسبة من الليمون
الجمبرى بصوص الكارى
المقاديـر:
نصف كيلو جمبرى مقشر+3 حبات فلفل رومى ( أخضر أحمر أصفر)+بصلة كبيرة مقطعة جوانح+5 فصوص ثوم كبيرة مهروسة+ملعقة دقيق كبيرة مذابة فى نصف كوب لبن +كوب ماء+3ملاعق زيت نباتى+ملح- فلفل- كارى- بهارات سمك
الطريقـة
نضع الزيت على النار و عندما يحمى نضيف البصل و بعد 3 دقائق نضيف الثوم و نقلب دقيقتان ثم نضع الفلفل الرومى ثم الجمبرى و نقلب حتى يتغير لون الجمبرى و يصبح وردى اللون.نضع التوابل و الملح و كوب الماء و نتركه يغلى 3دقائق ثم نضيف اللبن المذاب فيه الدقيق من خلال مصفاه حتى نتجنب نزول كرات الدقيق الغير زائبة نلاحظ أن الصوص أصبح سميك بعض الشىء نقلب حتى الغليان و نرفعه من على النار.يزين ببعض الكسبرة الخضراء المفرومة ناعماً ويقدم مع أرز أبيض حتى تظهرالألوان المتنوعة للطبق
شوربة سمك و فواكه البحر
المقادير
سمكة كبيرة بلطى أو قشر بياض+بصلة مبشورة+ملح فلفل أسود مستكة حبهان ورق لورى+لتر ماء+زيت نباتى
الطريقة
تنظف السمكة و تغسل جيداً جداً و تترك فترة فى مصفاه للتخلص من كل ما بها من ماء،و هذا هو سر عدم وجود أى رائحة زفر بالشوربة، نسخن قليل من الزيت النباتى على النار و نضع فيه المستكة و الفلفل الأسود ثم البصلة المبشورة و نقلب دقيقتان فقط بدون أن يتغير لون البصل، نضع الماء و الحبهان و ورق اللورى و الملح و نتركها تغلى على نار هادئة ربع ساعة حتى تخرج البصلة كل طعمها، نضع السمكة فى الشوربة عشر دقائق حتى تستوى ثم نطفىء النار (السمك سريع السوى)، نخرج السمكة من الشوربة و نصفيها من البصل و نعصر عليها الليمون
شوربة فواكه البحر
المقادير:
قطع كاليمارى+جمبرى+لحم كابوريا+قطع سمك
ننفذ نفس الطريقة ولكن توضع المكونات بالترتيب السابق و بين كل حاجة و الثانية خمس دقائق (لأن درجة سوى كل حاجة مختلفة عن الأخرى) و نطفىء النار بعد و ضع قطع السك ب3 دقائق فقط حتى لا تتفتت و طبعاً لا نصفيها لأن البصل سيختلط بالمكونات و يعطيها طعماً لذيذاً
طريقة أخرى:
شوربــة فواكه البحـر (sea food)
المقادير
1/2 كوب من قطع الكاليمارى+1/2 كوب جمبرى+1/2 كوب لحم كابوريا+1/2 كوب من قطع السمك+بصلة مبشورة+ملح - فلفل أسود - مستكة - حبهان - ورق لورا+حوالى 5 كوبايات ماء- زيت نباتى
الطريقة:
- نضع معلقة من الزيت على النار و نضع فيه البصلة المبشورة و المستكة و الفلفل الأسود نقلب دقيقتان بدون أن يتغير لون البصل- نضع الماء و الحبهان و ورق اللورا و الملح و نتركها تغلى على نار هادئةربع ساعة - نضع قطع الكاليمارى ثم الجمبرى ثم لحمالكابوريا ثم قطع السمك بنفس الترتيب اللى انا كتباة و بين كل حاجة بنحطها و الثانية خمس دقائق (لأختلاف سوى كل حاجة عن الأخرى) و نطفىء النار بعد و ضع قطع السمك ب3دقائق فقط حتى لا تتفتت و تقدم ساخنة و عليها عصير الليمون و بالهنا و الشفا


السمـك السنجارى
المقادير:
2 سمكة بورى أو سردين كبيرة+4 فلفل أخضر رومى حلقات و ممكن فلفل ملون احمر و اصفر (حبه دلع يعنى)+2 بصلة حلقات+نصف رأس ثوم مفروم+عصير 4 ليمونة+قشر الأربع ليمونات مقطع شرائح+ربع كوب زيت نباتى+ملح- فلفل- كمون- شطة حسب الرغبة +نصف كوب ماء
الطريقة
ينظف السمك جيداً و تزال الأحشاء والخياشيم و يفتح كالكتاب، تفرش طبقة من حلقات الفلفل و البصل و الليمون فى صينية (يفضل بايركس مستطيلة)، يوضع السمك ثم طبقة أخرى من الحلقات، فى وعاء اخلطى الزيت و الثوم و عصير الليمون و البهارات و صبيها فوق السمك، ضيفى الماء ثم ضعيها فى الفرن حتى تستوى ثم اشعلى الشواية حتى يحمر الوجه
سمك الرنجة المدخن
المقادير
سمكة رنجة مدخنة+نصف كوب طحينة غير مخففة+2طماطم مقطعة مكعبات بالماء الناتج من التقطيع+3 بصلات خضر حلقات و لو مفيش نستبدلهم ببصلة كبيرة +عصير 3 ليمونات+فلفل أسود+ قليل من الشطة
الطريقة
تشوى الرنجة على النار مباشرة بدون اناء إلى أن يتشقق الجلد تماماً، نخليها من الأشوك و نقطعها قطع صغيرة، نخلط باقى المقادير فى علبة ثلاجة ثم نضع عليها قطع الرنجة، تحفظ فى الثلاجة و نأخذ منها حسب الحاجة
ملحوظة : نستخدم الطحينة غير مخففة لأن ماء الطماطم و عصير الليمون كافيان لتخفيفها
الصيادية
المقادير
كيلو سمك بورى أو بياض أو هامور أو بلطى كبير منظف و مقطع قطع كبيرة و عريضة+3 بصلة كبيرة مفرومة+زيت نباتى+ملح فلفل+3 كوب رز
الطريقة
نحمر البصل فى الزيت إلى أن يصبح بنى اللون نضيف حوالى 2 لتر ماء والملح و قليل من الفلفل و نترك الماء يغلى على نار هادئة مع البصل إلى أن يعطى كل لونه البنى فى الماء (يعنى حوالى ثلث ساعة)، نأخذ من هذا الماء 3 أكواب و نضعها فى أناء آخر و نضيف عليها 3 أكواب رز و نطهوه بالطريقة العادية و بعد أن ينضج نسخن بعض الزيت (جداً) و نضعه على الرز و نقلب جيداً ،كما أننا ممكن قبل نضج الرز بقليل نقطع بعض الفلفل الأخضر و البقدونس ونقلبهم مع الرز، فى باقى الماء نضع السمك و نتركه حتى ينضج ، نخرج السمك من الشوربة و نصفيها من البصل
نغرف الرز و من فوقه قطع السمك و نقدمه مع الشوربة المعصور عليها الليمون
جمبرى
المقادير:
جمبري كبير +كيس دقيق +ملح + فلفل اسود + ملح صيني +كاس ماء مثلج
تتبيلة الجمبري:ملح + فلفل اسود + ملح صيني+عصير ليمون + ثوم مهروس + زنجبيل مهروس+بيضة واحدة
الطريقة:
خذي الجمبري وحطي عليه عصير الليمون والملح والفلفل والملح الصيني والثوم والزنجبيل والبيض و اتركيه شوي عشان يتبل
اضيفي كوب ماء بارد في زبدية وضعي فوقه الدقيق والملح والفلفل الاسود وقليل من الملح الصيني وحركيه جيدا بالخلاط او بيدك اهم شي ما يتكتل عندك،حركيه حتى ماتصير العجينة غليظة كانها البشمل بس من غير نار
خذي مقلاه عميقة وضعي فيها زيت الين ما ينغمر فية الجمبري خذي الجمبري وغمسيه في الدقيق بس لا تغمرين الذيل ثم اقليه في الزيت حبة حبة حتى ينفش ويصير لونه ذهبي مقرمش وضعيه على ورق المنديل ثم قدميه ساخن
جمبرى بالكارى
جمبرى مقشر ومتنظف - بصلة صغيرة _ حوالى 2 ملعقة اكل ز يت _ملح _2 ملعقة كبيرة كارى و ممكن 3 لو بتحبى حراق .
ضعى الزيت على النار الى ان يسخن اضع البصلة المخرطة ناعم و اقلب لحد ما تصفر اضع الكارى ووراة الجمبرى و اقلب حيتخلطوا ببعض ثم اضع ماء حسب كمية الجمبرى يعنى تغطى الجمبرى فقط و الملح حيغلوا وعلى فكرة حيستوى على طول الجمبرى ما بياخودش ربع ساعة
بالنسبة للارز اعملية عادى بس قبل ما يشرب الماء بتاعه حطى ملعقة كبيرة كارى فى الما ء ( او ) ملعقة صغيرة كركم
فكرة للتقديم . اما تضعى طبق الارز لوحدة و طبق الجمبرى بالكارى لوحدة . او بالكبشة المخرمة تشيلى الجمبرى من الصوص و تحطية فى قعر الطبق ثم تضعى الارز علية و تكبسى جامد بظهر اللعقة ثم تقلبية فى السرفيس و ترش رشى شوية صوص كارى على الوش و الباقى تحطية فى طبق جانبى يقدم مع سلطة ذبادى
الجمبرى البانية
جمبرى مقشر و نضيف _ 2 بيضة _بقسماط ناعم _ربع كوب حليب _ ملح و فلفل
الطريقه:
_ اضربى البيض بالشوكة وضعى علية الحليب و الملح والفلفل . _ ضعى الجمبرى فى البيض و اخلطية كلة مع بعض شيلى الجمبرى واحدة واحدة و ضعيها فى البقسماط سخنى الزيت فى مقلاية على النار و حمرى الجمبرى على الوجهين حيبقى لونة زهبى حلو شيلية على ورق ماص للدهون و بالهنا و الشفا
ملحوظة : ممكن تمسكى الجمبرياية بايدك و تدخلى خلة رفيعة بتاعة الاسنان من فوق لحد نهايتها حتلا قى الجمبرياية كأنها واقفة مفرودة مش مقوسة و تروحى محمراها عادى بالخلة .
صينية سمك سهلة جدا و سريعة جدا
كيلو ( مثلا )سمك فبلبة _حذمة كسبرة خضراء _حذمة بقدونس _بصلة كبيرة مخرطة _طماطماية كبيرة مخرطة _كوب زيت _ ملح _ فلفل _ كمون _
الطريقة:
بعد ما اغسل السمك اخرط البقدونس بالسكينة و كذلك الكسبرة الخضراء،اضع كل المقادير على السمك و اقلبة كويس قوى اتركة ساعة عشان يشرب من التتبيلة كويس ثم اضعة فى صينية او طبق بايركس بدون ما اضع ماء لان هو حينزل مايتة و يستوى فيها. واغطية بورقة فويل ادخلة الفرن الى ان بستوى ثم اشيل الورقة عشان وشه يحمر ملحوظة مش بياخد وقت خالص يعنى كبيرة نص سا عة
صينية السمك بالخضار .
المقادير :
4 فطع من فيلية السمك .2 حبة بطاطس .2 حبة كوسة .2 حبة جزر .علبة من قلوب الخرشوف .علبة مشروم حبات .عصير ليمونتان .ملح .بهار ناعم ( كمون فلفل اسود كزبرة ناشفة ).ملعقة اكل توم مهروس .2 بصلة مقطعة حلق خفيفة .3 حبات طماطم مقطعة قطع صغيرة .نصف كاسة عصير طماطم .قليل من الزيت .
الطريقة :
يرص السمك والخضار في الصينية .. يحمر التوم في الزيت ثم البصل ثم تضاف الطماطم القطع وتقلب حتى تذبل ثم يضاف عصير الطماطم والملح والبهار وعصير الليمون ثم يضاف الى السمك والخضار ويغطى ويوضع في الفرن حتى تنضج السمكة . ويقدم مع الرز الابيض او رز الصيادية والخبز المحمص .
السمكة بالمايونيز
المقادير:
سمكة كبيرة وافضل نوع من السمك لهذا الطبق سمك القرش منزوع الجلد ومسلوق جيداً. 6 ملاعق اكل من الميونيز . ملح .عصير ليمونتان . ملعقة شاي توم مهروس . ملعقة شاي من المستردة . 2 من الخيار المقطع حلق بالقشرة . حبة من الطماطم . حبة زيتون اسود . حلق من الليمون .
الطريقة :
بعد سلق السمك يفرك باليد جيداً ويتاكد من عدم وجود اي شوك فيها ثم تضاف ملعقتان من الميونيز وملعقة المستردة والتوم والملح ويخلط جيداً يرص في طبق التقديم ويشكل على شكل سمكة ويدهن الوجة بالكمية الباقية من الميونيز ويزين بحلق الخيار على شكل القشور والزيتونة للعين وحلقة من الطماطم للفم والذيل وحلق الليمون للزعانف ويقدم كطبق سلطة سمك مع رز الصيادية والخبز المحمر .
السمكة بالكزبرة:
المقادير:؛
قطعة كبيرة من السمك الفيلي . حزمة كزبرة خضاء . ملغقة صغيرة توم مهروس . حبة طماطم كبيرة . 2 فلفل اخضر حار . ملح . عصير ليمونتان .
الطريقة:
تترك السمكة في قليل من الماء والملح لمدة عشر دقائق ثم تخرج من الماء وتلف في قطعه من القصدير مدهونة قليل من الزبدة وتدخل فرن متوسط الحرارة وتترك حتى تنضج تماماً . اسناء وجود السمكة في الفرن لتحضير الخلطة اشوي الطماطم في الفرن ثم قشريها واطحنيها في المكنة مع الكزبرة بعد تقطيفها والتوم والفلفل ثم اضيفي الملح اللازم وعصير الليمون .اخرجي السمكة من القصدير وضعيها في طبق التقديم وغطي وجه السمكة بالخلطة وتصبح جاهزة . يقدم مع الرز الصيادية او الرز الابيض المفلفل .
سمكة على الطريقة الصينية .
المقادير:
سمكة متوسطة . جزرتين . بصلة . فلفلة رومي . فلفلة خضاراء حارة . قطعة من الجنزبيل الطازج . ملعقة اكل مملواة بالتوم المهروس . قليل من الزيت . 4 ملاعق من صوص الصويا . ملعقتين اكل من الخل الابيض .
الطريقة :
حددي وجهي السمكة بالسكية ثم ضعيها في صينية مستطيلة من البيركس .اطحني الخضار والبصل والجنزبيل بعد تقشيره في مكنة البصل .ضعي الزيت والتوم على النار حتى يصفر قليل اضيف الخضار المطحونة وقلبي حتى تذبل قليل اضيفي الصوص والخل ولو احتاج الامر اضيفي قليل من الملح لان الصوص من العادة مملح ثم قلبية قليل وارفعية وغطي به وجة السمكة تماماً غطيه بالقسدير وادخليه الفرن على حرارة معتدلة 250 واتركيه حتى تنضج السمكة .يقدم مع الرز المقلي بالتوم والبيض .
طريقة الرز .
كاس من الرز المطبوخ بالماء وقليل من الزيت والملح حتى النضج .ملعقة من التوم المحمرة قليل في قليل من الزيت ثم يضاف اليها حبتين من البيض وتقلب حتى ينضج البيض ثم يضاف الرز ويقلب جيداً ثم يضاف اليه ملعقة من صوص الصويا وتقلب جيداً وتقدم . وصحتين وعافية .
السمك بالكريمة الحامضة .
المقادير :
4 قطع من السمك الفيلية .2 علبة قشطة ام تاج ( من نستلة ).2 ملعقة اكل مايونيز .ملعقة اكل مستردة .عصير ليمونة . حلق من الزيتون الاخضر . قطعة صغيرة من الزبدة . ملعقة صغيرة الزعتر . ملح . زيت لقلي السمك .
ملعقتان من الدقيق. ورقات من الخس . حلق من الطماطم والليمون .
الطريقة :
ادهني السمك بقليل من الملح ثم مرغيها في الدقيق واقليها في الزيت حتى تنضج وتحمر .رصيها في طبق التقديم مع ورق الخس وحلق الطماطم وحلق الليمون .ضعي الزبدة على النار ثم اضيفي القشطة والميونيز والمستردة والملح وعصير الليمون وقلبي جيداً حتى تبداء في الغليان ارفعيها من على النار وصبيها على السمك ورشي عليها الزعتر وتزين بحلق الزيتون وتقدم مع الخبز الشامي المحمر في الزيت .
كاري السمك .
المقادير .
سمكة من السمك الناجل او اللواطي بدون الرأس . ملعقة اكل مملوئة توم مهروس . بصلة مفرومة فرم ناعم .
رأس من الجنزبيل الطازج . 4 ملاعق اكل من النارجين الناعم ( جوز الهند ) .2 ملعقة اكل طحينة . نصف كاسة عصير طماطم . كاسة ونصف ماء . ملح . ملعقة اكل من بهار الكري . عصير ليمونتان . ملعقة من الفلفل الاحمر المطحون . قليل من الزيت .
الطريقة :
حلقي السمكة حلقات دائرية بعرض السمكة سمك الحلقة 3 سم ورصيها في صينية بايركس .اخلطي الجنزبيل مع جوز الهند والماء في خلاط العصير حتى يبيض الماء ثم صفيه جيداً .اقلي التوم في الزيت حتى يصفر ثم اصيفي اليه البصل ثم اضيفي ماء جوز الهند والبهارات والملح وعصير الطماطم والفلفل الاحمر وعصير الليمون واتركيه على النار قليل ثم اضيفي الطحينة وقلبيه ثم اسكبيه على السمكة وغطي الصينية وادخليها الفرن حتى ينضج السمك ويقدم مع الرز الابيض المفلفل .
السمك بالحمر ( التمر هندي )
المقادير :
قطعة كبيرة من فيلية السمك .قليل من الزيت .قطعه متوسطة من الحمر منقوعة في كاسة ونصف من الماء .+قليل من الملح .ملعقة اكل من البهار المطحون ( الكمون والفلفل والكزبرة الناشفة ).حبات من الزيتون الاخضر .+قرنان من الفلفل الاخضر الحار . بصلة مفرومة فرم ناعم . ملعقة من التوم المهروس .
الطريقة :
ضعي السمكة في صينية من البيركس .اقلي البصل في الزيت حتى يصفر لونه صفي الحمر في المصفاة واعصريه جيداً خذي الماء واضيفيه الى البصل ثم اضيفي البهار والملح وقلبي حتى يبداء في الغليان ارفعيه وصبيه على السمكة في الصينية وزينية بحبات الزيتون والفلفل الاخضر وغطيه بقطعة من القسدير وضعيه في الفرن على 350 د واتركيه حتى ينضج السمك يقدم مع الرز الابيض المفلفل او رز الصيادية اوالخبز الاسمر .
كفتة الجمبري
المقادير :
* كيلو جمبري . * 2 بصلة . * 6 حبات من البطاطس . * كاسة ماء دقيق . * كاسة كورن فلكس مطحون ناعم . * 6 بيضات . * قليل من الملح . * بهارات ناعم من ( فلفل اسود كمون كزبرة ناسفة ) * نصف حزمة بقونس مقطفة . * زيت للقلي .
الطريقة :
* قشري البطاطس وحلقيها حلق سميك ثم اقليها في الزيت حتى تنضج تماماً * افرمي البطاطس والجمبري والبصل والبقدونس في مكينة اللحمة فرم ناعم . * اضيفي ملعقتين من الدقيق وبيضتان والبهارات والملح واعجني الجميع جيداً . * اخفقي البيض مع 3 ملاعق من الدقيق والملح وقليل من نفس البهار . * شكلي خليط الجمبري على شكل حبات من الكفتة المستطيلة واغمسيها في البيض ثم في خليط باقي الدقيق و الكورن فلكس واقليها في الزيت حتي تحمر وقدميها ساخنة مع انواع من اطباق الاسماك .
لحوم بحرية بالباشيمل
المقادير
* قطعتين صغيرة من السمك الفيلية * شوية جمبري يعني الكمية إلي تحبيها * شوية من قطع الأخطبوط * شوية كمان من الأستكوزة * علبة من المشروم المقطع اوصال * مقادير البشاميل* 3/ كاسة كبيرة يعني كاسة ماء حليب سائل * 2/ مكعب ماجي* 2/ ملعقة مستردة* شوية ملح * نص كاسة زيت * 3/ ملاعق اكل مليانة دقيق4 ملاعق جبنة مزرولا.* صينية بايركس مستطيلة
الطريقة
* اسلقي السمك * اسلقي الاخطبوط والقمبري والأستكوزة * حطي كلو في الصينية * حطي معا المشروم والجبنة.
طريقة عمل البشاميل :* حطي نص كاست الزيت في القدر على النار * حطي عليها الدقيق وقلبيها لمدة دقيقة * بعدين حطي الماجي والملح وعلى طول حطي الحليب والافضل يكون الحليب حار * واستمري في التقليب على نار هادئة الين يتخن البشمل ارفعيه من فوق النار * حطي المستردة وقلبية كويس وبعدين صبية على الاسماك في الصينية * دخلية في الفرن لمدت 20/ دقيقة وبعدين حمري الوجه شوية
السمك الحامض حلو .
المقادير :
4 قطع من فيلي السمك . بشر قشر برتقالتين .4 ملاعق من عصير البرتقال.ملعقة صغيرة توم مهروس .قليل من الملح .2 ملعقة من صوص الصوي .قطعة مبشورة من الجنزبيل الطازج .قليل من الزيت .عصير ليمونة .فلفلة خضراء حارة مهروسة .
الطريقة :
ادهني السمك بقليل من الملح واتركيها نصف ساعة ثم لفيها في قطعة من القصدير مدهونة بقليل من الزيت حتى لا تلتصق وضعيها في الفرن واتركيها حتى تنضج تماماً اخرجيها من القصدير وضعيها في صينية التقديم .ضعي التوم في قليل من الزيت زضعيه على النار حتى يحمر قليل ثم اضيفي قشر البرتقال والجنزبيل والفلفل وقلبيه قليل ثم اضيفي عصير البرتقال والصوص وعصير اليمونة والملح الازم ثم اتركي المقادير قليل على النار ثم ارفعيها وصبيها على السمك وغطيها وادخليها الفرن قليل حتى لا تجف .تقدم مع البطاطس المهروسة والرز الابيض المفلفل او مع الخضار السوتية
صيادية المكرونة .
المقادير :
علبة من المكرونة الحبات المسطتيلة شوية .نصف كيلو جمبري طازج مقشر .نصف كيلو اخطبوط مقطع قطع رفيعة .بصلتين مفرومة فرم ناعم .ملعقة من البقدونس المفروم .ملعقتين كبيرة زيت .ملح فلفل كمون .حبات من المكسرات مثل اللوز والبندق والسنوبر المحمرة في قليل من الزيت
الطريقة :
ضعي البصل في الزيت وضعيه على النار حتي يصبح بني اللون اضيفي الاخطبوط وقلبي قليل ثم اضيفي القمبري واضيفي القليل من الماء لينضج الاطبوط والقمبر اضيفي الملح والكمون والفلفل واتركية حتى تجف الماء تماماً اسلقي المكرونة حتى النضج ثم صفيها من الماء واضيفيها الى الخليط وقلبي قليل على النار ارغعية من على النار واضيفي البقدونس والمكسرات وقلبيه , ضعيه في طبق التقديم
كفتة السمك
المقادير:
اى نوع سمك ليس بة شوك(مسلوق فى قليل من الماء+ملح+بهار)*بقدونس مفرى-بصل مفرى ناعم-بيضة مخفوقة-ملح+فلفل-بقسماط
الطريقة:
اهرسى السمك بالشوكة ثم ضيفى لة البصل و البقدونس*بعد ان تبهرى الخلطة شكليها الى أقراص او أصابع
ضعيها أولافى البيض ثم البقسماط (كررى هذة الخطوة لتحصلى على قرمشة)*أقلى فى زيت غزي قدميها مع الأرز و البطاطس المحمرة
السمكة بالمخلل
على فكرة دي الطريقة للسمك الناشف بعد نقعه بضع ساعات وغسلة جيداً بالماء .
المقادير :
2 قطعة من فيلي السمك او قطعتين من السمك الناشف .2 بصلة مفرومة فرم ناعم . 3 حبات من مخلل الليمون مع 2 ملعقة من ماء نفس المخلل . 4 ملاعق من الزيتون الاخضر الصغار . الملح الازم . القلل من الزيت .
بهار كمون وفلفل اسود .2حبة من الفلفل الاخضر الحار .
الطريقة .
امسحي السمك بالملح وضعيها في كيس وضعيها في الثلاجة لمدة ساعة ثم اخرجيها واغسليها من الملح جيداً وضعيها في صينية من البيركس .ضعي البصل مع الزيت على النار حتى يحمر قليل ثم اضيفي القليل من الماء واتركيه حتى يبداء في الغليان اضيفي المخلل بعد تقطيعه قطع صغيرة ثم اضيفي ماء المخلل والبهار والملح الازم وحبات الفلفل الاخضر واتركيها حتى يجف الماء ولا يبقى منه سوى القليل اسكبي الخليط على السمكة وغطيها بقطعة من القدير وادخليها الفرن واتركيها حتى تنضج السمكة تماماً وتقدم مع الرز الابيض بالزعفران .
السمكة المعطرة .
المقادير:؛
قطعة كبيرة من السمك الفيلي .4 ملاعق من الخضار العطرية المفرومة فرم ناعم (مثل الكزبرة والبقدونس والشبت والزعتر الاخضر والنعناع ) .ملغقة صغيرة توم مهروس . حبة طماطم كبيرة . 2 فلفل اخضر حار .
ملح . عصير ليمونتان .
الطريقة:
تترك السمكة في قليل من الماء وملعقة من الزيت وقليل من الملح لمدة عشر دقائق ثم ترفع من الماء وتوضع في صينية من البيركس .اثناء وجود السمكة في الماء والملح لتحضير الخلطة اشوي الطماطم في الفرن ثم قشريها واطحنيها في المكنة مع الخضار العطرية والتوم والفلفل ثم اضيفي الملح اللازم وعصير الليمون . ثم غطي وجه السمكة بالخلطة وغطيها بالقسدير وادخليها الفرن حتى تنضج وتصبح جاهزة . تقدم مع الرز الصيادية .
السمك بالطحينة
المقادير :
قطعة كبيرة من السمك الفيلية .كاسة من الطحينة .فنجان شاي من الخل الابيض .ملح .بهار ناعم ( كمون وفلفل اسود وكزبرة ناشفة ).بصلة مفرومة فرم ناعم .قليل من الزيت .كاسة ماء .
الطريقة:
ضعي السمكة كالمعتاد في صينية من البيركس .اقلي البصل في الزيت حتى يصفر ثم اخلطي الطحينة مع الخل والملح والبهار وحليها بالماء ثم صبيها على البصل وقلبيها جيداً معندما تبداء بالغليان ارفعيها واسكبيها على السمكة وزينيها بحلق الليمون وحلق الطماطم وحبات الفلفل الاخضر وغطيها وادخليها الفرن واتركيها حتى تنضج السمكة وتقدم مع الرز الابيض المفلفل والخبز الاسمر المحمر .
كمونية السمك .
المقادير :
سمكه متوسطه من سمك الناجل .ملعقة صغيره ملح .ملعقتان اكل كمون ناعم .عصير ليمونتان .ملعقتان من الزيت
الطريقه :
يشرح وجها السمكه بالسكينه .. يخلط الملح وملعقه من الكمون والزيت ويدهن بها السمكه من الخارج والداخل ثم توضع في قطعه من القصدير يرش الوجه العلوي للسمكه بالباقي من الكمون ثم تلف جيداً وتدخل الفرن حتى النضج تقدم مع الرز الصياديه .
لفائف الفلفل بالسمك .
المقادير :
سمكة فيلي .4 حبات من الفلفل الاحمر الرومي .عصير 4 ليمونات .4 ملاعق زيت زيتون .فصان ثوم مهروس .ملح وملعقة اكل من البهارات ( فلفل اسود كمون قليل من جوزة الطيب )
الطريقة :
قطعي الفلفل 5 ارباع طولياً .قطع السمك قطع مستطيلة في حجم قطع الفلفل.اخلطي جميع المقادير الباقية وضعي فيها السمك ولفية في القصتير وادخلية الثلاجة نصف ساعة ثم اخرجيه .افردي قطعة من الفلفل وافردي في قلبها قطعه من السمك ثم لفيها الى النهاية واغرسي اخرها بعود من خلت الاسنان الخشب .كرري العمل مع الباقي ورصية في صينية من البيركس صبي عليه قليل من الزيت وغطيه بالقصتير وادخلية في فرن هادء الحرارة 250 درجة حتى ينضج السمك ثم يحمر من الوجة ويقدم الرز الابيض وسلطة الطحينة .
السمك فى الفرن
المقادير
سمك بورى كبير +4 فلفل أخضر رومى مقطع حلقات +بصلتين كبيرتين حلقات+نصف رأس ثوم مقشرة و مفرومة +ملح- فلفل- كمون- شطة +نصف كوب ماء+عصير 4 ليمونات+ربع كوب زيت نباتى
الطريقة
- ينظف السمك جيداً و تزال الأحشاءوالخياشيم ويقطع بطول السمكة من الجنب،نضع طبقة من حلقات الفلفل و البصل و الليمون فى قاع صينية بايركس - يوضع السمك فوقة ثم فوقة طبقة أخرى من الحلقات - فى طبق اخلطى الزيت و الثوم و عصير الليمون و البهارات و صبيها فوق السمك- ضيفىالماء ثم ضعيها فى الفرن خدى بالك السمك بيستوى على طول و بالهنا و الشفا
الـرز بالكـــارى و الجمبرى
المقادير
بصلة كبيرة شرائح+5 فصوص ثوم+6زيت نباتى+ملح – فلفل+ملعقة كبيرة كارى+2 كوب ا رز+نصف كيلو جمبرى مقشر و مغسول
الطريقة
نحمر البصلة فى الزيت إلى أن يصفر لونها قليلاً ثم نضيف الثوم ثم الجمبرى و البهارات و نقلب إلى أن يصبح الجمبرى برتقالى اللون و نقلب قليلاً ثم نضع الرز و نقلبهم معاً جيداً إلى أن تختلط كل المقادير مع الرز ، نضيف حوالى كوبايتين ماء أو أكثر حسب نوع الرز و نتركه يتشرب الماء ثم نوطى النارو نتركه يستوى حوالى ثلث ساعة بنفس طريقة الارز العادى و بالهنا و الشفا
عند التقديم نضع الارز فى طاجن او سلطانية او طبق غويط ونكبسة كويس وبعدين نقلبه حيبقى شكلة حلو وممكن نجملة بوحدات من الجمبرى المسلوقة بقشرة
طرق عمل السمك المشوى
المقادير:
سمك بورى او دنيس -2 معلقة كبيرة زيت -معلقة كبيرة بقدونس مغسول و مفروم -ملح - فلفل - كمون --ثوم - عصير ليمون - ردة
الطريقة:
الطريقة الاولى: ينظف السمك و يغسل و يتبل بالملح والفلفل و الكمون و عصير الليمون ،نغطى السمك بالردة . نضع قطعة من الصاج على عين البوتجاز من فوق و نضع عليها السمك ونقلبه على الناحيتين لحد ما يستوى و حتلاقى لون الردة بقى اسود.
الطريقة الثانية: أن يوضع فى صينية ،نضع السمك فى صينية فيها زيت وفصوص ثوم و حلقات ليمون .مع دهن السمك بالزيت ،نضع الصينية فى فرن متوسط الحرارة الى ان يستوى و تقدمية وهو ساخن مع الليمون و البقدونس .
الطريقة الثالثة:
ندهن كل سمكة بالزيت ،نحط كل سمكة لوحدها فى ورقة الومنيوم ونلفها تماما بحيث مايكنش باين منها حاجة ،نرصص السمك فى صينية وندخلها الفرن بدرجة حرارة متوسطة ،تقريبا نص ساعة و حيكون استوى ،نطلعة و بالراحة نفك الورق الالومنيوم ويقدم ساخن مع الليمون و بالهنا والشفا
الجمبرى بالارز
نص كيلو جمبرى صغير -بصلة كبيرة - 5 فصوص ثوم - 4 معالق كبيرة صلصة - 2 حزمة بقدونس - 2 حزمة كسبرة خضراء - من 2 الى 3 كوب ارز - زيت
الطريقة
نغسل الارز _ نفرم البصل _ نفرم الثوم _ نقطع البقدونس و الكسبرة الخضراء بعد غسلهم ،نشوح البصلة المفرومة فى الزيت وبعدين نحط عليها الارز ونقلبهم مع بعض ،نضع علبهم الصلصة ونقلب برضة كويس ،نحط الماء على الارز و الملح و الفلفل و نسوية بالطريقة العادية بتاعتنا ،فى حلة تانية نضع معلقة زيت و نشوح فيها الثوم المفروم و بعدين نحط علية الجمبرى المقشر و المغسول ،و نشوحة تقليبتين مع الثوم و بعدين نحط الخضرة المقطعة مع الملح والفلفل و نقلب لحد ما يستوى الجمبرى ،حيكون الارز استوى عندنا و طفينا علية ،عند التقديم نجيب طبق غويط و نحط الاول طبقة جمبرى و بعدين نحط طبقة ارز وبعدين طبقة حمبرى و بعدين طبقة ارز و هكذا ،على ان تكون اخر طبقة هى طبقة الارز و يضغط علية ثم يقلب فى طبق التقديم و بالهنا و الشفا
الكابوريا
المقادير:
كابوريا بالكمية اللى انتى عوزاها +ملح – فلفل – كمون +بصلة كبيرة او 2 بصلة متوسطة
الطريقة
نضع الكابوريا فى حلة كبيرة و نضع عليها الملح و الفلفل و الكمون ، نقشر البصل و نقطعه شرائح تخينة و نحطة فى الحلة على الكابوريا، نخلط كلة ببعض كويس ، نولع النار متوسطة و تنطئى الحلة لفوق كل شوية ، حتلاقى الكابوريا لونها اتغير و بقيت برتقالى مزهزة، وحتلاقى الكابوريا نزلت مايتها و حتستوى فيها ، و برضة تفضلى تنطئى الحلة لفوق كل شوية لحد ما تستوى و حتبقى اخر تمام، كل السوى حيبقى نص ساعة . ساعة الاربع بالكتير و بالهنا و الشفا
الكابوريا المشوية (دون)
المقادير:
كابوريا- ملح – فلفل – عصير ليمونة – شوية زيت
الطريقة
نضع كله على الكابوريا و نطقئها كويس ، نرصص الكابوريا فى صاج ، وندخلها الفرن لحد ما تستوى و بالهنا و الشفا
شوربة الجمبرى
المقادير:
نص كيلو جمبري مغسول ومقشر+3 رؤوس سمك+نص كيلو طماطم+2 بصل اخضر+بصلة+ثلاثة فصوص ثوم مهروسين+ورقتين لورا+نص كوب زيت+نص ملعقة صغيرة زعترناشف+رشة زعفران+ملح و فلفل
الطريقة
نشيل الجزء الاخضر من البصل ونقطع البصل نفسة الابيض الى حلقات رفيعة،يقشر البصل ويفرم ناعما ونقطع الطماطم قطع صغيرة،نشوح البصل وحلقات البصل الاخضر فى الزيت على نار هادية مدة خمس دقائق ثم نضع ثلاثة أرباع كمية الجمبرى ورؤوس السمك والطماطم والثوم و الزعتر وورق اللورا والملح والفلفل والزعفران مع 4 كوب ماء.،و نخليهم كلهم على نار خفيفة لمدة نصف ساعة،بعد ما تستوى الشوربة نشيل منه رؤوس السمك ونضرب الشوربة فى الخلاط،نرجع الشوربة على النار و نضيف لها باقى جزء الجمبرى ونخليهم حوالى عشر دقايق ويقدم وبالهنا ءالشفا
شوربة السمك
المقادير:
راس سمكة وزيلها+راس سمكة قاروس أو وقار منظفة من الخياشيم و الفم بملح+ودقيق ومغسولة ويكون فيها شوية لحم +نص معلقة كبيرة سمنة+3 فصوص مستكة+2 فصين حبهان+معلقة ضغيرة دقيق +ملح وفلفل+معلقة صغيرة عصير ليمون+شوية بقدونس مفروم+شوية كرفس مفروم
الطريقة
اقدحى السمنة وحطى فيها المستكة والحبهان لحد ما ريحتهم تتطلع،ثم ضعى السمك يتشوح فى السمنة كويس وبعدين شيلية،ضعى ماء حوالى كوب ونص على السمنة لحد ما يغلى،زوبى الدقيق فى شوية ماء صغيرين وبعدين ضعية فى الماء اللى بيغلى على النارمع التقليب كويس وبسرعة واتركيهم على النار ،يغلوا حوالى 10 دقائق ثم تبليهم بالملح والفلفل ،رجعى السمك تانى فى الحلة اللى على النار وخليهم على نار هادية لحد ما خلاص يقرب يستوى ثم ضعى البقدونس و الكرفس المفرومين وبعد ما السمك يستوى شيلية من على النار واعصرى علية الليمون وبالهنا والشفا


اصابع السمك
المقادير:
سمك هامور فيليه مقطع أصابع بالطول -صويا صوص-دقيق-بيض-بقسماط- فلفل -زيت للتحمير.
الطريقة
يغسل السمك وينظف و يتبل بصلصة الصويا والفلفل ويترك لمدة 10دقائق. ،ثم يغمس السمك في الدقيق وبعدين في البيض ثم البقسماط مع الضغط البسيط باليد على قطعةالسمك . ،نضع السمك بعد ما نخلصه كله في الثلاجة لمدة نصف ساعة وبعدين نقليه في زيت ساخن وعميق حتى يصبح ذهبي اللون ويقدم وبالهنا والشفا
طاجن السببيط
المقادير :
بصل مبشور- ملح,فلفل+2طماطم متوسطة مقطعة +حزمة كرفس مقطعة +حزمة بقدونس مقطعة+نص كوب ذيت ذرة +كمون
فلفل رومى+فلفل حامى
الطريقة:
تضعى البصل والفلفل والطماطم والكرفس والبقدونس والملح والفلفل والكمون والزيت كله على بعضه وبعدين تضفيهم على
السمك وتقلبيهم كويس اتركيهم لمدة نص ساعة ثم ضعيهم فى الطاجن وغطيهم بورقة فويل هما حينزلوا مايتهم ويستووا فيها وبعدين تروحى شايلة الورقة لحد ما وش الطاجن يحمر تشيلية وبالف هنا وشفا ممكن تحطى حلقات طماطم على وش الطاجن بتدى شكل حلو لما تحمر
كسرول السمك
المقادير:
سمك ستيك اكجم قطع كبيره+بصل اخضر 20 جرام+ثوم 6 فصوص وتكسيرها+مسحوق كارى مدراس 2 ملعقه كبيره+فلفله خضراء تقطع الى قطع ناعمه+زيت نصف كاس+قطع خبز كوب+ملح ملعقه صغيره+عصير ليمون ملعقتين
الطريقه:
اقلى البصل الاخضرحتى يصبح شفاف،ضيفى له الثوم والشطه الخضراء ومسحوق الكارى مدراس وملعقه ملح وتحركيه اثناء عمليه القلى ليتجانس الخليط ثم اتركيه جانبا،ادهنى السمك بالليمون والملح وسيبيه 15 دقيقه،افرشى الخليط فى صينيه فرن ضعى طبقه من السمك الفيليه ثم اعملى طبقه ثالثه من الخليط الاول ثم ضعى طبقه رابعه من شرائح السمك الفيليه مره اخرى،فى الطبقه الاخيره ضعى طبقه من الخليط والخبز قومى بتسخين الفرن فى درجه حراره 2300مئويه وضعى كسروله السمك 20 دقيقه وتخرج من الفرن لتقدم حاره مع السلطه الروسيه او الفرنسيه
تر****ت السمك بالخضار
المقادير:
نص كيلو سمك تر****ت+بصلة كبيرة مقطعة شرايح رفيعة+جزرة مبشورة+نص كوب بسلة+عود كرفس مخرط+معلقتين زيت+نص كوب عصير طماطم+ملح وفلفل
الطريقة:
نخلط البصل و الجزر والكرفس والبسلة والملح والفلفل،نرصهم فى طبق فرن ونرص تر****ت السمك فوقهم،ونضع فوق السمك الزيت وعصير الطماطم ونغطى،الطبق بورقة فويل وندخلة فرن متوسط الحرارة وندخله الفرن لحد مايستوى حوالى نص ساعة وبالهنا والشفا
تر****ت السمك بالبشاميل
المقادير:
4 تر****ت سمك+معلقة كبيرة عصير ليمون+معلقة كبيرة زيت+ملح وفلفل +بشاميل خفيف+جبنة رومى مبشورة
الطريقة:
نرصص تر****ت السمك فى طبق فرن، ونضع عليه الملح والفلفل وعصير الليمون،نضع الجبنة المبشورة على البشاميل ونقلبهم، ونصبه على السمك نضعه فى فرن متوسط الحرارة لحد ما يستوى حوالى نص ساعة وبالهنا والشفا
الكاليماري المحشي
المقادير:
كيلو كاليمارى+2 بصلة كبيرة مفرومة+رأس ثوم مفروم+2 كوب عصير طماطم+ملح- فلفل- كمون- بهارات سمك+كوب بقدونس - كوب شبت +كوب كسبرة خضراء+زيت +2 كوب أرز
الطريقة
نضع كل المقادير على بعض ونخلطها كويس،و نحشى الكاليماري بس ما نملهوش قوى،نخيط الكاليماري بالخيط اونقفلة بعود خشب ،نضع فى حلة ماء على النار و بصلة وملح وفلفل و حبهان ونسيبها لحد ماتغلى الماء،ثم نضع الكاليماري في الماء لحد مايستوى،وبعدين نشيله و نصفيه ونحمره، وبالهنا والشفا


