لماذا يكتمـ البعض همومهـ واحزانهـ

[ندعوك للتسجيل في المنتدى أو التعريف بنفسك لمعاينة هذا الرابط]

للنفس حركة نحن لا نراها .....

ولكن نحسها عبر تعابير الأشخاص وأحاديثهم التي تعبر عن مواقف نفسية بالغة الغنى والثراء ......
كلنا تجمعنا تلك المشاعر ..... ونذوب فيها ..... ولكننا نختلف في طريقة التعبير عنها ....

فمنا من يفصح عن ما يجول بداخله .....

ومنا من ترتسم تلك المشاعر في تعابيره وتبوح لنا بما لم يتحدث عنه.....

ومنا من لا يفصح وتبدو تعابير وجهه صماء لا علاقة لها بما يدور في خلده ....

ولكن ..... لماذا نختلف .... ؟؟؟
ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

أتكون أنت أخي القارىء من هذه الفئة ؟ ...... إذاً ما الذي يدفعك لذلك؟؟؟

فلتقتحم أبواب هذا الموضوع .... لنرى ما يمكن حصاده ...

بصي انا هقولك حاجه انا يمكن مش بعرف اقول اوي او اشتكي

بس بيبان عليا اوي .. بيبان اني متغيره

وبصراحه بدايق اوي لما يبان عليا ..

بس انا على اد ما بقدر بداري

عشان ما اشيلش حد همي .. اصل كل واحد عنده همومه ومشاكله

تحياتي ليكي

اولا بحييكى اوى اوى اوى تلاتة اوى ياروبى على موضوعك الجميل ده ههههههه

وأحب اتكلم واقول ان انا عن نفسى احيانا بكتم همومى او احزانى جوايا لانى

ساعات كتير او نادرا مش بلاقى حد يسمعنى غير ربنا طبعا

بحاول مسببش اى ضيق لحد بهمومى او احزانى

بحب اشوف اللى حواليا سعيد بقول مش مهم انا اتكلم المهم انى اسمع واوصل لحلول

تريح اللى قدامى على قدر ماامتلك

يعنى الوحدة بتكون عامل ان الانسان يكتم همومه واحزانه لانه مش بيلاقى حد جمبه يحكيله ده اولا

وفى سبب تانى ان الانسان مش بيلاقى حد يقدر يفهمه او يسمعه بسرعة نادرا لما بنلاقى ده

وحتى لما بنلاقيه بيكون بعيد عننا

السبب التالت بقى ان انا بحس انى لو قلت اللى جوايا انى هتقل على اللى قدامى حتى لو هو بيستمع لى كويس وانا مش بحب اتقل على حد او يكون بيسمعنى وهو مش معايا

واحيانا بحس انى مش عايزة اشيله همى او حزنى لان كل واحد فيه اللى مكفيه

لكن بالرغم من كده انا بحب اسمع غيرى بحب اشاركه فى احزانه وهمومه حتى لو كانت كتيرة

واحب انبهك لحاجة ان الانسان اللى مش بيتكلم كتير بيبقى مستمع جيد جدا لاى حد

اللى بياكد كلامى ده انه عن تجربة اه والله

ايام الجامعة كنت بحاول اتكلم مع اصحابى المقربين ليا بس كنت بلاقيهم بيسمعونى ومش بيسمعونى مش معايا

فكنت بحاول اقصر فى الكلام ولما كانوا هما بتكلموا كنت بستمع ليهم واناقشهم وخد وهات وكده فى اللى مضايقهم

علشان كده اتعلمت انى اسمع ولا اتكلم الا للى اعرف كويس انه هيسمعنى وسينتبه لحديثى ويفكر معى

وده مش مع ناس كتير هما تلاتة واتنين منهم معانا كمان ههههههه اكيد هيعرفوا نفسهم من غير مااقول بحس انهم بيسمعونى كويس وبيفيدونى كمان وانا كمان هكذا

ومفيش انسان ملوش حد بيسمعه

اكيد بيكون فيه ناس مقربين بنسمعلهم وبيسمعونا

والاكبر من ده كله هو الله عز وجل

الذى يسمعنى ويرانى ويشعر بى اكثر من اى انسان

وهذا يكفى جدا

بارك الله فيكى ياروبى

شكرا لكي دودو علي المرور
والراي الجميل

أنا شايفة ان لازم يكون فيه حد قريب مني اشكي له همومي
أي نعم هو مش هيحسها زيي لانه مش في نفس الموقف
بس هيخفف عني ولو بالكلام
لكن اخبيها ده انا اتنقط
وكمان انا بيبان علي جدا جدا جدا وما باعرفش اخبي
ولما بابقي متضايقة باخانق دبان وشي
لازم أفضفض علشان اطلع مالحالة اللي انا فيها
امال دور الام والاب والحبيب والصديق هيكون ايه أكتر من التخفيف عننا وقت الشدة؟؟؟

