[color:aa56=darkred]
بسم الله الرحمن الرحيم
لازم تبقى عارفه ان الحياه مع شريك حياتك(زوجك او خطيبك) عمرها ما هاتبقى زى ماتخيلتى من الرومانسيه والحب على ما اعتقد لغايه اول شهر زواج وبعدها ابقى قابلينى لو سمعتى كلمه حلوه غير فى الاعياد والمناسبات الرسميه وممكن فى عيد القمح.
وبما اننا منقدرش نتغاضى عن هذا المطلب حتى لو كان شريك حياتك (زوجك او خطيبك) مش رومانسى لان الموضوع ده هيسبب مشاكل كتيره بينكم اجلا اوعاجلا بحسب طبيعتنا الرومانسيه الزائده عن اللزوم فاليك الحل:
اى رجل مهما كانت قوته توجد داخله مشاعر واحاسيس اينعم هى بتبقى مدفونه بس عشان تتطلع بتعتمد على شطارتك انك تخرجيها تقريبا زى ما بتخرجى مصروف البيت من جيبه!
المهم علشان بجد تعيشى اللحظه دى لازم تحضريه نفسيا الاول للحظه دى زى مثلا عزومه على العشاء فى مكان رومانسى (حتى لو كانت على حسابك المهم تخروجوا وان منفعش خلى العشاء فى البيت وبلاش جو الشموع علشان مابياكلش عيش وما بيجبش نتيجه كفايه الاضاءه الهادئه) وان تتحدثى معاه كيف انك بتحبيه وانك مبسوطه انك معاه وتساليه عن رايه فى فكرتك وعن احساسه معاكى دلوقتى وحاولى ان الكلام لايتطرق للخلافات ولا المشاكل التى بينكم واعتبريها صفحه جديده (حتى لو الصفح خلصت)
والاهم من كل ده طريقه كلامك يعنى ياريت تتكلمى بهدوء وبرومانسيه وبكل دلع ورقه ولو عاوزه اللحظات دى تدوم على طول خلاص خليكى رقيقه على طول (الموضوع ممكن يكون متعب بس مفيش حلاوه من غير نار)
لازم تعرفى ايضا ان المشاعر اللى جواه هاتتطلع بمجرد ما تثار ولا اقصد هنا نوع معين بل الكلام بوجه عام مثلا الاثاره بجمالك ومظهرك وعلى فكره البساطه فى الاكسسوارات والوان الميكب الهادئه والتناسق فى الملابس بيعمل شغل حلو اوى وممكن تبقى الاثاره من الكلام الحلو او من الدلع اومن رقتك واسلوبك معاه وبمجرد ما تحسى منه باستجابه استغلى الفرصه باساليب جوليت .