صلصة الليمون
المقادير:
3/4 كوب زيت زيتون او زيت زرة+معلقة كبيرة خل+2 معلقة كبيرة عصير ليمون+معلقة صغيرة مستردة+بشر ليمونة +ملح وفلفل
الطريقة
اخلطى كل المقادير مع بعض،وبعدين حطيهم فى زجاجة ورجيهم كويس ،قوى علشان يتخلطوا لحين الاستخدام،وبالهنا والشفا
تر****ت السمك بالبطاطس
المقادير:
4 بطاطسات متوسطة ومقشرة ومقطعة حلقات+4 تر****ت سمك+4 طماطمات مقطعة حلقات+بصلة مقشرة ومقطعة حلقات+فلفلة رومى مقطعة حلقات+2 معلقة صلصة كبيرة+ملح وفلفل
الطريقة
اغلى ماء على النار وحطى فية ملح وضعى البطاطس لمدة 10 دقائق تقريبا،شيلى البطاطس من الماء بس ماترميش الماء،فى طبق فرن او صينية رصصى البطاطس ورصصى ،فوقها البصل ورصصى فوقه الفلفل ورصصى فوقه الطماطم،واخيرا ترصصى فوقهم تر****ت السمك ،دوبى الصلصة فى كوبايتين من ماء سلق البطاطس ،وصبيها على الصينية مع الملح والفلفل غطى الصينية،بورقة فويل ودخليها الفرن بس يكون حامى تقريبا حوالى نص ساعة لحد ما تستوى وبالهنا والشفا
سمك التونة المشوى
المقادير:
كيلو سمك تونة-نص كوب بقدونس -نص كوب كسبرة خضراء+3 فصوص ثوم مهروسين -معلقه صغيره كمون ناعم+معلقه صغيره فلفل اسود -م ص كزبره جافة+نص كوب عصير ليمون -1/4 ك زيت زيتون- ملح+فلفلة رومى خضراء وفلفلة حمراء وفلفلة صفراء
الطريقه:
قطعى سمك التونا الى مكعبات 3 سم وتوضع في طبق كبير ،ثم نضع جميع المقادير الباقيه في الخلاط لحد ماتبقى ناعمة،خالص وحنتبل بيها السمك،تخلط مكعبات التونه مع التتبيله ونسيبها فى الثلاجة من بليل،نرصص قطع السمك فى العيدان الخشب و بين كل قطعة والتانية،قطعة فلفل اخضر او احمر او اصفر وتشوى على الفحم ،او فى الشوايه مع تقلبيها من الجهتين لحد ماتستوى وتحمر
صينية سمك
المقادير:
كيلو سمك جزل+علبه لبن زبادي+2معلقة كبيرة طحينه+2 معلقة كبيرة مايونيز+معلقه صغيره مستردة+3 معالق كبيرة عصير ليمون +معلقة كبيرة ثوم مهرس+ملح وفلفل+شرائح طماطم
الطريقة
نرص جزل السمك فى صينيه مدهونه زيت ،نخلط كل المقادير مع بعض،ثم نضعها فوق السمك ثم نرصص على وش الصينية شرائح الطماطم نغطي الصينيه بورقة فويل وبعدين،ندخلها الفرن لمدة من ربع لنص ساعة تقريبا،وبعدين نشيل الفويل علشان السمك يحمر
سمك مشوى فى الاسياخ
المقادير:
نص كيلو سمك ابيض+4 طماطم مقطعة اربع+ ك مشروم+فلفلة رومى مقطعة قطع تخينة+ورق لورو+عصير ليمون+ملح وفلفل
الطريقة
نقطع السمك الى قطع مكعبات كبيرة+ نجيب الاسياخ ونرصص فيها بالدور+مكعب سمك ثم قطعة طماطم ثم مشروم+ثم فلفل ثم ورقة لورو ونرش السيخ بعصير الليمون+نشويها على الشواية مع التقليب باستمرار مع رش عصير ليمون لحد ما يستوى وبالهنا والشفا
طاجن الجمبري
المقادير:
جمبري كبير +طماطم+فلفل اخضر+جزر مبشور+بصله مفرومه ناعم+ثوم مقطع ضغير+بهارات(ملح فلفل كمون كاري بهارات مشكله)+معلقه صلصه+ربع كوب صويا صوص
الطريقة:
توضع كل المقادير مع بعضها في طاسه تيفال كبيره مع كوب ماء و علي نار هاديه لحد ما استوي الجمبري،ومعاه ارز اصفر بالكركم و سلطه خضرا
صينية السلمون
المقادير:
4 شرائح ستيك سلمون ( تر****ت)+2 بصلة مقطعة شرائح رفيعة - ملعقة كبيرة زيت +لعقة صغيرة كزبرة ناشفة - ربع كوب عصير ليمون +ليمونتين مقطعين شرائح - ملح - فلفل
الطريقة :
شغلى الفرن قبل ما تبتدى ،تبلى السمك وادعكية بملح وفلفل،نضع الزيت فى مقلاية و نضع فية البصل لحد ما يحمر ثم نضع علية عصير الليمون والكزبرة مع الملح والفلفل و نقلبهم تقليبة،نضع الخليط اللى عملناة بتاع البصل في قعر الصينية و بعدين نرصص فوقه السلمون ونضع فوق السلمون شرائح الليمون وندخل الصينية الفرن لحد ما السمك يستوى وهو مابياخدش كتير بيبقى حوالى تلت ساعة وبالهنا والشفا
السلمون المشوى
المقادير
3 سمكات سلمون +2 ملاعق كبيرة زيت - عصير ليمونة - ملح - وفلفل
الطريقة :
تبلى السمك بالملح والفلفل و عصير الليمون والزيت،هاتى قطعة من ورق الألمنيوم وادهنيها بالفرشاة بالزيت وخرميها بالشوكة وافرديها على الرف السلك او على رف الشواية،ضعي السمكة على الألمنيوم واشويها من الناحيتين حتاخد حوالى 10 دقائق على كل وش .و بالهنا والشفا
طاجن السمك بالفريك
المقادير:
سمكة بياض حوالى كيلو أو كيلو ونصف مقطعه جذل+2 كوب فريك منقوع فى الماء+4 بصلات +2 وحدة طماطم+ملح وفلفل وقرفه وجنزبيل وبهارات وكمون+ثوم مفروم وليمون
الطريقة
1- تغسل جذل السمك جيدا وتتبل بالثوم والليمون والملح والكمون وتحمر فى الزيت- يخرط البصل ويحمر جيدا فى الزيت ثم يتم وضع ربع كوب ماء ويهدئ النار ويترك لينضج البصل وكلما قل الماء نزود قليلا إلى ان ينضج البصل جيدا - نقشر الطماطم ونبشرها بالمبشره فقط ونضيفها على البصل وتترك حتى تتسبك- يصفى الفريك جيدا من الماء ويوضع فى الطاجن ويغمس بداخله السمك ويضاف له البصل والطماطم وحوالى كوب ماء ساخن (ماء حتى حرف الفريك مثل الأرز) ويدخل الفرن (من الممكن إضافى قليل من الشطة لجعله حار حسب الرغبة
الكشك بالجمبرى
المقادير:
كيلو جمبرى مقشر - علبة زبادىكبيرة +صلصة أوعصير طماطم طازة +5؛6 ملاعق كبيرة دقيق+ملح -فلفل أسود -شطة +راس ثوم مهروسة+زيت -مستكة - جوزة الطيب+كوب حليب+2 كوب شوربة سمك(لوتعزرت يبقى شوربة ماجى)+قطعة من عجينة العيش
الطريقة
ضعى فى حاجة غويطةالحليب والدقيق والذبادى وقلبيهم كويس،نضع الزيت فى مقلايه لحد ما يقدح و نحمر فيةالثوم لحد ما يصفر
ثم نضع الجمبرى ويقلب فى الثوم ثم نضع الصلصة أو عصير الطماطم والملح والفلفل والشطة ،وجوزة الطيب والمستكةلحد ما يتسبكوا شوية ثم نضع الشوربة لحد ماتغلى غلوة ثم نضع قطعة العجينة ونسيبهم لحد ما يتسبكوا والعجينة تسيل وبعدين نضع خليط الحليب والزبادىوالدقيق وقلبى كويس جدا وبسرعة على نار هادية لحد ما يتخنوا ثم يغرف فى الطبق وبالهنا والشفا
ملحوظة : بعد ماتعملى العجينة لازم تسبيها تخمر الاول وبعدين تستعمليها مع الشوربة
الملوخية بالجمبرى
المقادير:
كيلو ملوخية +كيلوجمبرى مقشر ومغسول . +معلقة متوسطة ثوم مفروم+عصير 2 طماطمايةكبيرة+بصلة متوسطة مفرومة. +
ملح - فلفل +مكعب شوربة ماجى +2 معلقة كبيرة زيت
الطريقة:
نضع الزيت يقدح فى الحلة ثم نضع البصلة حتى تصفر ،ثم نضع الجمبرى ونقلبهم ونخليهم حوالى 10 دقائق ،ثم نضع شوية ماء صغيرين ولما يغلى نضع عصير الطماطم ،ونسيبهم شويه مع التقليب حوالى 5 دقائق لحدما يتسبك،تسبيك خفيف نضع الملح والفلفل ومكعب الشوربة ثم نضع الملوخية مع التقليب ونتركها لحد ما تقلب قلبة أو قلبتين بس ونظبط التخانه بتاعتها و نحمر الثوم المفروم فى معلقة زيت ثم نضعه على الملوخية ونقلب و نطفى النار وتقدم وبالهنا والشفا
كمونية بالجمبري
المقادير:
عصير طماطم- معلقتين سمنة- ثوم مدقوق و ملح و بهارات و كمون
الطريقة:
بنصفر الثوم في السمنة و بعدين نضيفله عصير الطماطم و الكمون و البهارات و انا باضيف معلقة سكر صغيرة عشان تكسر مزازة الطماطم. لما تتسبك ممكن نضيف معلقة صلصة او اتنين و بعدين نخف المقدار بشوية ماء لحد ما نحصل على سمك معقول للدمعة و بعدين نضيف الجمبري المقلي و لما تغلي غلوتين نطفي عليها و تتقدم جنب ارز السمك البني و سلطات
الجمبرى السبايسى بالطماطم
المقادير:
55 جرام زبد – 3 فصوص ثوم مهروسين – بصله كبيره متقطعه ناعم – فلفله خضراء حلوه كدهوت – فرع كرفس واحد – 450 جرام طماطم مضروبه حلو فى الخلاط – ملعقه سكر – ورقه لاورو واحده – نصف ملعقه زعتر ناشف ويفضل يكون نوعه جيد جدا – ربع ملعقه فلفل اسود – كيلو الا حاجه بسيطه (باخذ من الكيلو 100 جرام لاستعمال اخر هكتبه لكم ) – نصف ملعقه بشر ليمونه – عصير ليموناتين
الطريقة:
على النار نسخن الزبد نضيف الثوم اول
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:29 am

خامسا (( قسم المعجــــنات))

بعض الملاحظات البسيطة على المعجنات ::
لازم وانتى بتعملى اى نوع من أنواع البسكوتات أو الفطاير أو الكحك . تخلى بالك من الدقيق قوى لان انواع الدقيق بتختلف عن بعض فية نوع يشرب السمنة كلها و فية نوع بيسموة ( بينكر السمنة )يعنى و انتى بتعملى العجينة تلاقى سمنة عمالة تنزل منها و تلاقى الطبق كلة سمنة .. علشان كدة و انتى بتدعكى و بتلمى العجينة بأيدك مش لازم تتأيدى بكمية السمنة المكتوبة ممكن تبقى مظبوطة و ممكن تزودى دقيق من عندك و ممكن تقللى عن المقدار طالما انك شوفتى العجينة اتلمت
و ضرورى تخلى بالك من الفرن.. يعنى الكيك فى الاول بنعلى علية لحد ما الحرارة ترفع العجينة و بعد كدة بنوطى شوية لكن البسكوتات لازم تخلى بالك من درجة الحرارة علشان لو عالية البسكوت حينشف و يحمر من تحت
تانى حاجة بالنسبة للمأكولات ( الطبيخ و اللحوم ...الخ) مش تفضلى تحطى اى نوع بهارات و خلاص ؟؟ و تلاقى النتيجة فى الاخر ان طعم الاكلة الاصلية ضاع من البهارات اللى محطوطة و ملهاش علاقة بالآكلة يعنى بلاقى حد بيحط الكارى و السماق و الزعتر و المستردة على أكل وهو مش مطلوب وضعة فا بالتالى النكهة اللى بتحطيها بتغطى على طعم الاكلة نفسها ...معلش دى ملاحظات سريعة لاحظتها و ضرورية

المنين المصرى
المقادير:
1 كيلو دقيق (طحين)_ 1/2 1 كوب سمن سايح_ زرة ملح _1 ملعقة صغيرة شمر _1 ملعقة صغيرة يانسون _ 1 ملعقة صغيرة سكر _1 ملعقة خميرة فورية او قطعة خميرة بيرة فى حجم اليوسفى الصغيرة من عند الخباز _ 1/4 كوب ماء دافىء _من 1/2 ل 1 كوب حليب دافىء للعجن. 1 ملعقة كبيرة سمسم
الطريقة :
ينخل الدقيق و الملح و نضع عليهم الشمر و اليانسون و السمسم.و الخميرة.يقدح السمن على النار ثم نصبه على الدقيق ونبدء بالكبشة نقلب حتى يختلط السمن بالدقيق ونتركة شوية يبرد حتى تتحمل اليد درجة الحرارة ونبدء فى دعك العجينة كويس جدا ودة شرط نجاح المنين (نبس العجينة )نضيف الحليب شوية شوية حتى تتكون عجينة متوسطة و تترك الاناء نغطيها و نتركها فى مكان دافىء لتخمر اى تذيد . بعد ماتخمر نبدأ فى تشكيلها اما نأخذ قطعة فى حجم اليوسفى الصغيرة وندورها كويس بين ايدينا و نضعها فى صينية مش مدهونة و نبطط خفيف بأيدنا عليها او ناخد قطعة عجينة و بأيدينا الاثنين نبرم فيها امامنا على الترابيزة الى ان تصبح عصاية طويلة مبرومة نحضر السكينة و نقطع بالورب على مسافات متساوية وحدات المنين ثم نشيلهم بالراحة و نرصصهم فى الصينية و نبطط خفيف بأيدنا نترك المنين يخمر ثم ندخلة الفرن متوسط فى الرف الوسط حواللى 1/3 ساعة
ملحوظة : اذا استعملتى الخميرة بيرة يبقى تضعيها فى كوب مع السكر لحد ماتسيل خالص و بعدين تضعى الماء الدافىء و تقلبى و تتركى الكوب فى مكان دافىء لحد ماتلاقيها خمرت .ثم تضعيها على الدقيق بعد وضع السمن
البـــــــــــــــيتزا
المقادير:
2 ملعقة خميرة صغيرة+ م سكر+ 3 كوبايات دقيق + 1 كوب لبن + 1/2 كوب زيت ورشة ملح
الطريقة:
ضعى الخميرة مع سكر صغيرة وحطى عليهم شويه مية دافية وحطيهم بمكان دافى وياريت لو مظلم 10 دقايق يعنى مثلاانا بحطهم بالفرن بس من غير ما اولعه..يعدين هاتى ال دقيق اللبن + الزيت ورشة ملح وعليهم الخميرة واعجنيهم وسيبيها تخمر 3 ساعات ويعدين افرديها فى الصوانى وحطى عليها الاضافات اللى انتى عايزاها للبيتزا كل واحده حسب مابتحب وحطيها فى فرن حامى شغال مكن قبلها بخمس او عشر دقايق ودخليها لمده من تلت لنصساعة على حسب ما تفتحى الفرن وتشوفى الجبنه ساحت والعجينه استوت بس خلى بالك بلاش تحطيها فى الفرن من تحت عشان متتحرقش خليها على رف بالنسبة لسوى البيتزا انا ساعات بدخلها الفرن 5 دقائق تحت بدون الاضافات و بعديناطلعها ارمى فيها الاضافات و ارش الجبنة و معلقة زيت و ادخلها فوق يادوب تسيحالجبنة . و على فكرة اعملى الطريقة دى اذا كنتى حتشيليها فى الفريزر للطوارىءالشديدة توصلى للمرحلة بتاعة و ضعها فى الفرن بدون اى اضافات لمدة 6 دقائق بالضبطولما تبرد حطيها فى كيس فى الفريزروعند الاستخدام تطلعيها و يادوب ترمى عليهاالاضافات و تدخليها فى الفرن

كيكة البـــــــــيتزا
المقادير:
6 ملعقة طعام طحين+6 ملعقة طعام حليب بودرة+1 ملعقة طعام باكنج باودر+4 بيض+ربع فنجان صغير زيت+ثلاثة أرباع فنجان صغير لبن زبادي +1 فنجان صغير ماء+ربع ملعقة صغيرة ملح،الحشوة:فلفل أخضر مقطع مكعبات - طماطم مقطعة مكعبات - شرائح فطر - شرائح زيتون أسود - جبنة شيدر مبشورة(ممكن أستعمال لحم مفروم مسلوق أو ربيان مسلوق أو دجاج)
الطريقة
إدهني قالب الكيك (كيكات الكوب)cup cake بالزبدة أو الزيت (أو نفس القوالب الورقية و رتبيها في صينية فرن مدهونة أيضا) و سخني الفرن- خضري الحشوات- في وعاء أو زبدية أخلطي كل مكونات العجين بخلاط الكيك مع بعض حتى تتجانس(1 - 2 دقيقة- إملأي نصف القوالب بالعجين ثم إنثري الخلطة عليها و ليكن الجبن آخر شيء- قللي حرارة الفرن الى 180 درجة مئوية أو 350 فهرنهايت و أدخلي القالب و راقبيه لأن ينضج خلال (10 - 20 دقيقة أي يحمر العجين من أسفل) ثم حمري الوجه...

فطائر اللحم
المقادير:
للعجينة: 3 أكواب دقيق _ زرة ملح+كوب و ربع ماء دافيء +ربع كوب زيت +ملعقة خميرة جافة+نصف ملعقة صغيرة سكر
الحشوة: عصاج و علية معلقة كبيرة بقدونس مفروم
الطريقة:
نضع الخميرة مع السكر و ربع كوب الماء الدافىء ونقلبهم كويس ثم نضعهم على باقى المقدار تخلط باقي المكونات و نتركها لتتخمر لمدة ساعة أو ساعتين. تقطع العجينة لكرات صغيرة قد الليمونة تفرد العجينة حتى تصبح رقيقة وبعدين نجيب كوباية و ندوس بيها على العجينة عشان تطلع لنا دوائر و تحطى على كل دائرة معلقة عصاج و تجيبى طرف الدائرة على الطرف التانى حتبقى عاملة شكل القطايف ترص الفطائر في صينية مدهونه و تمسح الوش بالفرشاة بلبن و ندخلها الفرن لحد ما تلاقى لونها دهبى و ممكن تحمريها فى زيت

الفطاير بالكفتة
المقادير:
مقادير الكفته:- نصف كيلو لحم مفروم- بصله كبيره مبشوره- ملح - فلفل - بهار - نصف كوب بقسماط ناعم- بقدونس مفروم
مقادير العجينه:- 2 كوب دقيق - 2 كوب ماء مغلي- ربع كوب زيت- ملعقه صغيره ممسوحه ملح
الطريقة:
طريقة الكفته -- نعحن جميع مكونات الكفته جيدا ، طريقة العجينه- نضع الميه والزيت والملح في حله علي النار ونتركها حتي تغلي- نضع الدقيق ونقلب العجين ثم نرفعه عن النار- نترك العجينه تبرد .. ونكرر العجن جيدا ..- نشكلها كور صغيره في حجم الليمونه .. - نفردها ونحشيها بعجينة الكفته علي شكل دوائر- نمسح مقلايه تيفال بالزيت ونرص فيها الدوائر المحشيه -نتركها علي نار هادئه وهي مغطاه - نرشها بالماء من حين لآخر ونقلبها علي الوش التاني إلي أن تحمر قليلا من الجهتين - توضع في طبق التقديم ونجملها بالبقدونس

خبز الصاج ( الرقاق )
المقادير:
تقديريه 1 كيلو دقيق + ماء دافئ للعجن + ملح
الطريقة:
نكون عجينه طريه شويه وبدون خميره .ونقرصها كور صغيره علي سطح مرشوش بالدقيق ..نتركها مغطاه بقماشه ساعه لترتاح
طريقة الخبز للخبز كالصاج نحتاج إما صينيه أو مقلايه أو مصفاه ألمنيوم مستديره نضعها مقلوبه علي بوتاجاز متوسط الحراره
وقت الخبز نفرد فطيره بالنشابه بمساعدة دقيق مرشوش علي الرخامه نخبزها علي السطح الألمنيوم .. علي الجهتين وفي نفس الوقت نفرد فطيره أخري لنخبزها بعدها ..وهكذا .. إلي أن ننتهي من كل العجين .. يستعمل خبز الصاج أو الرقاق عندنا في عمل صينية رقاق أو سندوتشات شاورما يمكن عمل مناقيش وقت الخبز بدهن االرقاق بالزعتر أو الجبنه وغيره من أصناف المناقيش

طريقة أخرى لخبز الصاج
المقادير:
1 ك دقيق أبيض+2 ك دقيق قمح+½ م/ك خميرة+½ م/ك ملح+1 ك ماء
الطريقة:
تعجن جميع المقادير مع بعضها حتى تتماسك، ثم تكور على هيئة كور وتترك حتى تتخمر.تفرد كل وحدة من وحدات العجينة باليد مع رشها بدقيق القمح، ثم تقلب بين اليدين حتى ترق ويكبر حجمها.توضع العجينة على مخدة وترق أكثر حتى يزداد حجمها أكثر، ثم توضع على الصاج وهو ساخن، ويترك لدقيقة واحدة حتى تتكون فقاعات ويميل لون الخبز إلى اللون الذهبي.يرفع الخبز من على الصاج، ويترك حتى يطرى، ثم تحشى بحشوات مختلفة حسب الرغبة.* ملاحظة: يمكن استخدام نفس العجينة للحلويات مع زيادة:¼ ك سكر2 م/ك زيت

الفطير المشلتت
المقادير:
1 ك دقيق+ماء للعجن+سنه ملح وزيها سكر
الطريقة:
يوضع الماء قليلا قليل على الدقيق المنخول ويقلب باطراف الاصابع حتى يصير عجينه ونبدا بتفتيغ العجينه تفتيغ العجينه وهو العامل الاساسى فى نجاحها كفطير وهوه انك بتعجنى العجينه بايديكى وهى مقبوضه يعنى تقبض كف ايدك وتعكسى اليمين مع الشمال وتعجنى لمده ربع ساعه بالظبط وتمسكى قطعه من العجينه وتضغطى عليها بين السبابه والابها م ولو الضغط نتيجته طلعت العجينه رقيقه بدون اى كلكيع فيها خلاص سيبيها ساعه تهدا اما لو كانت فيها كلاكيع تبقى محتاجه عجن تانى وتكررى تانى لمده ربع ساعه وبعد ما ترتاح العجينه تقطع على شكل كورات بحجم كوره التنس الى ان يتم تقطيع المقدار كله وبرده تسيبيها ساعه تهدا
وبعدين تجيبى صينيه كبيره مفلطحه وتضعى عليها زيت زره وتبتدى براحه يدك تفردى العجينه الى ان تبقى رقيقه جدااا وتكبر على قد الصينيه تضعى فيها قطع من الزبد او السمن موش سايح يكون ماسك شويه وتوزعى السمن على كل الدايره وفى المنتصف
ثم تطبقى العجينه يعنى تجيبى اليمين فى النص والشمال فى النص وفوق فى النص وتحتحت فى النص وتلميها وتحطيها فى حاجه لوحدها على جنب ثم تجيبى كوره تانيه تفرديها زى ما عملنا فى الاولى بس من غير سمن وتحطى الاولى فى وسط التانيه وتلمى الاحرف تانى --الاحرف بتاعه العجينه التانيه تلميها فى المنتصف مثل الولى وتجمعى الاتنين على بعض وتجيبى صينيه مدهونه سمن وتضعى فيها الفطيره اللى هيه طبقتين وتضعيها فى الصينيه وتطبططيها شويه على مقاس الصينيه وتضعى على وجهها قطع السمن او الزبد وتوضع فى فرن شديد الحراره وعند احمرار الوجه تخرج ويقدم معها العسل الاسود او الجبن المصرى القديم

طريقة أخرى الفطير المشلتت
المقادير:
-كيلو دقيق - -نصف كيلو سمن سايح - -ماء دافئ للعجن - -ملعقه صغيره ملح - -حوالي نصف كوب زيت ذره لمسح وفرد العجين
الطريقة:
نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفرد بالنشابه و نتركها ساعه لترتاح .. ندعك العجينه مرة أخري ونقسمها لعشرين قطعه مستديره وندهنها بزيت الذره ونضعها في صينيه بها زيت ونتركها ساعه ليسهل فردها .. وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه و شفافه جداونمطها من الحواف ونضعها في صينية الخبز ونرشها بالسمن ونفرد قطعه أخري ونضعها فوق الأولي وندهنها أيضا بالسمن وهكذا حتي عشر قطع للفطيره الواحده وكل مره نرش السمن.. ثم نطوي الأركان الأربعه للفطيره للداخل . فتشكل مربع نلفه كالسويسرول ونتركه حتي نعمل الفطيره الثانيه بنفس الطريقه.. في صينية الخبز نفرد الفطيره باليد ونبططها بشكل مستدير نخبز في فرن ساخن علي درجة400في الرف الأوسط حوالي نصف ساعة ثم نخرجهاوندهن الوجه بالكريمه اللباني (القشده ) ونعيدها لتحمير الوجه تؤكل مع الجبنه وعسل النحل والقشده والبيض المسلوق ممكن خلط السمنه بزيت ذره لتكون فطيره قليلة الدسم ..

فطير مشلتت بالسكر
المقادير
نص مقدار الفطير المشلتت المكتوبة(فوق)يعنى مثلا+نص كيلودقيق +ربع كيلو سمن سايح+ماء دافئ للعجن +1/2م ص ملح
الطريقة
نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفردبالنشابه و نتركها نص ساعه لترتاح ندعك العجينه مرة أخري ونقسمها لعدة كور مستديرة نعجن كل قطعة لوحدها نفردها و نرققها خالص وندهنها بالسمن السايح ونطبق اطرافها لجوة ( الى الوسط)و بعدين نبططها و نضع سمن سايح و بعدين نطبق الاطراف لجوة تانى وندهن سمن سايح وهكزا تفضلى تطبقى اطراف العجينة لجوة تتدهنى سمن و تبططى كل دة حوالى 6 مرات ورا بعض على طول ادهنى الصينية او صاجة بدون حواف بالسمن ودخليها الفرن متوسط الحرارة ولما تطلع من الفرن ترشيها بالسكر البودرة

بقسماط بالسمسم
المقادير:
5 كوب دقيق+كوب ونصف ماء أو لبن أو خليط منهم دافئ+ملعقه صغيره ملح+خميره بيره + ملعقه سكر+ربع كوب زيت + سمسم مغسول وناشف
الطريقه
ندعك الخميره مع السكر إلي أن تسيل ونضع عليها نصف كوب ماء دافئ ونتركها تخمر بأعجن البقسماط بطريقه سهله أضع في الخلاط الخميره والماء أو اللبن المذكور في المقدار والزيت والملح وأخلط جيدا أضع حوالي من 1 كوب إلي 2 كوب دقيق في الخلاط وأخلط ( علي حسب مقدرة الخلاط في اللف )خلط جيد حتي ينعم أسكب الخليط في طبق غويط .. وأكمل العجن بباقي الدقيق حتي تتكون عجينه متماسكه نتركها تخمر حتي يتضاعف حجمها أشكلها إما ببرمها أصابع طويله أو أصل الأطراف مكونه كعكه أدهن الوجه ببيضه + ملعقه كبيره لبن بودره مخفوقين أرش السمسم علي وجه الكعك أو أدحرج أصابع البقسماط علي السمسم مهم ترك البقسماط يخمر تانية ويتضاعف مرة أخري أخبز في فرن متوسط الحراره .. حتي يتحمص البقسماط

باتون ساليه
المقادير:
1 كيلو دقيق+نص كيلو سمنه+4 بيض+1 ملعقه صغيره ممسوحه ملح+1 ملعقه كبيره كمون+1 ملعقه كبيره خميره بيره + ملعقه صغيره سكر+حوالي من 1 إلي 2 كوب حليب أو ماء للعجن
الطريقه
ندعك الخميره مع السكر إلي أن تسيل ونضع عليها ربع كوب ماء دافئ ونتركها لتخمر نفرك السمن مع الدقيق نضيف البيض المربوب ونقلبه مع الدقيق نضع الخميره ونقلب نكمل العجن بالحليب .. حتي تتكون عجينه متماسكه وناعمه لتكون سهلة التشكيل
يضاف الكمون ونعجن مرة أخرى نترك العجينه تخمر حوالي ساعه نشكلها أصابع رفيعه كالقلم ..ونتركها تخمر نخبزها في فرن حرارته فوق المتوسط قليلا ونركها تنشف بعض الشيء طريقة الباتون ساليه سهله ..وبهذه القادير جميل جدا لكنها طريقه دسمه بعض الشيئ للإفطار اليومي أعملها في بوفيه المناسبات ..وممكن تقليل السمن بعض الشيئ .. بكده تكون وسط بين البقسماط والباتون ساليه

عجينة السمبوسه
المقادير:
3 كوب دقيق - نص كوب زيت - حوالي كوب ماء للعجن + ذرة ملح
الطريقة:
أفرك الزيت مع الدقيق حتي يختلط به بالكامل،أعجن بالماء حتي تتكون عجينه متماسكه .. وأستمر في العجن حوالي عشر دقائق مهم أن تكون العجينه ناعمه .. أتركها ترتاح حوالي نص ساعة أفرد العجينه رفيعه .. وأقطعها دوائر وأحشيها ..إما باللحمه المفرومه العصاج أو الجبنه أو الخضار
حشوة الجبنه :كوب جبنه مبشوره إما تركي أو حمراء - كوب جبن قريش مهروسه بالشوكه+نصف كوب زبادي - ملعقة نشا ناعم - 2 بيضه+ملح - فلفل أسود - ملعقة نعناع ناشف ناعم - 2 ملعقة بقدونس مفروم ناعم
أخلط جميع مقادير حشوة الجبنه ..وأتأكد من الطعم ..ممكن تكون محتاجه ملح قليل ممكن أي أصناف جبنه موجوده إستعمليها لو عندك جبنه بيضاء أو موتسريللا مثلا إعملي خلطه من الجبن .. أهم حاجه ما تنسيش النشا .. هوه إللي بيمسك الخلطه في القلي مع وجود البيض أيضا .. بعد حشو السمبوسه بالجبن إقفليها كويس وإقليها في زيت ساخن

عجينة الميل فى
المقادير:
كيلو دقيق +ذرة ملح +معلقة صغيرة بيكنج بودر+3/4 كيلو زبدة +2 كوب ماء للعجن +1/2 معلقة صغيرة عصير ليمون
الطريقة
انخلى الدقيق مع الملح و اعملى حفرة فى وسط الدقيق - نزلى الماء واحدة واحدة على الدقيق و افضلى اعجنى اعجنى بأيدك - لحد ما تتكون معاكى عجينة بس تكون جامدة ماسكة نفسها - بعد ما تتكون العجينة اعجنى فيها شوية بأديكى - افردى العجينة امامك على الرخامة على هيئة مستطيل طويل- رشى الزبدة بيادوب رشة دقبق صغيرة (علشان تسحب الماء اللى موجود فى الزبدة)- افردى الزبدة على نص المستطيل اللى من ناحيتك مثلا بحيث تكون فى المنتصف و بعيدة عن الاطراف و الجناب - .اقفلى النص التانى الفاضى من المستطيل بحيث يغطى الزبدة و دوسى بأديكى على الجناب كويس - بالنشابة بالراحة افردى العجينة عشان الزبدة ما تطلعش منها و طبقيها على هيئة ظرف يعنى تجيبى الجنب اليمين فى نص المستطيل و الجنب الشمال فى نص المستطيل و الطرف اللى ناحيتك ترفعية لنص المستطيل و الطرف اللى هناك فى نص المستطيل كدة حتبقى شكلها بقى مربع او مستطيل صغير - ضعيها فى الفريزر بالظبط لمدة 15دقيقة ولا اقل ولا ازيد بين كل مرتين - تطلعيها بعد ال15 دقيقة وتكررى نفس عملية الفرد بالنشابه و التطبيق تانى و تحطيها برضة فى الفريزر 15 دقيقة تفضلى تعملى كدة لمدة 6 مرات
ملحوظة :سبب الفرد و التطبيق كل هزه المرات هو دة اللى بيخليها طبقات مورقة علشان كدة ماتقلليش عدد المرات اثناء الفرد بالراحة بالنشابة علشان الزبدة ما تطلعش لبرة ظبط الوقت بين كل تطبيقة و التانية مهم جدا احتفظى بها فى الفريزر فى كيس نايلون لحين الاستخدام
ملحوظة: طبعا علشان هى متعبة بس فى عمايلها فأنا من رأيى انك تتعبى مرة واحدة و تخليها عندك فى الفريزر

عجينة الباف باسترى puff pastry
نفس عجينة الميل فى بس الاختلاف الوحيد فى المقادير بس
المقادير :
كيلو زبدة +كيلو دقيق +ماء بارد للعجن +ذرة ملح+1/2 معلقة صغيرة عصير ليمون لكل 1/4 كيلو دقيق

حشوة للتارت المالح
المقادير:
كوب لبن – 2 بيضة – ملعقة نشاء – ملح – فلفل – شرائح جبنة رومى – شرائح بسطرمة
الطريقة :
نضرب البيض كويس ،نزوب النشا فى اللبن البارد و نضعه على البيض و نقلبهم كويس ونحط الملح و الفلفل بعد ما تكونى عملتى التارت و فردتيها فى القوالب المخصوصة للتارت نضع شرائح البسطرمة و الجبنة الرومى فى القوالب وبعدين نصب الخليط اللى عملناة فى قوالب التارت على الجبنة و البسطرمة بحيث اننا ما نملاش القوالب الا ل 3/4 القوالب فقط علشان هو حينتفخ اثناء السوى نضعهم فى فرن ساخن لمدة 5 دقائق و بعدين نخلية متوسط الحرارة تقريبا من 1/3 ل 1/4 ساعة

حشوة أخرى للتارت المالح
استبدلى الحشوة اللى فوق يعنى بدل الجبنة و البسطرمة نضع فى كل قالب حوالى ملعقة خضار مسلوق ونضع عليها طبقة خفيفة جدا من البشاميل الخفيف و نرش رشة جبنة رومى مبشورة وندخلها الفرن

حشوه أخرى للتارت المالح
المقادير:
2 بيضة +نص كوب جبنة شيدر+بصله صغيره +ملعقه كبيرة زبده +كوب لبن - فلفل اسود+وممكن زى ما انتى عاوزة قطع سوسيس او قطع مشروم او قطع دجاج
الطريقه
نخلط الزبده مع الجبنة والدقيق واعجنهم قطع صغيره واضعهم فى قوالب التارت وندخلهاالفرن لحد ما تصفر او تحمر خفيف وبعدين نحط ونوزع الجبنة الشيدر في القوالب
ونعمل الحشوه : نسيح الزبده ونقلب البصله فيها لحد ما تدبل و تصفر ونحط فوقها قطع الدجاج او السوسيس او المشروم ونوزعها في القوالب فوق الجبنة نخلط اللبن والبيضمع الفلفل وجوزة طيب ونصبه فوقها وندخلها الفرن عشر دقائق
التارت المالح نضع عليه حشوة جبنه أو دجاج مسلوق أو مع الخضار .. البسله .. الفلفل الحلو .. سبانخ .. مشروم .. أو ممكن جمبري .. وبعد كده نخفق2 أو3 بيضات مع كريمه وملح وفلفل أسود.. ونضعها فوق الحشو ..ثم الجبن المبشور .. بعد فرد التارت المالح بالعجينه نخبزه في فرن متوسط الحراره ..وبعد كده نحشيه .. ونعيد خبزه مرة أخري بالحشو

تارت التونة بالخضار
المقادير:
1/2 كوب زيت +1ونص كوب دقيق +زرة ملح+2 معلقة ماء للعجن +علبة تونة مخلوطة ب 2 معلقة مستردة+الخضار( فلفلة رومى خضراء – فلفلة رومى حمراء – فلفلة رومى صفراء – اكوسه مقطعة صغير – بصلة صغيرة مقطعة صغير – طماطماية صغيرة مقطعة صغير- ) ملح – فلفل – بهارات +معلقة كبيرة ثوم مهروس
الطريقة
نضع الدقيق و الملح و الزيت والماء ونعجنهم بأيدنا لحد ما تتماسك بس العجينة نفردها فى صينية التارت بنفس الطريقة السابقة مع رفع الجوانب وادخلها الفرن .حوالى 10 دقائق .بعد ما نطلعها من الفرن ادهن قعر التارت بالتونة المخلوطة بالمستردة ثم اضع عليها الخضروات و ادخلها الفرن لحد ما تلاقى جوانب التارت احمرت
طريقة الخضار للتارت
نضع فى مقلاية معلقتين زيت لحد ما يسخن اضع الثوم لحد ما يصفر خفيف وبعدين اضع الكوسة و الفلفل بالوانه والبصل و الطماطم مع التوابل نقلب كلة على النار لحد ما الخضار لونة يزهزة و يستوى يادوب تقليبتين وبعدين نصبه فى التارت طعمها جميل

عجينة القطابف
المقادير
1 كوب دقيق سميد ناعم +2 كوب دقيق ابيض+1 ملعقة صغيرة خميرة( فورية اوعادية) +2 معلقة صغيرة بيكنج بودر+نص معلقة صغيرةملح+3 اكواب ماء دافى
الطريقة:
تخلط السميد مع الدقيق مع الملح و البيكنج بودر مع بعض ندوب الخميرة مع كوب ماء دافيء و شوية سكر..نحطهاعلى باقى المواد السابقة مع باقي الماء ال كوبايتين و نضربهم فى الخلاط ( دورق العصير) لحد ما يتخلطوا كلهم و تتكون عجينة العجينة حتكون متوسطةالسمك ولا هى خفيفة سايلة و لا هى تخينة و نضعها فىطبق بلاستيك ونسيبها تخمرحوالى نصف ساعة هاتى مقلاية تيفال و حطيها على النار على نار هادية جدا ضعى شوية منالعجينة فى فنجان وصبى منه او حطى العجينة فى قمع مع سد الفاتحة حتى لاتنزل العجينةو بعد ما تنزلى الشوية اللى عوزاهم سدى تانى بصابعك اول مرة بس هاتى الفرشاة و امسحى المقلاية بالزيت يا دوب مسح و ابدئي بصب العجينة بالمقاس اللى انتى عيزاة يعنى يا اما صغيرة عصافيرى او متوسطة او كبيرة بعد ما تنزليها في المقلاية حتشوفى بانت فقاقيع علىالوجه و لما تلاقيها من تحت بقى لونها بني شيلى القطايف و حطيها على طبق و هكذا فى باقى العجينة لحد ما تخلصى العجينة كلها

القطايف بالجبنة
المقادير:
1/2 كيلو قطايف حجم متوسط ( ولا كبيرة ولا عصافيرى )+جبنة رومى مبشورة حوالى 1/4 كيلو +زيت للتحمير
الطريقة
هاتى القطايف واحدة واحدة و احشيها بالجبنة المبشورة بالمعلقة الصغيرة و امليها سخنى الزيت فى المقلاية و حمرى فيها القطايف عادى خالص حتبقى لونها زهبى شيليها على الورق الماص للدهون و تؤكل وهى ساخنة
ملحوظة : لطول شهر رمضان كونى جايبة مثلا كيلو جبنة رومى و اضربية فى الكبة مرة واحدة و حطية فى علبة بلاستيك فى الثلاجة و كل يوم يا دوب فى 5 دقائق تكونى حشيتى القطايف قبل المغرب على طول وكل ما تخلص الجبنة تجيبى غيرها وهكذا
عندي حشوة جبنه بتطلع حلوه قوي .. لإني بأجمع فيها أي أنواع جبن جبن رومي أو حمراء أو شيدر أو جوده أو أي نوع جبن وكله مبشور ممكن الجبنه القريش والإستامبولي وأي نوع جبن أبيض مهروسين بالشوكه ألخبطهم علي بعض وأحط شوية نشا تمسكهم وممكن بيض مربوب وممكن نعناع ناشف أو أخضر وشوية بقدونس ..كل دول أعمل خلطه بيهم .. أحشي بيها القطايف وأشيل منها في الفريزر لوقت الحاجه ..

مقادير الدنش
المقادير:
2 1/2 كوب دقيق+1/2 كوب لبن دافى+1/4 كوب مية دافيه+2 1/2 م/ص خميرة+1 بيض+1/4 كوب سكر+1/2 كوب زبدة مثلجة قطع
الطريقة:
نحط البيض مع الدقيق والزبدة فى العجانة والبيض ونحط الخميرة فى اللبن الدافىء والمية ونضيفهم على الخليط ونضربهم كلهم فى العجانة لحد ما تتماسك وتصبح قطعة واحدة ونسيبها تتخمر شوية وبعدين نحطها فى الثلاجة علشان تجمد لانها بتكون عجينة طرية وبعدين ناخدها ونفردها ونبتدى نشكلها كالتالى :نقطعها مربعات متساوية ونشق أطرافها هيكون عدنا حوالى 4 مثلثات ونقفل من كل مثلث عندنا حرف لجوه - نعمل مربع ونقفله زى السمبوسك الناحيتين قدام بعض لتكون شبه المثلث-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل - نفردها مستطيلة كبيرة ونقطعها من الجنب بالقطاعة تحت بعض بين كل واحدة والتانية 1 سم تقريبا- نعمل مربع ونقفل كل ناحيتين قدام بعض لحد ما نحصل على شبة الظرف المقفول- ممكن نعمل مربع ونقفل ناحيتن قدام بعض بس ونسيب الناحيتين التانيين و نسيبهم يخمروا مرة تانية قبل ما نحطها فى الفرن ندهنهم بالبيض قبل ما ندخلهم الفرن على درجة حرارة 200 ولمدة 15 دقيقة
لعمل الكاسترد :
نضرب صفار البيض مع فانيليا والسكر وبعدين نحط حتة زبدة وشوية لبن صغيرين ونضربهم كويس أوى وبعدين نضيف النشا ونقلب جامد وبسرعة وبعدين نضيفها على اللبن ونحطهم على النار ولما تتخن نحط الحلة فى حمام مائى ونسيبها تبرد ونحشى بيها الكاسترد مع الفاكهة
لتلميع الوجه بعد ما يستوى الدنش : نجيب مربة مشمش ونحطها مه شوية ميه على النار علشان تكون سايلة وندهن بيها كل الدنش اللى بيطلع من الفرن

طريقة أخرى للدانش
المقادير:
نصف كيلو دقيق + نصف ملعقه صغيره ملح + 2 ملعقه كبيره سكر+2 بيضه + كوب ماء أو لبن +1 ملعقه كبيره خميره + ملعقه صغيره سكر + ربع كوب ماء دافئ+حوالي كوب زبده .. أضعها في التلاجه ليسهل تقطيعها شرائح رقيقه
الطريقة:
ندعك الخميره مع ملعقة السكر إلي أن تسيل ونضيف عليها الماء الدافئ ونتركها تخمر نخلط الدقيق مع الملح والسكر ونعمل حفره في الوسط نضع فيها البيض المربوب واللبن والخميره .. ونعجن حتي نحصل علي عجينه متماسكه .. نضعها مغطاه في التلاجه بعد نص ساعه .. نفردها علي سطح مرشوش بالدقيق .. علي شكل مستطيل نفرش الزبده شرائح رقيقه جدا علي نصف العجينه .. ونطوي عليها النصف التاني نفردالعجينه قليلا ونضغط علي الزبده داخلها .. ثم نطويها ثلاث طيات .. ونضعها بالتلاجه نكرر الفرد ونطويها ونضعها في التلاجه حتي لا تذوب الزبده وتتفتت العجينه نكرر مره أخري الفرد والطي ( بكده كررنا الفرد وتطبيق العجينه ثلاث مرات ) نحفظ العجينه داخل كيس من النايلون بداخل التلاجه .. لحين الإستخدام لتشكيل الدانش
نحتاج لعمل الدانش إلي كسترد
الطريقه التنفيذ: نفرد العجينه بسماكة حوالي 1 سم ونقطعها مربعات طول ضلعها 10 سم ندهن الربعات بالبيضه المربوبه نطوي إما ركني المربع أو الأربع أركان للداخل نضع الكستر فوق العجينه وعليه أي نوع من الفاكهه نتركه يخمر حوالي نص ساعه .. ونخبزه في فرن حرارته فوق المتوسط ندهن الوجه بالمربي المخففه بالماء بمجرد خروجه من الفرن ممكن عمل عدة أشكال وأنواع مخبوزات من العجينه

قراقيش بالعجوة
المقادير:
كيلو دقيق _3/1 1 (برطمان صلصة فاضى ) سمنة سايحة +سمسم _ زرة ملح _ عجوة _ملعقة كبيرة خميرة بيرة او فورية او قطعة خميرة بيرة قد اليوسفى الصغيرة+1/2 ك لبن
الطريقة :
يقدح السمن على النار نضع الدقيق و زرة الملح فى طبق بلاستيك غويط نصب عليهم السمنة اللى قدحناها و بالراحة بالمعلقة المقصوصة نحركهم مع بعض لحد ما تحسى ان العجينة بردت شوية و بقت حرارتها محتملة لايدك ابدئى اعجنى بأيدك كويس قوى ( الخطوة دى اللى بنسميها بسى العجينة كويس )يعنى تفضلى تدعكى العجينة كويس بين ايديكى الاتنين ضعى الخميرة فى كوب مع شوية لبن دافىء و قلبيها لحد ما تدوبيها كويس ضعى الخميرة المزابة فى اللبن على الدقيق ثم نبدأ العجن باللبن كويس جدا ((( كل ما نعجن اكتر تنجح معانا القراقيش اكتر ))) حتتكون عندك عجينة متماسكة و سابت جوانب الطبق غطيها و سيبيها
نحضر العجوة : نشيل النوى و نفرم العجوة بحتة سمنة ثم نكورها كور صغيرة نجيب العجينة و ناخد منها قطع قد اليوسفى و نكورها و نعمل فيها فتحة فى النص و نحط فيها كورة العجوة و نكورها و نقفلها كويس تانى و نبطط بأيدنا و نرصصهم فى الصاج او الصينية و نتركهم شوية يخمروا ندخل الصينية الفرن لحد ما يستوى و بعد ما يطلع و يبرد ممكن وضعة فى علبة بلاستيك

الفطير بعجينة البغاشة
المقادير:
نص كيلو دقيق منخول+2 بيضة +م ك سمن سائح +ذرة ملح + 3/4 لكوب ماء+ربع كيلو سمن سايح و بارد +عصير ليمونة
الطريقة
نضع الملح على الدقيق ونعمل حفرة فى النص و نضع فيها البيض و معلفة السمن الكبيرة و عصير الليمون و الماء نعجن العجينة كويس لحد ما تتكون عندك عجينة طرية و سهلة الفرد ندعكها كويس قوى .نغطيها و نتركها تخمر نص ساعة . وندعكها تانى كويس قوى و نغطيها و نسيبها تخمر ربع ساعة رشى الرخامة امامك بدقيق وافردى العجينة بالنشابة رفيع جدا ادهنى العجينة كلها بالسمن وافضلى ادعكى السمن عليها بايدك داير ما يدور لحد ما تحسى ان العجينة مسكت نفسها تحت ايدك وزى ما تكون بتجمد لفى العجينة على هيئة سويسرول او اسطوانة و اقفلى الجوانب بتاعتها و بعدين بططيها بالراحة و غطيها و سيبيها لمدة ربع ساعة وبعدين قطعيها كورقد البرتقالة افردى بالنشابة كل قطعة رفيع جدا وقطعيها مربعات و حنعمل بكل مربعين فطيرة واحدة رشى اول مربع بطبقة سمن سايح خفيفة جدا اوبعدين طبقى طروفة لجوة للنص ونعمل المربع التانى بنفس الطريقة و نحطه على المربع الاول و هكزا لحد ما تخلصى العجينة بس كل مربعين مع بعض ادهنى وش الفطير بالسمن و حطية فى صينية مدهونة وفى فرن ساخن وبعد ما يطلع لو لقيتى سمن فى الصينية صفية ورشى السكر البودرة على وش الفطير

سندوتشات عيد الميلاد
المقادير:
باكو توست +باكو زبدة +ملح – فلفل +منوعات مختلفة من ( شرائح جبنة شيدر – شرائح جبنة فلمنك – شرائح دجاج – شرائح ديك رومى – شرائح لانشون – شرائح روزبيف – كفيار – معجون الجمبرى – تونة مصفاة من الزيت و مهروسة ...الخ)
الطريقة :
نحضر شريحة توست و ندهنها بالزبدة ونضع عليها اى نوع من الانواع المكتوبة ثم نضع عليها طبقة تانية من التوست و نضغط عليها بايدنا علشان تثبت عليها وهكذا نضع عليها واحدة توست و ندهنها بالزبدة و نضع عليها نوع تانى من الحشو ثم نضع عليها واحدة تو ست تانية و نضغط برضة بايدنا و هكزا لحد ما نعمل حوالى عشر سندوتشات نقطع بسكينة حامية السندوتشات بالورب على هيئة مثلث نلفهم بورق سيلوفان و نربطة بشريط ملون و يكون جاهز لأعياد الميلاد و المناسبات

الكرواسان
المقادير
1كيلو طحين هذا بعد التنزيلات لانة اعطانى 8 كيلوا لانة يشتغل في مخبز +150 جرام سكر علشان اللون الذهبي +150 ج زبدة + 200 م حليب سائل + 50 ج خميرة لاتتفلسفي وتقولى كثير + 10 ج ملح + ماء بارد للعجن+ زبدة او مارجرين (انتبهي كل 2 كيلوا من الطحين يا خذ 550 ج من الزبدة او 700 ج من المارجرين لان المارجرين اخف لازم تزيدى )
الطريقة:
تخلطي المقادير كلها مع بعض وتعجنيهم بس لازم تعجنيها عدل بعدين تحطيها ( بالفريزر ) ربع ساعة بعد ما تطلعيها اشرخيها(((( والله ما حصلت كلمة مناسبة الا هذي الكلمة )بالسكين علي شكل علامة زائد + وفكيها مثلا لوردة وافرديها بالنشاب شوئ فتصير عندك علامة زائد كبيرة حطي الزبدة اوالمارجرين وقفليها وافرديها وبعدين دخليها الفريزر ربع ساعة او 20 دقيقة
وكرري العملية 3 مرات يعنى افرديها ا ودخليها الفريزر ترتاح وبعدين طلعيها قطعيهاعلي شكل الكراواسان واذا حبيتى احشيها وخليها تخمر
ملاحظـــــــــــات مهمه
1-هذى العجينة تصلح تتخزن في الفريزرلمدة 3 اشهر
2- اذا تريدي النتائج المذهلة اعجنى العجينة عدل يعنى طالعي التلفزيون واتسلي عليها وانت تعجنيها
3- انا عن نفسي جربتها 2 مرة بس الاحظ انها ما تصلح في نفس اليوم يعني اذا خزنتيها بالفريز واستخدمتيها ثاني يوم تطلع طبقات نفس المخبز اما نفس اليوم ما تصير طبقات
4- لم تطلعيها من الفريزر خلي الثلج يسيح منها وتتخمر بعدين دخليها الفرن هذا في حالة التخزين
5- اخيراالفرن لازم يكون حار مسبقا علي درجة حرارة 160 وتكون في الرف العلوى