شكرا ليكي يا هبة علي ردك الجميل
بس انا مختلفة معاكي بعض الشئ
زي ما قلت مسبقا
وشكرا

روبي الجميله

موضوع فوق الرائع

وآراء جميله اوي من دودو وهبه ومنك

أشكركم عليها

ولكن

أنا غير -- أنا بحب اوي قانون الطبطبه

بحب أترمي في حضن حبايبي -- احكيلهم ويخففو عني -- ويطبطبوا عليا

معرفش ابكي وملاقيش حد يمسح دمعتي

يعني بحب اتكلم -- بس مش مع اي حد طبعا

لازم حد اكون بحس انه حنين عليا -- بيحبني

أياً كان المسمى بتاع الشخص ده

والحمد لله هما كتير -- حبايبي واخواتي كتير

وانا مع روبي في جزئية الدبان ده -- مببقاش طايق نفسي

علشان كده لازم أتكلم -- افضفض

وبعدين حبايبي لو متعبوش ليا -- مين يتعبلي؟

غلط اني أقول مش عاوز أتقل على حبايبي -- كل واحد عنده اللي مكفيه

لازم تحب بعض أوي يا جماعه بجد

ونخاف على بعض -- ونبقا حنينين علي بعض

لازم نتكلم علشان نخف -- مفيش مريض بيخف من غير علاج

لازم نشوف صدر حنين ونترمي في حضه -- ونشتيكيله

يمسحلنا دموعنا -- ويطبطب علينا-- ويقولنا معلش

صدقوني كلمة معلش بتخفف عننا كتير

مش هطولت عليكم

بس نصيحه منيللجميع وخاصة -- دودو وهبه

فكروا كويس في قانون الطبطبه -- هيعجبكم صدقوني

تحياتي للجميع

تقبلي تحياتي ومروري أختي أم نور

شكرا وليد علي مرورك
وردك الجميل

طبعا رايك على راسى من فوق ياوليد
بس انا قصدت ان الناس اللى هيطبطبوا علينا بيكونوا بعيد عننا
هنجيبهم ازاى علشان نحس بالاحساس ده
وده هو السبب اللى بيخلينا نكتم جوانا
مش بايدنا هنعمل ايه وزى ماقلت ان مش اى حد ممكن يطبطب عليك الا اذا كان
حسك اوى وقريب منك مش هتروح لاى حد وتحكيله كده ولا ايه؟ وربنا يقرب البعيد وكلنا نطبطب على بعض ونفجر الطاقة المكبوتة جوانا ساعتها اكيد هنرتاح وربنا كبير وقادر يفك كربنا وهمنا وحزننا

تقبلوا مرورى

ماشي يا وليد هفكر في قانون الطبطبه ههههههههه

انا ما قلتش اني ضده ولا حاجه .. تحبا الطبطبه وقانون الطبطبه هههههههه

بس لما بيكون متاح

انما لو اللي ممكن يطبطبو عليا غير متاح او خارج نطاق الخدمه اعمل

ايه هههههههههههه .. لازم اعرف اطبطب على نفسي واسكت

لان ما بيبقاش ادامي غير كدا .. ولا هروح اوقف اي حد ماشي

واقوله تعالى اسمعني وطبطب عليا ههههههه ما يصحش صح هههههه

تصدق والله فكرتني دي حصلت معايا مره بس كانت واحده وقعدنا اتكلمنا

مع بعض وانا ولا اعرفها ولا هي تعرفني كنا في المترو ولا حتى عرفنا

اسم بعض ههههههههه

كبت بقى هههههههه .. .. وبعدين انا اؤيد قانون الطبطبه حتى لو من

دودو الصغير ههههههههههه

تحياتي للجميع .. دودو الكبيره ههههههههههه

حسستوني ان نانسي عجرم تكسب
بس هي كانت بتطبطب علي حبيبها مش علي نفسها

والنبي يا دودو يا اختشي ابقي انده لك تطبطبيلي شويه
أصلي ما باطولش اطبطب علي ظهري
ههههههههههههههه

شكرا لكم ولقانون الطبطبة
انا باناشد انه يكون قانون عام
(الطبطبة للجميع)

» أبشع طرق انتحار.... من وجهة نظر البعض.. ايه رأيك ؟:؟
» فن التعامل مع بعضنا البعض داخل المنتدى
» لماذا ندخن ؟؟؟؟
» لماذا النساء اولا":ليديز فرست:"
» لماذا نطوف عكس عقارب الساعة ؟