هل وجدت في حياتك من يفهمك..؟؟

[ندعوك للتسجيل في المنتدى أو التعريف بنفسك لمعاينة هذا الرابط]

هل وجدت في حياتك من يفهمك

هل يوجد في الحياه من يشعر بأحاسيسك

يفهمك في كل أحوالك ،، يحس بكل ماتحس فيه

يتفهمك ويتفهم كلماتك وأسلوبك على حقيقتها وبصدقها

دون ان يفهمها ويأخذها بالظن السيئ ،،،،
**

هل صادفت وقابلت الشخص الذي يفهمك دون أن تتكلم

يترجم أحاسيسك ومشاعرك إلى كلمات ليعرف مابك وماذا تريد ..
**

يقدر ظروفك عندما تمر بمنحنيات صعبه في الحياه

وتشعر بأنك في حاله غير مستقره فيقف جنبك

بإحساسه الصادق

ومشاعره النبيله

يشاطرك أحزانك ،، و أفراحك

يسعى لينزع ويزيل عنك الدمعه

حتى لو تطلب الأمر أن يأخذها عنك

يزرع على شفاتك البسمه

يتجاوب معك دون أن تتكلم

أو تطلب منه ،،،

ياله من شعور رائع

وإحساس جميل

لو وجدت مثل هذا الشخص

فستشعر معه بطعم الحياه وجمالها

كنز ثمين دائماً مانبحث عنه

ونتمنى ان نجده ،، ونحتاج ان يكون بجانبنا دوماً
فنظل

نبحث

ونبحث

ونبحث

ونبحث

فقد نجده ،، وقد لا نجده

:،،: فتساؤلي لكم :،،:

هل وجدت هذا الشخص وشعرت معه بهذه المشاعر؟؟
أنتظر ردوودكم

شكرا ليكى اولا واحييكى على هذا الموضوع ياام عمر

الكثير منا فعلا يبحث عن انسان يفهمه وانسان يشعر به دون ان يتكلم
وربما يجده صدفة فى الحياة دون بحث
ولكن هل سيبقى هذا الانسان دائما يفهمنى ام سيتغير بمرور الوقت؟ ممكن اه وممكن لأ
للاسف بنلاقى اللى يفهمونا لكن بيكونوا بعيد عننا
يمكن يكونوا معانا بارواحهم بكلامهم لينا بتاثيرهم علينا لكن بيكونوا بعيد
مش جمبنا بس مش معنى كده انهم مش بيفهمونا انا اقصد ان لما يكون الانسان اللى بيفهمك
جمبك هيكون حاسس بيك اكتر من لما يكون بعيد عنك. هيفهمك اكتر بكتير
لذلك لايوجد شئ مكتمل فى الحياة لازم لما نلاقى حاجة منلاقيش حاجة
بس اكيد كل انسان وجد من يفهمه ومن يحس بيه
مش شرط يكون حبيب ممكن يكون قريب صديق
لكن هل ظروف الحياة علينا هتخلينا مع من يفهمنا طول الوقت؟
افتكر صعب
انا عن نفسى وجدت من يفهمنى لكن زى ماقلت لما الانسان بيلاقى حاجة
مش بتبقى مكتملة فى حياته بيبقى فيها بعض الخلل
وعلى فكرة مش من السهل ان الانسان يلاقى حد يفهمه
لان لما حد يلاقى حد بيفهمه لازم بتكون ظروفهم واحدة علشان كده بيقدر يفهم ويحس بالتانى

وياريت الناس كلها تفهم الناس كويس وتقدر احساسهم
وبكده كل الناس هتلاقى اللى يفهمها
ياريت المعنى يكون وصل ليكم وعرفت اعبر ههههه

بشكركم جدا وتقبلوا مرورى :D :D

شكرا اخت ام عمر على المووع الجميل

انتى هتستغربي لو قلتلك اكتر انسانة

فهمانى فى حياتى هية امي والله من بصة عنية

تعرف كل حاجة عندة وانا متعرفيش انا ببقى

حزين قد اية وانا بعيد عنها ومفتقدها جدا

انا يمكن مش بقولها الكلام دة لانها عارفة

ولو سمعتة منى انتى عارفة بقى البكى يشتغل

وانا مش بستحمل دمعة واحدة منها حبيبتى

ربنا يكرمها يا رب ونفسي تكون راضية علا على طول

وربنا يرحم والدى ويجزية خير يا رب ويجعلة بجوار محمد ( ص ) فى الفردوس الاعلى

ونفسي زوجتى ان شاء الله تكون زى امى تفهمنى من نظرة

لانى مش بحب الصوت العالى وربنا يصبرها علية لانى انا طبع لما بزعل مش كويس

هههههههههههه

وتقبلى مرورى على موضوعك الجميل دة

والفاتحة لامواتنا واموات المسلمين اجمعين .