طريقة أخرى للكرواسون
المقادير:
4 كوب دقيق + نصف ملعقه صغيره ملح+2 ملعقة كبيره زيت ذره +كوب ماء أو لبن دافئ للعجن+2 بيضه+خميره بيره + ملعقه صغيره سكر + نصف كوب ماء دافئ+من 150 إلي 200 جرام زبده نبردها ونقطعها شرائح رفيعه
الطريقه
ندعك الخميره بالسكر ونضيف لها نصف كوب الماء الدافئ ونتركها تخمر نفرك الدقيق بالزيت .. ونعجن بخليط الخميره والبيض المربوب واللبن حتي تتكون عجينه متماسكه نتركها تخمر وتتضاعف .. ثم نعجنها مرة أخري نفردها ونوزع شرائح الزبده علي نصف العجينه المفروده ونطوي عليها النصف الآخر نفرد العجينه وبداخلها الزبده .. ونطبقها ثلاث تطبيقات .. ونضعها في التلاجه لمدة ساعه نعيد فرد العجينه وتطبيقها ووضعها في التلاجه ثلاث مرات ..بعد ثالث مره فرد وتطبيق نغطيها ونضعها في التلاجه أكتر من12 ساعه لتبريد الزبده تاني يوم .. نفرد العجينه ونقطعها مثلثات مناسبه قاعدتها حوالي نصف إرتفاعها .. نلف المثلث من قاعدته ..في إتجاه رأس المثلث .. ثم نشكل هلال نرب بيضه مع ملعقة لبن بودره وندهن بها الكرواسون لتحمير الوجه
نتركها تخمر .. ونخبزها

فطير مقلي
المقادير:
ك لبن أو ماء + 2 م ك قشطه +2 بيضه + فانيليا+3 ك دقيق + رشة ملح+نصف كوب زبده طريه+سكر بودره +زيت للقلي
الطريقه
نرب البيض ونضيف له القشطه + اللبن أو الماء نعجن بالدقيق عجينه متماسكه نفرد العجينه وندهن الزبده علي نصفها ونغطيها بالنصف الثاني للعجينه .نضعها في التلاجه حوالي ساعه لتبريد الزبده وتجميدها نفرد العجينه ونطبقها 3 طبقات ونضعها في التلاجه نكرر الفرد والتطبيق 3 مرات وبعد كل مره نضعها في التلاجه حوالي نص ساعه آخر مره نفردها .. ونقطعها مربعات حوالي 10 سم ضلعها أو أقل نقليها في الزيت الساخن .ونخرجها علي ورق مطبخ ليتشرب الزيت ونرش عليها سكر بودره

البوري
المقادير:
1.5ك دقيق أبيض + نص كوب دقيق أسمر ( ممكن دقيق الذره الناعم ) +1 كوب ماء دافئ + رشة ملح+ملعقه كبيره زيت ذره
الطريقه
نخلط الدقيق ونعجنه بالماء والزيت .. عجن جيد ونشكل من العجينه كور صغيره في حجم كرة البينج بونج ونترك العجينه ترتاح حوالي ساعه نسخن الزيت ونفرد الكور إلي دوائر رقيقه جدا وشفافه نقليها في الزيت علي الجهتين ونخرجها علي ورق مطبخ

العيش الفينو
المقادير:
3 كوب دقيق – زرة ملح – معلقة ونص كبيرة سكر – 2 بيضة – معلقة صغيرة سمنة – لبن او زبادى دافى للعجن - معلقة كبيرة ممسوحة خميرة
الطريقة
اضربى البيض بالشوكة كويس نزوب الخميرة مع السكر و معلقة لبن بالمعلقة مع بعض اضع الملح على الدقيق ثم اضع خليط الخميرةو البيض و اقلبهم كويس مع بعض عشان الخميرة تتوزع فى الدقيق كلة ابدأ أعجن باللبن او الزبادى الدافى لحد ما تلاقى العجينة انفصلت عن ايدك و سا بيتها و بقيت ايدك نضيفة خالص كدة اصبحت العجينة جاهزة اغطيها و اتركها تخمر و حتلاقيها عليت وزادت اخد قطعة من العجينة و ابرمها لحد ما تبقى زى الرغيف الفينو هاتى سكينة حامية و حطيها فى الدقيق و اعملى خطين بالورب على وش الرغيف و ادهن وش الرغيف بالبيض وارشة سمسم وهكزا لحد ما اخلص العجينة و اضعهم فى صينية مدهونة زيت و ادخلة فرن ساخن لحد مايستوى

عيش البورجر
المقادير:
3 ملاعق كبيرة زبدة - 5اكواب دقيق– نص كوب ماء دافيء- 4/1 كوب سكر- 3/4كوب لبن دافى – 2 معلقة صغيرة ملح – 2 بيضة – معلقتين وربع خميرة
الطريقة
ضعي كل المقادير فيالعجانة واعجنيهم لمدة 5 دقائق ضعي العجينة في طبق غويط بلاستيك واتركيها لمدةساعة لحد ما تخمر و تلاقيها زادت قسمي العجينة الى كور ( ازا كنتى عوزاة من رغيف البورجر الكبير اعملى الكرة اد البرتقاله الصغيرة و ازا كنتى عايزة الرغيف الصغير خلى الكرة اد البيضة سيبى العجينة ترتاح حوالى نص ساعة حتلاقيها خمرت و زادت ادهنى وش الكور بالبيض ور شى علية شوية سمسم وضعيهم فى صينية مدهونة زيت ودخليها فرن ساخن لمدة 10 دقايق او ربع ساعة المهم لحد ما تلاقى وش العيش بقى دهبى

العيش الشامى
المقادير:
4 كوبايات دقيق- ملعقة كبيرة ممسوحة خميرة +ملعقة كبيرة مليانة سكر.- ملعقة صغيرة ملح .- ماء للعجن - افرخ ورق زبدة
الطريقة :
ضعي الدقيق والملح فى طبق غويط واخلطيهم كويسً .إعملي حفرة في الوسط وضعي فيها الخميرة والسكر ونصف كوب ماء دافئ، وغطي الطبق لمدة عشر دقائق نبتدى نحط ماء ونعجن كويس (ممكن تاخد منك من كوب ونص ل كوبين المهم انك لما تلاقى العجينة اتكونت معاكى و بقيت شبة طرية (وتسيبيها عشر دقائق عشان العجينة ترتاح قسمى بايدك العجينة لكور متوسطة وبعدين دحرجى هذه الكور على شوية دقيق , وبعدين رصيها في صينية مرشوشة بالدقيق بس لما ترصيهم يكون بالدور تبقى عارفة انهى الكرة الاولى وانهى واحدة الاخيرة وغطي الصينية وخليها في مكان دافئ لمدة ثلث ساعة رشى على الترابيزة دقيق وخذي اول كرة عملناها و بعدين اللى بعدها وهكزا وبعدين افردى اول كرة على هيئة دائرة زى دائرة البيتسا وتكون الدايرة مش سميكة يعنى حوالى سم رشى دقيق فى صينية-وهاتى فرخ ورق زبدة وقطعية على هيئة مربعات كبيرة وحطى قطعة من ورق الزبدة فى الصينية على الدقيق و رشية هو كمان دقيق وبعدين حطى علية الدايرة الاولى ( الرغيف)اللى عملناة وبعدين ادهنى ايدك بالدقيق و امسحى على وش الرغيف كويس قوى بالدقيق وبعدين غطي الرغيف بورقة زبدة تانى ورشي وجهه بالدقيق خذي الكرة التانية وافرديها واعمليها زى الاولى واتبعى نفس الطريقة و الخطوات السابقة لحد ما تخلصى كل الكورو تبقى ارغفة مدورة فوق بعضها و يكون بينهم ورق الزبدة المرشوش بالدقيق .غطي العيش واتركيه في مكان دافئ لمدة تلت ساعة سخنى المقلاية و تكوت تيفال او الصاج و خلية حامى وبعدين ابدئى خدى اول رغيف اللى على الوش وشيلية من تحتة يعنى من عند الورقة و تروحى قلباة فى المقلاية و تشيلى الورقة ترميها افضلى قلبى الرغيف على الوشين لحد ما تلاقية ابتدى يتنفخ تفضلى برضة تقلبية لحد ما تلاقية استوى وبقى الرغيف العادى بتاعنا وتكررى باقى الارغفة
التوســت
المقادير:
نص كيلو دقيق - 3 ملاعق كبيرة زبدة - بيضة كبيره - كوب لبن - ملعقة صغيرةملح- ملعقة كبيرة خميرة- ملعقة صغيرة سكر -معلقة زبدة سائحة لدهان الوجه
الطريقة
نضع الملح على الدقيق وننخلهم وبعدين نضع الخميرة و السكر على الدقيق دفى الزبدة شوية على النار وبعدين حطيها على الدقيق واعجنيهم كويس قوى ضعى البيضة عليهم واعجنى لحد ما كله يتخلط دفى اللبن على النارو حطية على العجينة واعجنى كويس قوى لحد ما حتتكون عندك عجينة طرية وناعمة رشى دقيق على الرخامة وحطى عليها الدقيق وابدئى اعجنى باديكى الاتنين كويس مش اقل من خمس دقائق ادهنى طبق غويط بايدك بالزيت وحطى فية العجينة وغطيها لحد ما تخمر وتزيد وتعلى لمدة لاتقل عن ساعة ثم توضع العجينة على الرخامة المرشوشة بالدقيق واضغطى عليها باديكى لحد ما تتفرد قدامك خالص على هيئة مستطيل وبعدين تروحى برماها مثل السويس رول توضع فيقالب التوست او قالب الكيك الطويل وتغطى في مكان دافي وتترك الى ان تزيد حجمها وحتعلى لفوق توضع في فرن ساخن لمدة نص ساعة وحيكون لونها بقى دهبى وبعدين تروحى داهنة الوش على طول بالزبدة

الباتيـــــــــــه
المقادير:
4 كوب دقيق + نصف ملعقه صغيره ملح+2 ملعقة كبيره زيت ذره +كوب ماء أو لبن دافئ للعجن+2 بيضه+خميره بيره + ملعقه صغيره سكر + نصف كوب ماء دافئ+من 200 إلي 250 جرام زبده نبردها ونقطعها شرائح رفيعه،حشوه الجبنه للباتيه: أضع قليلا من النشا علي الجبنه البيضاء
الطريقه
ندعك الخميره بالسكر ونضيف لها نصف كوب الماء الدافئ ونتركها تخمر نفرك الدقيق بالزيت .. ونعجن بخليط الخميره والبيض المربوب واللبن حتي تتكون عجينه متماسكه نتركها تخمر وتتضاعف .. ثم نعجنها مرة أخري نفردها ونوزع شرائح الزبده علي نصف العجينه المفروده ونطوي عليها النصف الآخر نفرد العجينه وبداخلها الزبده .. ونطبقها ثلاث تطبيقات .. ونضعها في التلاجه لمدة ساعه نعيد فرد العجينه وتطبيقها ووضعها في التلاجه ثلاث مرات ..بعد ثالث مره فرد وتطبيق نغطيها ونضعها في التلاجه أكتر من12 ساعه لتبريد الزبده تاني يوم .. نفرد العجينه ونقطعها مستطيلات12 سم في 18 سم .. أو أي مقاس مفضل
نضع حشوة الجبنه في وسط المستطيل ونطوي الناحيه اليمني لنغطي الجبنه والناحيه اليسري فوقها ..تصبح لدينا قطعة الباتيه 12 سم في 6 سم نرب بيضه مع ملعقة لبن بودره وندهن بهاالباتيه ونرش قليل من السمسمنترك الباتيه يخمر .. وتخبزه

بيتي بان
المقادير:
5 اكواب دقيق+2 ملعقه كبيره خميره فوريه+ربع كوب سكر+ملعقه ملح +كمون او زعتر او حبه البركه +2 معلقه سمن كبيره
ربع كوب زيت+3 معالق لبن بودره او نص كوب لبن عادي دافي+كوب ماء دافي للعجن
الطريقة:
نضع الدقيق بعد ما انخله(مهم قوي) و اعمل حفره في الوسط و احط الخميره و السكر و اللبن البودره و الملح و البهارات و الماء و اقلب بالراحه و لو عايز ماء تاني ضيفي بس بالتدريج و بعد كده احط الزيت و السمنه و اقلب تاني و افضل اعجن حوالي 10 دقايق لاني اعرف ان العجن الكتير بيخلي العجينه ناعمه جدا،و بعدين اغطيها و اسبها ساعه و اضغط عليها تاني علشان الهوا يطلع و اسبها 5 دقايق و بعدين اقطع كور صغيره و افردها بايدي شويه و اعمل عليها اشكال باسكينه من فوق (زي العيش الفرنسي) و ادهنها بالبيض و ادخلها الفرن اللي عندي بالكهربا علي 250 لمده 15 دقيقه بس الفرن يكون متحمي 10 دقايق من قبلها و ساعات باحشيه جبنه و زعتر من الاول و الفه زي شكل الكرواسون و اخلص (ماهو هيتحشي جبنه بعد كده)

الساليزون ( نوع من المخبوزات المملحة )
المقادير :
3/1 كوب ماء مغلى – 3/2 كوب سمن صناعى – 2 كوب دقيق +½ كوب جبن رومى مبشور – ¼ م.ص ملح ناعم .
الطريقة :
يصب الماء المغلى على السمن فى إناء العجن " يكون صغير الحجم نوعاً " ويقلب بشوكة حتى يمتزج ويغلظ قوامه ثم يترك ليبرد قليلاً . يضاف إلى الدقيق الملح والجبن الرومى ويقلب بالشوكة حتى تلين العجينة . تلف العجينة فى ورق شمعى أو ورق زبده وتوضع فى الثلاجة لمدة ساعة على الأقل . " انا مكانش عندى ورق زبدة فحطيت العجينة فى كيس بلاستيك شفاف عادى بتاع التلاجة واعطى نفس النتيجة " تلت العجينة خفيفاً ثم تفرد على لوحة أو منضدة مرشوشة بالدقيق ويلاحظ تقليب العجينة أثناء الفرد حتى لا تلتصق بالمنضدة إلى أن يصبح سمكها حوالى ½ سم . تقطع دوائر صغيرة قطرها حوالى 3سم أو إلى مربعات أو أى شكل آخر . ترص الوحدات فى صاج غير مدهون وتترك مساحات صغيرة بينها . يلمع سطح الفطائر بزلال بيضة مخفوقة أو بيضة كاملة مخفوقة مخففة بالماء مع ملاحظة عدم لمس سائل التلميع لجوانب الفطائر لنحصل على فطائر هشة . يجمل السطح بقطع من الزيتون الأسود أو الجبن الرومى المبشور . تخبز فى فرن ساخن نوعاً 218ْم ( 425ْ ف ) على الرف الأوسط لمدة 10 دقائق تقريباً أو حتى يحمر السطح خفيفاً . يفضل تقديمها طازجة فى نفس اليوم والاحتفاظ بها فى علبة مغلقة بالثلاجة لحين استخدامها . يمكن استبدال السمن الصناعى بسمن نباتى أو طبيعى حيوانى أو زبده أو زيت ذرة .
ملحوظة : بفضل تركها حوالى ساعة تقريبا قبل ما تدخل الفرن حتى تكون العجينة هشة ولذيذة ،وممكن كمان تحطى عليها زى البيتزا زيتون وجبنة رومى مبشورة وكاتشاب

سناكس ( قراقيش ) بالسمسم او المكسرات
المقادير
4 بيضات+1 كوب زيت ذرة +1 كوب سكر+4 كوب طحين+1 م ك بيكنج بودر،وللتجميل سمسم او مكسرات مجروشة
الطريقة
يخلط بالخلاط الكهربائي كل من البيض مع الزيت ، السكر لمدة 5 دقائق يضاف الطحين مع البيكنج بودر الى الخليط السابق ويعجن باليد تقطع العجين الى كرات صغيرة ثم تغمس بالسمسم أو الفستق ترص فى صاج فرن وتخبز فى فرن حرارته 180 درجة

طريقة أخرى للقراقيش
المقادير:
3 كيلو دقيق+1 كيلو سمنة (او كيلو الا ربع)+1/2 كوب سكر للكيلو (يعنى 1 كوب ونصف سكر)((فى حالة حشوها بالعجوة)+ذ رة ملح، شمر،سمسم، 3 معلقة خميرة+1كوب لبن او ماء للعجن
الطريقة:
يوضع السمسم والشمر وزرة الملح والسكر على الدقييق.تقدح السمن على النار ثم توضع على الدقيق ويفرك الدقيق كويس لحد ما تحسى ان الدقيق امتزج ي\بالسمن وشربها كويس.بعد كدة نضيف الخميرة واللبن الداقىء ونعجن بس مش كتير علشان ما نهبطش الخميرة .تترك العجينة لتخمر م تشكل يوضع جواها العجوة او الحشو المفضل.تدهن بالبيض وتوضع فى الفرن الى ان يحمر وجهها

فطيره النودلز
المقادير:
2 ملعقه زبد - 200 جرام مشروم مقطع - 2 ملعقه تشيلى صوص - 2 ملعقه صلصه - 1 ملعقه كبيره دقيق- 2/1 كوب ماء - كوب لوبيا مسلوقه - 3/1 كيلو بروكلى - انا بدلته بجزر وبسله- كيس نودلز اى طعم تحبوه - 1 بيضه مضروبه - 2 بططسايه كبيره جدا - 4/1 كوب زبد - 4/1 كوب لبن
الطريقة:
نسخن الزبد فى طاسه نضيف المشروم ونقعد نقلب نقلب 10 دقائق لغايه لما لونه يبقى بنى نضيف الفلفل الاسود ونطهيه 5 دقائق كمان ونضيف التشيلى صوص نخلط الصلصه مع الدقيق لغايه لما تبقى عجينه ناعمه نضيفها للمشروم ونقلب حلو وبعدين نضيف الماء ونتركه لغايه لما يغلظ قوامه وتلقيه بيطلع بقليل كده نضيف اللوبيا والبروكلى - انا حطيت بسله وجزر مش بحب البروكلى - ممكن على فكره نضيف كمان للبروكلى البسله والجزر ونتركه دقيقتين ونشيله من النار نسلق النودلز فى ماء زى ما مكتوب على العلبه ونتركها تبرد بعد تصفيتها من الماء طبعا نخلط النودلز بالبيضه المخفوقه وفى طاجن ممسوح بالزبد نضع النودلز ونضغط عليها كويس اوى نضع خليط المشروم على النودلز نسلق البطاطس كويس ونهرسها نضيف لها الزبد الربع كوب واللبن وتهرس وممكن على فكره تضيفى للبطاطس قشطه اللبن انا عملت كده بتطلع روعه- نضع البطاطس على وش المشروم ونساوى السطح تدخل الفر
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:32 am

سادسا (( قسم الحلويات))

البــسبوسة
المقادير:
نص علبة جوز هند __1.5 علبة سكر _ 2 علبة قشطة _ 3 علبة سميد بسبوسة _ 1 علبة سمن _ 1م ص بيكنج بودر
الطريقة:
حطى المقادير كلها على بعض و بالملعقة الخشب افضلى ادعكى فيها لحد ما تلاقيها نعمت ،ادهنى صينية البسبوسة (اللى ملهاش حفة عالية اللى زى بتاعة البيتزا) بالسمن بالفرشاة ثم ضعى المقدار فى الصينية و بلى ملعقة و امسحى و جة البسبوية عشان تساويها و تدخليها فى الفرن وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص على وش البسبوسة او ممكن انصاص بندق برضة و دخليها الفرن اول ما لونها يبقى ذهبى طلعيها و اسقيها بالعسل الساخن و غطيها على طول ..كل المقدار بنفس العلبة بتاعة القشطة مش بالكوب قشطة المراعى او بوك او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على طول .وسيبى الغطاء عليها طول ما بتاكلوا منه السر فى طراوة البسبوسه هوانالشر بات ساخن على الصينيه وهىكمان ساحنه ولما تبرد قطعيها وماتشليش الغطاء من عليها الا لما تهدا خالص او تبرد لانها لما بتعرق و هى سخنة بتطرى اكتر

طريقة أخرى:
المقادير:
واحد كوب سميد سايب+واحد كوب جوز هند+واحد كوب سكر+بيضتان +باكو فانيليا+علبة ونصف زبادى +ملعقة صغيرة بيكنج باودر+نصف كوب سمن سائح .. الحشو: علبة قشدة+واحد ونصف كوب حليب+3 ملاعق نشا
الطريقة:
(تخلط جميع المقادير حتى تتجانس) نضع كوب الحليب على النار ونصف الكوب نذوب فيه النشا ونصبه على كوب الحليب اللى على النار ونقلب حتى يكون شبه سميك ونغلق ثم نضيف علبة القشدة ونقلب ونأتى بالصينية وندهنها سمنة ونرشها دقيق ونضع نصف كمية البسبوسة ثم الحشوة ثم باقى البسبوسة وفى الفرن حتى تستوى وتحمر تصير ذهبى نقوم بسرعة نضيف لها الشربات الساخن ونغطى الصينية بالفويل لمدة لا تقل عن نصف ساعة

لقمة القا ضى
المقادير:
2 كوب دقيق _1 ملعقة صغيرة سكر _¼ كوب زيت _ ملعقة كبيرة خميرة فورية _ كوب زبادى _1 بطاطس صغيرة مسلوقة و مهروسة _ زرة ملح _ زيت للقلى _ شربات قليل من الماء.
الطريقة:
جهذى المضرب الكهرباء و ضعى فى طبق غويط بلا ستيك الدقيق، الملح، السكر والخميرة. و اخلطيهم مع بعض بالملعقة.. حطى عليهم الزيت ,و الذبادى و البطاطس،و شوية شوية ماء وشغلى الى ان تحصلى على عجينة طرية.غطى العجينة واتركيها فى مكان دافئ لمدة ساعة تقريبا ليتضاعف حجمها. . سخنى زيت فى مقلاية عميقة. بملعقة صغيرة بليها بزيت ثم خدى من العجينة بالملعقة يادوب كرة صغيرة ثم ضعيها فى الزيت الساخن قلبى بالكبشة لحد ما تصفرحطيها فى مصفاة تصفى منها الذيت ثم حطيها فى العسل البارد ..ملحوظة : اذا كنتى مش حتستعملى خميرة فورية و حتستخدمى خميرة بيرة عادية يبقى ضعى الخميرة و السكر و ربع كوب ماء دافىء فى كوب و قلبيهم بالملعقة وسيبيهم شوية يخمروا و بعدين اتبعى نفس الطريقة اللى فلنا عليها

كيكة الشيكولاته والقرفة
المقادير:
2.5 كوب دقيق-2 ملعقة زبدة-1 كوب سكر-5 بيضات-3/4 كوبلبن-3ملاعق كبيرة كاكاو-2 ملعقة صغيرة قرفة-1 ملعقة بيكنج بودر- شربات
الطريقة:
يخفق الزبدة + السكر جديا حتى يصبح ناعم وفانح اللون زى الكريمة-يخفق البيض لوحده جيدا ثم يضاف للسكر والزبده المخفوقة ويمزج جيدا ثم يضاف اللبن-ينخل الدقيق والكاكاو والقرفة والبيكنج بودر ويضاف للخليط بالتدرج ( يعنى مش نحط كله مرة واحده ) مع التقليب البطئ وفى اتجاه واحد عشان الهوا اللى فى العجين ميخرجش ملحوظة: عشان تحصلى على نتايج حلوة يستحسن تخلطى السكر والزبده بالايد وتضربى البيض بالمضرب الكهربا وتقلبى العجين بعد وضع الدقيق الملعقة الخشب وببطئ يوضع فى صينية مدهونه زبده او زيت ودقيق وفى فرن سابق التسخين متوسط الحرارة لمدة 25 دقيقة بعد ما تخرج نسيبها تهدى شويه عشان نعرف نطلعها من الصينية من غير ما تتهرى وتتقطع لانها لو اتقلبت وهى سخنه هتبوظ لما نقلبها هتلاقى الجزء اللى كان فى قعر الصينية مسامى نسقيها بالشربات ولو عايزه تزوقيها بالكريمة لما تبرد والله طعمها زى الجاتوه

الكيك
المقادير لعمل 3قوالب كيك طويلة:
1/2 كيلو ذبدة _ 1/2 كيلو بيض _1/2 كيلو سكر _1/2 كيلو دقيق 2ملعقة صغيرة فانيليا _او 2كيس .كيس بيكنج بودر
الطريقة:
فى الخلاط اضربى الذبدة كويس قوى حوالى 5 دقائق ضعى السكر على الذبدة و اضربى لحد ماتلاقيها بقيت خفيفة و هشة ضعى عليهم البيض واحدة لحد ماتختفى و بعدين نضع التانية وهذا لحد اخر بيضة نضع معاها الفانيليا لحد ما تلاقى العجينة ما شاءالله تخنت و زادت اطفى الخلاط ضعى البيكنج بودر على الدقيق و حطية شوية شوية على العجينة و يكون الخلط بالراحة قوى و فى اتجاة واحد فقط صبى العجينة فى القالب المدهون الى 3/4 القالب وتكونى مولعة الفرن قبلها ب5 دقائق تضعى القوالب ولاتفتحى عليها قبل 10 دقائق على حرارة متوسطة لحد ماتلاقيها عليت و مسكت و استوت طبعا بطرف السكينة خرجيها و اقلبيها على منخل سلك و سيبى القالب فوقها لحد ماتبرد طريقة حفظ الكيكة ؛ قطعى قالب للاستخدام فى علبة بلاستيك باقى القوالب لفى كل قالب لوحدة بالفويل و ضعية فى الفريزر و عند الطلب علية خرجية من الفريزر قبلها بساعتين حيكون كأنك لسة عملاة

صينية الكنافة بالمكسرات
المقادير:
كيلو الا ربع كنافة _ كوب سمن او حسب ماتاخد _ مكسرات مضاف لها ملعقة كبيرة سكراو جبنة راكوتا او مهلبية او كستر _ ( الشربات ) 2 كوب سكر _ 1كوب ماء _ نص ليمونة
الطريقة :
اما تقطعى الكنافة صغير بأيدك قطع صغيرة .او بالمقص تقصقصيها صغير خالص و دى طريقتى المفضلة . او فى الكبة .سيحى السمن على النار يعنى يادوب تسيح .وحطى على الكنافة شوية شوية وتدعكيها بأديكى الاتنين لحد ما تحسى ان الكنافة كلها بقيت مبلولة سمنة كدة خلاص ماتحطيش تانى .ادهنى صينية بالسمن و حطى نص الكنافة ثم ضعى طبقة المكسرات المرغوبة ثم ضعى باقى الكنافة و اهم حاجة بقى تضغطى بايدك عليها كويس او بغطاء حلة او بطبق ثم وزعى معلقة سمن على الوش على درجة حرارة متوسطة فى الرف الوسط ضعى الصينية فى الفرن حتى تستوى و يحمر الوجة بعدخروجها من الفرن تسقى بالشراب البارد

كنافة بالقشطة
المقادير:
نص كيلو كنافة – تقريبا 3/4 كوب سمن +القشطة : كوبيتين ونص حليب – سكر للتحلية – نص كوباية نشا- علبة قشطة +شربات
الطريقة:
نعمل القشطة :ندوب الاول النشا فى الحليب على البارد لحد ما تدوب النشا ثم نضعهم على النار مع التقليب و نحلى بالسكر لحد ما تغلى نقلب تقليبتين ونطفى النار وبعدين نحط عليها علبة القشطة ونقلبها معاهم نعمل الكنافة : نقطع الكنافة قطع صغيرة ممكن بايدك وممكن بالمقص وممكن بالكبة نسخن السمنة بس يعنى تسيح وتدفى على النار وبعدين نصبها على الكنافة ونقلبها كويس لحد ما تحسى بأيدك ان الكنافة كلها شربت سمنة او اتبلت كويس بالسمنة تروحى حاطة نصها فى صينية وتروحى حاطة عليها القشطة وتفرديها كويس على الكنافة لكن ضرورى ما تخليش القشطة توصل لاطراف الصينية علشان ما تتحرقش و تسود وبعدين تروحى حاطة نص مقدار الكنافة التانى فوق القشطة وتغطيها كويس وتحطى حوالى معلقة سمن سايحة على الوش وتدخليها الفرن المتوسط الحرارة لحد ما تستوى ووشها يحمر حوالى من تلت لنص ساعة وبعد ما تخرج من الفرن وهى ساخنة نسقيها بالشرابات

كنافة جاهزة (بالمكسرات)
المقادير:
كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح.
الطريقة:
شيلى بالراحة خصلة رفيعة و حطيها امامك مفرودة . بالفرشاة ادهنى الخصلة بالسمن السائح بطول الخصلة . ثم ضعى صباعك الكبير التخين على اول الخصلة و ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك دائرة بشكل عش العصفور و هكذا حتى تعملى العدد اللى انتى عوزاة مع مراعاة ان الخصلة اذا كانت طويلة قوى تقطعيها بالسكينة ثم ارص وحدات العش فى صينية مدهونة بالسمن و بايدى اضع داخل كل عش كام واحدة فستق او شوية مكسرات امسح بالفرشاة بالسمن على كل وحدات العش و ادخلها الفرن لحد ماتحمر اخرجها و اسقيهم بالشراب البارد

طريقة الكريم شانتى
اذا كنتى حتعمليها بودرة يبقى اتبعى التعليمات اللى على العلبة او هاتى نص كيلو كريمة لبانى من بتاع اللبن او علبه قشدة الخفق من السوبر ماركت صبيها فى طبق غويط و بالمضرب الكهرباء ابدئى بالضرب و ضعى سكر بودرة حسب الطعم واضربى على سرعة متوسطة لحد ما تلاقى الكريمة ذادت و بفيت خفبفة و هشة زى الايس كريم او زى القطن لازم توقفى المضرب على طول لحسن حتلاقيها فصلت منك وهكذا تكون صالحة للاستخدام بس حطيها فى الثلاجة

المهلبية
المقادير:
2 كوب لبن بارد _ ملعقة كبيرة مليانة نشا (كورن فلور) _ السكر حسب التذوق يعنى مثلا 3 معالق _ ربع معلفة فانيليا
الطريقة:
خدى من اللبن نص كوب و قلبى فية النشا لحد ما تذوب ضعى باقى اللبن على النار و حلية بالسكر لحد مايغلى ضعى اللبن الباقى بالنشا و خلى ايدك سريعة فى التقليب عشان ما تكلكعش لحد ما حتلاقيها مسكت شوية و بقيت ناعمة صبيها فى الكاسات وممكن تزوقيها بالذبيب و رشة قرفة ناعمة او بالمكسرات المفرومة .
طريقة للتقديم :بعد ماتخلصى المهلبية و تبرد فى الثلاجة .. هاتى باكو جيلى احمر او اخضر ذوبية على النار بكوبيتين ماء لحد ما يغلى و يبرد كويس تطلعى كاسات المهلبية من الثلاجة و تصبى فى كل كاس جيلى فوق المهلبية وتدخلية الثلاجة لحد ما الجيلى يجمد عند التقديم بيبقى شكلها حلو قوى

المهلبية فى الفرن
بعد ماتخلصى المهلبية و قبل وضعها فى الثلاجة صبي المقدار فى اطباق بايركس صغيرة او فويل او طبق بايركس كبير ضعى على وش المهلبية ذبدة سايحة حوالى ملعقة كبيرة و رشى عليها رشة سكر بودرة و دخليها الفرن حتلاقيها بتغلى سيبيها خالص لحد ما وشها يحمر خالص و طلعيها .

مهلبية بدقيق البسبوسة
المقادير:
نص كوب دقيق البسبوسة (سميد ناعم ) +6 كوب حليب+3/4 كوب سكر +معلقة كبيرة نشا+علبة قشطة – م ك فستق مفروم
الطريقة
نغلى اللحليب (ماعدا نص كوب نركنة )على النار و نضع علية السكر ونقلب لحد ما السكر يدوب نزوب النشا فى نص كوب الحليب اللى كنا راكنينه لحد ما تدوب تماما نضيف النشا بالحليب الى الحليب بالسكر اللى على النار و نقلب نقلب بسرعة نضع السميد على الحليب على النار بس وطى النار لمدة 5 دقايق تقريبا شيليها وصبيها فى طبق بايركس و سويها كويس بالمعلقة ودخليها الفرن متوسط الحرارة حوالى عشر دقايق بعد ما تطلعيها من الفرن خليها تبرد و بعدين ادهنى الوش كله بطبقة من القشطة ورشى الوش بشوية فستق مفروم.

مهلبية بالكراميل
المقادير:
كيلو حليب +4 معالق نشا+سكر للتحلية+فانيليا+2 باكو بسكوت سادة+مكسرات- فاكهة
الطريقة
ندوب النشا فى شوية حليب صغيرين نضع الحليب على النار لحد ما يغلى ونضيف له النشا الزائبة والسكر والفانيليا لحد ما تتكون عندك المهلبية نضع بسكوتة بسكوتة فى الكراميل ثم نرصصه فى طبق التقديم بجانب بعض ثم نضع فوقه طبقة من المهلبية ونسويها كويس ثم نضع طبقة من البسكويت ثم طبقة من المهلبية وهكذا لحد ما ينتهى المقدار بس تكون اخر طبقة مهلبية ثم نرشرش علية شوية كراميل والمكسرات وبعض قطع من الفاكهة نضعة فى الثلاجة لمدة مش اقل من ساعة لحد ما يجمد ونقدمه بارد وبيكون زى التورتة..الكراميل يكون سائل علشان انتى حتغطسى فية البسكوت يعنى مثلا ممكن تحطى كوب سكر على النار على معلقة صغيرة عصير ليمون ولما لونة يحمر نضيف كوب ماء لحد ما يغلو وبالنسبة للبسكوت زى ما قلنا قبل كدة بنستعمل بسكوت الشاى بسكو مصر

المهلبية بالمانجا
المقادير:
4 كوب حليب+كوب سكر+كوب عصير مانجو+3 معالق نشا+معلقة صغيرة فانيليا
الطريقة
نضع الحليب على النار مع السكر لحد ما يغلى يذوب النشا فى شوية حليب او ماء صغيرين ثم اضعها على باقى الحليب شوية شوية واقلب جامد وبسرعة لحد ما الحليب يغلى اضع عصير المانجو على الحليب واقلب لحد ما يغلى ثم اوطى النار لمدة 5 دقايق ثم اضع الفانيليا واقلب تقليبة ثم اشيله من على الناراغرفة فى الكؤس وممكن تزوقى الوجة بالمكسرات

المهلبية بالفراولة
المقادير:
4 كوب حليب+كوب سكر+كوب عصير فراولة+3 معالق نشا+معلقة صغيرة فانيليا
الطريقة
نضع الحليب على النار مع السكر لحد ما يغلى يذوب النشا فى شوية حليب او ماء صغيرين ثم اضعها على باقى الحليب شوية شوية واقلب جامد وبسرعة لحد ما الحليب يغلى اضع عصير الفراوله على الحليب واقلب لحد ما يغلى ثم اوطى النار لمدة 5 دقايق ثم اضع الفانيليا واقلب تقليبة ثم اشيله من على الناراغرفة فى الاطباق او الكؤس وممكن تزوقى الوجة بالمكسرات

المهلبية بالمشمش
المقادير:
4 كوب حليب+كوب سكر+كوب عصير مشمش+3 معالق نشا+2 معلقة كبيرة ماء ورد( اختيارى)
الطريقة
نضع الحليب على النار مع السكر لحد ما يغلى ازوب النشا فى شوية حليب او ماء صغيرين ثم اضعها على باقى الحليب شوية واقلب جامد وبسرعة لحد ما الحليب يغلى اضع عصير المشمش على الحليب واقلب لحد ما يغلى ثم اوطى النار لمدة 5 دقايق ثم اضع الماء ورد واقلب تقليبة ثم اشيله من على النار اغرفة فى الاطباق او الكؤس وممكن تزوقى الوجة بالمكسرات

الكريم كراميل
المقادير:
اولا : الكريم : 4 اكواب حليب _8 بيضات _3ملاعق كبيرة سكر_2 كيس فانيليا
الكراميل : ك كبير سكر _ م ص ماء _ قوالب صغيرة
الطريقة:
نبل القوالب اللى حنحط فيها الكريم كراميل من الداخل و نكب الماء الزائد لعمل الكراميل نضع السكر فى مقلاية وعلية الماء ونقلب لحد مانلاقى السكر بدء بصفر ثم بدء يبقى بنى فاتح ثم بنى غامق نشيلة و نصبة على طول فى القوالب المبلولة بارتفاع 1 او 2 سم
لعمل الكريم:ندفى اللبن مع السكر على النار و نطفى النار ثم نضع علية البيض المضروب والمضاف له الفانيليا و نضربه كويس بالمضرب السلك اليدوى او الكهرباء .نصبة فى القوالب على الكراميل ونرصص القوالب فى صينيه كبيرة بها ماء لربع ارتفاع القوالب فقط علشان لما الماء يغلى ما يخشش فى القوالب يبوظها ونضع الصينية على النار حوالى ساعة او لحد ماتلاقى الكريم كراميل مسك نفسه اشيله من على البوتجاز و ادخلة الفرن لحد ما يكمل سوى ووشه يحمر نطلعة و نحطه يبرد فى الثلاجة و عند التقديم نمسك القالب بايدنا وفوقه طبق مقلوب ونهز القالب لحد ما يتقلب فلى الطبق حيبقى الكريم تحت و الكراميل فوق .

كريم كرامل بالبخار
المقادير
5بيضات+كوب حليب بودره+3كاسات ماء وفانيليا , برش ليمون+كوب سكر+علبة قشطه+5حبات جبنة كيري+سكر محروق لقاع الصينيه
الطريقه
يوضع السكر المحروق في قاع الصينيه خدي البيض واخفقيه بالمضرب مع السكر والفانيليا وقشر الليمون ثم اضيفي الحليب البودره والقشطه والجبنه واخيرا الماء اسكبي الخليط في الصينيه قومي بغلق الصينيه بالقصدير وقومي بوضع الصينيه في قدر المنتو عبي الطبقه السفليه بالماء وضعي الصينه في الطبقه المخرمه تترك اى ان تضج ثم تتدخل التلاجه لتبرد جيدا ثم تقدم بالعافيه اذا ماكان عندك القدر هذا سوي حمام مائي بحيث تدخل الصينيه في قدر به ماء دون ان يلامس الماء وغطي القدر بالغطاء

كيكة شوكولاته
المقادير:
3بيضات+1و ربع كوب سكر+كوب الا ربع زبده ( 113جرام)+نصف كوب كاكاو +1ونصف كوب دقيق+2علبة زبادى كبير+2 كيس فانيليا+1 كيس بكنج باودر
الطريقه:-
بالمضرب الكهربا اضربى البيض مع السكر والزبده كويس ثم أضيفى (الدقيق المخلوط مع البكنج باودر والكاكاو)تدريجيآ مع الضرب المستمر وفى الآخر ضعى الزبادى واضربى بردوا لغاية ما يتخلط الخليط كويس ادهنى صينيه بالسمن او الزبد وبطنيها بالدقيق ثم ضعى الخليط وساويه بالملعقه لأنه تقيل ضعيها فى فرن 180 درجه فى الوسط لمدة نص ساعه تقريبآ,ثم تأكدى انها استوت بوضع خله فيها اذا خرجت نظيفه تبقى استوت,اخرجيها من الفرن وسيبيها تهدا خالص وتبرد ثم اقلبيها من الصينيه
الصوص:-
نصف اصبع زبده+نصف قالب شوكولاته خام كبير(يعنى حوالى 300 جرام شوكولاته)+لبن أو حليب حوالى 7-8 ملاعق كبار ويوضعوا فى حمام ماء على النار لغاية ما يسيح وتقلبى الى ان يمتزجوا مع بعض وممكن ضيفى لبن شويه شويه لو عايزا الصوص يخف وبعد كده يصب الصوص عليها ويرش عليها البندق المجروش وممكن تؤكل دافئه

طريقة أخرى لكيكه الشيكولاته
المقادير:
2 كوب دقيق +ملعقه كبيره بيكنج بودر +نصف ملعقه صغيره بيكربونات+كوب ونصف سكر +كوب زبده أو زيت ذره+كوب ونصف حليب+6 بيض + فانيليا+6 ملاعق كاكاو...للوجه: بندق أو كريم شانتي أو شيكولاته مبروشه أو لوز مقشر ومحمص
الطريقة:
في دورق الخلاط نخلط اللبن والسكر والزبده أو الزيت والفانيليا والكاكاو،بعد الخفق نحجز ( كوب ونصف ) من الخليط نضع البيض في الخلاط مع باقي الخليط و نخفقه أيضا .. ونسكبه في طبق غويط للعجن نعجن الدقيق ومعه البيكنج بودروالبيكربونات بالملعقه في إتجاه واحد ..حتي تحتفظ الكيكه بالهواء داخلها ..نضع خليط الكيكه في صينيه مقاس 30 مدهونه بالزيت ومرشوشه بالدقيق ونخبزها بعد تمام تسوية الكيكه .. نقلبها في سرفيس للتقديم،نخلط نصف كوب حليب ونصف كوب ماء + ملعقه كبيره كاكاو + 2 ملعقه كبيره سكر ونسقي بها الكيكه عندما تبرد نضع علي الوجه الخليط المحجوز من الخلطه( الكوب والنصف ) ونفردها علي سطح وجوانب الكيكه .. نزوق بالبندق أو اللوز المحمص أو الشيكولاته المبشوره أو الكريم شانتي ممكن عمل نصف المقدار

الارز باللبن
المقادير :
6كوب لبن _ 9 ملاعق ارز _ السكر حسب التزوق _ملعقة كبيرة جوز هند _او نص ملعقة صغيرة فانيليا _ زبيب او مكسرات مفرية او قرفة الزواق دة لزوقك و لرغبتكم .
الطريقة:
اغسل الارز و احطة على النار وعلية ماء مغطياة ب 2سم وعلى نار هاديه حتلاقية استوى او يقرب للسوى و يكون شرب الماء
اضع علية السكر حتلاقية داب اسرع ثم اضع اللبن مع التحريك المستمر علشان مايفورش و ظبتى تانى السكر هاتى ربع كوب ماء و زوبى فية 2 ملعقة كبيرة نشا كويس و انزلى واحدة واحدة على الارز باللبن و بأيدك التانية بتقلب لحد ما تلاقى الارز بدء يتخن ضعى الجوز الهند وقلبى و اطفى النار و اغرفية و كل مايبرد حيمسك نفسه شوية كمان بعد ما يبرد ضعى الغطاء البلا ستيك و عللى الثلاجة و بالهنا و الشفا
ملحوظه: مقدار اللبن زى ماانتى عاوزة يعنى حتعملى كوب حتعملى اتنين حتعملى كيلو حتحطى مقدار الارز زى ما فهمنك.

التشيز كيك
المقادير:
2 باكو بسكوت شاى الاربعه و عشرين قطعة _ باكو زبدة 113 جرام _2كيس كريمة _باكو جيلى دايب فى 2 كوب ماء و بارد_ يا اما 2 علبة جبنة فيلاديفيا او كيرى _ مربى(( لو استخدمتى الجيلى لون احمر مثل الفراولة مثلا يبقى تستعملى المربى نفس النوع
الطريقة
اضربى الذبدة كويس قوى لوحدها بالمضرب حد ماتبقى هشة قوى ضعى عليها البسكوت المطحون لحد ما يندمجوا مع بعض هاتىالصينية اللى بيتشال قعرها وادهنى الاول بنقطة واحدة زيت و اكبسى فيها قوى البسكوت بالذبدة و دخليها الفريزر لمدة ساعة
فى سلطانية مقعرة اضرب الجبنة مع التخفيف بقليل قليل من الماء لحد ماتبقى خفيفة يا لاروز و ناعمة اضع الكريمة على الجيلى و اضربهم مع بعض ثم اضع عليهم الجبنة المضروبة و اخلط كله ثم اصبها على البسكويت و ادخلها الفريزر و يا سلام لو الزواق بتاعها يبقى من نفس نوع المربى و الجيلى و بالهنا و الشفا .

