عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدى كل العرب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدى كل العرب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى كل العرب
نرحب بجميع الزوار و الاعضاء الكرام و ونتمنى لكم قضاء اجمل الاوقات معنا وباب التسجيل مفتوح للجميع ... كل عام وأنتم بخير... تذكر قول الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }
تنبيه! / يمنع منعا باتا وضع أى ملفات تحتوى على موسيقى أو صور نساء أو ممثلين أو أغانى أو أفلام و يمنع وضع صور لذوات أرواح سواء اطفال او نساء او رجال او حيونات فى الصوره الرمزيه و التواقيع
الجنس : عدد المشاركات : 10728 العمل/ الدراسة : تربيه قسم تاريخجنسيتك : مصرعلم دولتك :
عارضة الطاقة : تاريخ التسجيل : 04/01/2009
موضوع: عاوزة بطن مسطحه ومشدودو هنا الحل الأكيد الخميس 14 يناير 2010, 11:36 pm
البطن واللي فيها
عاوزة بطنك تبقي مشدودة وجسمك ينزل ؟ أكيد تعرفي بأه أن تمارين البطن أهميتها أقل من تمارين الجسم كله ؟ عجيبة ؟ لأ – عارفة ليه؟ عشان الجسم كله فيه مجموعات عضلية تقدر تساعدك أن حرق الدهون يكون أكبر وكمان ميحصلش لخبطة في الهرمونات والعضلات بتتبني فتلاقي نتيجة بجد طب احنا ليه بنتكلم عن البطن هنا ؟ احنا محتاجين نمرن البطن عشان عضلاتها تتقوي وتبقي مشدودة وعشان كده هنعمل الحلقة دي عن تمرين البطن وبعد كده هنبقي نتكلم عن تمرين الجسم كله
مش هاتكلم النهارده كتير ذي المرات اللي فاتت – هأقولك الموضوع في نقط فيه 4 عوامل بتحكم فاعلية تمرين البطن والتمارين عموما ويا تري التمرين هيبقي ليه فايدة ولا ملهوش فايده ولا هيرهل البطن ولا هيعملك مصايب في ضهرك زي اللي بنسمع عنها؟ العامل الأول : التمرين ده مدروس ولا تمرين وخلاص يعني التمرين ده مفهوم هو بيعمل ايه وبيأثر في أنهو عضلات ولا لأ؟ التمرين ده "صحي" يعني اللي معرفهولك بيقولك " اهو الترين اعملي زيوه" ولا بيقولك " خدي بالك متعمليش في التمرين كذا عشان ميحصلش كذا في ضهرك واعملي كذا عشان يبقي مؤثر أكثر"؟ يعني الناس اللي بتعمل رياضة وبعدين تقول حصلي كذا في ضهري مع اني كنت باعمل رياضة في الجيم وفيه مدربة – هانقول تاني " متعمليش حاجة انتي مش فاهماها حتى التمارين"
العامل التاني : صعوبة أداء التمرين : يعني بتعمليه بصعوبة وجهد ولا سهل يعني فيه تمارين مشهورة وشايعة انها تمارين البطن مع انها سهلة نسبيا ومش بتمرن عضلات تابطن كويس مع ان الوقت اللي بتعملي فيه نفس التمرين كان ممكن يستغل في تمرين مجموعات عضلية أكبر تدي حرق سعرات حرارية أكبر مش بس كده كمان التمرين مع الوقت بطنك او جسمك بيبدأ يتعود عليه وتعرفي تعمليه بسهولة أكبر يبقي عشان أفضل أستفيد محتاجة أزود صعوبة التمرين يبقي لازم يكون فيه سلسلة متدرجة من التمارين عشان أنتقل واحدة واحدة عشان جسمي يتحسن وأعرف أشده كويس بردو مش بس كده لازم التدرج ده يكون مدروس مش كده وخلاص
ان شاء الله هنتدرج مع بعض عشان نبقي احلى جسم التدريج مش معناه اننا لازم نشوف تمارين تانية خالص ونبدأ نعملها التدريج معناه اني ممكن اغير ترتيب التمارين – سرعة اداء التمارين – زاوية الأداء - الجهد المبذول فيها – عددها وكده يعني العامل التالت : المدة اللي بتقضيها في التمرين كل يوم ياتري بتخلي كل وقتك لتمارين البطن؟ وياتري بتعملي تمارين في وقت أد ايه ؟ عشر دقائق – نص ساعة – ساعة – 3 ساعات في الجيم؟ بما أن بطنك هيا المشكلة فطبيعي انك تقضي معظم وقتك في تمارين البطن – الكلام ده غلط الصح بأه أنك هتعملي تمارين لجسمك كله وهتعملي بس 5 أو 10 دقايق تمارين لبطنك حسب وقتك واهتمامك الصح بردو انك تعملي تمارين البطن بعد ما تخلصي تمارين الأفضل أن تمارين البطن تكون بعد ما تخلصي تمارين – كلام غريب؟ لأ – عشان بطنك مترهيقيهاش بدري وتقدر تحافظ على ضهرك لو فيه تمارين مركبة كبيرة والصح انك تعمليهم في يوم منفصل لو انتي هتيجي علي اخر التمرين وتتعبي وتعمليهم بنص ذمة الموضوع ده ممكن نتكلم فيه أكتر بتفاصيل أكتر وايه ينفع وايه مينفعش – بس دي القاعدة العامة عشان الناس مش فاضية وهيعملو تمارين بالعافية - بس عموما – التمارين بتاعتك عشان منرهقش الجسم ويحصل مضاعفات تكون من 45 دقيقة ال ساعة – وهنخلي منهم 10 دقايق تمارين البطن
العامل الرابع: بتعملي التمرين ده كل أد ايه – يعني كل يوم ولا كل كام يوم ناس تقول انا بعمل تمارين كل يوم وبردو جسمي مش راضي يتظبط ولا ناس تانية تقول أنا بروح الجيم كل يوم أو بروح كل كام يوم والأيام التانية باعمل تمارين في البيت وبامشي كمان على نظام أكل وجسمي مش راضي يتظبط ذي ما يكون وقف على كده هأقولك الكلام ده غلط عضلاتك عشان تتكون صح محتاجة ترتاح
مينفعش كل يوم كل يوم بالكتير 4 مرات في الاسبوع ولو معندكيش وقت خليهم 3 مرات الكلام ده مش لبطنك بس ده لكل عضلة في جسمك التمارين الزيادة ممكن توقفلك تحسين جسمك شوفتي الموضوع سهل ازاي يعني تدينا من وقتك 4 ساعات كل أسبوع مع التزامك بنظام الأكل العام اللي بنقول عليه وتمشي معانا كام شهر جد – بطنك تلاقيها مش بطنك موضوع سهل بس يا تري مين هتلتزم معانا
طب ياتري ايه بعد كده- هفضل طول عمري اعمل رياضة 4 ساعات في الاسبوع؟ هأقولك لأ – احنا نعمل رياضة الكام شهر دول 4 ساعات في الأسبوع بعد كده لما تشوفي البطن الجميلة اللي بتحلمي بيها هتبقي تعملي رياضة ساعة واحدة بس كل أسبوع عشان احنا عاوزين ننزل قناطير الشحم دي ونشد البطن فلازم نبذل شوية جهد – حقيقي انا مش شايفاه جهد اوي – ماانتي بتقعدي على النت كام ساعة ولا بترغي مع صاحبتك كام ساعة ولا ولاولاولا
يعني جسمك ميستاهلش ولا ايه؟
تمارين (للبطن) ملهاش لزمة أو تمارين ضارة (للبطن): تمرين بتحطي فيه رجليكي على الأرض وانتي نايمة وبعدين ترفعي رجلك 45 درجة ( يعني نص المسافة لغاية لما رجلك تكون قائمة تماما) وتنزليها - ده تمرين مش كويس تمريت فيه بترفعي رجلك وضهرك يبقي متقوس – ده تمرين مش كويس أي تمارين للبطن بتستخدمي فيها جهاز – تمارين مش كويسة ممكن نقعد نعد للصبح – بس هنفترض انك ذي معظم الناس في الدورة دي معنكيش وقت أو بتكسلي فهنكتفي بان احنا نقولك ايه التمارين كويسة
تمارين البطن المعتمدة : تنبيهات: 1- ( هحاول اجيبلكم فيديو من اليوتيوب- اعتذر عن ظهور بعض العورات – اعرفي الطريقة وامسحيها) 2- هاقول التمارين بسرعة كده وحاولي تعمليها صح بالظبط ذي الفيديو عقبال مانشرح بيعملو ايه 3- محدش يقولي " مااحنا عارفينها " – هنا بنقولك التمارين المفيدة من وسط كام ألف تمرين متعرفيش هما مفيدين ولا لأ
التمرين الاول
التمرين التاني
التمرين الثالث
التمرين الرابع
التمرين الخامس
التمرين السادس: شفط البطن : وده كمان عاوز شرح ولا ايه؟ انتي عارفه نظامنا – افهمي وبعدين اعملي عشان محدش يضحك عليكي – (بس بما ان انتي واثقة في كلامي (صحيح؟) هنعمل التمارين اللي فاتت وبعدبن نشرحها عشان الناس مستعجلين 1- تاخدي نفس عميق 2- تبدأي تفرغي نفسك وفي نفس الوقت تشفطي بطنك 3- دلوقتي بأه تاخدي انفاس قصيرة وتفضلي في نفس الوقت بطنك مشفوطة لمدة (10 الى 20 ثانية) كل مرة شفط البطن بيكون في أي مكان – أي وقت - أي وضعية - أي عدد من المرات شوفتي الموضوع مش تمرين وخلاص؟