اولا بحييكي ام عمر على الموضوع المتميز

وبشكر هوبه وبقولها طبعا المعنى اللي عاوزه تقوله وصل

وبشكر بيدو وربنا يعطيه كل ما يتمنى ويخليله والدته

فكرة انك تلاقي حد يفهمك ويحس بيك .. اعتقد ان دي اهم من اي حاجه في الدنيا

ودي بتكون اساس متين لاي علاقه ناجحه بين البشر

هل وجدت في حياتي من يفهمني ..؟؟

وجدت لكن الظروف ديما بتكون العقبه اللي مش بنقدر نقف قدامها

ممكن الواحد يلاقي حد بيفهمه قوي وبيحس بيه قوي .. بيفهمه حتى من غير ما يتكلم

بيعرف اللي في راسه من غير حتى ما يبص في عينه

بيحس بيه حتى لو كان في بلد تانيه بعيد عنه

بس لان مفيش حاجه كامله في الدنيا .. بتيجي حاجات تعكر صفو العلاقه الجميله دي

اهمها البعد .. والظروف ومشاكل الحياه

بس بيفضل الاتصال الروحي جامد جدا

تحياتي

هل وجدت في حياتك من يفهمك امي رحمها الله ثم ريم صديقتي ثم ام عمر صديقتي تعرفيها

أولا بشكر كل من هبه هادى وبيدو ودودو وروبى على ردودهم اللى زادت من جمال الموضوع وردودهم بجد صادقه وجميله

بالنسبه لروبى الله يرحم والدتك كانت ست طيبه جدا ومعطاءة اوى وشكرا جدا ياروبى انك خلتينى من الناس اللى بيفهموكى ويعلم ربنا قد ايه بحبك واد ايه انتى عزيزة عليا

شكرا يا ام عموره على الموضوع الجميل
وبعد كلام هوبه انا ما عندي كلام احكيه
بس فيني قول ان كل ما اجد انسان يفهمني سبحان الله بتحصل ظروف وبيبعد اما من زواج او سفر او او او
والمشكله انهم بيبعدوا نهااااااااااااااااااااااااااائي ومن الناس الي بعدوا اخي ربنا يسعدهن يا رب ويسعدكم
بس هلأ عندي ما شاء الله احلى صديقات ومنهن من يفهمني ولكن بردو بعاد ومش حكرر كلام هوبه
على الله اكون عبرت انا الي ما بعرف التعبير كويس مش انتي يا هوبه

ربنا يخليكى ياخدوج
وميحرمنيش منك يارب :D

أم عمرو المتميزه والجميله

شكراً ليكي على الموضوع الرائع ده

وطبعاً أنا بشكر الأعضاء الجمال اللي شاركو باراء واضحه وصريحه

وأنا طبعاً أتفق معاهم في الرأي

ولكن أحب أقول

إني دائما الحمد لله محظوظ

لن في ناس كتير بتحس بيا وبتفهمني اوي

ودا ناتج عن صدق مشاعر وأحاسيس بين الطرفي

علشان أفهم إنسان يبقا لازم أحس بيه اوي

ولازم أعرف ظروفه

طبعاً

زي حبايبي ما قالو الظروف -- والبعد -- ادا حال الدنيا -- تلاهي

بس أنا بحس أوي بالأشخاص اللي بحبهم

وبفهمهم أوي من غير ما يتكلموا ومش محتاج إني ابص في عنيهم علشان افهمهم

كفايه نعرف ظروف بعض -- ونحب بعض أوي

وطبعاً نحس ببعض

كدا هنفهم بعض من غير كلام

تحياتي للجميع

واتمني أن اكون وصلت اللي جوايا

تحياتي لأجمل أم عمر وارق اعضاء

انا صدفت بكل معانى الفهم وكان الفهم بمجرد سماع الصوت افهم اللى يزعلهم او يفرحهم من غير اى كلمه وهما نفس الشيىء بس ربنا مش كمل الصداقه للاخر بظروف الحياه

تحياتى لكى ام عمر

[ندعوك للتسجيل في المنتدى أو التعريف بنفسك لمعاينة هذه الصورة]

» اذا وجدت سحر مرشوش على الجدار او الارض كيف تتلفة
» إن وجدت صورتك بين هذه الصور فسارع في حذفها‏
» ماذا تفتقد في حياتك !!!!
» لا تقصري حياتك!!
» كم شخص من هؤلاء في حياتك .؟؟؟