مثلثات البقلاوة بحشوة جميلة
المقادير:
باكو جلاش ( انا بفضل الزهار ) الحشوة:2/11 كوب حليب _ 1/2 كوب سميد ( دقيق بسبوسة )_ علبة واحدة قشطة .
الطريقة:
ضعى الحليب على النار لحد ما يغلى اول ما يغلى اضع علية السميد واقلب اقلب بسرعة لحد مايبقى زى المهلبيةو اتركة يبرد اضع علية علبة القشطة و اقلب لحد ما يندمجوا معا . وممكن بدل القشطة احط كريمة لبانى ( قشدة الخفق ). ثم ابدأ فى حشو البقلاوة افرد الجلاش امامى و اقطعه بالطول من النص يعنى كأنى بقسم الورقه نصين بالطول ثم اقطع بالعرض لحد مايبقى عندنا 6 مربعات ابدء بافرشاة بالسمن ادهن بين كل ورقتين لحد مااتأكد انى دهنت بين الورق كلة اخد مربع متكون من 6 او سبع ورقات و احط على المربع معلقة كبيرة من الحشو ثم اثنى المربع من الطرف للطرف على هيئة مثلث وهكذا لحد مانخلص المربعات كلها اضعهم فى صينية مدهونة و ادهن و جه المثلثات دهن خفيف و ادخلها الفرن لحد ما يحمروا وتسقى بالشراب البارد

صينية البقلاوة
المقادير:
باكو جلاش _ مكسرات مجروشة او مفرومة حسب ما بتحبيها ناعمة قوى او محسوسه فى الاكل _ سمن _ شربات _ زرة قرفة ناعمه
الطريقة :
طلعى الجلاش من الباكو و حطية امامك على الرخامة ثم ضعى فوقه الصينية اللى حتعملى فيها . بالسكينة اقطعى داير ما يدور الصينية و اركنى الذيادات على جنب حنستخدمها برضه اقسمى المقدار لجزئين ادهنى الصينية بالفرشاة سمن ضعى 2 ورقه فى الصينية و ادهنى كويس بالسمن وهكذا لحد ماتخلصى الجذء الاول ضعى المكسرات فى طبق و حطى علية 2ملعقة كبيرة عسل من اللى حنسقى به الصينية و اخلطيهم حتلا قيهم عمل زى العجينه و مسك فى نفسة شوية ثم ضعى الحشوة على الجلاش اللى فى الصينية و افردية كويس حنعمل نص الصينية التانية بنفس الطريقة الاولى بالفرشاة ندهن الوش كويس بالسمنة ثم بسكينة حامية نقطع الجلاش على هيئة مثلثات وللسهولة تعملى الاول خط بالطول ثم خط بالعرض حيبقى عندك شكل + ثم نعمل خطوط حتلاقى المثلثات بانت حطيها فى التلاجة من ربع لنص ساعة و بعدين حطيها فى الفرن لحد متحمر مش قوى تطلعيها و تسقى بالشراب البارد ..ملحوظة/ سبب وضعنا عسل على الحشوة علشان و انتى بتاكليها الحشو مايقعش منها . وممكن تحطى الحشو على طول بدون الخطوة 4 زى مانتى عوزة جربى دى و جربى دى و اللى يعجبك اعملية / بالنسبة للورق الزيادات ممكن توزعية عشوائى بين الطباقات تبقى الصينية مورقة اكتر و ممكن تلفية تانى و تتشلية فى الفريزر تعملى بيه ام على

السويسرول
المقادير:
5 بيضات+3/4 كوب سكر+3/4 كوب دقيق . زرة ملح+معلقة صغيرة فانيليا +معلقة صغيرة بيكنج بودر+مربى مشمش او فراولة
2 فرخ ورق ذبدة
الطريقة
نضرب البيض بالمضرب الكهرباء لحد ما تلاقية بقى هش و فية رغاوى .نضع الفانيليا.نضع السكر شوية شوية على البيض واحنا بنضرب لحد ما تشوفى تخانتة كانك حطة علية دقيق.ينخل الدقيق ويضاف له البكنج بودر وزرة الملح ..بالمعلقة الخشب نضع الدقيق على الخليط ونقلب بالراحة شوية شوية فى اتجاة واحد ولعى الفرن و خلية جاهز على حرارة متوسطة. ندهن صينية طويلة بدون حواف بالسمن . نقص ورقة الذبدة على اد الصينية مع ترك 1سم من كل جنب ثم نضع الورقة على السمنة اللى دهننها فحنلاقى الورقة لذقت فى الصينية و ندهن الورقة كويس بالسمن.ويصب فوقها الخليط على ان تكون سمك الخليط 1سم تقريبا.يوضع الصينية فى فرن متوسط الحرارة لمدة عشر دقائق او ربع ساعة بالكتير حتى يحمر السطح جهزى على الرخامة ورقة الذبدة التانية افرديها امامك و رشى عليها كلها شوية سكر بودرة.يعد ماتطلع الصينية من الفرن اقلبيها على الورقة المرشوشة بالسكر و اشيل الصينية من فوق الكيكة و اشيل بالراحة الورقة اللى لزقة فى الكيكة و الف السويسرول على الفاضى بالورفة اللى تحته لمدة 10 دقائق نخفف المربى بوضعها فى مقلاية على نار هادية لفة واحدة حتلاقيها بقيت ناعمة و كدة حتكون سهلة الفرد نفك السويسرول و نفردعلية المربى مع ترك 1/2 سم من الاطراف وممكن وضع خط واحد بالعرض على الطرف اللى ناحيتك مكسرات على اساس ان المكسرات كأنها فى المركز عند التقطيع الف السويسرول و اقفل الاجناب كويس و اضعة فى الثلاجة حوالى ساعتين لما يطلع افك الورقة واقطع القطعة الفاضية من كل جنب و اما ارش الوش بالسكر البودرة او افرش طبقة خفيفة من المربى على السويسرول و ادحرج السويسرول على ورقة عليها مكسرات فحتمسك على طول فى المربى

كيكة جوز الهند
المقادير:
2 بيضة _ كوب و ربع جوز هند _كوب لبن _1/2كوب سمن _2 كوب دقيق _ كوب سكر _ فانيليا _ 2 معلقة صغيرة بيكنج بودر .عسل (2 كوب سكر _ 1/12 كوب ماء _نص ليمونة .
الطريقة:
نعمل العسل الاول و نسيبة يبرد نضرب السمن كويس بالمضرب الكهرباء مع السكر لحد ماتلاقيهم ابيضوا و هشوا اضيف لهم البيض بيضة بيضة مع الفانيليا نضع الجوز الهند ( كوب) نضع البيكنج بودر على الدقيق و نضع على العجينة شوية حليب و شوية دقيق و هكذاشوية حليب و شوية دقيق لحد مانخلصهم هما الاتنين ندهن الصينية بالسمن و نرشها دقيق و نقلبها نخبطها علشان بقيت الدقيق ينزل ندخلها الفرن متوسط الحرارة لحد و شها ما يحمر نخرجها و نسقيها بالعسل البارد يعنى هى سخنة و العسل بارد نرش الوش كلة بالجوز الهند و تقطع مثلثات

البسطا فلورا
المقادير :
2.5 إلى 3ك دقيق+3 بيضات+ك سمن +ك سكر ناعم+مربي للوجة اى نوع و لكن بيفضل مربى مشمش+ملعقة صغيرة بيكنج بودر+فانيليا
الطريقة:
يضرب السمن جيدا ثم يضاف له السكر ويستمر في الدعك حتي يصبح هشا .اضع البيض و الفانيليا و نضرب كويس جدا.يضاف الدقيق بالبيكنج بودر الي المقدار و تعجن حتي ينتهي المقدار وتصبح عجينة ماسكة نفسها و طرية يسهل فردها .( حنحط الاول ال2كوب دقيق و نذود شوية شوية ممكن تكتفى ب 2 وممكن 2 و نص و ممكن ال3)نحتفظ بقطعة عجينة لوحدها على جنب.قد اليوسفى.تدهن صنية بالسمن وتفرد العجينة فيها مع رفع الجوانب علشان لما نحط عليها المربى ما تطلعش من الجناب و تتحرق .تضع المربي بحيث تغطي سطح العجينة تماما.ناخد قطعة صغننة قوى من العجينة اللى احنا راكننها على جنب. ونحطها على الرخامة امامنا و بايدينا الاتنين نبرم فيها لحد ماتبقى عصاية رفيعة مبرومة اشبلها بالراحة و اضعها على المربى . وهكذا لحد ما اعمل شرايط بالعرض و بالطول و حيبقى شكل وش الصينية النهائى على هيئة مربعات.ملحوظة اذا لقيتى العجينة و انتى بتبرميها الصوابع الطويلة بتتقطع يبقى رشى شوية دقيق الاول و حطى عليها حتتة العجينة و بعدين ابرمى .نحط الصينية فى الفرن

بلح الشام
المقادير:
2 كوب دقيق _ 1 كوب ماء _ 1 كوب ذبدة و زيت (يعنى نص ذبدة و نص ذيت )+من 5 ل 6 بيضات _ معلقة صغيرة فانيليا.زرة ملح.+معلقة اكل خل ابيض ( وعلى فكرة انا كنت فكرة ان الخل لزفارة البيض لكن لا اتضح انه بيخلى البلح الشام ماسك نفسه )
الطريقة:
حطى الماء فى حلة على النار لما يادوب حيدفى حطى الذبدة والزيت على الماء و لما يغلى حطى الدقيق كله مرة واحدة وقلبى بسرعة و النار واطية لحد ما حتلاقى العجينة لفت معاكى و بقيت زى الكرة روحى شايلة الحلة من على النار لحد ما تبرد خالص . ابتدى حطى البيض على العجينة بس بشرط تحطى بيضة و تضربيها فى العجينة لحد ما تختفى و بعدين تروحى حطة اللى بعدها بنفس الطريقة و هكذا بس توقفى وضع البيض لما تلاقى العجينة عاملة خط نازل من المضرب متماسك مثل منقار الحمامة تروحى حطة معلقة الخل و تقلبى كويس قوى . هاتى بقى الكيس بالقمع المخصوص بتاع بلح الشام و اقلبية الاول على ضهرة و بليه بالفرشاة بالذيت و ارجعى اعدلية تانى . حطى العجينة فى الكيس و انزلة فى الزيت صوابع طولها زى ماانتى عوزة و تقصيها بمقص المطبخ على الزيت الغزير الساخن اقلى أصابع بلح الشام و تكون النار واطية أثناء التحمير ثم اخرجه واضعه على ورق شفاف ماص حتى يتخلص من الزيت ولما يبرد خالص احطة فى الشراب البارد علشان ما يطراش منك ولما تطلعية ممكن تحطى على طرف الصباع فستق مفروم او مكسرات
ملحوظة ممكن وضع المقدار كله زيت وممكن وضع قالب ذبدة قلم ال 113 جرام

الإكــليــر
مقادير عجينة الشو :
1 كوب دقيق +1 كوب ماء +نصف كوب سمن+من 4 إلي 5 بيض +فانيليا - ذرة ملح - نصف ملعقه صغيره سكر
الطريقة
نضع الماء + السمن + الملح + السكر في حله علي نار متوسطه بمجرد الغليان .. نرفعها ونضيف الدقيق دفعه واحده ونقلب بملعقه خشب نعيدها علي النار مرة أخري ونقلب حتي تنفصل عن حواف الإناء.. ونتركها تبرد . نضيف في البدايه 2 بيضه والفانيليازنقلب ونمزج البيض جيدا .. ثم نضيف بيضه أخري ونمزجها في الخليط بشده ( ممكن نستعمل المضرب الكهربائي ) نكرر إضافة بيضه ونخلطها مع المزيج .. ونختبر العجينه بأن تكون لينه وناعمه وليست سائله .. ممكن نكتفي ب 4 بيض .. وده راجع لحجم البيض نضع العجينه في كيس حلواني وبالقمع المستدير وبدون زجزاج نشكل وحدات طويله ومستديره علي صينيه مدهونه بالسمن .. ونخبزها في فرن متوسط الحراره بعد أن تبرد وحدات الإكلير نشقها بالطول وننزع اللبابه إن وجدت ونحشي الوحدات بالكريم باتيسيير بالشيكولاته (كستر )

الجيلى بالكريمة
المقادير:
2باكو جيلى فراولة _ 2 ظرف كريم شانتية _ فراولة للزواق
الطريقة:
نغلى على النار 3 كوب ماء ثم نضع علية الجيلى لحد ما يغلى و يدوب نعمل الكريمة بنفس الطريقة المكتوبة على العلبة نضع الكريمة فى الثلاجة و نضع الجيلى حتى يجمد تماما نخرجهم من الثلاجة و نضع الكريمة على الجيلى و بالمضرب الكهرباء نخلطهم مع يعض كويس حيبقى الخليط فاتح و ناعم لانهم حيتجانسوا على بعض نضعهم فى الكاسات و نجمل الوش بوردات كريمة و وحدات فراولة صغيرة .

جــاتـــوه
المقادير:
ثلاث أرباع كيلو دقيق + ملعقه كبيره كربونات+ 1 ك عسل أسود+ 1 ك سكر+- 1 كوب شاي ( أعمل شاي تقيل وآخد كبايه )+ 1 ك عصير برتقال وبرش 3 برتقالات+ نصف كوب زيت + 1 بيضه+ م ك كاكاو + م ص قرفه+- 2 باكو كستر وأجهزهم حسب النعليمات
الطريقه
نرب البيضه والزيت والسكر والقرفه والكاكاو- يضاف الشاي والعسل والبرتقال وبشر ثلاث برتقالات ونقلب الخليط- نضيف الدقيق بالبيكربونات .. ونقلب إتجاه واحد- نسكب الكيكه في صينيه كبيره مربعه ونسويها في الفرن- بعد نضج الكيكه أكون مجهزه الكستروهو ساخن أسكبه علي وجه الصينيه فيعمل طبقه حوالي 1 سم واعيدها الفرن خمس دقائق- أقطع الكيكه مستطيلات ومربعات في حجم قطعة الجاتوه- أضع أي نوع مكسرات علي عدد من القطع أو كريم شانتي
ملحوظه - علي مر السنين إتعلمنا نعمل أنواع كيك وجاتوه كتير ..لكن ده فيه طعم مميز( الكميه كبيره جدا .. ممكن يتعمل نصها)

البسكوت بالشيكولاتة ( باردة لا تدخل الفرن )
المقادير:
حوالى 15 باكو بسكوت شاى _ باكو زبدة وسط _ 2 بيضة _ فانيليا _ سكر بودرة (حسب التزوق ) _حليب
الطريقة
كسرى البسكوت بايدك قطع صغيرة ( مش بالكبه نهائيا )القطعه قدعقله او عقلتين صباع و اركنيهم فى طبق كبير غويط . عمل الشيكولاتة :
نضرب الذبدة كويس فى الخلاط اضع عليها السكر البودرة و اضرب اضع نص كوب كاكاو و بيضة و الفانيليا و كل دة و الخلاط شغال ما توقفيهوش ثم اضع النص كوب الكاكاو التانى و البيضة التانية و مازلنا نضرب ابدء فى تنزيل سرسوب اللحليب خفيف خفيف و الخلاط شغال زى ما قلنا لحد ما توصلى لتخانة حلوة للشيكولاتة تكون تقرب للينة و اوقف الخلاط بس ماتنسيش تظبطى فى السكر نفترض غلطى و الشيكولاتة بقيت سائل ؟؟تروحى مزودة شوية كاكاو لحد ماتظبطى السمك تجيبى اللبن البارد ( علشان البسكوت ما يبوش )و ترشى ترشى بايدك البسكوت لحد ما البسكوت كله يتبل كويس بس اوعى يبوش منك هاتى الشيكولاتة ( بس سيبى حوالى ربعها للوش ) و حطية على البسكوت و قلبى قلبى بايدك كويس لحد ماتحسى ان البسكوت كله فية شبكولاتة كويس ضعى البسكوت بالشيكولاته فى الصينية و اضغطى بايدك علشان البسكوت يتفرد فى الصينية و ماتبقاش حتة عالية و حتة واطية ( ولنتى بتضغاطيها فى الصينية حتكون جامدة تحت ايدك ) بعد ما تفرشيها تمام فى الصينية هاتى باقى الشيكولاته اللى كنا حاجزينه و افردية على وش الصينية . ممكن تعملى باشوكة اشكال على هيئة زجزاج على وش الشيكولاتة و ممكن ترشى فستق مفروم او بندق محمص بيدوها طعم حلو دخليها الاول الفريزر لمده ساعة و بعدين نزليها تحت فى الثلاجة و كل ما تقعد بتطرى و بتبقى قعدت دة لو قعدت اهيه دى بالزات اللى عمرها ما قعدت عندى

سويسرول البسكوت بالشيكولاتة
نفس الطريقة اللى فاتت لحد ما خلطنا البسكوت بالشيكولاتة لكن مش حنحطها فى الصينية حنفرد ورفة فويل و نحط الخليط على طرف الورقة بس لجوة شوية فوق بعض بشكل الرول بتاع السويسرول و نبدء نلفة كلة للاخر و نقفل علية كويس و نجمدة بنفس الطريقة اللى فوق و لما نفكة ندهن بالسكينة باقى الشيكولاتة على كل الوش او ممكن نسيح شيكولاتة خام و نصبها على الوش كلة و

كيكة التفاح (Cindrella)
المقادير:
1.5 كوب سكر+1 كوب سمن أو زيت+2 كوب دقيق+2 بيضة +4 تفاحات مقشرة ومقطعة مكعبات صغيرة+1 معلقة صغيرة قرفة مطحونة+0.5 ملعقة صغيرة ملح ناعم+1 كوب فول سوداني مجروش أو مطحون+بيكنج بودر- فانيليا
الطريقة:
زي أي كيكة: نضرب السكر والسمن ثم البيض والفانيليا.نضيف الدقيق+البيكنج بودر + القرفة +الملح ثم نضيف تدريجيا مع البيض مع التقليب. في النهاية نضيف التفاح والفول السوداني ونقلبهم مع بعض ثم توضع في صينية مدهونة وتدخل الفرن.

طريقة أخرى لكيكه التفاح
المقادير:
2 تفاحه متقشره ومتقطعه مكعبات - 2.5 كوب دقيق - 4/3 كوب سكر - 2/1 باكو بيكنج بودر- 2/1 1 ملعقه شاى قرفه - 3/2 ملعقه ك زبده - 2/1 كوب لبن- 2 بيضه
الطريقه :
نخلط الدقيق والقرفه والبيكنج بودر والسكر ونقعد نقلب بالمعلقه لما كله كله يبقى لون واحد ويتوزع كويس اوى نضيف التفاح ويكون متقطع 1 سم * 1 سم ثم نضه الزبد السايح على البن ونضيف البيض ونخلطه بالمضرب السلك نضيف السوائل بقى للدقيق ونقعد نقلب لما كله كله يبقى متجانس جدا ندهن صنيه بزبده ونصب الخليط طبعا مش هيتفرد لوحده لانه مش سائل حطى فى ايدك شويه لبن وافردى العجينه تماما استعملى صنيه كبيره لان المقدار كبير الكيكه دى بتقعد فى الفرن ساعه وعشر دقائق

ام على
المقادير:
نص باكو جلاش _ كيلو حليب _ زبيب _ مكسرات _سكر حسب التزوق _ قرفة ناعمة _ قشطة _ زيت
الطريقة :
بالسكينة اقسم ورق الجلاش الى نصين و النصين الى ربعين اما تضعى الورق على صينية و تدخلية الفرن لحد ما يصفر و ينشف ( او ) اضع مقلاية واسعة على النار و احط فيها زيت و ابدء احمر الورق كل ورقتين ثلاثة مع بعض و اشيلهم فى مصفة علشان ينزلوا كل الزيت الزائد احضر صينية بايركس او طاجن فرن فخار و اضع طبقة من الورق ثم ارش رشة مكسرات . ثم اضع راقة ورق و ارش راقة مكسرات و هكزا لحد ما املى الصينية ادفى الحليب على النار و احلية بالسكر ثم اصبة على الصينية لحد ما يغطى الورق خالص اضعة فى الفرن لحد ما يبتدى يشرب الحليب اضع على وجة الصينية القشطة يعنى اوزعها على الوش و اضعها فى الفرن لحد و شها ما يحمر ملحوظة ازا كنتى بتحبيها دسمة يبقى ممكن تحطى بين راقات ورق الجلاش مع المكسرات قشطة تانى وفية ناس بتحبها مليانة حليب يبقى بعد ما تحمر ممكن تزوديها حليب تانى و ترجعيها الفرن كمان يادوب خمس دقائق بس تقدم ساخنة

القرع العسل بالباشميل
المقادير:
2 قرع عسلى +4 ك سكر (حسب الرغبة)+5 م ك سمن + 4 م ك دقيق+ك حليب+3م ك جوز هند+ مكسرات
الطريقة:
جيبي قرعتين او حسب الكميه قولي لو اربهع اشخاص بجيب قرعتين وسط وطبعا باشرهم واشيل كل اللب واقطعهم مكعبات متوسط يعني لا صغيرة ولا كبيره اكبر من مكعبات السكر شويه المهم بعد ما اقطعهم بغسلهم واحطهم على مصفي المهم ميكنش فيهم اي ميه خالص بعد مينشفوا بحط مكعبات القرعتين في حله عميق واحطلها حوالي كيلو سكر او اربع كبايات حسب مذاقك وتسيبها على النار وكل شويه تقلبيها لحد متستوي بالسكر ومتحطيش اي ميه خالص لانه اساسا بينزل مايه-بيبتدي ينزل يته القرع قدامك حلين اما متسوعيش القرع لما يتهري وتخدي شويه تعمليهم زي الخشاف يعني تحطي شويه في الكاس بتاع التاديم وتكوني عامله مهلبيه تحطي شويه فوق وتسيبيه يبرد وبيبقه ظريف او تكملي بقه كل بالباشميل زي ما هقولك- انا بسيب القرع لما يتهري على النار وبعدين بجيب مصفى كبيره بحط القرع فيها وبينز طبعا ميه كتير جدا وهي ميه القرع وبتكون مسكرة المهم انا باخد ميه القرع وبعمل بيها الباشميل بجيب حله تانيه اضع فيها حوالي نصف قالب زيده يعني مثلا 5 معالق سمنه او اكتر وبحط حوالي 4 معالق دقيق ده طبعا لان الكميه بتكون كبيره المهم بعمله بنفس طريقه الباشميل العادي بس انا بحمر الدقيق مع الذبده وابتدي اضيف من ميه القرع + مع حليب عادي او بودر انا بصراحه بحط بودر نيدو على ميه القرع وابتدي اجطه شويه شويه على الدقيق بعد تحميرة بس طبعا انا مبحبش اضيف سكر فيه لاني اساسا ضايفا فوق القرع حسب رغبتك كده خلاص عملت الباشميل على جنب خلاص ابتدي اروح للقرع الي في المصفه اجيب صنيه مدورة وطبعا انا بحط جوز هند واخلطه مع القرع الي اساسا انا هرسته في المصفة وببتدي اخلط معا مثلا 3 معالق جوز هند مع التقليب بحط شويه بشميل في الصنيه من تحت وبعدين انا بحط القرع كله مع شويه مكسرات وبخلطهم بحواب 4 معالق باشميل مخفف عن الي ححطه على الوش وبخلطه مع القرع كله وبفرده في الصنيه وبعدين احط الباقي الباشميل التقيل من فوق وتحطيه فى الفرن

كيكة القرع العسلى
المقادير:
ك دقيق +ك قرع عسلى مكعبات+بيضة – 1/2م فانيليا+ربع كوب زبدة+نص كوب سكر+م ص بيكنج صودا+نص م ص قرفة
الطريقة:
اضربى الزبدة كويس وبعدين ضعى عليها السكرواضربى ضعى عليهم البيضة و الفانيليا واضربى كويس ضعى القرفة والبيكنج صودا على الدقيق و اخلطيهم ثم ضعيهم على المقدار مع القرع العسلى وقلبى كله مع بعض ادهنى صينية كويس وضعى فيها الخليط ودخليها الفرن المتوسط الحرارة لحد ما تستوى و تقريبا بيكون نص ساعة تترك تبرد وتقطع

طبق خفيف بالقرع العسلى
المقادير:
كيلو قرع عسلى +1/2 كيلو سكر+م ك كريمة لبانى+2 ك بشاميل (عليهم 2 م كسكر)+فانيليا – زبيب – قرفة – مكسرات
الطريقة
قشرى القرع العسلى وقطعية فطع صغيرة ورشية بنص كيلو السكر اتركية لمدة ساعتين . ثم ضعية على النار مع التقليب لحد مايستوى صفية من الماء اللى حيظهر عندك ضعى معلقتين السكر على البشاميل و الكريمة اللبانى وقلبيهم مع بعض كويس ضعى القرع العسلى فى كؤس التقديم او اطباق صغيرة وضعى على وش كل طبق الكريمة المخلوطة بالبشاميل ثم ضعى القرفة والزبيب وممكن مكسرات ناعمة حسب الرغبة

القرع المهروس بالمكسرات
المقادير:
مكسرات المتواجده بالبيت - 2/11 كيلو قرع - 3/1 كوب كريمه - 3 ملاعق مائده من الزبد - 1 م بقدونس
الطريقة:
يقطع القرع الى مكعبات يدهن بالزيت ويدخل الفرن لمده ساعه حتى يشوى تماما - نسخن الكريمه فى اناء صغير على النار نضع القرع العسلى فى الكبه يضرب حتى يهرس تماما تضاف الكريمه والملح والفلفل وتشغل الكبه مره ثانيه حتى تهرس تماما - نشوح البقدونس فى زبد ساخن جدا - يخلط مع القرع ويجمل القرع بالمكسرات

البروفيترول
المقادير:
عدد من الشو (( نستعين بطريقة بلح الشام) نشكل كور في حجم الليمونه ونخبزها ونحشيها بالكستر أو كريم شانتي أو ممكن نشتريها جاهزه وبتتباع بالكيلو في كثير من محلات الحلويات ده بالنسبه للشو .. أما لعمل صلصه الشيكولاته لزوم البروفيترول)
1 كيلو لبن حليب +4 ملاعق كاكاو خام بدون سكر +ربع كيلو شيكولاته خام+2 ملعقة دقيق+كوب وربع سكر +1ملعقة زبد+نص كوب بندق محمص ومفتت
الطريقة:
نذيب الدقيق والكاكاو في ماء،نضع اللبن والشيكولاته الخام والسكر والزبده في حله علي الناروبعد الغليان وذوبان الشيكولاته والسكرنضيف خليط الدقيق والكاكاو .. ونتركهم حتي يتقلوا شويه مش كتير .. علشان لما بتبرد بتبقي أجمد .. نضيف البندق ونطفئ علي طول نرص وحدات الشو في سلطانيه لحوالي نصفها ونكمل بصوص الشيكولا نتركها تبرد في التلاجه

المــيرينــــــــج
المقادير:
2 بياض بيض+1 كوب سكر بودره
الطريقة:
نخفق بياض البيض جيدا بالمضرب الكهربائي حتي يزيد حجمه نضيف السكر ونستمر بالخفق حتي تتماسك الخلطه نضعها في كيس بالقمع ونشكل وردات في صينية للخبز مدهونه أو مفروشه بورق زبده نخبزها في فرن دافئ ولمده حوالي20 دقيقه

الأمريت
المقادير:
نصف كيلو سوداني محمص ومطحون +3 بياض بيض +150 جرام سكر+ملعقه كبيره جيلي لون فاتح +فانيليا - ذرة ملح
الطريقه
نخفق البياض مع الملح لمدة دقيقه ثم نضع السكر ونخفق حتي يشتد نضيف الجيلي والفانيليا ونخفق جيدا نعجن بالسوداني المطحون نبلل أيدينا بالماء ونشكل كرات صغيره نضع في نصها سودانيايه نخبزها في فرن متوسط الحراره

البراونز
المقادير:
1.5ك دقيق +1.5ك سكر+ك زبده+150 جرام شيكولاته خام+3 م ك كاكاو+4 بيض + فانيليا+1 م ص بيكنج بودر+نصف ك جوز أو بندق محمص ومكسر
الطريقة:
نذوب الزبده مع الشيكولاته في حمام مائي .. بعد الذوبان نتركها تبرد ننخل الدقيق مع الكاكاو والبيكنج بودر بإستعمال المضرب الكهربائي نخفق البيض ومعه الفانيليا ..نضيف السكر بالتدريج أثناء الخفق ونستمر بالخفق حوالي 3 دقائق نضيف خليط الشيكولاته والزبده .. مع الخفق نقلب الدقيق مع الكاكاووالبيكنج بودربإستعمال ملعقه خشبيه نضيف الجوز أو البندق نضع الخليط في صينيه مدهونه بالسمن ومرشوش عليها دقيق.. يستحسن أن تكون مربعه أو مستطيله ليسهل تقطيعها مربعات مناسبه كالجاتوه
بعد الخبز نتركها تبرد ونقطعها مربعات أو مستطيلات كالجاتوه ممكن وضع نصف كوب شيكولاته محلاه مفتته لقطع صغيره .. بدلا من الجوز أو البندق

شكلمة جوز الهند
المقادير:
علبة حليب مكثف ومحلي +حوالي ربع كيلو جوز هند أو أكثر
الطريقه
نعجن جوز الهند بالحليب المكثف بإستعمال ملعقه لابد وأن تكون العجينه متماسكه .. كميه جوز الهند المستخدمه تقديريه ممكن نستخدم أكثر من ربع كيلو بعد تمام العجن نبلل أيدينا بالماء ونشكل كور صغيره نرصها في صينيه مدهونه بالزيت ومرشوشه بالدقيق نضع في وسط كل كوره زبيبه أو بندقه محمصه ونضغط عليها قليلا ( نبططها ) نخبزها في فرن متوسط الحراره حوالي 20 دقيقة بحيث ألا يتغير لونها وتحتفظ ببياضها

الكـــوكـــيز
المقادير:
نصف كوب زبدة+بيضة واحدة+كوب و نصف دقيق+نصف كوب سكر بودرة+ملعقتين لبن - قطع شيكولاتة صغيرة+نصف ملعقة صغيرة بكنج باودر - نصف معلقة صغيرة فانيليا
الطريقة
اعجني الزبدة جيدا حتى تصبح ناعمة.ثم اضيفي رشة ملح اضيفي السكروحركي جيدا حتى تصبح كالكريمة اضيفي البيضة ، اضيف الفانيليا و اللبن انخلي الدقيق والبكنج بودر مع بعض ضعى الدقيق الى الخليط شوية شوية مع الخلط الجيد اضيفي قطع الشوكولاتة لفي العجينة على شكل اسطوانة او ماسورة او قضيب ثم قطعى العجينة بالسكينة دوائر صغيرة ادهنى صينية بالزيت وضعى فيها حلقات او دوائر البسكوت ادخليها الى الفرن متوسط الحرارة لحد ماتستوى حوالى من عشر دقائق لربع ساعة

الفــايــش
المقادير:
1 كيلو دقيق +ربع كيلو سمن +1 ك لبن حليب +1 م ص محلب +1 م ص كركم +1 م ك حمص مطحون+1 م ك خميره بيره
الطريقه
نخمر ملعقة كبيره حمص مطحون ناعم مع نصف كوب لبن دافئ لمدة 24 ساعة نعجن الدقيق باللبن المتخمر بالحمص وعليه محلب وكركم وخميره البيره ( بعد إذابتها بملعقه صغيره سكر وربع كوب ماء) لازم تكون العجينه يابسه جدا وناشفه نضيف السمنه للعجينه ونكمل العجن .. بعد أن تخمر العجينه .. نشكلها في صينية الخبز كالرغيف الفينو لكن بعرض رغيفين نتركها تخمر تاني ونخبزها ... بعد كده نقطعها شرايح رفيعه بالعرض نحمصها في الفرن ....

الـــدونــــات
المقادير:
500 جرام دقيق + م ك خميره+2 صفار بيضه + ذرة ملح+2 م ك سكر +2 م ك زبده ( 50 جرام )+ربع لتر لبن دافئ
الطريقه
إدعكي الخميره بالسكر إلي أن تسيل ضيفي اللبن الدافي عليها وأتركيها تخمر لدقائق أفركي الزبده في الدقيق ربي البيض مع ذرة الملح بالشوكه ضيفي البيض والخميره بالحليب علي الدقيق وإعجني جيدا غطي العجينه وأتركيها تخمر أفردي العجينه وقطعيها دوائر بكوب صغير ممكن داخل بعض الدوائر تعملي تفريغ دائره أصغر .. بعد التشكيل أتركيهم نصف ساعه للتخمير مره أخري
أقلي الدونات في الزيت الغزير ممكن حشو عدد من الدونات بالمربي بالحقن بماكينة تشكيل البتي فور يرش سكر بودره علي عدد من الدونات ممكن تسييح شيكولاته وعمل رسم وتسييل خطوط منها علي عدد من الدونات ..ملحوظه ممكن إستعمال البيكنج بودر بدل الخميره البيره ممكن عمل الدونات ببيضه كامله بدل من 2 صفار بيضه

الســمســـميه
المقادير:
3 كوب سمسم +كوب ونصف سكر + 3 ملعقه كبيره ماء + نص ليمونه أو رشه ملح ليمون+ملعقه صغيره ماء ورد
الطريقه
نغسل السمسم وننقيه من أي شوائب .. ونفرده علي فوطه لكي ينشف نحمص السمسم إما في فرن دافئ أو في حله علي نار هادئه مع مراعاة ألا يحترق نتركه حتي يبرد .. أحضر الشربات بإذابة السكر في الماء القليل ومعه ملح الليمون .. علي نار هادئه حتي يعقد السكر .. نطفئ النار .. ونضيف ماء الورد والسمسم ونقلب جيدا جدا نفرش صينيه بورق الزبده المدهون بالزيت نفرد السمسميه في الصينيه ونساويها ببطن اليد المدهونه بالزيت ممكن إضافة أي نوع من المكسرات علي وجه السمسميه وهي دافئه نتركها حتي تبرد تماما فتصبح جاهزه للأكل بعد تقطيعها صوابع رفيعه ممكن من البد
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 1:32 am

الترايفل بالجيلى
المقادير:
بسكوت سفويار او كيك باقى عندك اوكيكة اسفنجية+2 كوب جيلى +كريم شانتى+مربى
الطريقة
نضع فى قاع الطبق طبقة من الكيك ثم نضع على هدة الطبقة طبقة من المربى ثم نضع على المربى طبقة من الكريمة ثم نضع طبقة من الكيك تغطى الطبق نصب الجيلى عليهم تماما وندخلة الثلاجة لحد الجيلى ما يجمد ولما يجمد تزوقية بوردات الكريمة

الترايفل بالجيلى والكاستر
المقادير:
بسكوت سفويار أو كيك باقى عندك اوكيكة اسفنجية+2كوب جيلى اصفر او اخضر+كستربارد+كريم شانتى
الطريقة
نضع فى قاع الطبق راقة من الكيكة نصب نص كمية الجيلى وهو سخن على الكيكة وندخلة الثلاجة لحد ما يجمد لما يجمد نطلعة ونصب علية نص كمية الجيلى التانية بس المرة دى حيكون الجيلى بارد وندخلة الثلاجة لحد ما يجمد لما نطلعة ويكون جمد نضع علية طبقة من الكستر البارد ثم نجملة بالكريم شانتى

ترافيل خاص
المقادير
الطبقه الأولى: كيكه اسفنجيه طبقه واحده توضع في القالب ويرش عليها علبة فواكه مشكله صغيره بالماء
الطبقه الثانيه: كيس دريم ويب +علبة قشطه + 8حبات جبنة كيري+ نصف علبة حليب مركز الكبيره+نصف كوب ماء بارد+كيس واحد جيلاتين مذاب في القليل من الماء الساخن:تخلط هذه المقادير في الخلاط جيدا ثم تسكب فوق الطبقه الأولى
الطبقه الثالثه:علبة قشطه +4 ملاعق سكر بودره +ملعقة كاكاو :تخلط جيدا ثم تسكب على الطبقه الثانيه تدخل الصينيه الثلاجه مدة3ساعات اوحتى تبرد وبالعافيه

الهريــســة
المقادير:
كيلو سمن.- ريع كيلو دقيق حمص - نصف كيلولوز+عسل : (ثلاثة اكواب ماء – اربع اكواب سكر)
الطريقة
ضعي نص كوب سكر في حلة على النار مع التقليب المستمر لحد ما لونه بقى دهبى اضع عليه باقي السكر والماء مع التقليب المستمر لحد ما يغلى حوالى ربع ساعة بس اشيل منه حوالى كوب واركنه لوحدة ضعى اللوز فى ماء مغلى وقشرية وحمصية واطحنية بس يكون خشن مش ناعم وطى النار وضعى على العسل وهو على النار اللوز ودقيق الحمص وافضلى قلبى كويس لما تلاحظى ان الخليط ابتدى يتقل ويمسك نفسه حطى السمنة كلها بس شوية شوية وبرضة تفضلى تقلبى لحد ما حتلاقى السمنة سابت الخليط والخليط اتكور لوحدة وبقى حتة واحدة ضعى الخليط كلة فى صينية مش كبيرة المهم يكون ارتفاع المقدار فيها حوالى 4سم صبى على وش الخليط كوب العسل اللى كنا ركنينه توضع فى فرن متوسط لحد ما وشها يحمر خفيف مش قوى او لما تلاحظى انها زى ما تكون فقفقت او اتخرمت من سطحها تشيليها من الفرن وتسبيها لحد ما تبرد خالص وبعدين تقطعيها

هريسة محشية بالقشطة
المقادير:
كوب لبن زبادي – بيضة - كوب سكر – كوب جوزهند - كوب دقيق سميد ناعم – باكو زبدة (113ج) - معلقة فانيليا – معلقة بيكنج بودر
الطريقة:
نخلط كل المقادير دى مع بعض بالمعلقة كويس( كوب لبن – 3 معالق كبيرة نشا – علبة قشطة – عسل ) اذوب النشا فى اللبن و بعدين نضعهم على نار هادئة مع التقليب المستمر لحد ما يتماسكوا جيداً.(زى المهلبيه)نضيف عليهم علبة القشطة كلها ونقلبهم كويس ثم نضع فى الصينية نصف مقدار الخلطة الأولى وبعدين نضع عليها مزيج المهلبية اللى عملناة وبعدين نضع عليها النص التانى من الخلطة الاولى ندخلها فرن ساخن لحد ما تحمر نسقيها بالعسل ملحوظة ممكن بدل القشطة تحشيها بجبنةا الحلويات

زنـــود الســت
المقادير:
باكو جلاش +2 علبة قشطة (او مهلبية) +زيت للتحمير +عسل (2كوب سكر – واحد ونص كوب ماء – نص ليمونة)
الطريقة
نحضر ورقة من الجلاش ونتنيها بالطول(كل الورق حنتنية بنفس الطريقة) توضع ورقة من الجلاش بجهة الطول فوق ورقة تانية بجهة العرض على هيئة (+) توضع ملعقتان كبيرتان من القشطة على الحتة اللى هيا نقطة التقاء الطول بالعرض نضع الطرف اليمين اللى بالعرض على القشطة والطرف الشمال فوقة(يبقى احنا كدة غطينا القشطة) وتلف بالطول باقى ورقة الجلاش على هيئة صباع تكرر بنفس الطريقة مع بقية الجلاش ثم تقلى في الزيت الساخن نشيلها من الزيت وتصفى ثم توضع في العسل ثم ترصص فى طبق التقديم وممكن ترشى على الوش شوية فستق مطحونين

الجيلى بالبسكوت و الفواكة
المقادير:
يسكوت (عدد البكوات على اد الصينية او عدد الكاسات)+علبتين كمبوت+علبة كريمة (اتنين كيس)+اربع علب جيلى
الطريقة:
نغلى 7 اكواب ماء على النار وندوب فيهم الجيلى ونجهزة . نصب الجيلي في طبق زجاجي او فى الكاسات لحد ما يوصل ل 2 سم تقريبا مش اقل من كدة ثم يوضع في الثلاجة لحد ما يجمد .(مع الاحتفاظ بنص كوب جيلى على جنب بس يكون بارد و مش جامد)نصفى العصير اللى فى علبة الكمبوت وشيلى كل واحد لوحده اعملى الكريمة بنفس الطريقة اللى على العلبة تغمس كل قطعة من البسكويت في الجيلي ونشيلها على طول وبعدين نرصصهم فوق طبقة الجيلي المتجمدة حتى تغطي الجيلى تماما . توضع طبقة من الفواكه المشكلة فوق طبقة البسكويت ثم توضع طبقة من الكريمة .نعمل نفس الخطوات تانى لعمل طبقة جديدة .
توضع في الثلاجة حتى تجمد .. ملحوظة:اذا كنتى حتعملية فى كاسات مش فى طبق زجاجى يبقى نكتفى بطبقة واحدة من كل نوع ولا نكرر الخطوات

قالب البسكويت بالشيكولاته
المقادير:
كمية من البسكويت المربع الساده +حوالى كوب لبن بارد ،مقادير كريمة الشيكولاته:1/4 كيلو زبده+2/3 كوب سكر بودره+1/3 كوب كاكاو خام+من 3: 4 بيضات+فانيليا+1/4 كيلو كريم شانتيه
الطريقة
يتم ضرب الكريم شانتيه بقليل من الماء المثلج حتى تتكون كريمة متماسكة ثم تترك ويتم ضرب الزبدة + السكر ثم يتم إضافة باقى المقادير والكريمة المضروبة ويضرب جيداً وممكن إضافة قليل من اللبن اذا كان متماسك جدا نحضر قالب بيركس ويتم وضع بسكوته بسكوته فى اللبن بعد تحليته بقليل من السكر ويرص فى القالب طبقتين من البسكويت ثم طبقة كريمه ثم طبقتين من البسكويت ثم طبقة كريمة وعلى الوجه ممكن نزوق بمبشور الشيكولاته ثم يتم وضعه فى الثلاجه

المكرونة بالمهلبية
المقادير:
1/4 كيلو مكرونة قلم صغير جدا ومسلوقة +1 كيلو لبن+4 ملعقة كبيرة نشا+سكر +فانيليا+جوز هند وزبيب (حسب الرغبة)
الطريقة:
يتم اذابة السكر فى اللبن والنشا على البارد ثم وضعها على النار ويتم التقليب المستمر حتى الغليان (مهم التقليب المستمر) ثم إضافة الفانيليا يتم خلط المكرونة مع المهلبية جيداً وأضافة جوز الهند والزبيب يتم دهن صينية أو طبق بيركس بالسمن ثم يصب بها الخليط توضع فى الثلاجة لمدة من ثلاث لأربع لساعات ثم توضع بالفرن بالرف العلوى حتى يحمر الوجه

عيش السرايا
المقادير:
1 كوب دقيق+1 كوب سكر+1 كوب زبادى+2 بيضه+2 ملعقة سمن (أو قشطة وش اللبن)+فانيليا+1 م/ص بيكنج بودر
للشربات:1 كوب سكر+1، 1/2 كوب ماء
الطريقة:
فى الخلاط نضع البيض والسكر ونضربها لمدة عشر دقايق حتى نتأكد من زوبان السكر ثم الزبادى ثم السمن والفانيليا (أثناء الضرب يتم تشغيل الفرن على درجة 150 ) ننخل الدقيق مع البيكنج بودر ونضيفه إلى الخليط مع التقليب بخفه فى اتجاه واحد ندهن صينيه مقاس 26 يعنى اصغر من صينية الكيك العادية بنمره نصب الخليط ونضعه فى الفرن لمدة من 20 إلى 30 دقيقه حسب الفرن عندما تترك الكيكة جانب الصينية نخرجها من الفرن) ، الشربات:نذوب السكر إلى الماء ولا نضع ليمون عندما يغلى الخليط لمدة 5 دقايق فقط نطفى (شربات خفيف يعنى) أول ما تخرج الكيكه من الفرن نسقيقها الشربات بالملعقة حتى نتأكد أن الكيكة اتسقت كويس وأذا تبقى بعض الشربات لا نضعه أى حسب أحتياج الكيكة ملحوظة: ارتفاع الكيكه اعلى قليلاً من البسبوسه
من الممكن مضاعفة المقدار تماماً ووضعها فى صينية مقاس 28 أو 30 فتصبح مرتفعة

طريقة أخرى لعيش السرايا
المقادير:
اولاً: العجينة:
-كوب زبادى -كوب دقيق-كوب سكر-ملعقة صغيرة بيكربونات صودا،عسل : كوب سكر – كوب ماء – نص ليمونة ،كراملة : نص كوب سكر – معلقة صغيرة ماء( سبب وجود الكرامل هو وضعة على العسل عشان يدينا اللون البنى بتاع عيش السرايا)
الطريقة:
نضع الدقيق و السكر و الزبادى فى الخلاط نضربهم كويس لمدة عشر دقائق الى ان يصبح قوامها مثل الكريمة ونترك الخليط لمدة نصف ساعة عشان نكون اتاكدنا ان السكر زاب و كلة اندمج ببعضة نضع ملعقة البيكربونات على الخليط ونخلط بالخلاط تانى ثوانى فقط عشان نتاكد ان البيكربونات اختلطت مع الخليط اصب الخليط في الصينية بعد ما ادهنها بحتة زبدة وادخلها الفرن
على درجة حرارة متوسطة لمدة ربع ساعة نعمل العسل و نجهزة بالطريقة العادية نضع العسل الدافى على الكراميل الساخن مع التقليب المستمر عشان تلحقى تزوبى الكلاكيع اللي حتظهر نضع العسل بالكراميل الساخن على عيش السرايا البارد ً طريقة التقديم : بعد ما يبرد تماما عيش السرايا نضع على وشة كلة القشطة و نفردها كويس ثم نرش الفستق المطحون على القشطة و

عيش السرايا بالعيش
المقادير:
كيس توست ( 2 كوب لبن – 2 معلقة كبيرة نشا – ربع كوب سكر – علبة قشطة )+عسل ( كوب سكر – كوب ماء – عصير نص ليمونة )+كراميل ( نص كوب سكر – معلقة صغيرة ماء )+فستق مطحون
الطريقة:
نجهز المهلبية الاول : نزوب النشاء فى اللبن البارد كويس ثم نضعة على النار مع السكر لحد ما يدوب السكر و يتخن الخليط نروح حاطين علبة القشطة و نقلب كويس جدا و بسرعة لحد ما يندمجوا مع بعض نعمل العسل و نجهزة بالطريقة العادية نضع العسل الدافى على الكراميل الساخن مع التقليب المستمر عشان تلحقى تزوبى الكلاكيع اللي حتظهر نشيل الجوانب الغامقة بتاعة التوست وحطية فى التوستر او الفرن لحد ما يحمر فى طبق بايركس رصى التوست جنب بعض و غطى الفراغات صبى العسل بالكراميل واحدة واحدة على التوست و افضلى دوسى بايدك او بضهر المعلقة عشان تتاكدى ان التوست شرب العسل كويس نضع المهلبية اللى عملناها و نفرشها على وش الصينية كويس ثم نرش الفستق المفروم على وش الصينية

جاتوة البقسماط بالمربى
المقادير:
2 كوب بقسماط خشن – كوب مربى – شيكولاتة فارمسيل – كوب كريم شانتية
الطريقة
نضع الكريمة على البقسماط و نقلبهم بالمعلقة ثم نضع المربى عليهم بس مش كلها لأ واحدة واحدة لحد ما تلاقى المقدار مسك نفسة و ممكن نشكلة بأيدنا نعمل المقدار على هيئة كور متوسطة و تدحرجيها على الشيكولاتة الفارمسيل لحد ما تغطيها كلها او ملبس ملون ضعى كل كورة فى طبق بليسية

كيكة جديدة
المقادير:
3 معالق كبيرة سمنة( نص كوب)+كوب حليب +3 بيضات +معلقة صغيرة فانيليا+كوب سكر+معلقة كبيرة بيكنج بودر+3 كوب دقيق
الطريقة
نضع السمنة فى طبق بلاستيك وندعكها كويس قوى بكف ايدنا لحد ما تنعم خالص نضع السكر على السمنة ونضربهم كويس بايدنا لحد ماتحسى ان السكرذاب اضع البيض بيضة بيضة مع الفانيليا واضرب بايدى وانا برفع ايدى من تحت لفوق علشان الهواء يدخل للعجينة اضع البيكنج بودر على الدقيق واضع القيق شوية شوية بالتبادل مع الحليب يعنى شوية دقيق وشوية حليب لحد ما جتتكون عندك عجينة ادهنى الصينية بالسمنة ورشى رشة دقيق وصبى فيها العجينة دخليها الفرن متوسط الحرارة لحد ما تعلى وتستوى بعد ما تخرج وتبرد قطعيها سمبوكسات بالسكينة

الهـــريســة
المقادير:
4 كوب دقيق سميد +كوب سكر +1.5ك سمن+1 ونص كوب زبادى +1/2 معلقة بيكنج بودر +1/2 معلقة بيكنج صودا
الطريقة
نضع السميد و السكر و السمن على بعض واخلطهم بالمعلقة كويس ثم اضع الخميرة و الصودا على الزبادى واقلبهم واضعهم على العجينة واخلطهم كويس ادهن صينية بالطحينة واضع العجينة وافردها كويس ثم اضع معلقة زبادى على وش الصينية وافردها كويس لكى تعطى لون بنى للوش بعد السوى اقطعها سمبوسكات وارصص وحدات اللوز وادخلها الفرن لحد ماتسنوى ونسقيها بالعسل فور خروجها

الكريب بالمربى
المقادير:
عدة اقراص جاهزة من الكريب+سكر بودرة+مربى مشمش او اى نوع بتفضلية
الطريقة:
نفرد القرص امامنا ونضع فى نصة مربى ثم نطبق القرص من الجانبين ثم من الجهتين اللى امامهم على هيئة مربع ضعية فى طبق التقديم ورشى على وشه سكر بودرة

الكريب بالايس كريم
المقادير:
عدة اقراص جاهزة من الكريب+سكر بودرة او عسل نحل+أيس كريم
الطريقة
نفرد القرص امامنا ونضع فى نصة ايس كريم ثم نطبق القرص من الجانبين ثم من الجهتين اللى امامهم على هيئة مربع ضعية فى طبق التقديم ورشى على وشه سكر بودرة او ضعى معلقة عسل نحل

الكريب جورجيت
المقادير:
عدة اقراص جاهزة من الكريب +سكر بودرة +كريم باتسير+علبة كمبوت مصفاة من الشراب
الطريقة
نضع الفاكهة الكمبوت على الكريم باتسير ونخلطهم بالمعلقةة نفرد القرص امامنا ونضع علية معلقة من الكريم باتسير بالفاكهة ونلف القرص على هيئة صباع ونضعة فى طبق التقديم ونرش على وشة سكر بودرة

كيكة الرخام
المقادير:
كوب زبدة+2 ونص كوب دقيق+1 ونص كوب سكر+6 بيضات +نص كوب حليب+معلقة صغيرة بيكنج بودر+فانيليا2 معالق كاكاو بودرة
الطريقة
نضرب الزبدة كويس لحد ما تبيض نضع عليها السكر ونضرب لحد ما ينفش ويبقى زى الكريمة نضع البيض بيضة بيضة مع الضرب بين كل بيضة وبيضة و الفانيليا نضع الحليب ونقلب نضع البيكنج بودر على الدقيق ونضعة واحدة واحدة على الخليط مع الخلط بالملعقة الخشب نحجز جزء من العجينة لوحدة ونضع علية الكاكاو ونخلطه بالمعلقة ندهن الصينية بالسمن ونرشها بقليل من الدقيق (يعنى نبطنها نضع اما: 1 – المقدار الابيض كله وعلية من فوق الجزء اللى بالشيكولاتة 2- نص القدار الابيض وعلية نص المقدار اللى بالشيكولاته ثم النص التانى الابيض وعلية النص التانى اللى بالشيكولاتة3- خط من العجينة الابيض فى نص الصينية وجانبة خط من العجسنة الاسود و فوق الابيض نضع خط اسود وفوق الاسود نضع خط ابيض وهكزا يعنى خلف اخلاف
4- نضع الكمية البيضاء كلها والكميه اللى بالشيكولاته فوقها و ندخل المعلقة الخشب فى مناطق متفرقة من العجينة كل دة بيختلف فى الشكل النهائى لما بتطلع وكل واحد بيدى شكل جميل ندخلها الفرن لحد ما تستوى

ليـــالى الشــام
المقادير:
1 كوب سميد +4 كوب لبن +1 بيضة +1-2 كوب سكر. +1 م ص فانيليا. ،الدريسنج: شربات (شيرة) +قشطة
الطريقة :
يضع الحليب على النار الى ان يصبح دافئا. يضاف الميد الى الحليب والسكر مع التقليب . ثم توضع الفانيليا. يقلب الخليط على نار هادئة الى ان يغلظ قوامة . ثم يرفع من على النار ، ويوضع فى صينية بيركس ويوضع فى الثلاجة. عند التقديم تقطع الى مربعات ويوضع فى طبق التقديم وتوضع فوقها القشدة ثم العسل او الشربات.