الخلاصة : 1- تأدية التمارين 4 أو 3 مرات في الأسبوع عشان عضلاتك ترتاح 2- مدة التمرين 45 دقيقة الى ساعة – عشان جسمك مينهكش 3- تمرين البطن 5 الى 10 دقايق في نهاية التمارين بتاعتك – أو لو انتي من النوع اللي هيجي على الأخر ويشتغل بنص ضمير خليهم في يوم لوحدهم غير ال3 أو ال4 أيام بتوع التمرين الكلي 4- متعمليش تمرين غير لما تكوني متأكدة من حاجتين: 1- أنك تكوني فاهمة التمرين وانه بيأثر فعلا 2- انك تبقي فاهمة التمرين بيعمل ايه عشان ميضركيش 5- ممنوع منعا باتا أي تمرين فيه ضهر متقوس – ضهرك ممكن ينحني بزاوية ماشي – لكن يتقوس لأ 6- لازم شوية تسخين في الأول عشان عضلاتك تستعد وخصوصا عضلات رجليكي 7- التمارين تمشي عليها 4 – 6 أسابيع وبعدين تغيري فيها – يعني تروحي لمرحلة جديدة و مستوي جديد – واحنا – إن شاء الله – هنمشي المراحل كلها مع بعض لغاية لما تلاقي بطنك الجميلة ظهرت
المطلوب :
<BLOCKQUOTE>1- اتعلمي التمارين الخمسة وياريت تشركي حد معاكي في البيت عشان يشجعك ( ولادك – اختك – مامتك – زوجك) 2- شفط البطن ذي ما شرحناه تعمليه في أي وقت أي عدد أي وضع (مفيد) 3- هتعملي جدول فيه ايام الاسبوع في ورقة – وانتي طبعا فهمتي اننا هنعمل تمرينات 4 أيام – يبقي تختاري أيام وتعلمي عليها ولما تعملي التمرين تعملي علامة صح جوار اليوم ده 4- هنبدأ نعمل تمرينات البطن بس الأيام دي عقبال ما انزلك تمرينات الجسم كله – فنخلينا نعمل 15 دقيقة تمارين بطن 4 أيام في الاسبوع الي جوار شفط البطن 5- الراحة بين التمارين =1 دقيقة 6- تاخجي اي حاجة مسكرة (صغيرة ) أول ماتخلصي تمارين ( مسكرة مسكرة مش تورتة وجاتوه)
المستوي الأول (لمدة 4 أسابيع لو ملتزمة أو 6 أسابيع لو ملتزمتيش )
التمرين الأول (5 مرات – راحة – خمس مرات - راحة) التمرين التاني (5 مرات – راحة – 5 مرات – راحة) التمرين الثالث (20 مرة متواصل – راحة) التمرين الرابع ( 15 مرة متواصل – راحة) التمرين الخامس ( 15 مرة متواصل – راحة) شفط البطن ( أي وقت – أي عدد)</BLOCKQUOTE>
روبي مارو المشرف العام
الجنس : عدد المشاركات : 10200العمر : 46 العمل/ الدراسة : تربيه قسم لغه فرنسيهجنسيتك : مصرعلم دولتك :
عارضة الطاقة : تاريخ التسجيل : 19/01/2009
موضوع: رد: عاوزة بطن مسطحه ومشدودو هنا الحل الأكيد الجمعة 15 يناير 2010, 2:22 pm
مجهود رائع منك يا سكر
تستحقي عليه الف شكر (وألف قليلين كمان)
نور الهدى نائب المدير العام
الجنس : عدد المشاركات : 10728 العمل/ الدراسة : تربيه قسم تاريخجنسيتك : مصرعلم دولتك :
عارضة الطاقة : تاريخ التسجيل : 04/01/2009
موضوع: رد: عاوزة بطن مسطحه ومشدودو هنا الحل الأكيد السبت 16 يناير 2010, 4:46 am
شكرا شكر شكرا احنا بنحاول ندور على كل شئ مفيد عشان الكل يستفاد شكرا على حضورك الجميل
روضه المشرفات
الجنس : عدد المشاركات : 261العمر : 35جنسيتك : مصرعلم دولتك : عارضة الطاقة : تاريخ التسجيل : 30/12/2009
موضوع: رد: عاوزة بطن مسطحه ومشدودو هنا الحل الأكيد الأحد 31 يناير 2010, 2:47 am
فعلا نصائح قيمة يا جميلة ومفيدة جدا
نور الهدى نائب المدير العام
الجنس : عدد المشاركات : 10728 العمل/ الدراسة : تربيه قسم تاريخجنسيتك : مصرعلم دولتك :
عارضة الطاقة : تاريخ التسجيل : 04/01/2009
موضوع: رد: عاوزة بطن مسطحه ومشدودو هنا الحل الأكيد الأحد 31 يناير 2010, 8:53 pm