اطباق قمر الدين
المقادير:
2 كوب عصير قمر الدين +2 معلقة كبيرة نشا+معلقة صغيرة فانيليا+زبيب – مكسرات مفرومة – جوز هند
الطريقة
دوبى النشا فى شوية ماء صغيرين ضعى القمر الدين على النار لحد ما يغلى تروحى ضايفة النشا المزاب مع التقليب السريع وراء بعض وتوطى النار يعنى تخليها هادية مع التقليب لمدة 5 دقائق ثم ضعى الفانيليا وتطفى النار بلى الاطباق اللى حنصب فيها القمر الدين بالماء الاول اغرفيها فى الاطباق وسيبيها لحد ماتبرد ثم ضعى رشة جوز هند و زبيب ورشة مكسرات او اى نوع مكسرلت لوحدة يعنى الزواق زى ما انتى عاوزة

تورتة بالكيك
المقادير:
4 كوب كيك جاهز عندك مفتت(ممكن بدل الكيك تعمليها برضة ب 2 باكو بسكوت سادة )+كوب مربى او عسل ابيض+كوب زبيب+3 معالق زبدة+سكر ناعم –فانيليا+ك كاكاو+ك مكسرات+صوابع شيكولاتةجاهزة
الطريقة
نضع المربى والكاكاو على النار ونقلبهم كويس قوى لحد ما يغلو ثم نضع الفانيليا نضع الكيك المفتت على خليط الكاكاو ونقلبهم ثم نضع الزبدة و المكسرات والزبيب ونقلبهم كلهم كويس قوى ندهن صينية بالزيت ونضع فيها الخليط ونضغط عليها كويس وبعدين نقلبها فى طبق التقديم ونرش وشها بالسكر الناعم ونرصص عليها صوابع الشيكولاتة جنب بعض بشكل حلو وكمان المكسرات

قطايف بالكريمة
المقادير:
1 كيلو قطايف+عسل (شربات)+مكسرات مفرومة (اى نوع)+زيت للقلى,+كريم شانتى.+كريمة الخفق(اختيارى)
الطريقة
نجيب القطايف ونبرمة زى القرطاس من تحت وبعد كدة نقليها فى الزيت وتطلعيها من الزيت تحطيها فى الشربات بعد كدة تصفيها من الشربات وتضربى الكريم شانتى مع الكريمة وتحشى بيها قرطاس القطايف اللى عملناة وتحطى على وش الكريم شاتنى مكسرات مفرومة

صينية الرقاق بالمكسرات
المقادير:
1/2 كيلو رقاق+كيلو حليب+2 معلقة كبيرة سكر بودرة +1/2 كوب سمنة +مكسرات مفرومة+شراب (عسل)
الطريقة
اغلى الحليب على النار (ماعدا كوباية ) اسقى الرقاق بالحليب ورقة ورقة لحد ماتطرى ادهنى الصينية بالسمن وضعى 3 ورقات فوق بعض ثم ادهنى سمنة بالفرشاة ثم ضعى 3 ورقات رقاق تانية وبرضة ادهنى سمنة بالفرشاة وهكذا لحد ما تخلصى نص مقدار الرقاق ضعى السكر البودرة على المكسرات وضعى المكسرات على الرقاق وعليها معلقة سمنة كملى نص صينية الرقاق بنفس الطريقة لحد ما تخلصى الرقاق كله صبى كوب الحليب اللى كنا راكنينه على وش الصينية وعلية معلقة سمنة سايحة ندخلها الفرن اعلى من المتوسط لحد ما يحمر وشها نخرجها ونقطعها حسب الرغبةنسقى الصينية وهى ساخنة بالشراب البارد

الكيكة الناعمة :
بتتعمل بالزبدة وحسب المقدار يعنى اذا كانت 5 بيضات نعمل 3 بيضات كاملة و صفار 2 بيضة او تعملى بدل السمن او الزبدة كل المقدار بالقشطة يعنى تعملى الكيكة كلها بقشطة الحليب فقط اللى انتى بتحوشيه وتشيليه من على وش الحليب تجمعية لحد ما تبقى القشطة مثلا ربع كيلو او نص كيلو وتعملى بيها عادى خالص يعنى منى تحوش القشطة وتعمل بيها سمنة بلدى وانتى تحوشيها وتعملى بيها كيكة

الكيكة الخفيفة (بالزبادى وبدون سمن او زيت )
المقادير:
3بيضة - كوب سكر - علبة زبادى (لو بلدى تبقى الصغيرة)- 2 كوب دقيق - كيس بيكنج بودر - فانيليا - سمنة لدهان الصينية
الطريقة:
اضربى البيض والسكر والفانيليا كويس ضعى الزبادى عليهم واضربى ضعى كيس البيكنج بودر على الدقيق وضعية على العجينة واخلطى بالمعلقة الخشب ادهنى الصينية بالسمن وضعى العجينة واخبزيها عادى لحد ما تستوى

طبق بطاطا سريع
المقادير:
كيلو بطاطا+كوب سكر بودرة+نص كوب حليب+كريم شانتى+فانيليا+فاكهة(موز - برتقال)
الطريقة
اغسلى البطاطا كويس وبعدين اسلقيها ثم تقشر وتهرس بالشوكة كويس نضع السكر البودرة و الحليب و الفانيليا و شوية مكسرات على البطاطا و نخلطهم ببعض كويس ثم نضعها فى طبق ونسويها او كور فى ورق بليسية صغير او فى طبق واحد كبير على شكل هرم نجملها بشرائح الموز وباقى المكسرات ووردات من الكريم شانتية

كيكة العجوة
المقادير:
3 كوب دقيق -كوب سمنة -كوب زبادى+معلقة صغيرة بيكنج بودر-قليل من الحليب+تمر مهروس تماما( او باكو مهروس جاهز
الطريقة:
اضرب السمنة واخلطها بالزبادى كويس ثم اضع البيكنج بودر على الدقيق واضعه على السمنة بالزبادى وابدء اعجنهم بشوية حليب لحد ما تتكون عندك عجينة قريبة من الطرية.اقسم العجينة قسمين ... ابطط اول قسم فى الصينية ثم اخد قطعة قطعة عجوة وابططها واضعها على العجينة بجانب بعض حتى تتكون عندك طبقة مفرودة من العجوة فوق طبقة العجينة اعمل القسم التانى من العجينة بنفس الطريقة واعملها طبقة فوق طبقة العجوةادخل الصينية الفرن متوسط الحرارة لحد ما تحمر وبعد ما نخرجها نقطعها اما سمبوكسات او مربعات ( ملحوظة: طعمها جميل جدا وعاملة زى الفطير اللى بعجوة)

كيكة بالتمر
المقادير:
4بيضات-ك سكر - ك ونص زبدة - كوب ونصف دقيق +ملعقة صغيرة بيكنج بودر - ك تمرمنزوع النوى+نص ك عين جمل
الطريقة
نضرب الزبدة فى الخلاط لحد ما تنعم نضع السكر على الزبدة ونضربهم لحد ما يبيضوا نضع البيض بيضة بيضة ونضرب كويس نضع البيكنج بودر على الدقيق ونضعه شوية شوية على الخليط ونخلط بالمعلقة الخشب نقطع التمر قطعا صغيرة ثم يضاف على الخليط ويخلط برضةبالملعقة تصب العجينة في قالب مدهون او صينيةو نرش فوقها عين الجمل ندخلهم فرن متوسط الحرارة لحد ما تستوى حوالى ساعة الا ربع

كيكة سريعة بدون دقيق
المقادير:
كوب سكر – علبة قشطة – كوب جوز هند -رغيف فينو – كوب زيت – معلقتين كاكاو –نص باكو زبدة ( الصابع ال114 جرام ) – 5 بيضات – معلقة فانيليا – معلقة بيكنج بودر – (( معلقة زبدة – معلقتين كاكاو – علبة قشطة – كوب سكر ))
الطريقة
اخلطى كل اللى باللون الاحمر مع بعض فى الخلاط لحد ما بندمجوا ضعيهم فى صينية فى فرن متوسط الحرارة لمدة نص ساعة لحد ما تستوى وطلعيها سيحى الزبدة على النار وضعى عليها السكر لحد ما يدوب ثم ضعى الكاكاو والقشطة لحد ما يدوبوا صبيها على وش الصينية ودخليها الثلاجة تبرد

الشارلوت
المقادير:
1/2 كيلو لبن+5 ورقات جيلاتين+1/4 كيلو سكر (2 كوب)+1/4 كيلو كريم شانتيه بودر+مقدار من البسكويت (لوكس) المطحون + قليل من زبده
الطريقة:
- نضع الجيلاتين فى الماء حتى يلين من 10: 15 دقيقة- نغلى اللبن ويحلى بالسكر ويرفع من على النار ثم نضع الجيلاتين (طبعاً بدون الماء) ويقلب سريعاً.- ثم يبرد ونضرب الكريمه ونضع عليها جزء جزء من الخليط السابق حتى يصبح سائل- نضع المقدار فى صينية مقاس 26 (تفضل تكون تنفصل لسهولة التقديم) مقدار يكفى لفرد الصينية من البسكويت المطحون ومضاف إليه الزبد وممكن بدلا من البسكويت طبقة رقيقه من الكيك وممكن أيضا أضافة مقدار من الفواكه المقطعة قبل أن يصب الخليط فوقها ثم توضع فى الثلاجة لحين التقديم

القطايف الطائرة
المقادير:
نص كيلو قطايف عصافيرى+جوز هند+زبيب + قرفة ناعمة+زيت وسمنة للقلى +شراب
الطريقة
نضع الجوز الهند على القرفة على الزبيب ونخلطهم بالمعلقة هاتى واحدة قطايف حطيها على ايدك وضعى عليها معلقة من الحشو هاتى واحدة تانية قطايف وضعيها فوق الحشو يعنى كأنك بتغطيه بيها واقفلى القطايف بصوابعك كويس بالضغط على طرفى القطايف داير ما يدور (يعنى شكلها النهائى مش حيبقى زى نص الدايرة.لأ حيكون شكلها زى الدايرة الكاملة او زى الطبق الطاير حمريها وبعدين ضعيها فى العسل

بودنج الشكولاته
المقادير:
85 جرام دقيق – 2 ملعقه شاى بيكنج بودر – ذره ملح – 55 جرام زبد – 30 جرام شكورته خام مبشوره – 115 جرام سكر بودره – 85 مل لبن – ربع ملعقه فانيليا – كريم شانتى – للتغطيه: 2 ملعقه قهوه نسكافيه – 315 مل ماء ساخن – 100 جرام سكر بنى – 70 جرام سكر بودره – 2 ملعقه كاكاو
الطريقة:
فى بوله بنحط الدقيق والبيكينج بودر وذره الملح وفى حمام مائى بنسيح الزبد مع الشكولاته مع السكر وبعدين نضيف لهم الدقيق ونضيف اللبن والفانيليا نصب الخليط فى طبق فرن نذوب النسكافيه فى الماء ونخلط الكاكاو مع السكر نرش مزيج الكاكاو على وش الطبق وبعدين نصب النسكافيه على الوش ندخله فرن سخن جدا ونخبزه 40 دقيقه نجمله بالكريم شانتى

تورتة بالزيت و بدون بيض (مقاس الصينية 22 )
المقادير:
1 ونص كوب دقيق+1 ونص كوب سكر سنترفيش+كوب عصير برتقال او ماء+6 معالق كبيرة زيت+باكو بيكنج بودر+3 معالق كبيرة خل ( الخل بديل الببيض)+فانيليا
الطريقة:
ولعى الفرن الاول عند البدء فى الشغل نضرب الزيت والسكر كويس ثم نضع الخل والفانيليا ونخلط ثم نضع البيكنج بودر على الدقيق ثم نضع البرتقال بالتناوب مع الدقيق على الخليط لحد ما تتكون عندك العجينة ندهن صينية بالزيت اوالسمن النباتى ونرشها بالدقيق ونصب فيها العجينة وندخلها الفرن لحد ماتستوى

كيكة الشوكلاتة البيضاء
المقادير :
2بيضة _4ملاعق سكر ناعم -1/3 كوب طحين -1/4كوب شوكولاتة بيضاء مذابة
الطبقة الثانية : 11/4 كوب قشطة الخفق -11/2 كوب شوكولاتة بيضاء (مكعبات ) 1كوب جبنة كريم –
للزينة : رقائق الشوكولاتة –بودرة كاكاو للرش
الطريقة :
في الخلاط ضعي البيض (البيض +السكر ) حتى يمتزج تماما ثم بالملعقة الخشبية أضيفي الطحين والشوكولاتة البضاء . -صبي الخليط في الصينية وأدخليها الفرن على درجة حرارة 350 ف لمدة 25 دقيقة دعيها تبرد على سلك معدني_أعيديها للصينية مرة أخرى -لصنع الطبقة العلوية : ضعي قشطة الخفق في قدر على النار ودعيه حتى يغلي وحركي حتى لايحترق أضيفي الشوكولاتة البيضاء حتى تذوب وتختلط أرفعيه على النار حتى تبرد ثم أضيفي الجبنة وأخلطي حتى تمتزج تماما -صبي الخليط فوق الكيكة ضعيها في الثلاجة لمدة 2ساعة ضعي الكيك في صحن التقديم ورصي لفائف الشوكولاتة ورشي الكاكاو
ملاحظة : طريقة صنع اللفائف :أذيبي الشوكولاتة ثم صبيها على لوح بلاستيكي ودعيه يبرد على درجة حرارة الغرفة أحضري الملعقة المسطحة ثم بحافة الملعقة قومي بتقشير الشوكولاتة أجمعي اللفائف ضعيها في البراد حتى تتماسك

كيكة الدريم ويب
المقادير : -
1 1\2 كوب طحين+1 كيس دريم ويب+1 1\4 كوب سكر بودر+3\4 الكوب حليب طازج+3\4 كوب زيت+4 بيضات +ذرة ملح+م ص فانيليا+2 م ك بيكنج باودر
مقادير وطريقة المحلبية:3 فنجان حليب سائل+1 1\2 م ك نشأ+7 م ك حليب بودر+30 جرام زبده+2 م ك سكر بودر الطريقة:-
تخلط المقادير كلها في الخلاط ماعدا الطحين والبيكنج باودر وتخلط الكيكه مع بعض وتصب في قالب دائري وتخبز في الفرن حتي تتحمر وتترك الكيكة حتي تبرد وتزين بالمحلبية
طريقة المحلبية: تخلط المقادير مع بعض وتسخن على نار معتدله وبعد ان يثخن يصب على الكيكة ويرش بالسمسم المحمص او بطريقتي المصوره وهو الناريل الملون والفواكه المسكره

كيكة باسكن روبنز مجربه
المقادير :
كيك امريكانا بالفانيليا ( المستطيل وليس السويسرول )+6 / حبات كيري . 1/ علبة دريم ويب .+1/ علبة كريم كراميل . لوز مجروش .+توفـــــــــــي . ( سكر محروق + قشطة )
الطريقة :
يقطع الكيك الى شرائح ( مثل الـتــوســت ) ثم يرص في الصينية .نضع في الخلاط ( الكيري + الـقــشــطة + الــدريـم ويب ) وتخلط جيداً .نصب نصف الخليط علىالشرائح ثم نضع اللوز المجروش حتى نغطيه ثم نضع نصف خليط التوفي .نضع طـبــقة اخرى من شــرائح الكيك ثــم ما تبقى من خليط الكيري ثم اللوز المبشور ثم ما تبقى من خليط التوفي ثم نضعه في الثلاجة حتى يبرد تماماً .
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 2:22 am

(( قسم الارز))

الارز بخلطة ( طبق اساسى فى العزايم)
المقادير:
3 او 4 ك ارز مغسول _مكسرات ( بندق * لوز * عين جمل * زبيب ) _كبد و كلاوى _ زيت _ عسل ( ك سكر +ك ماء _ نص ليمونة)
الطريقة :
طريقة الكبد و الكلاوى : الكمية زى ما انتى عوزة فية اكياس بتتباع جاهزة هاتى كيس كيلو قطعية قطع متوسطة و اغسليهم ثم ضعى ملعقة سمن فى حلة صغيرة و عليهم بصلة متوسطة مفرومة لحد ما تصفر و بعدين فصين توم و الكبد و الكلاوى و تقلبى تقلبى يعنى بتشوحيهم و تذودى شوية ماء فى شوية ماء لحد ما يستووا وتبلى ملح وفلفل و اركنيهم على جنب._ضعى المكسرات فى صينية صغيرة و حطيهم فى الفرن او فى توستر دقائق لحد ما يحمروا شيليهم و انفخى القشرة بتاعتهم حتلاقيها بتطير على طول واركنيهم على جنب احضر حلة كبيرة واضع فيها زيت كتير يعنى ممكن 3كوب لحد ما يقدح اروح حطة الارز و اقلب و اقلب لحد ما يبقى لونه ذهبى غامق ثم اصفية بمصفاة من الذيت و اركنة _اعمل العسل فى مقلاية( اضع السكر و الماء و الليمون و اقلب لحد مايبقى لونه ذهبى _اضع الارز على النار عادى و علية الماء لحد ما يشربها و اتركة لحين يقرب من السوى _ عند قرب السوى اضع علية العسل واقلبه كويس لحد ما يختلط كلة مع بعض مع رشة ماء خفيفة و اتركه لحد مايستوى _اضع علية 1/2 مقدار الكبد و الكلاوى و المكسرات ونقلب كله لمدة دقيقة ثم اطفى النار و انزله
عند التقديم / نغرف الارز فى سيرفيس بيضاوى و نضع على الوجة باقى المكسرات و الكبد و الكلاوى و يقدم

طريقة أخرى لأرز بالخلطة و الكبد و القوانص
المقادير:
بصلة مفرومة +5 فصوص توم مفروم+رز بسمتى وممكن رز عادى+ملح - فلفل - قليل جدا من القرفه+ملعقة صغيرة صلصة الخلطة:كبد وقوانص+بصله مفروم+5 فصوص توم مفروم+زبيب - صنوبر أو اى مكسرات حسب الرغبة
الطريقة :
يتم تحمير البصل والثوم حتى يصبح دهبى غامق ويضاف الماء والملح والفلفل والقرفه والصلصة حتى يغلى ثم يتم إضافة الأرز (الماء يغطى الأرز) حتى يتشرب.. تحضير الخلطة: يتم تحمير البصل والتوم حتى يصبح دهبى غامق وتقطع الكبد والقوانص وتضاف إلى البصل وتترك حتى تسوى مع قليل من الماء وإضافة ملح وفلفل وبهارات وقرفه عندما تقترب من الانتهاء يضاف الزبيب ونطفى نضع الأرز فى سرفيس التقديم وعلى الوجه الخلطة متوزعه مع المكسرات المحمصة

الفتـــة
المقادير:
ارز ابيض مستوى _ عيش بلدى محمص _لحمة مسلوقة بالشوربة _صلصة طمامم بالخل و الثوم .
الطريقة:
طريقة عمل الصلصة بالخل و الثوم :اضع على النار 2ملعقة سمن و عليهم راس ثوم مفرى لحد ما يصفر بس الثوم
اروح حطة علية 1/2 كوب خل حتى يغلى ثم اضع صلصة طماطم وملح وفلفل و بهارات و قليل من الماء ؤ اتركها حتى تتسبك حوالى 10 دقائق طريقة تركيب طبق الفتة : اقطع العيش قطع متوسطة فى الطبق او الصينية و ارشرشة بالشوربة لحد ما كلة يشرب شوربة _ اضع الارز على العيش و افردة كويس و اضع كبشة شوربة_ ثم اضع بالكبشة صلصة الطماطم علىوش الارز كلة بس مش قليلة _ ثم ارصص قطع اللحم الهوبر على و ش طبق الفتة و حيطلع منظرة و ريحتة تفتح النفس و بالهنا و الشفا

طاجن الارز المعمر باللحمة
المقادير
2 كوب ارز+لحم مسلوق +2 كوب شوربة +2 كوب حليب +ملح_ فلفل_ فصين حبهان +2 معلقة كبيرة سمن _ ملعقتان كريمه لبانىمكسرات حسب الرغبة
الطريقه
يدهن طاجن فخار بالسمن نغسل الارزجيدا ونصفيه من الماء ونخلطه بالملح والفلفل ونصف كمية السمن ثم نضع نص مقدار الارز فى قاع الصينيه ثم ترص اللحمة فوق الارز وبعدين نحط باقى مقدار الارز فوق اللحمة بس خلى بالكم مايذدش الارز المحطوط عن 3/4 الطاجن لان الارز لسة حينفش و حتلاقية طلع لفوق .ثم بالكبشة حطى الشوربة اللى خلطناها بالحليب فى الطاجن فوق الارز لحد فوق الارز بحوالى 1 سم لما نلاقية شرب السائل نتذوقة اذا لقيناة لسة مستواش نحط شوية من السائل و هكذا و اذا لقيناة استوى نروح حاطين الكريمة اللبانى على الوش والسمن وندخله تانى الفرن ونتركه ليحمر من فوق وبعدين نخرجة من الفرن ويترك يبرد قليلا و يقدم ساخن

الكبـــسة
المقادير :
لحم قطع مسلوق – 3 أكواب شوربة الحمة – 2 كوب أرز بسمتي اللى هو طويل الحبة و عموما انا بحب الارز العنبرى – 1 طماطماية كبيرة – 1 بصلةمتوسطةمخرطة –ملح – فلفل –نص معلقة كبيرة بهارات كبسة -2 عود قرفة – 5 فصوص حبهان -5 وحدات قرنفل – 1 فلفل أخضر رومى – 2 ليمون اسود – 2 ملعقة كبيرة زيت – 1 ملعقة زيت – 1/2 ملعقة صغيرة كركم مكعب ماجى ._ 2 ليمون اسود
الطريقة :
يقلى البصل لحد ما يصفر- نضع الفلفل .الرومى المقطع قطع صغيرة يادوب لفة مع البصل- نضع الطماطم المقطعة قطع صغيرة و برضة لفة معاهم - اضع جميع التوابل اللى عندى) ملح – فلفل –نص معلقة كبيرة بهارات كبسة -2 عود قرفة 5 فصوص حبهان -وحدات قرنفل – 2 ليمون اسود _ 1/2 ملعقة صغيرة كركم مكعب ماجى .)_واقلب كلة مع بعضة تقليبة. نضع الشوربة بتاعة اللحمة عليهم لحد ما تغلى مع كل اللى فى الحلة .نحط الارز و نقلب كلة مع بعض.ولما يغلى و يشرب ما يته نوطى عادى زى الارز العادى.لحد ما يستوى و على فكرة الارز دة بيبقى مفرفر.فبل ما تطفى النار بدقيقتين خدى اللحمة المسلوقة عندك و ادفنيها فى الارز عشان تاخد من طعم و ريحة الكبسة .تغرف الكبسة فى سيرفيس و على الوش قطع اللحم والزبيب او المكسرات

كبسة الرز باللحم و الباذنجان
المقادير
- كوب ونصف من الأرز البسمتي - لحم بدون عظم الخاص بالشوي ويفضل أن يكون طازجاً - شرائح دوائر من الباذنجان - شرائح دوائر من البصل - شرائح دوائر من الفليفله الخضراء + شرائح دوائر من الطمام - صنوبر +3 كوب ماء لسلق الأرز - ملح وبهارات الخاصة بالأرز( هيل مطحون+ بهارات الكبسة + ليمون أسود مطحون) بهارات الخاصة باللحم (الملح+ السماق + بزار اللحم + قليل من البهارات المشكلة والفلفل الأسود + والثوم المدقوق +وورق الغار) وعصير الليمون ولخل للحم ووزيت الزيتون.
الطريقة:
يغسل اللحم جيداً ثم يضاف له ملعقتان من عصير الليمون والخل وزيت الزيتون والبهارات الخاصة باللحم، ثم يترك في الثلاجة لمدة نصف ساعة تقريباً ثم يوضع في صينية الخاصة بالفرن وتغطى بالقصدير ويدخل في الفرن على درجة 350 ف ويترك حتى ينضج اللحم. أما الباذنجان يقطع دوائر ويقشر مجزء جزء يوجد القشر وجزء لا أي مفرع وتكون الدائرة عريضه حتى لاتذوب وتشوي في الفرن على درجه عالية حتى تنضج . أما الأرز يغسل جيداً ثم يضاف له الصنوبر ويبهر بالبهارات الخاصة بالأرز ويكثر من الليمون الأسود. طريقة التحضير: يضع اللحم بعد نضجه تماماً في قاع الطنجرة ثم يضاف الباذنجان والبصل والفليفله ثم يضاف الأرز ثم يضاف الماء المناسب إلى الأرز ويوضع على الفرن على درجة عالية حتى يطبخ الماء ثم يخفف تدريجياً وعندما يقل الماء يضاف الطماطم ويغطى بورق الأمنيوم ويخفف الحرارة حتى ينضج الأرز تماما. وبالهناء والشفاء للجميع ، وأتمنى أن تنال على إعجابكم وتقدم مع صلصة الطحينة

لسان العصفور في الفرن
المقادير:
لسان عصفور+زبدة أو سمنه+كبدة فراخ +شوربة
الطريقة:
لسان العصفور تحمريه شوية في السمنه أو الزبدة , لحد ما يحمربعد كدا تحطي كبده الفراخ ( او القوانس اللي بيحبها بس يكون عامل للقوانس 1/2غلوة)-وتقلبي اللسان عصور مع كبده الفراخ شوية -بعدين تزودي شوربة اي شوربة عندك ( صدقوني اكتر مرة بيطلع احلي لما بحط شوربة فراخ علي شوربة لحمة معرفش ازاي بس اخدت بالي من كدا).-أهم حاجة متزودووش الشوربة قوي علشان ميعجنش.-بعد كدا تخليه لحد مايشرب الشوربة وبعد كدا تحطيه في الفرن.ممكن تحطيه في طاجن أنا بخطه في صينية تيفال او بايركس ومرتين جربت الطاجن.وممكن تحطي علي وشه بشاميل لو عايزة

فتة الكوارع
المقادير:
كورع ( نظيف ومقطع )+ملح - فلفل أسود - فصين مستكه – حبهان+2 بصله كبيره مقطعه ،مقادير الفته :عيش ناشف محمص ( بلدي - سن - شامي )+3 كوب رز مستوي بالزبده+م ك توم مفروم+ربع ك خل
الطريقة:
أول حاجه نغسل الكوارع كويس وندعكها بالملح وشوية دقيق وليمونه وشوية خل ونتركها حوالي ساعه .. وبعدين نشطفها نضعها في حله بها ماء علي النار وتاخد غلوتين .. وبعدها نغسلها تاني نحط في حله ملعقة سمنه ولما تسخن نضع المستكه ولما تسيح نضيف قطع الكوارع ونقلب وبعد كده البصل مقطع والحبهان والملح والفلفل .. وعلي طول نغطيها بماء مغلي ونتركها لتستوي ( كتير بيفضلوا يطفوا النار عليها بعد نص ساعه غليان ويتركوها حوالي 3 ساعات وبعدين يكملوا سواها .. يقال كده خواص الجيلاتين في الكورع تنزل في الشوربه )..عمل الفته :عمل الرز الأبيض .. يفضل نقعه نص ساعه ولتسويته في هذه الحاله ننقص الماء 3 كوب رز عليهم أقل من 3 كوب ماء + ملعقة زبده وملح نحمص العيش في الفرن ونكسره في طبق غويط ونسقيه بالشوربه في مقلايه نضع ملعقة سمن وملعقة ثوم مفروم وأول ما يبقي لون الثوم روز نضيف الخل وياخد غلوه .. علي طول نوزعه علي الفته نفرد الرز علي وش طبق الفته .. والكوارع في سلطانيه مع الشوربه

الكشرى
المقادير:1 كوب عدس بجبة ( عدس اسود)_2 كوب أرز+كيس مكرونة صغيرة(مرمرية )+نصف كوب حمص الشام+4 بصلة كبيرة+الصلصة:2 كوب عصير طماطم+1 ملعقة صلصة طماطم+5 فصوص ثوم مدقوقين+ربع ك خل و ملح و كمون و شطة+زيت ذرة
الطريقة:
نغسل العدس ثم نسلقة فى ماء وملح وكمون نص سلق بس ( لانة حيكمل السوى مع الارز ) و بعد السلق نشيلة من ماء سلقه و نحتفظ بالماء-(حيكون لونها بنى )نقطع البصل أربع إرباع ثم شرايح رقيقة جدا ونحمره فى زيت حتى يصبح لونه ذهبي مائل للاحمراراو ممكن نقول بنى بس ما تحرقيهاش. - نشيلالبصل من الزيت بالكبشة ونحطة على الورق الماص للدهون او على كلينكس - في نفس الزيت نضع العدس المسلوق ونقلبه تقليبة ثم نضع الماء بتاعة اللى لونه بنى و كنا ركناه على جنب و نضع الملح و نتركها تغلي ثم نضيف الأرز بعد غسله و يجب أن يغطي الماء الأرز و العدس , نقلبهم جيداً و نغطي الحلة , وعندما يبدأ الرز بشرب الماء نوطي النار و نطبخه مثل الارز العادي. - نسلق الحمصفي ماء مملح وكمون نصفيه من الماء) ممكن الاستغناء عن الحمص ). - نسلق المكرونة في ماء مملح و نصفيها . - لتحضير الصلصة : ناخد الثوم المدقوق و نقلبه في القليل من الزيت إلى أن يصفر لونه ثم نضع الخل لحد ما يغلى و بعدين نضيف عصيرالطماطم و الملح و الكمون و الشطة لحد ماتتسبك مع اضافة القليل من الماءحتى تكون متوسطة السمك ولا جفيفة ولا تخينة - و نطفي عليها النار . .
ترتيب الطبق: - نضع الكشري (الأرز بالعدس) و عليةالمكرونة و علية صلصة ثم البصل المحمرثم الحمص و يقدم و الدقة بتكون وحدها

صينية الارز بالخضار و البشاميل
المقادير:
ارز مستوى بايت اوطازة+بسلة او فاصوليا او كيس خضار مشكل _ او بسلة بالجزر _ او عصاج بدون صلصة +2 معلقة سمن _ملح _فلفل +بشاميل
الطريقة:
نسلق البسلة او الفاصوليا او كيس الخضار الجاهز ادهنى صينية او طاجن او صينية بايركس ( يعنى كله ماشى ) بالسمن ضعى نص مقدار الارز و بعدين ضعى طبقة من الخضار وبعدين نص الارز التانى افردى على الوجه كلة طبقة من البشاميل و علية ممكن معلقة سمن او بيضة مضروبة او رشة جبنة مبشورة اى نوع عندك و تدخليها الفرن لحد وشها ما يحمر

الكشك ( الماظية )
المقادير
2 كوب شوربة +3 ملاعق دقيق تقريبا+بصلة كبيرة مقطعةشرائح ومحمرة في الزيت
الطريقة
دوبي الدقيق في نصف كوب شوربةتقريبا ضعى باقى الشوربة على النار تغلى انزل الدقيق اللى مدوباة فى الشوربة واحدة واحدة على الشوربة اللى بتغلى مع التقليب على طول يعنى تفضل ايدك شغالة تقليب (علشان مايكلكعش منك ) لو لاحظتى ان الكشك تخن منك زودى بالراحة شوية شوية شوربة لكن لو لقيتى الكشك بقى خفيف زوبى فى كباية شوية دقيق تقريبا معلقة كبيرة مع شوية شوربة او ماء صغيرين وبعدين بالراحة نزلية على الكشك مع اخر تقليبة خلاص فى الكشك هاتى ربع كمية البصل المتحمر مع عصير ليمونة حلوة و تحطيهم على الكشك و تقلبى و تطفى النار صبى الكشك فى سرفيس و وزعى باقى البصل المحمر
ملحوظة:فية ناس بتعملة بلبن بدل الشوربة وفية نوع تانى اسمة الكشك الصعيدى و دة بيبقى شكلة عامل زى القطع الناشفة

المقــــــلوبـــــة
المقادير:
كيلو لحمة ضانى او كندوز صغير مقطعة قطع متوسطة+كيلو بزنجان رومى (اللى هو مكبب)+بصلة متوسطة - ملح -فلفل - بهارات +- 3كوب ارز
الطريقة:
نضع الحلة على النار وفيها ملعقة كبيرة سمن و بصلة متوسطة مبشورة لحد ما تصفر نضع فصين مستكة و فصين حبهان لحد ما ريحتهم تطلع نضع قطع اللحمة ون نقلبها تقليبتين كويس و بعدين تروحى حطة ماء مغطى اللحمة لحد ما تستوى (طبعا تشيلى بالمعلقة الريم اللى بيطلع اللى بتلاقية لونه بنى )و ملح و فلفل و شوية بهارات قشرى البزنجان و قطعية اما شرائح بالطول او دوائر تخينة و رشى علية رشة ملح (علشان ما يشربش زيت كتير )اقلية فى الزيت و طلعية على مصفاة او على الورق الماص
اغسلى الارز و صفية طبعا من مايته هاتى الحلة الواسعه اللى حتعملى فيها المقلوبة و ضعى اول طبقة من البزنجان غطى بيها القاع وبعدين حطى فوقها طبقة من الارز و بعدين طبقة لحمة و بعدين رصى البزنجان وبعدين طبقة اللحمة التانية وبعدين باقى الارز وبعدين تروحى صبة الشوربة بتاعة اللحمة اللى استوت فيها لحد ما تغطى الارز بحوالى 2 سم وخلية على النار لحد ماتغلى ويبدأ الرز يشرب الشوربة وعندما تقل الشوربة يترك على نار هادئة حتى ينضج نفس طريقة سوى الارز العادية بعد ما يستوى. و جة ميعاد الاكل افتحى الغطاء من على الحلة و اضغطى قوى بالمعلقة على وش الارز علشان و انتى بتقلبية ما يبظ منك و ينزل مظبوط فوق بعض و حطى سيرفيس مدور اللى حتقدمى فية المقلوبة على الحلة من فوق و بالراحة خالص اقلبى الحلة من تحت لفوق وسيبيها شوية على الترابيزة على نفس الحال و تفضل الحلة مقلوبة على المقدار ما تشيليهاش شوية بتاع دقائق عند التقديم شيلى الحلة من فوق السيرفيس حتلاقى شكلها جميل
ملحوظة : ممكن تتعمل بفرخة بدل اللحمه بس تكونى مسوياها 3/4 سوى وممكن تتعمل من غير فراخ و لا لحملة . وممكن تتعمل بالعصاج

الارز البــخارى
المقادير:
ارز بسمتى +لحمة قطع+عصير طماطم فرش + معلقة صلصة طماطم +بصلتين مفرومين ناعم+ملح – فلفل – كمون – حبهان – مستكة – قرفة – ثوم+جزرمقشر ومبشور بالمبشرة على الناحية الخشنة +زيت
الطريقة
انقعى الارز فى ماء وملح لمدة نص ساعة ضعى الزيت فى حلة على النار وشوحى فية البصل و الثوم لحد ما يصفروا ضعى عليهم اللحمة وقلبى قلبى لحد ما اللحمة كمان تحمر تروحى ضايفة لها الجزر وبرضه تقلبيهم كله مع بعض ضعى صلصة الطماطم والطماطم الفرش مضروبة فى الخلاط ومتصفية من القشرة وزودى ماء و ملح و فلفل و كمون و حبهان و القرفة و القرنفل ونسيبها لحد اللحمة ما تستوى صفى الارز من ماء النقع وضعية فى الحلة مع اللحمة وظبطى الماء تكون فوق الارز بحاجة بسيطة واول ما تغلى وطى النار وسوية عادى بس وانتى بتقلبى الارز ابقى قلبيةمرة واحدة بس بس حاولى تسيبى اللحمة تحت علشان لما تقلبية عند التقديم

طريقة سريعة للأرز البخارى
المقادير :
1/2 كيلو لحم بتلو مقطع مكعبات صغيرة +2 بصلة مبشورة +2 جزرة مبشورة +3 طماطم مقطعة صغيرة+ملح - فلفل +3/4 كوب زيت +3 كوب ارز
الطريقة
نقدح الزيت ونرمى فيه اللحم ننتظر دقيقة حتى يخف تطاير الزيت ثم نشوحه مع البصل والطماطم نزوده كوب ماء ونسوى اللحم 80 % سوا مع ملح وفلفل نضيف ال 3 اكواب ارز والجزر المبشور ونسوى الرز عادى ونغرف احلى واسهل رز بخارى

طاجن الارز بالفراخ او اللحمة
المقادير:
فرخة مسلوقة أو نص كيلو لحمة مسلوقة – كوب أرز – كوب شوربة ( مرقة ) – كوب حليب – 2 معلقة زبدة – ملح - فلفل
الطريقة:
بعد ما تسلقى الفرخة شيلى منها العضم والجلد و قطعيها قطع متوسطة ضعى كوب الشوربة على كوب الحليب و الملح و الفلفل واخلطيهم هاتى طاجن فرن وادهنية بمعلقة زبدة وبعدين حطى الارز فى الطاجن بعد ما تغسلى الارز طبعا وحطى الفراخ او اللحمة على الارز صبى فوقهم خليط الشوربة بالحليب دخليهم الفرن متوسط الحرارة لحد ما يقرب من السوى تروحى وضعة على الوش معلقة الزبدة التانية وتدخلية الفرن لحد ما يكمل سوى و يحمر

الأرز الصينى بالخضار
المقادير:
3 كوب ارز طويل الحبة+نص كيلو صدور فراخ مقطعة صغير +جزرة واحدة مقشرة ومقطعة قطع رفيعة+بطاطساية كبيرة مقشرة و مقطعه مكعبات صغيرة +كوب كبير كرنب مقطع شرائح رفيعة جدا +فلفلة رومي مقطعة شرائح صغيرة +بصلة خضرا مقطعة دوائر رفيعة +مكعب ماجي - 3 بيضة مسلوقة+فلفل اسود -كمون -3 فصوص حبهان -ملعقة صغيرة كركم – م ص ملح ليمون - ملعقة كبيرة صلصة صويا -ملعقة كبيرة كاتشب - فصين ثوم +م ص زعفران منقوعة في نصف كوب ماء
الطريقة:
اغسلى الارز وانقعية فى الماء لمدة نص ساعة صفية من الماء واعملية بالطريقة العادية ضعي الزيت في حلة على النارو حمرى البصل و بعدين شيلية ثم ضعي البطاطس و حمريها فى نفس الزيت و بعدين شيليها وبعدين الجزر حمرية برضة فى نفس الزيت و شيلية وبعدين ضعي فى نفس الزيت ا لثوم و قطع الفراخ وقالب الماجي و قلبيهم لمدة ثلاث دقائق ثم ضعى كل البهارات وقلبي لاث دقائق كمان وضعى صلصة الصويا و الكاتشب و كوب واحد ماء ساخن و نصف كوب الزعفران المنقوع و غطيه و اتركيه خمس دقائق اضيفي البطاطس وغطيه لمدة عشر دقائق كمان وزودى شوية ماء ازا احتاجت ولما تلاقى عندك الفراخ استوت اتفضل عندك شوية صلصة صغيرين تروحى حاطة البصل وتقلبى دقيقة ثم الجزرو تقلبى دقيقة ثم الفلفلة الرومى وتقلبى دقيقة و خر حاجة تحطيهاالكرنب و سيبية دقيقة واحدة على النار ثم اغرفي الارز في طبق التقديم و ضعى الخلطة على وش الارز قطعى البيض المسلوق انصاص وحطية على الوش

مطــبق الارز بالتــــــونة
المقادير
4 علب تونه +1 بصل كبير مقطع الى حلقات+3 طماطم كبير ه حلقات+3 باذنجان متوسط الحجم مقطع حلقات+4 بطاط متوسط الحجم مقطع حلقات+5 فصوص ثوم+1 فليفله كبير حلقات+2ونصف ك رز (اي نوع تفضلين ) +2 علبه معجون طماطم+بهارات +( فلفل اسود + قرفه + قرنفل + ورق الغار كلها حب يعني صحيحه )
الطريقة:
تقلي كل من (البطاط والطماط و الفليفله والبذنجان والثوم والبصل)ثم تصف في القدر ثم نضع عليها التونه ثم نضع كل البهارات الصحيحه وفي اناء اخر نخلط المعجون مع البهارات (بهاراتك الخاصه + كركم + وكمون + وفلفل اسود مطحون ) ونضيف عليها قليل من الماء المغلي مسبقا ثم نخلطها ثم نضعها بحذر على التونه اول شي حمي النار عليها بعدين لي شفتيها بدت تطلع الفقاقيع خففي النار عليها وحطي فوقها قصدير في قدر اخر ضعي على النار ماء وملح ومكعب ماجي وتدعيهم حتى الغليان ثم ضعي الرز وخليه يقلب قلبتين او يستوي نصف استواء بعدين اشخلي الرز (صفيه من الماء ) قبل ان تضعي الرز على التونه قلبي التونه بحذر ثم ضعي الرز وحطي فوقه قصدير ودعيه يستوي على مهله

ارزبالفلفل الاخضر الحامى
المقادير:
2 كوب أرز، 2 فلفل أخضر حامى، 2 فص ثوم، ملح، 4 كوب ماء
الطريقة
نضرب الفلفل الحامى مع الثوم و3 ملاعق ماء في الخلاط وبعد مانضربهم نضعهم على باقى كمية الماء والملح ونتركه لحد ما يغلى ثم نضيف الأرز ونغطي الحلة ونتركه لحد ما يغلى ونوطى النار ونتركه لحد ما يستوى

ارز بالمشروم
المقادير:
2 كوب أرز، 4 أكواب شوربة فراخ، ملعقة صغيرة بهارات مشكلة – زيت+بصلة مفرومة، 5 فصوص حبهان-2 قرنفل - 2 كوب مشروم مقطع ، ملح و فلفل
الطريقة :
ضعى الزيت على النار ثم ضعى البصل والحبهان و القرنفل والمشروم.وقلبيهم كويس وضعى الملح والفلفل وغطية وسيبية شوية حوالى 5 دقايق اضيفي الشوربة والبهارات وسيبيهم لحد ما يغلوا اضيفي الأرز وقلبيه كويس لدقائق لحد مايغلى وبعدين غطية ووطى علية لحد مايستوى

ارز بالزبيب
المقادير:
2 كوب أرز- ملعقة صغيرة زبدة - نص كوب بصل مفروم-3 كوب شوربة فراخ او لحمة-نص كوب زبيب- ملح وفلفل
الطريقة
ضعى الزبدة فى حلة وشوحى فيها البصل لحد ما يصفر ثم نضيف الأرز ونقلبه لحد ما يتبل كله بالزبدة ويفرفر ثم نضيف الشوربة و الزبيب والملح والفلفل ونتركه لحد ما يغلى اول ما يغلى نغطيه وندخله الفرن من ربع لنص ساعة

ارز بالخضار والدجاج
المقادير:
2 كوب ارز مستوى+2 كوب جزر مبشور+كوب بصل مفروم+2 كوب عصير طماطم+نص دجاجة مخلية (او ) ربع كيلو لحمة قطع مستوية+كوب بقدونس مفروم+ملح وفلفل وتوابل +زيت+بشاميل
الطريقة
اولا اعملى البشاميل عادى وبعد ما يتخن وتطفى النار علية ضعى علية كوب عصير طماطم و اخلطيهم مع بعض كويس.ثانيا شوحى البصل فى الزيت لحد ما البصل يصفر ثم يضاف الجزر والدجاج (او اللحمة)الى البصل وقلبيهم تقليبتين ثم ضعى كوب عصير الطماطم والتوابل وقلبى وسيبى الصلصة لحد ماتتسبك ضعى عليهم البقدونس والارز وقلبى كله مع بعض تقريبا 5 دقائق ضعى الخليط فى صينية او طبق الفرن وصبى علية خليط البشاميل اللى عملناه ودخلية الفرن تقريبا من ربع لنص ساعة

الارز بالفاصوليا الحمراء
المقادير:
بصله مقطعه – فلفله خضراء مقطعه – صدور فراخ مقطعه رفيع – فص ثوم مفروم – من 2 الى 3 ملاعق شطه – ملعقتين زعتر جاف- 170 جرام ارز طويل الحبه (كوبايه) – نصف كيلو الا طماطمايه مضروب فى الخلاط – ربع لتر شوربه – ملح – فلفل – نصف كيلو فاصوليا مطبوخه
الطريقة:
على النار بنشوح البصل والفلفل الاخضر وصدور الفراخ والثوم لغايه الخضار ما يطرى حوالى 5 دقائق نضيف الارز ونعد نقلب لغايه لما نحس ان الارز كله بقى متغطى بالماده الدهنيه المستعمله نضيف الشطه ونقلب دقيقه كمان نضيف الزعتر والطماطم المضروبه نتبل الخليط ونسيبه لغايه لما يغلى بعد كده نوطى اوى على النار لما الارز يقرب يستوى نضيف الفاصوليا ونقلبها فى الارز كله ونسيبها معاه 15 دقيقه ونقدمها

الأرز بالخضار الأسباني
المقادير:
دجاجة أو لحم مقطع 8 قطع +خضار مشكلة وأقصد أي نوع تحبين إضافته(بازلاء -جزر- بطاطس.... وتكون نصف سلق بصلة متوسطة ومفرومة +2 كوب عصير طماطم +2 كوب ارز +بهارات -ملح - فلفل +فلفل رومي شرائح
الطريقة:
في مقلاة نحمر الدجاجة (المتبلة سابقا بالملح والفلفل ) نضع السمن في قدر على النار ثم نضع عليه البصل ونقلبه ثم نضع الثوم على البصل المحمر ثم نضيف الفلفل والطماطم الى البصل ونقلب باستمرار نضيف بعد ذلك الخضار المسلوق نصف سلق ونقلبهم مع بعض ونضيف البهارات والملح والفلفل نضغ الارز على الخضار ونقلبهم ونتركه 5 دقائق بعد ان تحمير الدجاج اي اصبح لونها احمر نضيفها على الارز ونقلب الجميع نضيف الماء الى ان يغمر الرز ونخفف النار ونغطيها الى ان يستوي حوالي نصف ساعة

الأرز الهندي
المقادير:
دجاجة مقطعة قطع صغيرة مع العظم .+بصلتين مفرومة فرماً ناعماً . +3 حبات جزر مبشور . +نصف ليمونه مبشورة . +ملعقة صلصة . +بهارات . +زنجبيل طازج . +ثوم . +حبتين طماطم مطحونة . +رز مسلوق 3/4 استواء . +نصف فنجان شاي كاري , ويملئ الفنجان بالماء . +زعفران . +نصف ملعقة سكر
الطريقة:
يشوّح البصل الى أن يحمر ثم نضع عليه الجزر ونحركه حتى يشقر نضع عليه الدجاج ونتركه على نار هادئة إلى أن يستوي نصف استواء . ثم نضع الجزر المبشور , والليمون , ونستمر بالتحريك ثم نضع البهارات والزنجبيل الطازج والثوم والطماطم . ثم بعد سلق الرز نأخذ مقدار كأس من مرق الدجاج , ثم نضع كمية من الأرز على الدجاج ثم نضع المرق المأخوذ سابقاً ثم نضع الرز الباقي وأخيراً نضع الكاري والزعفران المنقوع فيه على الوجه ثم في الفرن

أرز باللحم المحمر والخضروات
المقادير
1 1/2 كوب أرز +1/2 ملعقة صغير ينسون+ملعقة كبيرة زيت+قطعة جنزبيل مقشرة ومخرطة 5 سم +1/4 كيلو شرائح لحم فيليه +2 جزرة مقشرة ومقطعة أعواد ومسلوقة+2 عرق شبت مقطع شرائح+2 كوسة صغيرة مقطعة أعواد+100 جرام ذرة صفراء ص وحدات من الفاصوليا+وحدات من البروكلى مقسم وردات+ملعقة صغيرة زيت ذرة +سمسم للتجميل+بصل أخضر
الطريقة :
يسلق الأرز فى كمية من الماء المغلى ويترك حتى يتشرب من 12إلى 15 ق يضاف الينسون فى الخمس دقائق الأخيرة من وقت الطهو ثم يصفى ويحفظ دافئا فى هذه الأثناء يسخن الزيت فى طاسة أو حلة كبيرة ويضاف الجنزبيل و يطهى مدة 2 ق ثم يرفع الجنزبيل يضاف لشرائح اللحم وتحمر حتى يصبح لونها بنيا، تضاف باقى الخضروات وتحمر ثم يضاف زيت السمسم مع الاستمرار فى التقليب حتى يتم النضج تغرف الخضروات وتجمل بالبصل الأخضر وتقدم مع الأرز

الكســـكســـي
عمل الكسكسي سهل شرط توافر مصفاه أو الحله الخاصه بالتبخير والكبه أو المالتي براكتيك ( أكبر من الكبه ) + كيس قماش قطني أبيض وخفيف بداية أضع كيلو دقيق في طبق غويط وأرش عليه حوالي كوب ماء دافئ وشوبة ملح أقلب بخفه بإستعمال ملعقه خشب أجرب الكبه بضرب شويه من الخليط ..لو عملت حبيبان كالكسكسي تبقي كمية الميه مضبوطه لوأصبحت بودره .. يبقي محتاجين ميه لو تعجنت في الكبه يبقي نزود الدقيق بعد ضبط عمل كل الكميه نضعها في قماشه قطنيه بيضاء أو كيس قماش
نبخر الكسكسي في حلة تبخير أو مصفاه معدن مغطاه بإحكام وتحتها حله بها ماء يغلي .. للإختبار .. نرفع الغطاء ونضرب بكف اليد علي الكسكسي .. نسمع صوت مكتوم دال علي تمام التسويه .. مع تصاعد بخار كثيف عندها نمسك الكيس ونضربه عدة ضربات لنفكك الكسكسي من بعضه .. نفرغ محتويات الكيس في صينيه ونرش أقل من كوب ماء ونفركه بملعقه نعيد ضربه في الكبه .. ونعيد التبخير .. ونرش حوالي نصف كوب ماء عملية التبخير وضرب الكبه نكررها 3 مرات .وفي كل مره نرش حوال نصف كوب ماء ونتركها للتهويه عشرة دقائق آخر مره نضيف أقل من كوب سمن ونخلطه بالكبه أيضا ..

الشــركســية
المقادير:
عيش توست بدون الحواف الخارجيه أبلله بقليل من الشوربه وأدعكه بملعقه خشب ،أضيف عليه عين جمل مفروم ناعم بالكبه حوالي ثلث حجم التوست المبلول وأخفقه أتبل جيدا بالملح والفلفل وقليل من الشطه وأخفق مع إضافة القليل من اللبن أشوح ملعقة ثوم في سمن مقدوح وأضيفه للخليطأقلب الشركسيه علي نار هادئه .. حتي نضبط القوام مثل الكريمه للتقديم دجاجه مسلوقه في ماء مضاف إليه بصله كبيره وملح وحبهان ومستكه ينزع الجلد والعظم من الدجاجه وتترك قطع كبيره ولا تفتت ..ممكن الصدر قطعه واحده أو إثنين وكذلك الورك نغمس قطع الدجاج في حوالي نصف كمية الشركسيه ونرصها في طبق التقديم نصب باقي الشوكسيه علي الدجاج أو نضعها في سلطانيه بجانب الطبق نزين بأوراق البقدونس وعدد من الجوز ( عين الجمل )
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 2:24 am

(( قسم المكرونات))
طبق مكرونة اسباجتي
المقادير:
كيس مكرونة اسباجتي مقطع 3 اقسام (عشان المكرونة متكونش طويلة اوي و تبقى اسهل في الاكل)+4 او 5 بصلات كبار +5 شرايح هامبورجر أو فرانكفورتر أو هوت دوج +4 وحدات فلفل اخضر (رومي) +ملح و فلفل اسود و كاري و رشة بهارات+3 ملاعق كبيرة خل+3 فصوص توم كبار+سمن او اي نوع زيت تفضلوه
الطريقة:
نسلق المكرونة و نخليها على جنب نقطع البصل اربع ارباع و بعدين شرايح عريضة و نقلبها في المادة الدهنية اللي عندنا. و بعدين نقطع الفلفل الاخضر اربع ارباع و بعدين شرايح عريضة و نقلبه مع البصل و بعدين التوم نقطعه شرايح رفيعة جدا جدا و نقلب معاهم و بعدين البرجر او الهوت دوج يقطع مكعبات و يتقلب معاهم و بعدين نضيف التوابل و الخل و نضيف شوية ماء و نقلب و كل شوية نضيف شوية ماء صغيرين اوي بس عشان البرجر يستوي، و لما يستوي تماما و برضه يكون فيه شوية ماء على خفيف نضيف له المكرونة و نقلبها كويس و لما تسخن نطفي عليها. و نقدمها مع الكاتشب و المستردة و المايونيز.

المكرونة بالجبنة ( جبنة بيضاء )
كيس مكرونة اسباكتى ( 500 جرام )+بصلة كبيرة، ملح ، فلفل+3 معالق صلصة كبيرة +قرن فلفل حامى+1/4 كيلو جبنة بيضاء ( براميلى او اسطنبولى )+بشاميل خفيف +بيضة للوجه
الطريقة :
اسلق المكرونة فى ماء و ملح و بعدين اشطفها بماء بارد و اصفيها اضع فى حلة 2 معلقة زيت و اخرط البصلة تخريط وسط لحد ما تصفر احط عليها القرن الفلفل الحامى المخرط حلقات يادوب لفة اضع عليهم صلصة الطماطم واقلب مع الملح و الفلفل ثم اضع شوية ماء لحد ما تتخن ( الصلصة بتكون تخينة ما تخففيهاش ) اجيب الجبنة البيضاء فى طبق و اهرسها شوية بالشوكة اضع الجبنة بعد ما هرسناها على المكرونة و اخلطهم باديا كويس لحد ما تتاكدى ان المكرونة كلها فيها جبنة بعد ما خلصت الصلصة و اتسبكت تخينة اضعها على المكرونة اللى بالجبنة و اقلبهم كلهم مع الجبنة كويس قوى ادهن صينية بالفرشاة بسمن و اضع فيها خليط المكرونة واضع على الوجة طبقة بشاميل خفيفة ثم البيضة المضروبة وادخلها الفرن يادوب بس حتحمر لان المكونات اللى فيها كلها مستوية
ملحوظة : ممكن لو فاض عندك جبنة بيضاء مش حتاكلوها و حتنشف تعملى بيها صينية المكرونة بدل ما ترميها

جلاش بالمكرونة
المقادير:
كيس مكرونة اسباجيتي مسلوقة+لحم مفروم معصجة ومضاف اليها ملح وفلفل وبهار لحمة+لفة جلاش
الطريقة:
نجيب ورق الجلاش نفرشه ونقطعه بحيث القطعة اللي هنحشيها تكون مستطيلة وطويلة نضيف شوية مكرونة وشوية لحمة معصجة ونلف بشكل مثلث بحيث تبقي شكل السمبوسة وندهنها من علي الوجه زيت وندخلها الفرن في صينية
او ممكن نحمرها في الزيت..بس طبعا في الفرن اخف

طاجن المكرونه فى الفرن
المقادير:
مكرونه صغيره - 2/1 كيلو لحمه مفرومه - 3 جزرات كبار- صلصه طماطم - 2 ملعقه ك سكر - 2 ملعقه ك خل - بصله كبيره - ملح - فلفل - زيت - جبنه رومى مبشوره
الطريقة:
فى حله نضع صلصه الطماطم وعليها السكر والخل وشويه ما وملح وتترك على النار 5 دقائق نضيف المكرونه المسلوقه ونقلب كويس فى حله ثانيه نشوح البصله المفرومه وعليها التوابل الى تحبيها ثم نضيف اللحم المفروم وتترك حتى تنضج فى حله ثالثه - لن انجو من دينا - تشوحى الجزر بعد ما يتقطع مكعبات تشويح كويس اوى لغايه لما يبقى مستوى يفضل يشوح فى زبده نجيب طاجن الفرن ونخلط الجزر على اللحمه المفرومه ونحطه فى طاجن الفرن مع مراعاه انه يكون له صوص نضع المكرونه على الوش ونرشها باى نوع جبنه تحبيه مبشور وتدخل الفرن 2/1 ساعه على الاقل

مكرونة اسباكتى بصلصة الصويا
المقادير:
كيس مكرونة اسباكتى+ربع كيلو لحمة مفرومة معصجة بلصلصة+كوب جبنة مبشورة+ملح – فلفل – بهار+نص كوب صويا صوص+معلقة زبدة كبيرة
الطريقة
نضع المكرونة المسلوقة فى طبق بايركس نضع عليها الصويا صوص و الزبدة ونقلبهم ببعض كويس نضع عليها اللحمة المعصجة بالصلصة ونخلطهم نضع الجبنة المبشورة على الوش وندخلها فرن متوسط الحرارة لمدة نص ساعة او لحد ما الوش يحمر



المكرونة بالخضار
المقادير:
كيس مكرونة (اى شكل ) قواقع او مقصوصة او ريشة+نص كوب من كل نوع (بسلة – فاصوليا مقطعة - )+2 جزرة مقشرة و مقطعة مكعبات+3 بصلات متوسطين مفرومين+ملح – فلفل – معلقة صغيرة كركم+2 معلقة كبيرة صلصة طماطم+5 معالق زيت
الطريقة
نحمر البصل فى الزيت نضع الخضار على البصل ونقلبهم ونسيبهم مع التقليب حوالى 10 دقائق،نضع عليهم الصلصة و الملح والفلفل و الكركم وحوالى ربع كوب ماء ونسيبهم حوالى ربع ساعة ونضع المكرونة المسلوقة على خلطة الخضار ونقلبهم كويس ليختلطوا على نار هادية حوالى ربع ساعة تغرف

صينية المكرونة بالفراخ و المشروم
المقادير:
فرخة ( كيلو )+كيس مكرونة+نص كوب مشروم+علبة قشطة+بشاميل خفيف+ملح – فلفل – بصلة صغيرة مبشورة+بيضة
الطريقة
نسلق المكرونة ونشطفها و نصفيها من الماء ونغسل الفرخة ونسلقها و بعد السلق نخليها من الجلد والعضم و نقطعها قطع متوسطة
نضع الزيت على النار وعلية البصلة المبشورةلحد ما تحمر ثم نضع المشروم على البصلة تقليبة ثم نضع قطع الفراخ و التوابل ونقلبهم لمدة عشر دقايق تقريبا ونشيلها من على النار ثم نضع عليها علبة القشطة ونقلب كله مع بعضة هاتى صينية او طبق بايركس نضع فية طبقة من المكرونة وعليها طبقة من الفراخ وعليها معلقتين بشاميل ثم طبقة مكرونة وعليها طبقة فراخ وعليها معلقتين من البشاميل ثم الطبقة الاخيرة من المكرونة نضع البشاميل على وش الصينية ثم البيضة المضروبة ندخلها فلرن متوسط الحرارة لحد ما تحمر

مكرونة بالزبادى
المقادير
كيس مكرونة (نص كيلو)+2 كوب زبادى+4 بيضات+نص فرخة مسلوقة ومقطعة +ملح – فلفل – زعتر+كوب جبنة مبشورة(اى نوع)+زبدة +معلقة كبيرة سمن
الطريقة
نسلق المكرونة ونشطفها ونصفيها نقدح السمن ونضع علية المكرونة والملح والفلفل ونقلبهم لمدة 5 دقائق نضرب البيض ونضيفة على الزبادى ثم نضيف الجبنة الى الزبادى والبيض ونقلب كله مع بعض ثم نضيف قطع الدجاج ونخلط كله مع بعض نضع المكرونة فى طبق فرن ونضع عليها الخليط ونضع قطع زبدة صغيرة على الوش وندخلها الفرن لحد وشها ما يحمر (مش حتاخد كتير لان كل المكونات مستوية)يعنى حوالى ربع ساعة

مكرونة بالزبادى (طريقة أخرى)
كيس مكرونة اى نوع+ربع كوب زيت زيتون+نص معلقة ثوم مهروس+كوب زبادى+ملعقة كبيرة بقدونس مفروم+ملح وفلفل أسود
الطريقة
اسلقي المكرونة عادى واشطفيها وصفيها من الماء،ضعى الزيت في مقلاية كبيرة وحمري فيها الثوم ثم أضيفي الزبادى،والبقدونس وتبلية بالملح والفلفل ضعى المكرونة على الخليط ،وقلبيهم شوية لحد ما تتخلط المكرونة بصلصة الزبادى كويس و اغرفيها

صينية مكرونة بالصلصة فى الفرن
المقادير:
كيس مكرونة قواقع او مقصوصة+2 كوب صلصة طماطم+3ملاعق كبيرة زبدة+2 كوب مشروم+كوب فلفل رومى مقطع صغير
بصلة مفرومة+3 كوب جبنة شيدر مبشورة+3 فص ثوم مهروسين+ملح+ذرة شطة
الطريقة
اسلقي المكرونة عادى واشطفيها وصفيها من الماء وضعى الزيدة في مقلاية واسعة ثم حمري فيها البصل والثوم والمشروم والفلفل والملح والفلفل وقلبى كله لمدة 5 دقائق وضعى صلصة الطماطم فى المقلاية على الخضار واتركيها لحد ما تتسبك وضعي في صينية نصف كمية المكرونة ثم ضعى فوقها خليط الخضار ثم ضعي بقية المكرونة على الخضار ورشي وش صينية المكرونة بالجبنة الشيدر ودخليها فرن متوسط الحرارة لحد ما تستوى ووشها يحمر
صينية مكرونة بالبشاميل والمستردة
المقادير:
كيس مكرونة فرن مسلوق و مصفى عادى+بشاميل خفيف+2ك جبنة شيدر مبشورة+بصلة كبيرة مبشورة+3 فلفل أخضررومى شرائح رفيعة. +معلقة كبيرة مستردة. +زيتون أسود و أخضرمنزوع النوى
الطريـــقة
نخلط البشاميل و البصل المبشور والفلفل الأخضرالرومى و الزيتون والمستردة. نخلط المكرونة كويس بـخليط البشاميل ثم توضع في صينية او طبق فرن. نرش على الوجة البقسماط الناعم وباقى كمية الجبنة المبشورة فوق المكرونة. وتدخل فرن متوسط الحرارة لحد ماتستوى وتحمر .
مكرونة بالفراخ والخضار فى الفرن
المقادير:
كيس مكرونه( مسلوقة )+علبة مشروم+صدورفراخ مسلوقة +2 فلفل اخضر شرائح+بصلة كبيرة شرائح+كوب بسلة مسلوقة+علبة قشطة +كيس جبنة موزاريلا +ملح -فلفل - بهارات
الطريقة
- نضع الفراخ في الحلة و عليها المشروم المقطع و الفلفل الاخضر والبسلة والبصلةو ملح وفلفل -وبهارات.- واضع عليهم المكرونة المسلوقة واضعهم على النار لحد ما يسخنوا ويلفوا لفة مع بعض تروحى ضايفة القشطة وتخليهم شوية حتلاقيهم بيتماسكوا ببعض . ضعى المكرونة في صينية او طبق فرن و رشي على وشها كله الجبنه الموزاريلا ودخلى الصينية فرن متوسط الحرارة لحد ما تحمر وتسيح الجبنة
ملحوظة: بالنسبة لصينية المكرونة بالفراخ ممكن نستعمل كور كفتة محمرة بدل الفراخ وممكن قطع سوسيس وممكن قطع صغيرة لحمة بتلو مسلوقة

بـــرام مكــرونة
المقادير:
كيس مكرونة (500 ج )+ربع كيلو لحمة بتلو+فرخة+ملح وفلفل وبهارات+بشاميل
الطريقة:
تسلق المكرونة وتشطف وتصفى من الماء و نقطع اللحمة البتلو الى مكعبات صغيرة ونحمرها فى معلقتين زيت ونضيف شوية ماء صغيرين لحد ماتستوى و نسلق الفرخة ونشيل العظم والجلد ونقطعها مكعبات صغيرة ونخلط المكرونة باللحمة والفراخ و 3/4 كمية البشاميل وندهن طاجن فخار او صينية فرن ونضع فية المكرونة ونسوية ونضع باقى البشاميل على الوش وعلية بيضة مضروبة وندخلها الفرن لحد ما تحمر

مكرونه فتوشــيني
المقادير:
مكرونه علبة سباغتي مسلوقه - علبه قشطه الخفق متوسطه - جبن كرفت سائل كاس صغير - فطر مقطع شرائح - 2 صدر دجاج مسلوق ومقطع - ثوم حسب الرغبه- نصف اصبع زبده
الطريقه
نضعى الزبده والثوم على النار ثم نضعى الدجاج والفطر ويحمس قليلا ثم المكرونه نطفا النار ثم نخلط نصف مقدار الجبن مع القشطه ثم نخلطه مع المكرونه نضعى الخليط في صينيه وندهن باقى الجبن على الوجهه نضعه في الفرن لمدة عشر دقائق حراره متوسطه ثم نحمره من فوق ويقدم

المخروطه ( دى اكله صعيدى شويه تشبه المكرونه الاسباكتى ولكن بتتسوى زى طريقه الكسكسى)
الحله وفوقه المصفى على البخار يعنى
المقادير:
مقدار من الدقيق+وماء للعجن+وذرة ملح
الطريقة:
ينخل الدقيق ويضاف له الملح ويقلب ونعجن حتى تصير عجينه صالحه للفرد ونعملها كور وكل كوره يتم فردها جيد بالنشابه او المردانه حتى تصير رقيقه جدااا ثم تلف كالسويسرول فى ماكينه توضع بها الرقاقه المطويه دى والماكينه بتخرطها مثل الاسباجتى وفى طريقه السكين انك تقطعيها بالسكين العادى رفيع جد ا زى الاسباجتىونكون مجهزين الماء المغلى فى الحله وفوقها المصفاه ويلف ما بين الحله والمصفاه داير داير بقطعه عجينه حتى لا يتسرب البخار بعيد عن لمصفاه ونضع قطه من القماش وبها مقدار العجينه المخروطه كالاسباجتى ونغطيه وبعد ربع ساعه نخبط عليها ان اصدرت صوتا اجوف ليه رنه يعنى كده استوت نزلها من على النار ونضعها فى طبق غويط وتقلب بالسمن البلدى وهى ساخنه او بالزبد وتاكل وعليها لبن وسكر
او عسل اسود ملحوظه انا بعمل كميه كبيره واشيلها فى الفريزر واطلعها وقت الطلب
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 2:28 am

(( قسم الخضروات))
صينية البطاطس
المقادير:
كيلو بطاطس _ نص كيلو طما طم _ ( او 3 ملعقة كبيرة صلصة مذ ا بة فى ماء ) _ملح _ فلفل _ بصلة متوسطة _ 2 ملعقة سمن _ قطع لحم حسب العدد المطلوب _ 3 فصوص ثو م _ عدد 2 حبة طماطم شرا ئح
الطريقة
تغسل البطا طس و تقطع حلقا ت متو سطة التخا نة_يقشر البصل و يقطع حلقا ت متو سطة تغسل قطع اللحم و تو ضع فى الصينية تو ضع البطاطس و الملح و الفلفل و الثوم و الصلصة و نرصص حلقات الطما طم على وجه الصينية ثم نوزع السمن على الوجه _ نضعها الاول على عين البوتجاز من فو ق الى ان تستو ى نص سو ا مع تزويد قليل من الماء كلما ا حتا جت نضعها فى فر ن متو سط الحر ار ة الى ان تستوى و يصبح لونها احمر جميل
ملحوظة ::: اذا كا نت اللحمة بتلو او ضا نى تو ضع كما شرحت فوق واذا كانت اللحمة كندوز يفضل ان تسلق اولا لوحد ها ثم تو ضع فى الصينية

بطاطس باللحم والكمون
تجيبى بصله كبيره وتقطع صغيرويوضع عليها ملح وفلفل وتترك شويه نفرم خمس حبات ثوم ثم نضع شويه زيت ذره فى حله تيفال وعلى النار نبدا بوضع البصله ثم الثوم ثم كثير من الكمون ونضيف قطع من اللحم مقطعه صغير تترك لتستوى مع اضافه حبه حبها وورق لوروا مع اضافه ماء عند الزوم لما تستوى اللحم نضيف مكعبات البطاطس وتترك حتى تنضج اعملى كميه كبيره عشان هتتخانقوا عليها (الكمون اهم حاجه)

البطاطس البيوريه
المقادير
كيلو بطاطس +عصاج (بدون صلصةطماطم) +بيضه +ملح وفلفل +نص قالب زبدة +ملعقه زيت كبيره +نصف كوب بقسماط ناعم
الطريقه
تغسل البطاطس كويس جدا و بعدين اعملى فى كل واحدة فيها شق بالسكينة حطى حلة علي النار فيها ماء وملح وتسلق البطاطس لحد ما تلا قيها طريت يعنى ممكن تتهرس بسهوله يتم تصفيه البطاطس من الماء و وضعها في طبق غويط و تهرس بالشكوكه جيدا او بالهراسة المخصوصة )يضاف للبطاطس الزبدة و البيضه و الملح و الفلفل و تخلطيهم كويس تحطى حوالى ربع كوب لبن يقسم المقدار الي نصين نحضر صنيه تيفال تدهن بالزيت و ترش بالبقسماط نحط نصف مقدار البطاطس بها و تفرد جيداو للسهولة ابقى بلى ايدك و انتى بتفرديها فى الصينية نضع العصاج فوقها و بعدين نحط النصف الثاني من البطاطس تدخل الصنيه في فرن متوسط الحراره حتي يحمر لونها

البطاطس البيورية بالسماق
المقادير:
3حبات بطاطس+كوب زبادى+ربع كوب مايونيز+معلقة كبيرة سماق+3/4 باكو زبدة (الرفيع 114 ج)+ملح
الطريقة
اسلقى البطاطس كويس وقشريها واهرسيها ضعى عليها الزبدة الطرية واخلطيهم مع بعض كويس ضعى عليهم الزبادى والمايونيز و السماق والملح واخلطيهم كويس بالمعلقة الخشب ضعية فى طبق السلطات ورشى علية على الوش رشة سماق

طاجن البطاطس
المقادير:
كيلو بطاطس - 2/1 كيلو لحم مفروم - بصله كبيره- 3 ملاعق زبد كبيره- كيس بسله مثلجه- قطع فرانكفورتر مقطعه مكعبات او سلايسيز- كوب لبن - 2 صفار بيضه.
المقادير:
على النار نعصج اللحمه بالبصله والملح والفلفل والبهارات وملعقه زبد واحده نشوح البسله فى 2/1 ملعقه زبد ونضيفها الى اللحم وتترك على النار مع اللحم حتى تتشرب مائه.نسلق البطاطس وتهرس ويضاف لها باقى الزبد واللبن وصفار البيضه وقطع الفرانكفورتر بعد ما تهدأ نجيب طاجن او بايركس ونضع فيه نصف ملعقه زبد سائحه ونرشه بالبقسماط نفرش 2/1 مقدار ابطاطس ثم نضع اللحم المفروم وبعدين نصف مقدار البطاطس ونرش الوجه بالبقسماط وندهنه بصفار بيضه ندخله فرن حامى على الاقل 2/1 ساعه ويمكن رش الوجه بالجبن الرومى المبشور

صينية البطاطس بالبيض
المقادير
نص كيلو بطاطس+4 بيض +بصله متوسطه +نص كوب بقدونس وكزبره+ملح وفلفل أسود وزعتر+ملعقة سمن أو زيت +ربع ملعقه صغيره بيكربونات
الطريقه
نقشر البطاطس ونسلقها في ماء مملح .. ثم نهرسها نقطع البصل شرائح رفيعه ونشوحها في الزيت أو السمن ثم نرفعها عن النار
نضيف البطاطس المهروسه والبقدونس والكزبره والزعتر نخفق البيض مع الملح والفلفل والبيكربونات ونضيفها للبطاطس ونقلبهم جيدا نضع الخليط في برام أو بايركس أو صينيه مدهونه ونسويها في فرن لتحمير الوجه ..

البطاطس البانية
المقادير:
بطاطس – بيض – بقسماط – ملح وفلفل
الطريقة
اسلقى البطاطس ثم قشريها ثم قطعيها الى شرائح بالطول بس بالراحة عشان ما تتفتتش منك ويكون سمكها وسط يعنى 2 سم مثلا
ضعيها فى البيض المضاف له الملح والفلفل ثم فى البقسماط وتحمر فى الزيت

البطاطس السوتية
المقادير:
نص كيلو بطاطس صغيرة+ معلقة بقدونس مفروم+ معلقة زبدة+ملح و فلفل ابيض
الطريقة
اسلقى البطاطس وقشريها قطعيها مربعات و شوحيها فى الزبدة و ضعيها فى طبق ورشى عليها البقدونس والملح والفلفل

كروكيت بطاطس
المقادير:
كيلو بطاطس مسلوقه - 2 ملعقه كبيره بودره ثوم - 3 ملاعق زبده كبيره - كوب جبنه رومى مبشوره - ملح وفلفل
الطريقة:
نهرس كل المكونات السابقه كويس جدا وبعدين نصبعها مستطيله ونحطها فى الدقيق ثم البيض ثم البقسماط وندخلها الفريزر 2 ساعه على الاقل وبعدين فى زيت غزير نقليها بس التريك بقى انك تاخذيها على طول من الفريزر على الطاسه يعنى تطلعى فى طبق كل مره الى هتقليه والباقى لاخر لحظه فى الفريزير

البطاطس المهروسه بالثوم وصلصه الطماطم المتبله
المقادير:
2/1 1 كيلو بطاطس - 2 ملعقه مائده زبد - 3 فصوص ثوم - 4/1 كوب كريمه
صلصه الطماطم المتبله :2 ملعقه زيت زيتون - 1 بصله مقطعه الى قطع صغيره - 2 فص ثوم مفرى - 2 ملعقه شاى كمون مطحون - 2 ملعقه شاى كزبره مطحونه - 3 طماطم - 2 ملعقه شاى سكر ناعم - 4/1 كوب زبيب - 1 ملعقه شاى خل - بقدونس - ليمون
الطريقة:
تسلق البطاطس وتصفى وتهرس باضافه الزبد والثوم اليها والكريمه ويهرس الخليط حتى يصبح متجانسا يتبل الخليط بالملح والفلفل نسخن الزيت فى اناء ويضاف اليه البصل والثوم والكمون والكزبره وتقلب على النار حتى يذبل البصل تضاف الطماطم ويترك الخليط 10 دقائق - نضع السكر والزبيب والخل يغلى على نار هادئه تضاف الاعشاب وبهذا تكون الصلصه جاهزه تماما.

طاجن البطاطس المهروسه المغطاه بالبقسماط والبارميزيان
المقادير:
1 كيلو بطاطس - 2 ملعقه مائده زبد - 3/1 كوب لبن او كريمه - 4/1 ملعقه شاى قرفه مطحونه.طبقه التغطيه: 2/1 كوب كبير بقسماط - 2/1 كوب جبن بارميزيان مبشور طازج - 1 ملعقه شاى زعتر جاف
الطريقة:
تسلق البطاطا فى ماء وملح - تهرس ويضاف لها الزبد واللبن والقرفه - نتبل الخليط حسب الرغبه بالملح والفلفل المطحون الطازج - يفرش الخليط المهروس فى طبق بايركس مستويا نخلط الجبن البارميزيان مع البقسماط مع الجبن البارميزيان والزعتر وقليل من اللبن الدافئ نفرش الخليط على سطح البطاطس وتدخل الفرن 20 دقيقه.

بطاطس بالمستردة
المقادير:
1 بطاطس متوسطة+م ص مستردة+ك كريمة الخفق+ك جبنة سبرد+ربع ك بصل مقطع صغير+ربع ك فلفل رومى احمر واخضر واصفر مقطع صغير+نص ك مشروم+ملح وفلفل
الطريقة
اسلقى البطاطس وقشريها واهرسيها بالشوكة ثم اخلطى الجبنة السبرد وكريمة الخفق والمشروم و الفلفل الرومى والبصل والملح والفلفل ثم ضيفى البطاطساية للخليط واخلطيهم مع بعض

البطاطس الودجز المقرمشة فى الفرن
المقادير:
كيلو بطاطس -معلقة صغيرة شطة - ملعقة صغيرة كركم - ربع كوب دقيق +ملح - نص معلقة صغيرة فلفل - 2معلقة كبيرة زيت
الطريقه
نقطع البطاطس صوابع تخينة بشكل فصوص البرتقال وحطيها في كيس بلاستيك مع الملح و الفلفل و الشطة و الكركم والدقيق ونهزالكيس كويس قوى لحد ما البطاطس تتخلط كويس بالمقادير نسخن الزيت و نحمر فيه البطاطس شوية حوالى 3 دقايق ثم نضعها في صاج او صينية وندخلها الفرن حوالى نص ساعة وفى خلال النص ساعة دى تقلبيها بس تقليبة واحدة

كفتة البطاطس بالكريمة
المقادير:
2 ك بطاطس مهروسة+بيضة كبيرة+م ك دقيق+2 م ك كريمة+م ك بصل مبشور+4 م ك زيت او زبدة
الطريقة
اسلقى البطاطس وقشريها واهرسيها كويس اخلطى البطاطس مع البيضة والدقيق والكريمة والبصل مع بعض كويس ثم شكلي لخليط على هيئة اقراص وحمريها فى الزيت لحد ما لونها يصفر يبقى زهبى وطلعيها على ورق ماصللدهون وقدميها

صينبة المسقعه بالبشاميل
المقادير:
كيلو بزنجان اسود مكبب او حوالى 2 كبار _ زيت للتحمير _ لحمة مفرومة معصجة بالصلصة ._ بشاميل _ 1بيضة مضروبة بالشوكة للوجة .ملح و فلفل اسود -
الطريقة:
قشرى الباذنجان وقطعية دوائر بالعرض بس حاولى يكونو مقاس بعض . حطى كمية البذنجان على مصفاة و رشية كلة بالملح علشان ما يسودش و علشان يخرج مايته و ما يشربش ز يت كتير اثناء القلى يعنى حوالى عشر دقايق . سخنى الزيت فى مقلاية و حمرى البزنجان من الناحيتين ثم ضعيه فى مصفاة ليصفى الزيت اللى فية او ضعية على ورق الامتصاص لكي يتشرب الزيت
جهزى صينية او طبق فرن (بايركس) و رصصى فية نص كمية البزنجان ثم ضعى طبقة من العصاج بالصلصة ثم باقى كمية البذنجان ضعى طبقة البشاميل على الوش و ساويها ثم ضعى بيضة مضروبة و ممكن انا بحب احط رشة جبنة اى نوع عندك دخليها الفرن تقريبا حوالى نص ساعة

المسقعة باللحمة المفرومة
المقادير:
ا ك باذنجان رومي+1/2 ك لحمة مفرومة+3 بصلات متوسطة+2 كوب عصير طماطم+2 ملعة صلصة طماطم+ملح و فلفل اسود و بهارات+ زيت للقلي+2 ملعقة زيت
الطريقة:
الاول نجهز اللحمة المفرومة (العصاج) نبشر بصلة و نضيف لها شوية ملح و فلفل اسود و بهارات و نقلبها كويس ثم نضيف اللحم و نخلطه جيدا و نضيف كمية بسيطة من الزيت، حوالي نصف ملعقة و نضعها على النار لتنضج على نار هادية، مع التقليب من فترة لأخرى.بعدين نحضر طبق فيه ماء بملح، و نقشر الباذنجان و نقطعه حلقات سمك الحلقة حوالي 1 سم و نضعها في الماء بالملح حتى لا يسود لون الباذنجان بسبب الحديد و تعرضه للجو. بعدين نقلي الحلقات في زيت غزيرثم نضعها على ورق ليمتص الزيت الزائد.في صينية فرن نضع ملعقة و نصف زيت و نقطع بصلتين قطع صغيرة و نصفرها في الزيت الى ان تذبل، ثم نضيف عصير الطماطم و الملح و الفلف و البهارات و نضيف ملعقة سكر (للتخفيف من الطعم اللاذع للطماطم). و نتركها تتسبك (تتقل و تغلظ في السمك). نضيف للصلصة العصاج اللي عملناه و نضيف كمية معقولة من الماء ثم نضيف حلقات الباذنجان المقلية و نظبط الملح. نتركها تغلي قليلا ثم ندخلها الفرن بعض الوقت ليحمر الوجه و يتشرب الباذنجان الصلصة جيدا.

الملوخية الخضراء
المقادير:
نص كيلو ملوخية تقطفيها من العيدان ثم تحطيها فى مصفاة و تغسليها كويس جدا لحد ما الطين كله ينزل و تبقى المياة نضيفة افرشى جرنال فى الهواء و افرشيها علية لحد ماتنشف بس ابقى قلبيها بايدك و بعدين تخرطيها بالمخرطة ناعم . +2 كوب شوربة اى نوع عندك ارانب او فراخ او حتى ماجى (2مكعب) ثوم مهروس _ كزبرة ناعمه_ ملح
الطريقة:
اغلى الشوربة كويس جدا (ابقى اظبطى الملح) ثم خدى منها ملعقتين فى طبق صغير و الملوخية المخرطة و قلبيهم جامد لحد ما الملوخية تفك ثم حطيها مع باقى لشوربة على النار والنار مش عالية فى طاسة صغيرة حطى ملعقة سمن اما تسيح حطى الثوم المهروس حوالى ملعقة كبيرة لما يصفر حطى الكزبرة حوالى نص ملعقة كبيرة مليانة يادوب تقليبة و روحى طشاهم على الملوخية تقليبة واحدة و اطفى النار وغطيها

ملوخية بالارانب
المقادير:
أرنب+ ماء + بصلة + حبهان + قرنفل + فص ثوم + ملح+ ملوخية+ ½ طمطماية + كزبرة مفرومه
الطريقة:
يتنضف الارنب ويتقطع 6قطع ويتسلق في ماء وبصلة وحبهان وقرنفل وفص ثوم وملح وبعدين يتصفى ونحط الملوخية المفرومة ونص طمطمايه مفرومة ناعم وتترك تقلب قلبتين ونكون داقين ثوم مع قرن فلفل حار وكزبرة مفرومة خضراء وتتقلى في شوى زيت اوسمنة وتطشيها على الملوخية

الملوخية الناشفة
المقادير:
كوب ملوخية ناشفة+نص راس ثوم مفروم ناعم+2 معلقة سمن+م ك كزبرة ناشفة+2 حزمة سلق+حوالى 4 ك شوربة
الطريقة
اغسلى السلق كويس و افصلى الورق عن السيقان وخرطية بالمخرطة اعملى التقلية بانك تضعى السمنة على النار و عليها الثوم لحد ما يصفر و بعدين حطى الكزبرة تقليبة لحد ما تحمر ضعى الشوربة على النار وضعى عليها نص كمية التقلية لحد ماتغلى ضعى السلق على الشوربة وسيبيهم يغلوا حوالى من 5 ل 7 دقائق ضعى عليهم الملوخية مع التقليب المستمر يا دوب يغلوا غلوتين ثم ضعى باقى كمية التقلية وقلبى وغطيها و اطفى النار

المقلوبة بالقرنبيط (و ممكن بدله الباذنجان) و الدجاج (و ممكن بدله لحم)
المقادير:
واحدة قرنبيط صغيرة تقسم إلى زهرات و تقلي بعد غمسها في خليط من الدقيق و البيض و الملح و الفلفل الأسود+2 كوب أرز منقى و مغسول+1 دجاجة متوسطة الحجم مسلوقة نصف سلق و مقطعة أربع إرباع+2 كوب مرق دجاج+3 بصلات كبار +3 طماطم كبيرة مقطعة حلقات+2 ملعقة كبيرة سمن+كركم، ملح، فلفل أسود، بهارات
الطريقة:
نقطع البصل قطع صغيرة و نصفره في السمن ثم نضيف له المرق و التوابل (الملح و الفلفل و البهارات و الكركم الذي يعطي الوجبة اللون الأصفر و الطعم المميز لها).نحضر إناء الطهي و نرص فيه حلقات الطماطم ثم فوقها نرص القرنبيط المقلي ثم فوقها نرص الدجاج ثم نضع الأرز المغسول و نضيف المرق الذي أعددناه بعد أن يغلي.عندا يبدأ الأرز في تشرب المرق نخفض النار و نتركه على النار لمدة 30 إلى 4- دقيقة. و عن التقديم يتم وضع صينية تقديم واسعة فوق الإناء ثم يقلب بحرص فيصبح الترتيب كالآتي: الطماطم على الوجه ثم القرنبيط ثم الدجاج فالأرز.

طاجن البامية باللحم الضأن في الفرن
المقادير:
1 كيلو لحم ضأن +1 كيلو بامية+2 كوب عصير طماطم + 3 ملاعق كبيرة صلصة طماطم+2 ملعقة كبيرة سمن+2 بصلة كبيرة مقطعة قطع صغيرة جدا+4 فصوص ثوم كبار مدقوقين بالقليل من الملح+فلفل أسود و بهارات+1 كوب مرق
الطريقة:
نحضر طاجن الفرن (يكون فخار و لو بايركس مش مشكلة) و نضع فيه السمن و نضيف البصل و نقلب حتى يصفر لونه قليلا ثم نضيف اللحم و نقلبه حتى يتغير لونه (نشوحه) ثم نضيف عصير الطماطم و التوابل و نقلب جيدا و نتركه على النار حتى يغلظ القوام ثم نشيف الصلصة و الثوم المدقوق و المرق و نتأكد من الملح و اذا احتاجنا نزوده نضيف القليل.نضيف البامية إلى الخليط السابق و نقلب جيدا ثم ندخل الطاجن إلى الفرن و يطهى لمدة 1 ساعة الى ساعة و نصف

البامية الويكة
المقادير:
كيلو بامية +نص كيلو لحم قطع +2 ملعقة كبيرة سمن ملح- فلفل- ( شطة حسب الرغبة ) +1بصلة كبيرة ممفرومة صغير _ ك عصير طما طم (او 2 م صلصة مزابة فى كوب ماء)+التقلية مثل تقلية الملوخية( م ك كزبرة ناعمة _راس ثوم _ ملعقة سمن)
الطريقة
قطعى البامية قطع صغيرة وحمريها في السمن وشيليها على جنب _حمرى البصلة في السمن اللى انتى حمرتى فية البامية لحد ما تصفر بس _حطى بقى اللحمة على البصل وقلبيها تقليبتين تلاتة لحد ما تنزل مايتها و تشربها و تظبطى بقى الطعم بالملح و الفلفل_وكل شوية بقى تزودى ماء لحد ما تستوى 3/4 سوى حطى بقى البامية على اللحمة و عصير الطماطم او الصلصة المذابة فى ماء وخليهم على نار متوسطة لحد ما كلة حيستوى _اعملى بقى التقلية وتحطيها على البامية وسيبيهم دقيقتين و تطفى النار و طريقة التقلية:ضعى السمن فى مقلاية و الثوم المهروس لحد ما يصفر و نحط الكزبرة الناشفة لحد ما تتحمر بس مش تتحرق
طاجن البامية بالسان عصفور
المقادير:
1 كيس بامية صغيرة+3 ملعقة لسان عصفور.+ا ملعقة زبدة او زيت زيتون.+1 كيلو لحمة +4 كوب عصير طماطم، ويفضل وضع 2 معلقة صلصلة طماطم عليهم.+1/4 كوب شوربةملح ، فلفل.
الطريقة:
نسلق اللحمة نص سلقة.نحمر اللسان عصفور على النار حتى يصبح زهبى اللون .فى الطاجن ((بفضل فخار طبعا)) نضع اللسان عصفور ثم نضع علية البامية وعليهم معلقتين سمن او زيت.ثم نضع عليهم عصير الطماطم والشوربة، ونغطس فية اللحمة.ونضعة فى الفرن الى ان تنضج البامية

البامية بالبصل القاورمة
المقادير:
كيلو بامية+نص كيلو بصل قاورمة+نص م ص ثوم مهروس+م ك زيت ملح وفلفل+نص كيلو طماطم مقشرة ومقطعة مكعبات
الطريقة
قمعى البامية عادى و ضعى الزيت على النار وشوحى فية البصل القاورمة لحد ما يصفر ثم ضعى الثوم المهروس والبامية وقلبيهم لمدة دقيقة وبعدين ضعى الطماطم وقلبى كله لمدة دقيقتين ثم ضعى الملح والفلفل ضعى عليهم كوب ماء مغلى لحد ما الخليط كله يغلى وبعدين وطى النار لحد ما تستوى البامية

صينية الكوسة بالبشاميل
المقادير:
1كيلو كوسة _ لحمة مفرومة معصجة _ زيت لتشويح الكوسة _2بيضة مضروبة بالشوكة _ ملح و فلفل . _ بشاميل
الطريقة:
طريقة البشاميل: تحمر 2 ملعقة كبيرة دقيق في 2 ملعقة كبيرة زيت دون ان يتغير لونة ثم نضع شوية شوية حليب دافىء و نقلب بسرعة بسرعة علشان ما يكلكعش منك (حوالى 2 كوب حليب ) او الى ان تصلى الى السمك المطلوب اضع ملح و فلفل و بيضة مخفوقة , يعمل العصاج بالصلصة
نغسل الكوسة و تنجر بالسكينة المشرشرة و تقطع شرائح طويلة ثم تقلي فى الزيت (قلى خفيف) و توضع فى مصفاة للتخلص من الزيت او على ورق المطبخ المخصوص لا متصاص الدهون او تسلق شرائح الكوسة فى قليل من الماء و الملح ثم تنشل لتصفى ماء السلق.ندهن الصينية بحوالى ملعقة بشاميل و نوزعها كويس . ثم نرصص طبقة من الكوسة نغطى بها القاع تقريبا نص كمية الكوسة ثم العصاج ثم طبقة اخرى من الكوسة تصب طبقة بشاميل على وش الصينية بحيث نغطى الكوسة ثم نضع بيضة مخفوقة علي الوجه و ندخلها الفرن درجة حرارة متوسطة لحد وشها ما يحمر

كوسه بالزبادي
المقادير:
كيلو كوسه حشو(مقوره)+نصف كيلو لحمه مفرومه(عصاج)+مقدار من الماء+فنجان زيت صغير+عبوه زبادي نصف كيلو+ بياض بيضه+ م ك دقيق+ملعقه اكل ثوم ناعم - ملعقه اكل زيت+ملح-فلفل
الطريقه:
نضع مقدار الزيت في صينيه علي النار ونشوح الكوسه فيه حتي يزهزه لونها مع مراعاه تقليبها. نضع كوب من الماء البارد علي الكوسه مع اضافه الملح والفلفل ثم تغطي وتترك مع مراعاه اضافه الماء حتي يتم النضج نضع الكوسه في طبق الفرن(بايركس) لحين تقديمها- نضع بياض البيضه مع ملعقه الدقيق وتخلط جيدا ثم يضاف للزبادي يرفع المقدارعلي نار هادئه لمده عشر دق قبل التقديم مباشرا"- يصب خليط الزبادي علي الكوسه وتوضع في الفرن او التوستر في درجه حراره متوسطه حتي تحتفظ بسوخنتها (10 دقائق- توضع ملعقه الثوم الناعم في ملعقه الزيت علي النار كتقليه وتضاف للزبادي بعد وضعه علي الكوسه الساخنه وتقدم

كوسة محمرة
المقادير:
كيلو كوسة كبيرة+معلقة صغيرة ثوم مفروم+معلقتين كبار دقيق او بقسماط(ممكن معلقة ومعلقة)+ملح وفلفل و كمون+معلقة صغيرة نعناع اخضر مفروم
الطريقة
نكحت الكوسه بالسكينة المشرشرة وقطعيها بالطول شرائح متوسطة التخانة و تغسل تبليها بالثوم والملح والفلفل والكمون والنعناع
وضعيها فى الثلاجة لمدة نص ساعة نضع الدقيق او البقسماط فى طبق ونضع فيهم الكوسة ونقلبها كويس نحمرها فى زيت غزير ونشيلها على الورق الماص وتقدم

كوسة بالمشروم
المقادير:
3 كوسات كبار +1ملعقة متوسطة زبدة.+بصلة متوسطة مبشورة+2 فص ثوم مفروم+1 كوب مشرووم مقطع شرا ئح.+طماطماية متوسطة الحجم مقطعة صغير+1 م ص بقسماط+1/4 م ص بقدونس.+2 م ك جبنة موزاريلا
الطريقة:
تقطع الكوسة إلى نصين بالطول و فضيها من جوة( الاحتفاظ بقلب الكوسة).نضع الزبدة على النارو شوحي فيها البصل و الثوم لحد ما يصفروا يضاف عش الغراب وقلب الكوسة.يقلب الخليط لمدة دقيقتين وبعدين شيلية من على النار.تضاف الطماطم والبقسماط والبقدونس والفلفل.ترص الكوسة في صينية ثم يوضع هذا الخليط على الكوسة.تغطى الصينية بورق الألومنيوم وندخلها الفرن لمدة نص ساعة قبل ما نخرجها من الفرن بثلاث دقائق يوضع جبن الموزاريلالحد ما يحمر الوش

الكوسة بالكريمة
المقادير:
كيلو كوسة +كوب شوربة+معلقتين كبار كريمة+معلقة وسط زبدة+3 بيضات+بصلة متوسطة مقطعة حلقات+ربع كوب جبنة شيدر او فلمنك مبشورة
الطريقة
اكحتى الكوسة وقطعيها حلقات متوسطة ضعى الشوربة والبصل على النار واسلقى فيهم الكوسة وبعدين شيليها من على النار وسيبيها لحد ما تبرد اضربى البيض وبعدين ضيفى له الكريمة والملح والفلفل وقلبيهم مع الكوسة والبصل ونص كمية الجبنة ادهنى قالب الفرن بالزبدةاو طبق فويل وضعى فية الخليط ورشى باقى كمية الجبنة على الوش وحتة زبدة صغيرة يوضع فى فرن متوسط الحرارة لحد ما الوش يحمر

طاجن الكوسة بالشبت
المقادير:
كيلو كوسة+ ك عصير طماطم+نص كيلو طماطم +م شبت مفروم+بصلة مفرومة+1/4 ك جبنة شيدر مبشورة+ ملح وفلفل
الطريقة
اكحتى الكوسة واغسليها وقطعيهاحلقات وكزلك الطماطم ضعى الكوسة والطماطم والبصل و الشبت فى طاجن فرن رشى عليهم التتبيلة الملح والفلفل وعصير الطماطم دخليهم الفرن لحد ما تستوى الكوسة (وممكن اضافة شوية ماء ازا احتاجت) بعد ما تستوى الكوسة رشى وش الطاجن بالجبنة المبشورة ودخليها الفرن تانى وهو مطفى وهى الجبنة حتسيح لوحدها من حرارة الفرن ويقدم سخن

كوسه تركى
المقادير:
1/4 كيلو كوسه مبشوره+1/4 كيلو بطاطس مبشوره+3 بصلات مبشورين+ملح - فلفل – ليمون+دقيق – بيضه
الطريقة:
تقلب جميع المقادير معا وتأخذ كمية بالملعقة وتحمر فى زيت ساخن مثل الطعميه وتوضع بعد ذلك على ورق مناديل لزوم التخلص من الزيت

الخرشوف بالعصاج
المقادير:
نصف كيلو لحم مفروم+بصله كبيره مبشوره+ملح - فلفل أسود – بهار+2 م ك صلصة طماطم+عدد من الخرشوف +بشاميل + جبنه مبشوره ( تركي - حمراء - موتسريللا )
الطريقة:
نعمل العصاج و نضيف الصلصه ثانيا نعمل البشاميل بالطريقة دى(مختلفه بعض الشيئ لانها قليلة الدهون جدا)أحمر 2 ملعقة د قيق وحدهم في حله بدون أي دهون .. يراعي أن يكون لونه فاتح أخلط في الخلاط .. الدقيق بعد تحميره مع كوب لبن ونصف كوب قشطة أو كريمه لباني ونصف كوب شوربه أو ماء.. أخلطهم جيدا وأتبلهم بالملح والفلفل الأسود أضعهم في حله وأتركهم علي نار هادئه مع التقليب حتي يتقل البشاميل ، لتجهيز صينية الخرشوف:نمسك وحدات الخرشوف ونحشيها بالعصاج ونرصها في صينيه ونضع فوق كل خرشوفه ملعقة بشاميل تغطيها ونرش عليها الجبنه نجهزعصير طماطم ونتبله بالملح والفلفل وقليل من الزيت ونضعه فوق الخرشوف وندخل الصينيه الفرن للسواء .. ممكن في نفس الصينيه نحشي عدد من البطاطس والكوسه بعد تقويرها

الفريك المفلفل
المقادير:
2 ك فريك+ بصله متوسطه مبشوره+ ك عصير طماطم+ك شوربة+م ك سمن أو زيت+ملح وفلفل أسود وبهارات
الطريقة
نغسل الفريك وننقعه لمدة ساعة في الماء البارد في حله علي النار نضع السمن ثم الفريك ..ثم نضيف البصله والملح والفلفل والبهارات ونقلب علي النار حوالي 10 دقائق نضيف الشوربه وعصير الطماطم وبعد أن يغلي نهدئ النار ونتركه حتي يتفلفل

القلقاس بالسلق
المقادير:
كيلو قلقاس – 2 ليمونة – حزمة كسبرة خضراء – 2 حزمة سلق –راس ثوم – 2 معلقة سمنة – ملح و فلفل – 5 كوب شوربة
الطريقة
قشرى القلقاس وقطعية مكعبات واغسلية كويس جدا قطعى الكسبرة الخضراء و السلق واغسليهم كويس و قشرى الثوم وافرميه
اغلى الشوربة على النار.ثم ضعى القلقاس فى الشوربة لحد ما يستوى ضعى السلق والكسبرة على النار فى مقلاية وحطى عليهم الثوم و السمنة لحد ما الثوم يصفر . ثم ضعيهم فى الكبة واضربيهم لحد ما يتفرموا و ينعموا خالص نضع الخضرة اللى ضربناها فى الحلة مع القلقاس ويادوب لحد ما يغلوا مع بعض غلوة وحتلاقى القلقاس بالشوربة بتاعته بقى كله لونة اخضر قبل ما تطفى النار على طول اعصرى الليمون و قلبى وأطفى النار

فاصوليا خضراء باللحمة المفرومة
المقادير:
1/2 كيلو فاصوليا خضراء مسلوقة+1/4 كيلو لحمه مفرومة+بصله مفرومة+حزمة بقدونس+3 ملاعق كبيرة صلصه +2 فص توم مهروس
الطريقة
نضع البصله تتبل ثم الثوم ونضيف اللحمة المفرومة ونتركها حتى تستوى ونضيف الملح والفلفل والبهارات يتم أضافة الفاصوليا والصلصة ونتركها على نار هادئة ونقلب حتى يمتزجوا معاً حوالى 1/4 ساعة وقبل ما نطفى نضيف البقدونس ونقلب جيداً

الخضار المشكل بالزبادى
المقادير:
1/2 كيلو فاصوليا خضراء مسلوقة (ممكن بدلاً من الفاصوليا بسلة)+1/4 كيلو جذر مسلوق+عدد 2 بطاطس مقطعة مكعبات ومسلوقة+4 كوب زبادى+3 م ك مايونيز+2 ملعقة كاتشب للتجميل+ملح وفلفل+2 ملعقة زيت زيتون
الطريقة
يتم ضرب الزبادى قليلاً بالشوكة ثم أضافة المايونيز والملح والفلفل وأضافة الخضراوات المسلوقة ويوضع فى طبق التقديم وعلى الوجه يوضع الكاتشب وزيت الزيتون

خضار سوتيه
المقادير
خضار مشكل (جزر - بسلة - كوسة - فاصوليا) او اى خضار تحبية
الطريقة:
تسلقية على النار بس نص سلقة علىشان الفوئد ما تروحش كلها وبعد كدة تنشلية من الماء وتصفية كوبس تحطى معلقتيين زيت زيتون على النار او زبدة ،،ن بعد كدة تضيفة الخضار وتشوحية فى السمن وتحطة ملح وفلفل اسود بس الفلفل يكون اكتر من الملح لانة ببيدى للخضار طعم رائع ..تشوحى الخضار تشوحتين وبعد كدة تطفى وتاكل ساخنة

صينية الكرنب
المقادير:
كرنبة صغيرة+حزمة شبت+حزمة بقدونس+نص كيلو لحمة معصجة +ملح – فلفل – كمون – بهارات +كوبايتين عصير طماطم
الطريقة
نسلق الكرنبة نص سلق تترك الاوراق سليمة زى ما هيا مانقطعهاش ادهنى صينية السمن وافردى فيها ورقتين كرنب بحيث تغطى القاع والجناب ثم ضعى طبقة من العصاج المضاف له الشبت والقدونس ثم طبقة من ورق الكرنب وهكزا بس تكون اخر طبقة هيا الكرنب تبلى الصلصة بالملح والفلفل والبهارات وصبيها على الصينية ودخليها الفرن لحد ما تستوى وبالهنا والشفا

مسقعة القرنبيط
المقادير:
قرنبيطة+ نص كيلو عصاج +كوبايتين عصير طماطم +ملح وفلفل و معلقة سمنة
الطريقة
قطعى القرنبيط وردات صغيرة واسلقية ضعى صلصة الطماطم على العصاج ضعى السمنة فى مقلاية وضعى عليها القرنبيط وشوحية خفيف رصصى نص وردات القرنبيط فى طبق فرن وعلى الوش طبقة عصاج ثم طبقة قرنبيط غطى الطبق ودخلية الفرن لحد ما يغلى لحد ما يشرب الصلصة كلها رصصى شرائح الطماطم على الوش لحد ما يستوى ويحمر

طريقة سلق البروكسل
يغسل البوكسل وينقع فى ماء وملح لمدة ربع ساعة ثم يشطف جيدا نسلقه فى ماء مغلى وملح لحد ما يستوى وتقريبا بيكون من ربع لتلت ساعة نصفية من ماء السلق ونستخدمة ،ممكن بعد ما يتسلق ويبقى جاهز نشوحة فى حتة زبدة صغيرة مجرد ثانية واحدة ويقدم فى الحال
ملحوظة: البروكسل اللى بتلاقية فى السوبر ماركت الكبير بيكون محطوط مع الخضار وهو نوع من انواع الكرنب بس شكلة كور صغيرة قوى قد الليمونة الكبيرة و لونه اخضر وناشف او ماسك نفسة

البروكسل بالبشاميل
المقادير:
كيلو بروكسل مسلوق+بشاميل تخين+نص ك جبنة رومى مبشورة+م ك بقسماط+معلقة زبدة +ملح وفلفل
الطريقة
صفى البروكسل كويس من ماء السلق ورصصية فى صينية او طبق فرن مدهونة بالسمن وغطى البروكسل بالبشاميل ورشى الوش بالجبنة الرومى المبشورة ثم البقسماط و قطع صغيرة جدا من الزبدة توزعيها على وش الصينية دخلية الفرن على درجة حرارة عالية يعنى ساخن لحد ما الوش يحمر

دقية البروكسل
المقادير:
نص كيلو بروكسل مسلوق نص سلق+ربع ك عصاج بالصلصة+ك شوربة او ماء +ملح وفلفل
الطريقة
هاتى حلة صغيرة و رصى فيها البروكسل بالترتيب مع العصاج يعنى طبقة بروكسل وطبقة عصاج وتضغطى بايدك عليهم كويس لحد ما يخلص المقدارنصب الشوربة علية والملح والفلفل ونغطى الحلة ونضعها على نار متوسطة لحد ما يستوى ويغرف

طاجن عدس اسود ( بجبة )
المقادير:
1/2كجم عدس +ك بصل+راس ثوم مهروس+كجم طماطم+ك فلفل اخضر مقطع +ربع ك خل+ملح – فلفل – شطة+ زيت
الطريقة
انقعى العدس حوالى3 ساعات اسلقى العدس فى ماء مغلى لحد ما يستوى نص سوا ثم صفية من الماء نحمر البصل والثوم لحد ما يصفروا ثم نضع الخل ثم الفلفل الاخضر وقلبيه 5 دقائق ثم نضيف الطماطم المقطعة قطع صغيرة ونترك الخليط على النار لحد ما يتسبك نضع كوب ماء و الملح والفلفل والشطة ونخليهم لحد مايغلوا ثم نضيف لهم العدس تقليبتين لحد ما يغلى نضع المقدار كله فى طاجن وندخله الفرن حوالى ربع ساعة
محشى الكرنب
المقادير:
3 بصلات كبار +2 حزمة شبت، و 2 حزمة بقدونس+3 معالق كبار و مليانين صلصة طماطم+كيلو رز+كرنبة متوسطة+ملح _ فلفل _ كمون _ 3 معالق سمن كبار _3 معالق زيت
الطريقة:
تغلي ماء على النار و تحطى فية شوية كمون وتطلعى ورق الكرنب من الكرنبة بانك تقطعية من عند الراس بالسكينة وتحطية فى الماء المغلى يا دوب ثوانى و تطلعية فى المصفاة.بعد كدة تقطعية حسب المقاس اللى انتى عايزاة طريقة عمل الخلطة: تفرمى البصلةبالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابلو السمن و الزيت والطماطم و اخيرا تجيبى الرز وتغسلية وتصفية كويس وتحطية على الخلطة و تخلطى كله كله كويس وتحشى ورق الكرنب ورقة ورقة ومش كتير علشان ما ينفش ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش اغلى شوربة فى حلة و فيها معلقة زيت علشان المعلقة دى هى اللى بتدى صابع الكرنب لمعة من برة ضعى الشوربة على الكرنب بحيث يا دوب تكون عند الصف الاول وتحطيةعلى النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة لحد ما يستوى بانك تطلعى صباع و تدوقية
ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعديت عنها دة معناة انها خلصت و هكذا

خضار مشكل محشى
المقادير:
نص كيلو بطاطس صغيرة+نص كيلو كوسة صغيرة+نص كيلو بصل قاورمة (الصغير خالص)+كوب عصير طماطم+ربع كيلو عصاج+ملح وفلفل
الطريقة
نقشر البطاطس ونقورها ونغسلها نكحت الكوسة ونقورها ونغسلها نقشر البصل ونضعة فى ماء مغلى يا دوب دقيقتين ونشيله من الماء ونقورة نحشى البطاطس والكوسة والبصل بالعصاج ونرصصة جنب بعض فى طبق فرن بس رتبيه يعنى ترصصى الاول البصل داير مايدور وبعدين ثم الكوسة داير ما يدور ثم البطاطس فى النص داير ما يدور ثم نضع عصير الطماطم ونغطى الطبق و نضعه فى فرن متوسط الحرارة وممكن كل ما يعوز سائل تزوديله شوية شوربة او ماء لحد ما يستوى ثم نحمر الوجه

الفول النابت بالطحينة
المقادير:
1/2 كيلو فول نابت - بصلة كبيرة+2 معلقة خل -ربع راس ثوم+ملح وكمون + بقدونس+ماء
الطريقة
قشرى الفول النابت واغسلية ضعي فى حلة الفول النابت فى ماء يكفى لتغطيته مع البصلة المقطعة والثوم على النار لحد ما يستوى صفية من ماء السلق واهرسية نخفف الطحينة بالماء والخل والملح والثوم ونضعها على الفول النابت المهروس وندمجهم كويس ونزينهم بالبقدونس

فتة الفول النابت
المقادير:
شوربة فول نابت+1/2 راس ثوم+2 معلقة كبيرة خل+عيش ناشف -سمنة
الطريقة
شيلى الفول من الشوربة على جنب قطعى العيش قطع صغيرة ثم صبى علية شوربة الفول النابت السخنة لحد ما العيش يتشرب غطية بغطاء حلة لمدة 5 دقائق ضعى طبقة من الفول فوق العيش اقدحى السمنة وحمرى فيها الثوم وبعدين ضعى الخل لحد ما يغلى ثم ضعية على الفتة

الفول النابت المقلي
المقادير:
كوبايتين فول نابت - كوب عصير طماطم - 5فصوص ثوم مفرومين+ بصلة مخرطة صغير - نصف ملعقة كزبرة ناعمة-ملح - فلفل - ملعقة صغيرة بقدونس مخرط صغير -معلقتين زيت او سمن
الطريقة:
نقشر الفول النابت ونغسله نحمر البصلة المفرومة في الزيت او السمن لحد ما تصفر ثم يضاف الثوم المفروم والكزبرة نضع عصير الطماطم ونخليهم على نار هادية لحد ما تتسبك الطماطم ثم نضع فيها الفول و نقلبهم حوالى 10 دقائق نزود شوية ماء ويترك على نار متوسطة لحد ما يستوى وزودى شوية ماء كلما احتاجت نضع البقدونس المفروم ونخلية يغلي مع الفول ويقدم

بذنجان وفلفل مقلى بالخل والثوم
المقادير:
نص كيلو بزنجان اسود مكبب – نص كيلو فلفل رومى – راس ثوم مهروسة – ربع كوب خل -2 قرن فلفل حامى – 4 طماطم مقطعة متنوسط - ملح – فلفل – كمون زيت للقلى
الطريقة
قشرى البذنجان ثم قطعية شرايح متوسطه ثم نضعه فى مصفاه ونرش عليه ملح ويترك(علشان ما يشربش زيت كتير ).وبعدين نقلية فى الزيت لحد ما يبقى بنى فاتح .ونشيله فى المصفاة علشان ينزل كل الزيت الزيادة.نقلي الفلفل الاخضرفى نفس الزيت مكان البزنجان لحد ما يتقلى ونشيله من الزيت ويوضع في مصفاه.في مقلاية تانية نضع قليل جدامن الزيت اللى حمرنا فية البزنجان والفلفل ونحمر فيها الثوم لحد ما يصفر. وبعدين ضعي الفلفل الحامى المخرط صغير و الخل ثم ضعى الطماطم عليهم والملح والفلفل و الكمون .وقلبى وسيبيهم لحد ما الطماطم تدبل .ضعى البزنجان والفلفل في طبق غويط على طبقات يعنى نحط بزنجان وبعدين فلفل وهكزا .ثم صبي عليهم خليط الثوم والطماطم ونغزيهم بالشوكة علشان الخليط ينزل جواهم والطبق يتشرب من الصلصة. و يتاكل ساخن او بارد

طريقه جديدة للباذنجان
المقادير:
حوالى 1/2 كيلو باذنجان مشوى+2 م كبيرة دقيق+زيت ذره أو سمن+كوب لبن كبير+قطعة جبنة بيضاء حوالى 1/8 كيلو+1/4 كيلو لحم مقطع مكعبات صغيرة +بصله مفرومة+عدد 2 طماطم مقشره وممقطعة مكعبات+ملح وفلفل
الطريقة
يتم وضه الزيت بالحله ليسخن ثم نضع الدقيق ليحمر خفيف مثل الباشميل ثم نضيف الباذنجان المشوى والمهروس جيدا ونقلب دقيقه ثم نضع اللبن ونقلب على نار هادئة ونضع الملح والفلفل ثم نضع الجبنه البيضاء ونقلبهم جميعا معاً ونتركهم حوالى 10 دقائق على نار هادئة وبالنسبة للحم نضع معه البصل المفروم والملح والفلفل والبهارات وجوزة الطيب و1/2 كوب ماء ونتركهم على نار هادئة حوالى 1/2 ساعة ثم نضيف الطماطم المقشرة ومقطعة مكعبات صغيرة جدا ونضع حوالى 1/2 كوب ماء ونتركها على نار هادئة حتى تستوى جيدا يتم غرف الباذنجان فى سرفيس التقديم ثم نضع فوق على الوجه خليط اللحمة

القرنبيط المسلوق
المقادير:
قرنبيطة – ملح – كمون
الطريقة
نشيل الكاس الاخضر الكبير ونقطعة بالسكينة اذا كانت القرنبيطة كبيرة نقطعها الى وردات واذا كانت صغيرة ممكن نسلقها زى ما هيا نغلى ماء على النار مضاف له الملح والكمون ونضع فية القرنبيط لحد ما يتسلق يعنى حوالى من ربع لنص ساعة

القرنبيط بالبيض والبقسماط
المقادير:
قرنبيطة مقطعة ومسلوقة+ملح وفلفل+بيض مضروب+بقسماط ناعم+سمنة للتحمير
الطريقة
نضرب البيض بالشوكة ونضع علية الملح والفلفل نغطس وردات القرنبيط فى البيض ثم فى البقسماط نسخن السمنة ونحمر فيها القرنبيط لحد ما لونه يبقى بنى حلو ونشيله على الورق الماص للدهون ويقدم

القرنبيط بالجبنة
المقادير:
قرنبيطة مسلوقة+3 معالق كبيرة جبنة رومى مبشورة+بشاميل+معلقتين زبدة+معلقة كبيرة بقسماط ناعم
الطريقة
تقطع القرنبيطة الى وردات وتسلق نحمر القرنبيط فى الزبدة ثم نرصص وردات القرنبيط فى صينية او طبق فرن مدهون بقطعة زبدة صغيرة ونرتبها و نرش عليه جبنة مبشورة ونضع على الوش البشاميل ثم نضع علية رشة بقسماط ناعم ثم نضع قطعة صغيرة زبدة موزعة على وش الصينية وندخل الصينية فرن متوسط الحرارة لحد ماوش الصينية يحمر

طاجن القرنبيط باللحمة المفرومة
المقادير:
قرنبيطة مقطعة ومسلوقة +لحمة مفرومة معصجة +معلقتين سمنة +كوبايتين شوربة او ماء
الطريقة
نحمر وردات القرنبيط فى السمنة فى نفس السمنة اللى حمرنا فيها القرنبيط نعمل العصاج(اما سادة او بالصلصة زى ماانتى عاوزة) احضر صينية او طبق فرن او طاجن واضع فية طبقة من العصاج ثم ارصص فوقه طبقة من القرنبيط ثم اضع طبقة من العصاج ثم ارصص طبقة من القرنبيط وهكزا حتى ننتهى من المقدار نصب علية الماء او الشوربة والملح والفلفل نغطية بورقة فويا وندخله فرن متوسط الحرارة لحد ما يستوى
بالنسبة للقرنبيط برضة ممكن تحطية فى شوربة الخضار وممكن تعملية شوربة وممكن تقطعية وتحطية مع خضار التورلى

القرنبيط بالدجاج
المقادير:
4 صدور دجاج مسلوقة+قرنبيطة صغيرة+بشاميل: ( نص معلقة كبيرة زبدة – 4 فصوص ثوم صحيحة– معلقة كبيرة دقيق – كوب ونص حليب – نص كوب شوربة - معلقة كبيرة-جبنة مبشورة - ملح)
الطريقة
نسلق الصدور او نشويها ونقطعها قطع كبيرة نسلق القرنبيط فى الماء والملح ثم نقطعه الى وردات نحضر طبق الفرن ونرصص فية القرنبيط ثم نرصص الدجاج فوق القرنبيط ثم نصب الصلصة على صدور الدجاج ونرش الجبنة المبشورة على الوش ونضعها فى الفرن لحد ما الوش يحمر

صينية السبانخ بالجبنة الموزاريلا
المقادير:
كيلو سبانخ+ربع كيلو لحمة مقرومة معصجة +كوب جبنة موزاريلا+نص كوب بشاميل خفيف+ملح و فلفل +صنوبر
الطريقة
نضفى السبانخ واغسليها كويس وقطعيها عادى اسلقى السبانخ عادى فى شوية ماء صغيرين خالص لانها حتنزل مايتها او ممكن تخليها على حمام مائى لحد ما تدبل صفيها من الماء واعصريها بأيدك كويس علشان تنزل كل مايتها ضعى العصاج عليها والصنوبر واخلطيها معاة ضعى البشاميل و نص الجبنة الموزاريلا على السبانخ واخلطيهم كويس هاتى الصينية او طبق الفرن وضعى الخليط كله وساوية كويس ثم ضعى باقى الجبنة الموزاريلا على الوش كله ودخليها فرن لحد ما الوش حيحمر على طول والجبنة تسيح ( طعمها بيبقى جميل وخصوصا فى العزايم)
--
محشي الباذنجان ( شيخ المحشي )
المقادير
2 كليو باذنجان ابيض مقور+نصف كيلو فلفل رومي يتم تقويره+5 – 6 كوب ارز مغسول جيدا +نصف كيلو لحم مفروم معصج +2 كوب عصير طماطم+3 بصله كبيره مفرومه+خضره ( بقدونس + شبت + كسبره )+ملح + فلفل + شطه + بهارات +4 ملاعق سمن +2 ملعقه كبيره صلصه طماطم
الطريقه
يقدح السمن علي النار يضاف اليه البصل حتي يصفر لونه يضاف اللحم المفروم المعصج ويقلب لمده 3 دقائق يضاف عصير الطماطم و صلصه الطماطم وتترك علي النار لمده 10دقائق يضاف الملح + الفلفل و الشطه + البهارات يضاف الارز بالتدريج ويقلب المقدار جيدا يضاف البقدونس والشبت والكسبره يترك المقدار علي النار حتي يتشرب الارز الصلصه يتم حشي المحشي ويرص في حله رائسيا يوضع عليه 2 كوب ماء مضاف اليهم 2 ملعقه ملح ويترك علي نار هادئه حتي تمام النضج "

باذنجان بالزيت
المقادير:
1 كيلو باذنجان طويل+1 ½ فنجان ونصف فنجان أرز+1 كيلو بندورة ناضجة+1 باقة بقدونس+3 ثلاث بصلات حمر+¾ ثلاثة أرباع فنجان زيت الزيتون+ملح، بهارات، عصير الليمون الحامض
الطريقة
ينقر الباذنجان ويوضع في الماء. يغسل الأرز ويخلط بالبقدونس والبصل المفرومين وقليل من عصير الليمون الحامض وجزء من البندورة بعد تقشيرها وفرمها فرما ناعما. يضاف إلى الحشوة حاجتها من الملح والبهارات. تحشى الباذنجانات ويترك فيها بعض الفراغ. يقشر الجزء الباقي من البندورة ويفرم خشنا ويوضع في قدر الطبخ مع لب الباذنجان لمن يرغب.تصف الباذنجانات فوق البندورة وتغمر بالماء الساخن. يرش المزيد من الملح ويطبخ على نار قوية فمعتدلة.يقدم هذا الصنف باردا"

يخنة الباذنجان باللحم
المقادير:
1 ½ كيلو ونصف باذنجان مكبتل+½ نصف كيلو لحم +1 كيلو واحد طماطم +1 بصلة واحدة متوسطة+سمن+ملح، بهارات
الطريقة :
يقشر الباذنجان ويقطع قطعا متوسطة الحجم ترش بالملح وتترك جانبا ساعة تقريبا. يقطع اللحم قطعا متوسطة تقلى في قدر فيها بعض السمن والبصل المفروم. بعد أن يشقر البصل يضاف الملح والبهار الحلو والحار والقرفة وماء ساخن يكفي لغمر اللحم. يطبخ على نار قوية حتى نضوج اللحم. يقلى الباذنجان المقطع بالسمن ويضاف إلى اللحم كما يضاف عصير الطماطم ،يواصل الطبخ على نار هادئة إلى أن يبدو المرق بالكثافة المطلوبة. يقدم مع هذا الصنف الأرز المفلفل

فتة الباذنجان
المقادير:
1 كيلو واحد باذنجان+400 غرام لحم مفروم+1 كيلو واحد بندورة ناضجة+½ نصف فنجان صنوبر+1 بصلة واحدة حمراء متوسطة+2 رغيفاً خبز عربي+1 ½ كيلو ونصف لبن+3 ثلاثة فصوص ثوم+سمن، نعنع يابس، عصير طماطم
الطريقة :
تحضر الحشوة من اللحم المفروم المقلي بالسمن مع البصل المفروم والصنوبر. تنقر الباذنجانات وتغسل وتحشى بالحشوة المذكورة وتقلى بالسمن وتوضع في قدر الطبخ.يضاف إلى القدر عصير البندورة وبعض الماء الحار ومقدار ملعقة كبيرة من رب البندورة. يطبخ إلى حين نضوج الباذنجان شرط أن يبقى معه مرق كاف. يحمص الخبز ويقسم أجزاء صغيرة توضع في وعاء التقديم. يؤخذ من مرق الباذنجان بعضه فيرش فوق الخبز. يدق الثوم ويخلط باللبن وقليل من الملح ويصب المزيج فوق الخبز. يرش على وجه اللبن النعنع اليابس. تصف الباذنجانات حول الفتة وتقدم ساخنة.

باذنجان جراتان
المقادير:
1 كيلو باذنجان طويل+300 غرام لحم مفروم+1 بصلة واحدة صغيرة بيضاء+¼ ربع فنجان صنوبر+2 ملعقتان كبيرتان طحين+3 ثلاث ملاعق كبيرة زبدة+4 أربع فناجين حليب+ملح، بهار+سمن
الطريقة :
يقشر الباذنجان خطوطا ويقلى بالسمن. تحضر الحشوة من اللحم المفروم المقلي مع البصل والصنوبر. تشق الباذنجانات في الطول وتحشى بالحشوة المذكورة بعد إضافة ما يلزم من الملح والبهارات طبعا. تصف الباذنجانات في وعاء مقاوم للحرارة. تصنع الصلصة البيضاء من الطحين المقلب في الزبدة على النار. يضاف الحليب تدريجيا إلى الطحين ويواصل التحريك إلى أن تبدأ الصلصة بالغليان. تترك على النار عدة دقائق ثم تسكب فوق الباذنجان. يرش على الوجه بعض الجبن المبروش أو الكعك المدقوق ويدخل الوعاء إلى فرن متوسط الحرارة.يؤكل هذا الصنف ساخنا."

باذنجان مقلي بالجبن
المقادير
باذنجان مقشر ومقطع شرائح+ دقيق+ بقسماط+ بيض مخفوق + جبن مبشور(بارميزان او حسب الرغبه)
الطريقة
ينقع الباذنجان بماء وملح ثم يصفى ويغمس بالدقيق اولا ثم بالبيض ثم البقسماط ثم نقليه بالزيت ثم نصفه في صينية الفرن ونرش عليه الجبنه ونضعه بالفرن 2-3دقائق الى ان تسيح الجبنه وتقدم مع صلصة الطماطم وبالعافيه "

كبة الباذنجان
المقادير
قشرة الكبة +2 كوب جريش +1 كوب برغل ناعم +قليل من مسحوق الفلفل الأسود والملح+حشوة الكبة :1 كيلو لحم غنم دهين مفروم +بصلة كبيرة +1 فلفلة خضراء باردة +فلفل أسود وملح وكمون +فلفلة حارة +المرق +كيلو باذنجان +2 حبة فلفل أخضر بارد +2 ملعقة أكل معجون طماطم مذاب فى ماء +2 راس بصل +ملح + فلفل أسود مسحوق
الطريقة
العجينة: تخلط جميع المقادير وتنقع بالماء لمدة نصف ساعة ثم تعجن باليد(بحيث أن كمية الماء لا تظهر على سطح المواد).حشوة الكبة: يفرم الفلفل الحار مع باقي المواد حسب الرغبة وتخلط جميع المواد وتترك على جنب.المرق: يقلى بالزيت كل مادة على حدة. تؤخذ عجينة القشرة وتفتح في راحة اليد على هيئة أقراص وتوضع في وسطها كمية من الحشوة وتغلق وترص. تقلى بالزيت وتوضع في قالب تيفال بين طبقات الباذنجان والفلفل والبصل ( كل هذه المواد طبعاً مقلية). يرش عليها الفلفل الأسود والملح ويصب فوقهم جميعاً صلصة معجون الطماطة المذاب في الماء بكمية تغطي المواد المرصوصة ولا تعلو عليها وتوضع في الفرن حتى ينشف السائل منها
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 2:30 am

(( قسم السلطات))

الصلصة الفرنسية
المقادير:
معلقة متوسطة خل +معلقة متوسطة عصير ليمون+2 معلقة كبيرة زيت+ملح – فلفل
الطريقة
ضعى كل المقادير مع بعض فى برطمان ورجية كويس جدا وكدة حتكون جاهزة لوضعها اى وقت على السلطة

تتبيلة للسلطة بدبس الرمان
المقادير:
3 ملاعق كبيرة دبس الرمان+3 ملاعق كبيرة زيت زيتون+1 ملعقة زعتر+عصير 1/2 ليمونة
الطريقة
اخلطى كل المقادير مع بعض وضعيهم على السلطة او ضعيهم فى برطمان لحين الاستخدام

الـــــزبـــــــــــادى
المقادير:
كيلو حليب+1 زبادى بلدى الكبيرة+اكواب بلاستيك او ماكينة الزبادى المخصوصة
الطريقة
شغللى الفرن لحد ما يدفى ثم اطفيه وسيبيه مقفول اغللى الحليب وبعدين اطفى النار واتركية لحد ما يبقى دافى ( يعنى لما تحطى فية صباعك تقدرى تستحملى السخونة ) قلبى الزبادى بالمعلقة كويس لحد ما حتلاقيها بقيت ناعمة ضعيها على الحليب واضربيها فى خلاط العصير ضربتين صبيه فى الاكواب وضعى الاكواب فى الفرن المطفى اللى سبق ودفناه لمدة 4 او 5 ساعات ثم ضعية فى الثلاجة او ضعية فى ماكينة الزبادى وغطيها وشغليها لمدة 4 ساعات او حسب تعليمات الماكينة

سلطة الزبادى
المقادير:
زبادى _ 2فص ثوم ناعم جدا _نقطتين خل نقطتين عصير ليمون
الطريقة:
قلبى الزبادى بالملعقة كويس حتلا قية بقى ناعم ضعى علية الثوم والخل والليمون و زرة فلفل اسود ناعم تقلبى كلة بالملعقة و تصبية فى الطبق . ممكن تزوقية بحلقات خيار او تحطية فيها شرائح رفيعة خيار و ممكن رشة نعناع

سلطه بابا غنوج:
المقادير:
ربع كليو باذنجان أسود كبير+نصف كوب طحينه و مقدونس مفرى+ثلاثه ملاعق زيت+أربعه ملاعق كبيره من الخل+ثلاثه فصوص ثوم و ملح وكمون و شطه حسب الرغبه
الطريقة:
يشوى البذنجان و يدق ناعما، يدق الثوم مع الملح و الكمون و يضاف إلى الطحينه و يقلب يضاف الباذنجان و قليل من الشطه و يقلب جيدا و يزين بالمقدونس

الفروت سلاط (سلطة الفواكة )
المقادير:
فراولة - موز - تفاح -برتقال بسرة -سكر - كريم شانتية - ايس كريم
الطريقة :
اغسلى الفراولة كويس و شيلى العنق الاخضر بتاعها . اذا كانت الوحدات صغيرة خليها زى ما هيا و ازا كانت كبيرة قطعيها نصين او حلقات رشى عليها سكر كتير و اركنيها على جنب حتلاقيها بتنزل العصير الاحمر بتاعها كتير قشرى الموز و قطعية شرائح مدورة وحطية على طول مع الفراوله علشان ما يسودش قشرى البرتقالة و قطعيها مكعبات و حطيها عليهم براحتك ممكن تقشرى التفاح وممكن لا و تقطعية برضة مكعبات و تحطية معاهم و تقلبى كلة مع بعض ممكن افتح علبة كومبوت اناناس او كريز او خوخ و اقطعهم برضة قطع و اضيفهم على الفاكهة بتاعتى اضعهم فى الثلاجة يسقعوا و الفاكهة حتنزل مايتها وحيتجانسوا مع بعض عند التقديم ازا كانت المناسبة عيد ميلاد مثلا اصبه فى طبق غويط و اجملة بوردات الكريمة و اجمل فى كل وردة كريزة صحيحة واذا كان عاندى للضيوف اصبه فى كاسات و اجمل بنفس الطريقة او ممكن اضع معلقة كبيرة كريمة على كل كاس و اقلب و اخلط الكريمة بالفاكهة و بعدين بالمعلقة المخصوص بتاعة الايس كريم اعمل كرة (بولة ) ايس كريم على وش الكاس و ممكن ارش رشة مكسرات مفرومة حسب الرغبة
ملحوظة : اذا قطعتى الموز قبل وضعة على الفراولة بفترة اعصرى علية نص ليمونة عشان ما يسودش ازا اضفتى للمكونات علبة كمبوت ممكن تحطى من العصير اللى فى العلبة على الفاكهة و تقلبى كويس

سلطة الخرشوف
المقادير:
4 عدد خرشوف مسلوق وبارد+نصف كوب طحينه +1 ملعقه كبيره زبادي+ملح - فص ثوم أو رشة ثوم بودره+1 ملعقة كبيره عصير ليمون + 1 ملعقة كبيره خل +قليل من الشطه ( حسب الرغبه )+ملعقه كبيره زيت زيتون أو ذره
الطريقة:
نهرس في الخلاط الخرشوف مع الطحينه والملح والخل والليمون والثوم ونضبط قوام السلطه بقليل من الماء لو إحتجنا نضع السلطه في طبق التقديم ونضع الشطه والزيت علي الوجه

سلطة خضراء بالحمص
المقادير:
حمص مسلوق +خيار - طماطم – خس – ملح – عصير ليمون +ربع كيس مكرونة صغيرة (ميرمرية أو قوقعة )
الطريقة:
- نسلق المكرونه بماء وملح ونشطفها بالماء البارد و نصفيها .- ونقطع الخس والخيار الطماط قطع متوسطة الحجم - ثم نخلط كله مع بعض ونضعالحمص والليمون والملح و المكرونة

سلطة حمص
المقادير:
حمص مسلوق+طحينة حوالى 3 معالق كبيرة +ملح - فلفل - كمون - عصير ليمون - 3 فصوص ثوم – م ك خل - زيت زيتون
الطربقة
نعمل الطحينة كطريقة سلطة الطحينة اننا نفكها بالماء لحد ما تنعم و تسيل و بعدين نضيف لها كل المكونات اللى عندنا نهرس الحمص كويس بالشوكة او نضربة فى الكبة بس يكون خشن شوية نضع الحمص على سلطة الطحينة ونقلبهم كويس لحد ما يندمجوا مع بعض ثم نضعهم فى طبق التقديم و على الوش نقطتين زيت زيتون و بالهنا و الشفا

طريقة تحضير الطحينه فى البيت
المقادير:
1 كوب سمسم أبيض+نصف كوب دقيق أبيض+نصف كوب زيت ذره
الطريقة:
- اطحنى السمسم كويس فى الكبة ثم يوضع فوقه الدقيق و يطحنان برضةمعا جيدا وبعدين تحطيهم فى طبق و بعدين تبدئى تضيفى الزيت بالتدريج يعنى سرسوب (زى ما بنعمل المايونيز )مع التقليب حتى يصبح الخليط ناعم و يشبه الكريمه . كدة يبقى خلاص -حطيها بقى فى برطمان بلاستيك فى الثلاجه لحين الاستخدام و بالهنا و الشفا

سلطة الطحينة (مثل المطاعم) (السر فى المياة المغلية)
المقادير:
علبة طحينة الصغيرة (ام 2 او 3 ج تقريبا)+فصين ثوم صغيرين+ملح – شطة +خل +عصير ليمونة +حوالى 2.5 ك ماء
الطريقة
فرغى الطحينة من العلبة البلاستيك وضعيها فى طبق غويط ضعى الماء فى حلة واغلية كويس قوى اول ما تطفى النار على الماء نزلى الماء وهو بيغلى على الطحينة وقلبى بايدك التانية بسرعة لحد ما توصلى للسمك اللى بتشتريها من المطاعم (بتكون اخف من بتاعة البيت ) وعموما هى مش حتاخد اقل من الكوبايتين ونص ماء ابتدى حطى عليها الثوم المهروس كويس وظبطى الملح واهم حاجة لسعة الشطة اللى بتبقى فيها دى مهمة (هى مش بتبقى حراقة هى بتدعى بس لسعة) وتحطى الخل وبرضة ما بيقلش عن 4 معالق كبيرة (تظبيطة الحدق والطعم عليكى) واخلطيهم كويس ولما تبرد حتلاقيها نفس طعم المطاعم

الكاتشاب
المقادير:
كيلو طماطم متسبكة+2 م متوسطة نشا+2 م ك سكر(حسب الرغبة)+فص ثوم مفروم+2 م ك خل
الطريقة:
نصفي عصير الطماطم علي نار هادئة ونضيف اليه كل المقادير ونتركها تبرد ثم نحطها في برطمان ونحتفظ بيها في الثلاجة وكل واحدة وزوقها يعني انا بحب ازود الخل والسكر شوية زيدي او اننقصي براحتك

ملحوظات مهمة جدا قبل عمل التومية
1- يجب ان تستخدمى الخلاط (الكيتشن ماشين )لانها عايزة ضرب جامد ومستمر
2- لازم تفصلى الصفار عن البياض كويس
3- لازم لازم لازم يكون البيض بنفس درجة حرارة الزيت بمعنى ازا كان البيض محطوط فى الثلاجة يبقى تحطى الزيت زيه فى الثلاجة قبل عمل التومية علشان ماتفصلش منك
4- لازم عند وضع المقادير فى الاول يكون لمدة 10 ثوانى بس اى تعدى من 1 ل 10
5- ما تطفيش الخلاط خالص طول ما احنا شغالين فى العمل و بنفس القوة و السرعة
6- ازا عملتى الثومية بالبياض لوحدة خلاص
7- لكن ازا عملتى التومية بالصفار لوحدة تتبعى نفس الطريقة هى هى لكن بعد ما تخلصى لتر الزيت فى الاخر وقبل ما تطفى الخلاط تضيفى على التومية معلقة كبيرة زبادى بلدى عشان يبقى لونها ابيض مش اصفر
8- ازا كنتى عايزة كمية حلوة نعمل التومية بالصفار لوحدة و بعد ما تخلصيها و تشيليها نعمل تومية بالبياض لوحدة و بعدين تحطى الكمية دى على الكمية التانية و تخلطيهم مع بعض و بالهنا و الشفا

التومية
المقادير:
5 بيضات +زرة ملح +معلقة اكل زيت زرة +2 فص ثوم بلدى +1/2 ليمونة كبيرة او ليمونة صغيرة+1 لتر زيت زرة
الطريقة:
نفصل الصفار عن البياض تماما - نضع فى الخلاط البياض + زرة الملح + معلقة الزيت + فصين الثوم + نص الليمونة - شغلى الخلاط على اسرع درجة و عدى 1-2-3-4-5-6 -7-8-9-10 - والخلاط شغال زى ماهو وعلى نفس الدرجة العالية ابتدى نزلى لتر الزيت على هيئة سرسوب رفيع برفع الفتلة وما يتقطعش لحد ما تخلصى الزيت كلة وتلاقى التومية مسكت- ملحوظة : ارجو قراءة الملحوظات كويس جدا قبل البدء فى العمل الزيت لازم يكون زيت زرة مش زيت زيتون

طريقة أخرى للتوميه
المقادير:
كوب زبادي +بطاطس مسلوقه ( في حجم حوالي 2 بيضه )+ملعقه كبيره مايونيز+ملعقه كبيره زيت ذره+فص توم صغير - رشة ملح - ملعقه صغيره خل
الطريقة:
أمزج جميع المكونات في دورق الخلاط .. إلي أن ينعموا تماما أختبر القوام لو تقيل شويه أضيف زبادي ولو خفيف يبقي محتاج بطاطس

طريقة أخرى للثومية
التوميه ليها عدة طرق .. وكلها طعمها حلو
1 - الطريقه الأولي السريعه :ملعقه كبيره مايونيز + ملعقه كبيره زبادي + رشة ثوم بودره ( يقلبوا جيدا )
2 - الطريقة الثانية :كوب بطاطس مسلوقه ومهروسه + ملح +كوب ماء + 2 ملعقة نشا+نصف كوب زبادي+ملعقه صغيره ثوم مفروم + ملعقه صغيره عصير ليمون+ندوب النشا في الماء ونرفعها علي النار إلي أن تتخن .. ونتركها تبردنضع جميع المكونات في الخلاط مع القليل من الزي

سلطة الجبنة البيضاء
المقادير:
ربع كيلو جبنة بيضاء – 2 خيار – 2 طماطم – ورقتين خس – ملح –معلقة كبيرة عصير ليمون – معلقة صغيرة زعتر
الطريقة:
قطعى الجبنة مربعات صغيرة نغسل الخس و الخيار و الطماطم و نقطع كله مربعات صغيرة نضع الجبنة عليهم و نخلطهم ببعض بالراحة علشان تفضل الجبنه محتفظة بشكلها نخلط الملح و الزعتر وعصير الليمون بالمعلقة و نضعهم على السلطة ونخلطهم

سلطة البطاطس
المقادير:
2 بطاسطاية كبيرة مسلوقة – 2 معلقة زيت زيتون – معلقة كبيرة عصير ليمون – فص ثوم – 2 معلقة كبيرة بقدونس مفروم – بصلة متوسطة مبشورة – ملح وفلفل – ربع كوب زيت زرة
الطريقة
نقطع البطاطس المسلوقة مكعبات نضع الزيت الزرة على النار ونضع علية البصل و الثوم لحد ما يحمروا نضع عليهم البطاطس و الملح و الفلفل و نقلبهم بالراحة بالمعلقة وطى النار و سيبيهم شوية حوالى 10 دقائق وبعدين شيليهم من على النار وضعيهم فى طبق مع نص مقدار البقدونس اخلطى الليمون بزيت الزيتون كويس وبعدين صبيهم فوقهم و عليهم نص البقدونس التانى

سلطة الفراخ
المقادير:
صدر فرخة مسلوق ( ممكن لو كان بايت )- نص كيس مكرونة اى نوع ماعدا الاسباكتى – 4 معالق كبيرة مايونيز – ملح وفلفل – معلقة كبيرة عصير ليمون – بطاسطاية مسلوقة و مقطعة مكعبات – جزرة مبشورة
الطريقة
نسلى الصدر الى خيوط متوسطة او مربعات صغيرة ثم ضعى صدر الفرخة المقطع على البطاطس مع الجزرة المبشورة مع المكرونة المسلوقة واخلطيهم كويس ضعى الملح والفلفل و الليمون على المايونيز و اخلطيهم كويس وبعدين نصبهم على خليط الفراخ و تقلبى كلة مع بعضة

سلطة البقدونس
المقادير:
3 حزمة بقدونس – 2 بصلة متوسطة – ربع كوب زيت زيتون – نص كيلو طماطم – عصير لمونتين – ملح وفلفل
الطريقة
اغسلى البقدونس كويس وبعدين خرطية بالسكينة مش رفيع نغسل الطماطم ونقطعها مربعات صغيرة نقشر البصل ونقطعة رفيع . نحط البقدونس على الطماطم على البصل ونقلبهم اخلطى عصير الليمون مع زيت الزيتون مع الملح والفلفل وبعدين حطيهم على السلطة

سلطة الخيار باللبنة
المقادير:
3 معالق لبنة – 2 كوب زبادى – فصين ثوم مهروسين – 2 خيارة – ملح
الطريقة
اغسلى الخيار وقشرية و ابشرية بالمبشرة ورشى علية رشة ملح ضعى الثوم و الزبادى و اللبنة فى الخلاط لمدة 2 دقيقة او فى المضرب اليدوى نضع الخيار فى الخليط و يقلب حيدا (السلطة دى جميلة مع المشاوى)
**
التبوله
المقادير:
نصف كوب برغل+2 طماطم كبيره+1 بصله كبيره+2 كوب بقدونس مقطع ناعم بالسكين+نصف كوب نعناع أخضر مقطع ناعم بالسكين+حوالي ربع كوب عصير ليمون+حوالي ربع كوب زيت زيتون+ملعقه صغيره ملح
الطريقه
نقطع الطماطم والبصل مربعات صغيره ونخلطها مع البقدونس والنعناع نغسل البرغل جيدا وأفضله جامد بدون نقع وأضيفه عليهم أضع مكونات التتبيل الزيت والليمون والملح في برطمان وأغلقه وأهزه بقوه حتي تمتزج المكونات .. وأتبل بها التبوله

سلطه البطاطس
المقادير:
نصف كيلو بطاطس +2 ملعقة كزبره خضراء مقطعه بالسكين ناعم+2 ملعقة مايونيز +1 ملعقة زبادي+1 ملعقه زيت ذره
الطريقه
أقشر البطاطس وأقطعها مكعبات صغيره أسلقها في صينيه أومقلايه واسعه بها ماء وملح وأراعي أن تكون جامده ولا تتفتت بعد أن تبرد تماما ..أضيف الكزبره أدعك المايونيز مع الزبادي وأضيفهم للبطاطس .. وأقلب بخفه

سلطة الفاصوليا البيضاء
المقادير:
1/4كجم فاصوليا بيضاء +1 بصله متوسطه+1 جزره متوسطه+1 فلفله حلوه+1 طماطم +ملح - خل - ليمون - زيت ذره
الطريقة
ننقع الفاصوليا في الماء لمدة يوم ثم نغير الماء ونسلقها نقطع البصله والفلفله والطماطم قطع صغيره ونبشر الجزره ونضيفهم للفاصوليا بعد أن تبرد نتبل بمكونات تتبيل السلطه نضع مكونات التتبيل ( الليمون والخل والزيت والملح ) في زجاجه أو برطمان مغلق ونهزه بشده حتي تمتزج مكوناتها وتتخن .. ويستعمل لتتبيل معظم السلطات

سلطة البنجر
المقادير:
1 كيلو بنجر +مكونات التتبيل ( ملح - ليمون - خل - زيت ذره )
الطريقه
نسلق وحدات البنجرفي ماء وبعد أن تبرد نقشرها ونقطعها مكعبات صغيره نتبلها بمكونات التتبيل ( الملح والخل والليمون والزيت ) ممكن وضع ثوم مفروم أو بودره علي السلطات .. حسب الرغبه

سلطة الشبت
المقادير:
حزمة شبت+1 طماطم كبيره+2 فلفل حراق+2 ملعقه كبيره طحينه+2 ملعقة زيت+ملح
الطريقه
بإستعمال الكبه .. نفري الفلفل والملح .. ثم نفري الشبت .. ثم الطماطم نضع المكونات في طبق ونقلب معها الطحينه ونضع الزيت علي الوجه ممكن مزج مكونات السلطه ناعمه أو خشنه .. وكل طريقه لها جمالها

سلطة الفاصوليا الخضراء بالسكر
المقادير:
نصف كيلو فاصوليا خضراء+1 كوب سكر + 1 كوب ماء+2 ملعقه كبيره مايونيز + 2 ملعقه كبيره كاتشاب+بصله متوسطه
الطريقه
نضع السكر والماء علي النار وبعد أن يغلي نضع عليه ملعقه صغيره عصير ليمون ونتركه يغلي قليلا نقطع الفاصوليا ونسلقها .. ثمنصفيها منالماء ونتركها تبرد نقطع البصله جوانح أو دوائر رفيعه نضع الفاصوليا والبصل طبقات في سلطانيه نغمرها بشربات السكر نمزج المايونيز والكاتشاب جيدا وقت التقديم .. ننشل كميه فاصوليا ونقلب عليها من خليط المايونيز والكاتشاب

سلطة البسله والجزر
المقادير:
1 كوب بسله +1 كوب جزر+2 ملعقة مايونيز
الطريقه:
نقطع الجزر مكعبات صغيره أكبر قليلا من البسله نسلق الجزر والبسله في ماء مملح .. ثم نصفيهم من الماء ونتركهم ليبردوا نقلبهم مع المايونيز

الفتــــوش
المقادير:
3 عدد خيار +3 عدد طماطم +3 عدد فجل +3 بصل أخضر+1 عدد بصل ناشف +نصف ك نعناع +نصف ك بقدونس +ك خس +نصف رغيف شامي مقطع صغير محمص أو مقلي في زيت+خليط التتبيل ( ليمون - زيت زيتون - ملح - سماق )+رشة توم بودره
الطريقة:
تقطع جميع الخضروات قطع صغيرة يضاف الملح والزيت والليمون والسماق وتقلب بوضع الخبز عليها

سلطة الكرنب ( الكول سلو )
المقادير:
نص كرنبه +2 جزرة مقشرة ومبشورة+2 معلقة سكر+2 معلقة خل+1/2ك كريمة لبانى (قشدة الخفق)+5 معالق مايونيز+ربع كوب حليب+ذرة ملح
الطريقة
نقطع الكرنب قطع صغيرة جدا نضع الجزر المبشور على الكرنب و نخلطهم ببعض فى طبق غويط نضع المايونيز + الكريمة اللبانى + الحليب + الملح + الخل + السكر ونقلبهم كويس جدا مع بعض نصب الخليط على الكرنب بالجزر ونقلبه كويس جدا لحد ما الخلطه تبقى فى الكرنب كله ضعيها فى اناء زجاجى او بلاستيك وضعى قطعة نايلون على وش الطبق ودخليها الثلاجة مايقلش عن ساعتين
ملحوظة: كل ما تترك فى التتبيلة كل ما تبقى احلى انا بقطع الكرنب شرائح بالسكينة الكهرباء وبعدين بالمخرطة بتاعة الملوخية
بتطلع حلوة احلى من الكبة

سلطة الجمبرى
المقادير:
كيلو جمبرى صغير مسلوق +3 معالق مايونيز – ورقتين خس
الطريقة
بعد ما نسلق الجمبرى ويبرد نقشرة نشيل خط الرمل اللى بيكون فى الضهر نضع المايونيز على الجمبرى ونخلطهم بالمعلقة نفرش فى طبق ورق الخس ونضع علية سلطة الجمبرى ونضع على جانب الطبق واحدة جمبرى بقشرها لتزيين الطبق

سلطة الباذنجان
المقادير:
2 حبة باذنجان مقطعة و مقلية بشكل عادي+كيلو لبن رايب+3 فصوص ثوم مهروسين+ملح
الطريقة
خففي اللبن بشوية ماء و اخفقيه مع الثوم و الملح قطعي الباذنجان المقلي الى مربعات صغيرة و اخلطيه مع اللبن و قدميه ينفع مع الرز بالدجاج

سلطة الباذنجان بالخبز المحمص
المقادير
حبتين خبز عربي مقطع شرائح صغيرة+عدد 5 حبات باذنجان متوسطي الحجم+عدد 5 حبات مخلل خيار +ملعقتي طعام زيت زيتون+ملعقتي طعام عصير ليمون+ملعقة طعام خل+ملعقة شاي سماق+قليل من الملح+قليل من الفلفل الأسود+زيت للقلي
الطريقة:
يقطع الباذنجان إلى شرائح ويغلى في الزيت حتى يحمر ثم يوضع على ورق مطبخ لإمتصاص الزيت الزائد يتبل الباذنجان مع باقي المقادير ما عدا الخبز والمخلل ويترك لمدة ساعتين تقريبا يحمص الخبز في قليل من الزيت في وعاء التقديم توضع طبقة من خليط الباذنجان ثم طبقة من الخبز المحمص تكرر الطبقات حتى نفاذ الكمية يقطع المخلل إلى شرائح ثم توضع على سطح السلطة

صلصةالطماطم الحارة
المقادير:
2 حبة طماطم+2 بصلة كبيرة او وسط+بهارات (ملح\فلفل\شطة\بهارات)+2 معلقة طعام قرفة+كمية مناسبة من مكرونة لسان العصفور محمرة فى زيت وجاهزة+خل\زيت زيتون+1 فلفل حامى
الطريقة:_
احضرى صينية فرن صغيرة وضعى فيها الطمام والبصلة زى ماهما بس طبعا مقشرة البصل وبندخلهم الفرن حوالى 10 دقايق لحد ما نحس انهم دبلوة بعد كدة نخلطهم بالخلاط مع اضافة كل البهارات السابقة معهم وشوية ماء او خل بس نضربهم ضربة واحدة بس مش كتير علشان ميبقاش عصير فى النهاية نضيف عليها لسان العصفور

سلطة ال سوزن suzan (سلطة الفراخ بالكاتشاب):
المقادير:
فراخ بانية مقطعة مكعبات صغيرة ومسلوقة (العدد حسب الرغبة)+ملح\فلفل\بهارات\قرفة+ك مية مناسبة من الكاتشاب والمايونيز+ خيار مخلل مقطع قطع صغيرة جدا+زيت زيتون وقليل من الماء
الطريقة:_
نضع الكاتشاب على المايونيز ويضرب معا فى الخلاط ولو كان تقيل ضيفى قليل من الزيت كلما احتاجت حتى يخف سمك الخليط
ثم نضع باقى البهارات والملح والفلفل ممكن نضرب الخيار المخلل مرة واحدة سريعة بالخلاط ويوزع على الخليط حيدى طعم مقرمش جميل وحيكون مش ظاهر اخر حاجة نضيف الفراخ المسلوقة

المايونيز
المقادير:
2 بيضه كامله (غير مفصوله)+1 م ك مسترده+1 م ك خل+عصير ليمونتين+ملح + فلفل أبيض+زيت حوالى 1/3 زجاجه
الطريقة:
يتم الضرب فى خلاط قوى ولا يطفئ حتى ننتهى تماما أولا نضع البيض ثم المستردة والخل والليمون ومن زجاجة الزيت نعمل فى الغطاء خرم صغير حتى ينزل مثل شريط زفيع جدا متصل دون أن ينقطع من الفتحة الصغيرة العليا بالخلاط وأثناء الضرب نضيف الملح والفلفل وعندما يتخن ولا نجد الخلاط يلف نطفئ ويتم تعبئة الخليط فى برطمان نظيف معقم وتوضع بالثلاجة

طريقة أخرى للمايونيز
المقادير:
لكل كيلو زيت ....6 صفار بيض - 2 معلقة خل - 2 معلقة عصير ليمون - 1 معلقة مستردة - نقطة واحدة ماء مغلى
الطريقة
اول حاجة لازم لازم يكون الطبق و المضرب ناشفين تماما من الماء اضع صفار البيض فى الخلاط + المستردة واضربهم كويس جدا لمدة دقيقتين ثم انزل الزيت عليهم يا دوب سرسوب رفيع جدا جدا ما يتقطعش ولا يقطع منك وفى نفس الوقت المضرب شغال ما تطفيهوش لحد ما تخاصى خالص حنفضل كدة لحد ما حتلاقية بيتخن وتخلصى مقدار الزيت اضع الليمون والخل واضرب (علشان لونه يفتح ما يبقاش اصفر)ثم اضع نقطة الماء وتقليبة واطفى المضرب وكدة بقى جاهز عندك وعبيه فى لرطمان نظيف

سلطة الكوسة بالزبادى
المقادير:
كيلو كوسة مسلوقة+2 كوب زبادى+4 فصوص ثوم مهروسين+معلقة كبيرة زيت زيتون+ملح و فلفل +م ك بقدونس مفروم
الطريقة
اضربى الكوسة المسلوقة فى الخلاط ضعى الثوم و الملح والفلفل على الزبادى وقلبيهم تقليبة ثم ضعى عليهم الكوسة المهروسة واخلطيهم ببعض كويس ضعيهم فى طبق التقديم وضعى على الوش زيت الزيتون و البقدونس المفروم

سلطة حمص بالمايونيز (مسبحة)
المقادير:
1 زبادى – 2 معلقة كبيرة مايونيز – علبة حمص معلبة جاهزة – معلقة كبيرة خل +ملح – ثوم – عصير ليمون – زيت زيتون + ( زيتون مفصص – كمون – سماق- قطع مخلل صغيرة خيار )
الطريقة
صفى علبة الحمص من الماء بتاعتها واغسلية ضعى المقادير اللى خارج القوس فى الكبة واخلطيهم كويس واذا كانت ناشفة زودى شوية زبادى .والعكس اذا كانت خفيفة زودى حمص مطحون ضعيها فى طبق التقديم وزوقيها برشة سماق ورشة كمون والزيتون والخيارالمخلل

سلطة ذرة
المقادير:
2 ملعقه زيت – علبه ذره نصف كيلو – فلفله خضراء – بصا اخضر حسب الرغبه – طماطم صغيره الحجم مقطعه بالنصف – بقدونس مفروم – ملح وفلفل، للدريسينج :نصف ملعقه سكر – ملعقتين خل – نصف ملعقه مسطرده ديجون – ملعقه بقدونس مفروم – ملعقه مايونيز – ربع ملعقه كاتشب حار
الطريقة:
على النار بنحط الذره والفلفل والبصل الاخضر نشوحهم خمس دقائق ننقلها لطبق السلطه نضع كل الخضروات ونخلط الدريسينج ونصبه على الذره ونقدمها دافئه

متبل قرع عسل سريع
المقادير:
معلقة زيت كبيرة - بصلة متوسطة - فصين ثوم - قرع - ملح وفلفل وبهارات
الطريقة
قطعى البصله قطع صغيره و فصين الثوم واقليهم شوية مع معلقة زيت بعدين حطى عليهم القرع المقطع قطع صغيره على شكل مربعات واستمرى في التقليب لحد ما القرع يستوى وبعدين احط ملح وبهارات

القرع بالزيت والليمون
المقادير:
3/4 كيلو قرع مسلوق – بقدونس مفروم – صلصة فرنسية
الطريقة
طلعى القرع من الماء اللى سلقتية فية وصفية رصصى فى طبق التقديم وصبى فوقه كمية معقولة من الصلصة الفرنسية واتركيهم من ربع لنص ساعة قبل الاكل . ورشى البقدونس على الوش

التونة المقلوبة
المقادير:
علبة تونة كبيرة (صفيها من الزيت)+2 معلقة كبيرة مايونيز+2 معلقة كبيرة عصير ليمون+بصلة صغيرة مفرومة+خيارة مخللة صغيرة مفرومة+معلقة كبيرة بقدونس مفروم+معلقة كبيرة صلصة طماطم+نص معلقة صغيرة مستردة بودرة+3 معالق صغيرة جيلاتين+معلقتين كبار ماء+ربع معلقة صغيرة سكر
الطريقة
اخلطى التونة والمايونيز والبصلة و عصير الليمون و والخيار المخلل مع بعض كويس فى الخلاط ثم ضعى عليهم البقدونس والصلصة والمستردة البودرة والسكر واخلطيهم كويس دوبى الجيلاتين فى الماء الساخن ثم ضيفية لخليط التونة هاتى ةرقة فويل او ورقة كيس بلاستيك وافرديها امامك وضعى التونة ولفيها على هيئة قالب سويسرول و اقفليها كويس وضعيها فى الثلاجة من بليل لتانى يوم ولما تطلعيها تفتحى الورقة وتقطعيها شرائح وتزوقيها بالخس وشرائح الليمون ( او ) جهزى قوالب صغيرة من بتاعة الجيلى وبليها بالماء وماتنشفيهاش قسمى الخليط على القوالب وسوى القالب ودخليهم الثلاجة من بليل لتانى يوم .عند التقديم اقلبى القالب فى طبق وزينيه بحلقات الليمون

سلطة التونه
المقادير
علبة كبيره من التونه+نصف كاس من حبات الذره المعلبه+حبتان من الطماطم+بصله صغيره , حبتان من الجزر+حبتان من الفليفله الخضراء والحمراء+2 م ك من البقدونس +عصير ليمونتين+قليل من زيت الزيتون+1/2م ص من الملح +م ك مايونيز
الطريقة :
يزال الزيت من التونه وتهرس محتويات العلبه بالشوكه حتي تتحول الي قطع صغيره يضاف الي التونه كل من البقدونس والطماطم و حبات الذره والبصله والفليفله والجزر المبشور تضاف صلصة المايونيز الي خليط التونه والخضار ويخلط جيدا حتي يتجانس الجميع يمزج عصير الليمون مع زيت الزيتون والملح ويضاف الي سلطة التونه ويقدم
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 2:32 am

(( قسم المقبلات))

حلقات البصل
المقادير:
3 بصلات حجم كبير+نصف كوب لبن+نصف كوب دقيق+1 بيضة+ملح و فلفل اسود و زعتر +بقسماط +زيت غزير للقلي
الطريقة:
يقطع البصل حلقات بسمك 1 سم تقريبا للحلقة و تفصل الحلقات عن بعضها،نخلط الدقيق و اللبن و البيضة و التوابل جيدا و نغمس فيها الحلقات ثم نغلفها بالبقسماط و نتركها في الثلاجة 3 أو 4 ساعات،نقلي الحلقات في زيت غزير حتى يصبح لونها ذهبي و نضعها على مناديل ورقية لامتصاص الزيت الزائد

العجة
المقادير:
4 او 5 بيضات حسب مقاس الطاسة التيفال بتاعتك+نص حزمة بقدونس _ معلقة صغيرة دقيق+بصلة متوسطة +طماطماية متوسطة +ملح _ فلفل+معلقة سمن
الطريقة
اكسر البيض و اضربة بالشوكة فى سلطانية و احط الملح و الفلفل و الدقيق واربهم كويس بالشوكة اضع السمن فى المقلاية و اضع البصل لحد ما يصفر و بعدين الطماطماية و اقلب تقليبة و بعدين البقدونس المغسول و المفروم و اقلب تقليبة و بعدين اروح كباهم على اللى فى الطبق الغويط و اقلب كلة عشان يندمجوا مع بعض احط حتة سمن صغيرة و انزل عليها كل المقدار لحد مايستوى قرص العجة من تحت و اروح قلباة فى طبق و ارجعه تانى المقلاية على الوش التانى لحد ما يستوى و كدة يكون قرص العجة استوى

صينية العجة فى الفرن
المقادير
10 بيضات+3 معالق كبيرة دقيق +بصلة متوسطة مخرطة +نص حزمة بقدونس مخرطة ( الاوراق بس بدون العيدان )+2 طماطماية متوسطة و مقطعة صغير +ثلث كوب زيت +ملح و فلفل
الطريقة
فى سلطانية نضرب كويس البيض و الدقيق بمضرب البيض اضع علية البقدونس و الطماطم و البصل و الزيت و نخلطهم كلكم تماما ندهن صينية بالزيت و نصب فية الخليط و ندخلة الفرن حوالى من 10 دقايق لربع ساعة لحد ما تلاقى الوش بقى مصفر و لونة حلو مش احمر علشان تفضل هشة زى الكيكة ما تنشفش

البصـــــــارة
المقادير :
نص كيلو فول مدشوش+3 حزمة بقدونس_ حزمة كسبرة خضراء +1 بصلة كبيرة او بصلتين متوسطين +1 رأس ثوم +ملح، فلفل أسود +كمون، نعناع ناشف ، للتقلية :ثوم، كسبرة ناشفة ، عصير ليمونتين ،زيت
الطريقة
نغسل الخضرة كويس و نخرطها بالسكينة نسلق الفول والبقدونس والكزبرة مع البصل والثوم مع بعض فى ماء حتى يستوي تماماً ويتهري. وممكن تسوى فى حلة الضغط ( البرستو ) وممكن لو عازت ماء نضيف لها نستنى لما تبرد شوية و نضربها فى الخلاط ونرجعها على النار تانى . نحط لها بقى الملح والفلفل الأسود والكمون والنعناع ونسيبها لحد ماتغلى نكون عملنا التقلية نضع الزيت على النار حوالى 3 معالق ثم اضع الثوم المهروس لحد ما يصفر ثم اضع الكزبرة الناعمة الناشفة. بعد ماتجهز خدى منها شوية و حطيها فى البصارة قبل ما تغرفيها فى الاطباق مع تقليبة ثم اضع عصير ليمونة كبيرة او ليمونتين و اطفى النار على طول .بعد مانغرف البصارة فى الاطباق نضع باقى مقدار التقلية على وش الاطباق طبق

البصــــــــارة بالملوخية
أسلق نص كيلو فول مدشوش بس بعد ما أكون ناقعاه حوالي ساعتين عشان يتسلق بسرعه .. وبعد كدة بأعمل له دقه بملعقه كبيره ثوم مع ملعقه كبيره كمون وشوية شطه وده في الكبه وأحط ملح بعد الفول ما يستوي .. وأحط ملوخيه ناشفه وتكون ناعمه .. حوالي أقل من كوب .. أرش وأقلب لغاية ما تعطيني لون حلو للبصاره.. وبعدها بأعمل تقليه ببصله كبيره مبشوره أو مقطعه جوانح مع أقل من نص كوب زيت ذره .. ولما البصله تتحمر بني غامق .. أحط الزيت علي البصاره وأحتفظ بالبصل لتجميل وجه الطبق يبقي كده البصاره خلصت بس لسه عاوزه تتصفي .. أستني عليها لما تبرد وأخلطها في الخلاط وأصفيها بمصفاه سلك.. وأرجع أغليها غلوه عشان أضبط القوام بتاعها .. لوكان تقيل أزيد ميه ولو خفيف أغليها شويه .. وأضبط الملح كمان أفرغها في أطباق وأرش علي الوجه البصل المحمر وبقدونس وممكن صنوبر محمر ..

فتة الحمص
المقادير:
حمص مسلوق+ملعقتان طحينه +ملح – كمون+5 اكواب زبادى +5 فصوص ثوم مهروسة +رغيف فينو مقطع مكعبات ومقلي فى شوية زيت او نحطهم فى صينية فى الفرن لحد ما يحمر و ينشف+2/1 ملعقة من الفلفل الاحمر الناعم+ملعقة صغيرة خل
الطريقة:
- سخني الحمص ثم أخلطي الثوم والخل والملح والطحينة والزبادى- ضعي الخبز المقلي في صينية التقديم كطبقة اولى ثم ضعى عليه الحمص المسخن كطبقة تانية ثم خليط الزبادى- بعدين رشى على الوش الفلفل والكمون ويقدم ساخناً .

الجبنه القديمه
المقادير:
قطع من الجبنه القريش +مورته ( ناتج تسييح الزبده لعمل السمنه )+لبن - قليل من الشطه – ملح
المقادير:
نرش الجبنه القريش بالملح حتي تصفي الماء من داخلها..عندها لا بد وأن تكون الجبنه القريش صلبه نجهز كمية من المورته وهي ناتج تسييح الزبده لعمل السمنه ..وألا تكون محروقة بل يكون لونها بيج غامق .. ونرش عليها شطه وملح نرص في إناء من الفخار قطع الجبن ونضع بين الطبقات المورته ونضع اللبن المغلي بعد أن يبرد .. نغطي الجبن باللبن وهو بارد نحكم قفل الجبنه بإحكام .. بعد حوالي شهرين تبقي قدمت تمام .. لكن ممكن بعد شهر ينفع يتاكل منها دي طريقه لعمل الجبنه القديمه .. بدون خميره سابقه

عجة الفول المدمس
المقادير:
4 بيضات +بصلة صغيرة مبشورة+ كوب فول مدمس+معلقة صغيرة زيت +معلقة صغيرة بقدونس مفروم+ملح – فلفل – كمون
الطريقة:
شيلى القشرة بتاعة الفول واهرسية كويس بالشوكة او صفية حمرى البصلة فى الزيت اضربى البيض بالشوكة كويس وعلية الملح والفلفل والكمون و البصلة المحمرة والبقدونس وضعى عليهم الفول المصفى نضع معلقة زيت فى المقلاية ونضع فيها الخليط كله ونستنى لحد ما القاع يمسك وبعدين نقلبها على الوش التانى لحد ما يمسك وتستوى نقلب العجة فى طبق التقديم

طرق للفول لسحور رمضان

1-الفول بالزيت و الكمون:
يضاف للفول عصير ليمون و ملح و كمون و زيت (ذرة او زيتون زي ماتحبوا).
2- الفول بالدقة:
تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.
3- الفول بالسلطة:
تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.
4- الفول بالطماطم:
تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.
5- الفول بالسمنة أو الزبدة:
نضيف للفول سمن أو زبدة حسب الطلب و بدل الكمون بنضع فلفل أسود و ملح.
6- الفول بالبيض:
نقلي البيض عادي و بعدين نضيف له الفول و ملح و فلفل أسود.
7- الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
8- صينية الفول بالبيض في الفرن:
نفس الخطوات السابقة ننفذها و بعدين نضع الفول الساخن في صينية الفرن و نكسر عدد البيضات اللي نحبه عليه بحيث يكون الصفار سليم و بعدين ندخله الفرن ونولعه من تحت شوية لحد ما البيض يستوي و بعدين نولع الشواية من فوق شوية لحد مالوجه يكون ذهبي.
9- البيض بالسجق:
نجيب السجق و نقطعه و نحمره في السمن و بعدين نضيف الفول و الملح و الفلفل الاسود.
10- الفول بالباذنجان:
لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.
11- فول بالطحينة :
المقادير:
فول مدمس +طماطماية+معلقة كبيرة بقدونس مفروم+نص معلقة صغيرة ثوم مهروس+معلقة كبيرة طحينة+معلقة خل+معلقة عصير ليمون +معلقتين كبار زيت+ملح و كمون
الطريقة
سخنى الفول واهرسية بالشوكة وقطعى علية الطماطماية قطع صغيرة ضعى فى طبق الطحينة والخل والزيت والثوم و البقدونس واخلطيهم كلهم مع بعض وبعدين ضعيهم على الفول وتبلى بالملح والكمون

12- فول بالفلفل الاخضر :
المقادير:
فول مدمس +نص معلقة صغيرة ثوم مهروس+واحدة فلفل رومى +كوب عصير طماطم +ملح وفلفل وكمون +2 معلقة زيت (او ممكن لو بتحبية بالزبدة يبقى معلقة زبدة)
الطريقة
ضعى الزيت او الزبدة على النار وحمرى فيه الثوم لحد ما يصفر ضعى علية عصير الطماطم وخليها على النار لحد ما تتسبك ثم ضعى الفول وشوية مياة صغيرين قطعى الفلفل مكعبات صغيرة وضعية على الفول و تبلى بالملح والكمون يغلو غلوة مع بعض

13- فول بالزبدة والثوم :
المقادير:
فول مدمس+2 معلقة صغيرة ثوم+معلقة كبيرة زبدة+معلقة عصير ليمون +ملح وفلفل وكمون
الطريقة:
ضعى الزبدة على النار وحمرى فيها الثوم ثم ضعى عصير الليمون وقلبيهم ثم ضعيهم على الفول وهو سخن وتبللى بالملح والفلفل والكمون ويغرف

الطعمية
المقادير:
½ كجم فول(مدشوش)+بصلة متوسطة مقطعة+م ص ثوم+نص ك كزبرة خضراء وشبت+½ ك كرات+1 م ص كزبرة ناشفة+½ معلقة صغيرة بيكربونات صودا+معلقة صغيرة ماء+ملح- شطة+ربع معلقة كمون مطحون+سمسم للتزيين+ زيت
الطريقة:
يغسل الفول وينقع لمدة 12 ساعة مع تغيير الماء كل ساعتين يشطف الفول جيداً ويصفى من الماء تخلط الخصروات مع الفول.ثم تفرم سواء بمفرمة اللحم او الكبة مرتين لحد ما ينعموا خالص نذوب بيكربونات الصودا في الماء وتضاف إلى العجينة ثم نضع الملح والشطة و الكزبرة و الكمون وتقلب جيدا يوضع الزيت في مقلاة على نار متوسطة.نعمل عجينة الطعمية أقراص صغيرة بمعلقتين او بالة الطعمية المخصوصة ونحط وش الطعمياية فى السمسم وتقلى في الزيت لحد ما تستوى وتنشف
ملحوظة: اذا كنتى حتشيليها فى كيس نايلون فى الفريزر ومش حتحمريها يبقى ماتحطيلهاش البيكربونات

الطعمية المحشية
المقادير:
بصله مقطعه صغير-ملح - فلفل اسود - كزبره ناشفة - كمون - قرفه ناعمه - فلفلة خضراء حامية
الطريقة
شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى وممكن نحشيها بيض مسلوق بعد ماتسلقى تقطعية شرائح رفيعة جدا وتضعى شريحة فى كل قرص طعمية

اومليت الطعمية
بعد ما تخلصى العجينة شيلى جزء منها واضربى بيضتين فى طبق بالشوكة وضعيهم على العجينة واضربيهم بالشوكة علشان يختلطوا وبعدين تروحى حاطة شوية زيت صغيرين او حتة زبدة فى مقلاية وتنزلى شوية كأنك بتعملى اومليت او عجة لحد ما تستوى على الوشين وتبقى قرص

الفرتـــــــــ،يتا (أومليت مخبوز)
المقادير :
8 بيض كبيرة+2/3 ك (150 مل) كريمة خفيفة+1/2 ك (50غ) جبنة تشيدر مبشورة+- 1/4 ك (25 غ) جبنة بارميزان مبشورة+- 2 م.ك أعشاب طازجة مفرومة+- ملح و فلفل +- 2 م.ك زيت زيتون
الطريقة:
حمي الفرن إلى درجة 350 فهرنهايت (180 مئوية) اخفقي البيض مع الكريمة و الجبنة و الأعشاب و الملح و الفلفل - سخني الزيت في مقلاة أومليت غير لاصقة على حرارة وسط حتى يسخن ثم صبي مزيج البيض مع تحريك المقلاة لمد المقادير بشكل متساو- انقلي المقلاة للفرن و اخبزيها ل 20 دقيقة أو حتى ينضج الأومليت من المركز - ضعي طبقا مقلوبا فوق المقلاة و اقلبيهم معا لوضع الأومليت بالطبق
الرجوع الى أعلى الصفحة اذهب الى الأسفل
نور الهدى
نائب المدير العام
نائب المدير العام
نور الهدى


الجنس : انثى
عدد المشاركات : 10728
العمل/ الدراسة : تربيه قسم تاريخ
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 2py5pvt

ملف  للأكلات المصرية شامل لاغنى عنه لست البيت المصريه O2

ملف  للأكلات المصرية شامل لاغنى عنه لست البيت المصريه O17
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue80 / 10080 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 04/01/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأحد 08 نوفمبر 2009, 2:33 am

(( قسم المشروبات))

البلح بالحليب
المقادير:
بلح ناشف – حليب – سكر حسب الرغبة
الطريقة
اكسرى البلح الى نصين والنص الى نصين كمان وضعية فى طبق غويط وعلية حليب يغطيه من بليل لتانى يوم لحد ما حتلاقى البلح طرى وعمل لون بنى فاتح جميل فى الحليب وبالنسبة للسكر ممكن اضافته للحليب وفيه ناس بتفضل التحليه الطبيعية للبلح ويقدم عند الفطور فى كوبايات

ميلك شيك
المقادير:
2 ك ايس كريم+ ½ ك كريمة مضروبة +3 م ك سكر + حبات فراولة او م ك كاكاو أو فانليا
الطريقة:
تخلطى كل المقادير بالخلاط وتصبيه بالكوبايات ويوضع فى الفريز لمدة ساعة ثم يقدم

السوبيا
المقادير:
كوب لبن نيدو بودرة ( بدون ماء من العلبة على طول )+كيلو سكر +2 ظرف فانيليا +1/2 كيلو لبن سائل +نقطة واحدة روح جوز الهند +20 كوب ماء
الطربقة :
هاتى اناء كبير زى حلة اللى حنعمل فيها السوبيا ضغى فيها السكر و بودرة النيدو و الفانيليا و افضلى اخلطيهم بمعلقة او بعصاية كويس قوى قوى على الناشف (ودى اهم خطوة فى الموضوع كله لمدة 1/4 ساعة ما تقلش ابدا )ضعى الحليب السائل و نقطة ريحة جوز الهند و قلبى كويس قوى لمدة 5 دقائق ضيفى الماء كله واخلطى كله مع بعض كويس بالتقليب برضه و بالهنا والشفا
ملحوظة :ريحة جوز الهند عبارة عن زجاجة صغيرة بتتباع فى السوبر ماركت او محلات الجملة وسعرها جنية و نص بس ممكن وضع كمية مناسبة للاستخدام فى زجاجة فى الثلاجة و الباقى حطية فى اكياس نايلون فى الفريزر و اسحبى منهم سواء فى رمضان او الايام العادية و طعمها هو هو كانها لسة معمولة

التمر هندى
المقادير:
ربع كيلو تمر هندى احمر على ربع كيلو تمر هندى اسود+3 كيلو سكر +4 معالق كبيرة عصير ليمون +حوالى عشر كوب ماء
الطريقة
نغسل التمر هندى كويس و نقطعة حتت صغيرة وانقعية فى ماء يغطية بس نقول مثلا خمس كوبايات ماء لمدة 12 ساعة بعد كدة حطية على النار لحد مايغلى واول ما يغلى تسبية يغلى بس 5 دقائق تصفية بعد كدة مرة بالمصفاة و مرة بالشاشة (تجيبى قطعة شاشة نظيفة وتصفية فيها مش حتخلى اى حاجة تفوت منها ) ابتدى بقى شوفى الماء اللى نزل بعد ما صفناة طلع لازم تكملية بماء عادى لحد ما يبقى نفس مقدار الماء اللى احنا كاتبينه فوق العشر كوبايات ضعى السكر علية و حطية على النار لحد ما يعقد (زى ما قلنا قبل كدة فى المربى يعنى يتقل ) وكل ما يظهر الريم تشيلية بالمعلقة لما يعقد تروحى حطة عليهم التمر هندى اللى عندك فى الشاشة وتخلية يغلى غلوة واحدة بس واحدة بس ضعى عصير الليمون وفلبية وخلية يغلى حوالى 5 دقايق بس بعد كدة تصفية وتعبية فى زجاجات نظيفة

الخــــروب
المقادير:
نص كيلو خروب +3 ليتر ماء +6 معالق كبيرة عصير ليمون (للسهولة بنحط معلقتين عصير ليمون لكل ليترماء)+3 و نص كيلو سكر
الطريقة
نغسل الخروب كويس وننشفة كويس وبعدين ندقة ننقعة حوالى 12 ساعة فى حوالى لترين ماء وبعدين نصفية نضع الخروب فى حلة على النار مع شوية ماء ونخلية لحد ما يغلى لمدة ربع ساعة وبعدين نصفية تانى من الماء ونحط الماء اللى عندنا من التصفية الاولى للماء اللى من التصفية التانيةعلى بعض شوفى الماء كميتة طلعت اد اية ؟ لو كان ناقص عن ال3 ليتر يبقى تزودية وازا كان مظبوط 3 ليتر خلاص نضع السكر على الماء ونقلبة كويس وبعدين نحطة على النار لحد ما يغلى حوالى 5 دقائق وبرضة تشيلى الريم كل ما يظهر بالمعلقة نضع عصير الليمون ونسيبة يغلى تانى حوالى 5 دقائق بعد ما يبرد ضعية فى زجاجات نضيفة

العرقسوس
المقادير:
3 ملاعق كبار مليانين عرقسوس+1/4 م ص كربوناتو+ماء
الطريقة:
هاتي شفشق بلاستيك او زجاج بس اهم شئ يكون له غطاء محكم، و حطي العرقسوس و عليهم الكربوناتو و اعجنيهم بشوية مية صغيرين اوي و بعدين غطي الشفشق و اتركيه حوالي 5 ساعات او 6 عشان يتخمر. و بعدين املي الشفشق ماء لاخره و قلبيه كويس. قبل الفطار صفيه بالمصفة و حطيه في التلاجة شوية، و بعدين قدميه

الكركاديه
المقادير:
4 او 5 م ك كركاديه+5 ك ماء +سكر + اصانص فراولة (بنجيبه من العطار)
الطريقة:
الكركاديه في الماء، صفي الكركاديه و اتركيه يبرد و دخليه التلاجة فترة لحد ما يسقع ضعي الكركاديه في الخلاط و معاه سكر حسب الرغبة (ممكن ملعقة كبيرة لكل كوب او زي ما تحبي) و ضيفي عليه نقطتين اصانص فراولة و اضربيه كويس اوي حتلاقيه بيعمل رغوة من فوق حلوة اوي و بعدين صبيه في اكواب او كاسات و قدميه بجد طعمه حلو اوي و يختلف عن مذاق الكركاديه لوحده

البلـــيلة
المقادير:
كيلو قمح مقشور +كيلو حليب+سكر للتحلية+قرفة ناعمة
الطريقة
اغسلى القمح كويس وبعدين ضعية فى حلة فيها ماء لتلته على النار ضعية على نار هادية (خدى بالك بياخد وقت يعنى ممكن تعملية احسن فى البرستو)(حلة الضغط) لحد ما يستوى ارفعية من على النار وضعى علية الحليب الساخن و السكر وصبى منها فى اكواب ورشى قرفة على الوش

العــاشـــوراء
المقادير:
كيلو قمح مقشور+2 معلقة كبيرة نشا+كيلو حليب+نص كيلو سكر+قرفة ناعمة +ماء ورد+مكسرات مفرومة
الطريقة
بلى االقمح بشوية ماء صغيرين ثم افركية بين ايديكى لكى تتخلصى من القشور اغسلى القمح كويس وبعدين ضعية فى حلة فيها ماء مغطياة على النار مع اضافة قليل قليل من الماء كلما احتاج لحد ما يستوى بعد ما يستوى سيبية حوالى 3 ساعات حتلاقية نفش وتخن وظهرت النشا فية وحجم القمح زاد صفى بالمصفاة او بالخلاط نص كمية القمح ثم ضعية على النص التانى الغير مصفى وضعية على نار هادية ثم ضعى علية الحليب و السكر والما ءورد دوبى النشا فى شوية ماء باردين صغيرين ثم ضعيهم فى الحلة على الخليط قلبية تقريبا حوالى 10 دقائق لحد ما تلاقية تخن اطفى واغرفية وضعى على الوش القرفة والمكسرات

المـــــــغات
المقادير:
2معلقة مغات+2 معلقة سمنة بلدى +معلقة سمسم صغيرة +3 كوب ماء تقريبا+مكسرات مفرومة خشن+سكر
الطريقة
سخنى السمنة قوى وحمرى فيها السمسم ثم ضعى علية المغات مع التقليب جيدا على نار هادية لحد ما لون المغات يحمر شيليةمن على النار وابتدى ضيفى الماء شوية شوية وانتى عماله تقلبى لحد ما تلاقية بيتخن تروحى محلياة بالسكر مع التقليب لحد ما يغللى
تطفى النار وتصبية فى الفنجان وتضعى على وشة المكسرات

الفخــفخـــينا
المقادير:
تفاحه مقطعه+برتقاله مقطعه +مانجايا مقطعه+كمثرى مقطعة+موز مقطع+فراوله طازه مقطعه لنصين +شمام مقطع +نص كوب عصير كوكتيل +ا يس كريم بالفانيليا +ملعقتين قشطة
الطـريقــة :
قطعى الفواكه بنفس الحجم قطع صغيرة او متوسطة ضعي جميع الفواكه مع بعض او ضعى كل نوع من الفاكهة لوحدة يعنى طبقة من المانجا فوقها طبقة من الموز ثم طبقة من التفاح وهكذا في كاس كبير وطويل ثم ضعى ملعقتين من الايس كريم ثم ضعي طبقة من الفواكه ثم صبي عليه شويةعصير ثم ضعي القشطه ثم طبقةمن الفواكه ثم شوية عصير ثم الايس كريم ويزين بوحدات من الفراوله وممكن رشة مكسرات
الرجوع الى أعلى الصفحة اذهب الى الأسفل
روضه
المشرفات
المشرفات



الجنس : انثى
عدد المشاركات : 261
العمر : 35
جنسيتك : مصر
علم دولتك : ملف  للأكلات المصرية شامل لاغنى عنه لست البيت المصريه Female31
ملف  للأكلات المصرية شامل لاغنى عنه لست البيت المصريه 28nvrt
عارضة الطاقة :
ملف  للأكلات المصرية شامل لاغنى عنه لست البيت المصريه Left_bar_bleue0 / 1000 / 100ملف  للأكلات المصرية شامل لاغنى عنه لست البيت المصريه Right_bar_bleue

تاريخ التسجيل : 30/12/2009

ملف  للأكلات المصرية شامل لاغنى عنه لست البيت المصريه Empty
مُساهمةموضوع: رد: ملف للأكلات المصرية شامل لاغنى عنه لست البيت المصريه   ملف  للأكلات المصرية شامل لاغنى عنه لست البيت المصريه Emptyالأربعاء 17 فبراير 2010, 6:52 am

ماشاء الله موضوع تحفه تحفه وشامل
جزاكى الله خير الجزاء على النقل الجميل
الرجوع الى أعلى الصفحة اذهب الى الأسفل
 
ملف للأكلات المصرية شامل لاغنى عنه لست البيت المصريه
الرجوع الى أعلى الصفحة 
صفحة 1 من اصل 1
 مواضيع مماثلة
-
» طريقه عمل البصارة المصريه على أصولها
» طريقة عمل الطعميه المصريه( الفلافل )
» طريقة عمل الملوخية الناشفة المصريه
» طريقة عمل الملوخية بالارانب بالطريقه المصريه
» كفته داوود باشا بالطريقه المصريه

صلاحيات هذا المنتدى:لاتستطيع الرد على المواضيع في هذا المنتدى
منتدى كل العرب :: منتدى بيتك (للنساء فقط ) :: منتدى مطبخ كل العرب-
انتقل الى: