مفاتيح الجنه مميزجدا

السلام عليكم ورحمه الله وبركاته

انا شاب عندى 21 سنه وزى اى شاب بفكر فى المستقبل بفكر فى الوظيفه اللى بحلم بيها ازاى اتجوز ومشاكل الجواز المعروفه اختيار الزوجه ومواصفاتها الشقه اللى اصبحت مشكله صعبه جدا كل شاب بيفكر فى تكوين بيت وطبعا بيشاركه فيه شريكه حياته اللى ياما حلم بيها وكمان يكون موجود كل وسائل الراحه والترفيه يعنى يا سلام لو كده فى حمام سباحه وكمان حديقه جميله مليانه من خيرات الله الواحد يصحى الصبح كده يلاقى مراته جمبه (طبعا بيتمنى تكون جميله جدا وعلى خلق) ويفتح البلكونه على المنظر الجميل ده مياه وخضره ووجه حسن ماشاء الله
ويا عينى بقى لو كمان ليه جيران كويسين يبقى اكيد خلاص كملت
نفسك : انـــــــــــسى بـــــــــقـــــــــــــــى كل ده انت بتحلم اصلا فوق انت نمت ولا ايه وصدقت نفسك اصحى انت فاكر نفسك فى الجنه

انت : الجنه تصدق مش فكرت فى ده قبل كده هو ايه اللى هفضل فيه على طول الدنيا ولا الاخره

نفسك : ايه يا عم مالك انت هتبدا فى الزهد ولا ايه ولا هو اصلا علشان انت مش عندك حاجه من الحاجات اللى بنحلم بيها دى بتفكر كده (قله حيله يعنى )

انت : لا والله بس الواحد عمره ما فكر انه يجهز بيته فى الجنه ديما بيفكر فى الدنيا مثلا فكر هيقعد فين فى الجنه ولا البيت هيبقى شكله ايه ولا مين اللى هيبقى معاه فى بيته ولا ادام البيت هيبقى فيه ايه ولا جيرانه هيبقوا مين تعالوا كده نجهز البيت اللى هنقعد فيه فى الجنه ان شاء الله

اولا اكيد كل بيت وليه مفتاح
طيب ايه هو مفتاح الجنه
الجنة مفتاحها لا إله الا الله محمد رسول الله والأعمال الصالحة هى أسنان المفتاح التى بها يعمل

طيب الباب اتفتح يا ترى هندخل من اى باب هما تمانيه ابواب
1- باب محمد صلى الله عليه وسلم وهو باب التوبة
2- باب الصلاه
3- باب الصوم وهو باب الريان
4- باب الزكاة
5- باب الصدقه
6- باب الحج والعمرة
7- باب الجهاد
8- باب الصله
ربنا يرزقنا دخول الجنه باذن الله
احنا شكلنا هيبقى عامل ازاى
يبعث الله الرجال من اهل الجنة على صورة أبيهم آدم جردا مردا مكحلين فى الثالثة والثلاثين من العمر على مسحة وصورة يوسف وقلب أيوب ولسان محمد عليه الصلاة والسلام
وقد أنعم الله عليهم بتمام الكمال والجمال والشباب لا يموتون ولا ينامون


هنبدا بالبيت اللى هنقعد فيه
ويا سلام لو قصر
هناك نوع من قصور عباره عن لؤلؤة واحده مجوفه
نفسك فى قصر من قصور الجنه احجز قصرك من الان
قال رسول الله صلى الله عليه وسلم (ما من عبد يصلى لله تعالى فى كل يوم
اثنتى عشر ركعة تطوعا من غير الفريضه الا بنا الله له بيتا في الجنة)
شفت سهله ازاى اعتقد انه ارخص قصر انت شفته بالمواصفات دى
وكمان مش محتاج غير 12 ركعه فقط
2 قبل الفجر
4 قبل الظهر
2 بعده
2 بعد المغرب
2 بعد العشاء
سبحان الله الكريم
بعد ما حجزنا القصر ان شاء الله عايزين رفيق لنا وحبيب فى هذا القصر
طبعا واكيد من الجنس الاخر من النساء

ونساء الجنة صنفان

1- الحور العين

الحور العين : وهن خلق مخلوقات لأهل الجنة وصفهن الله تبارك وتعالى فى كتابه العزيز بأنهن

(كَأَنَّهُنَّ الْيَاقُوتُ وَالْمَرْجَانُ ) سورة الرحمن 58

(كَأَمْثَالِ اللُّؤْلُؤِ الْمَكْنُونِ ) سورة الواقعة 23

(كَأَنَّهُنَّ بَيْضٌ مَكْنُونٌ) سورة الصافات 29

وهن نساء نضرات جميلات ناعمات لو أن واحدة منهن اطلعت على أهل الأرض لأضاءت الدنيا وماعليها وللمؤمن منهن ما لا يعد ولا يحصى

قال عليه الصلاة والسلام ان السحابة لتمر بأهل الجنة فيسألونها أن تمطرهم كواعب أترابا فتمطرهم ما يشاءون من الحور العين

2- نساء الدنيا المؤمنات
اللاتى يدخلهن الله الجنة برحمته
وهؤلاء هن ملكات الجنة وهن اشرف وأفضل واكمل وأجمل من الحور العين

وفى حديث رسول الله صلى الله عليه وسلم لأم سلمة رضى الله عنها( أن فضل نساء الدنيا على الحور العين كفضل ظاهر الثوب على بطانته وقد أعد الله لهن قصورا ونعيما ممدودا أعطاهن الله شبابا دائما وجمالا لم تره عين من قبل)

سبحان العاطى الوهاب كدا بقى معانا ان شاء الله القصر والحبيب
الله لما يبقى كمان جارنا النبى صلى الله عليه وسلم فى الجنه
ازاى بقى
كفالة اليتيم :قال النبي "صلى الله عليه وسلم" (أنا وكافل اليتيم في الجنة هكذا ، وأشار بالسبابة والوسطى وفرج بينهما) . رواه البخاري

انا طماع فى كرم ربنا يا عم وعايز حديقه كده او بستان
طيب ايه مواصفات الشجر فى الجنه وازاى اشترى هناك
بسيطه اوووووى
هقولك المواصفات اولا وشوف انت لو عايز تشترى

ما من شجره الا وساقها من ذهب وما من نخله الا وجذ وعها من الز مرد الاخضر
الى كل من قضى حياته يلهث وراء الذهب والحريرهل تعجبك هذه الاشجار
هل تشتاق الى هذا ما راءيك ان تغرس شجر فى الجنه باسمك وملكك
ازاى بقى ؟؟؟؟
قال رسول الله صلى الله عليه وسلم (من قال سبحان الله وبحمده غرست له نخله فى الجنه)
قول انت مستنى ايه
سبحان الله وبحمده
ايه ده انت هتقول مره واحده ولا ايه
قول كتير زود ثروتك فى الجنه قول 100 قول 200
قول على قد ما تقدر

مواصفات النهر اللى ادام القصر بتاعك باذن الله
انه ليس نهرا عاديا ان حافتاه من الذهب ماؤه يجرى فى مجرى
من الدر والياقوت ولونه ابيض من الثلج ومذاقه احلى من العسل اشرب
اشرب اروى عطشك انه الكو ثر

يا سلام انا على كده هبقى غنى جدا
لا استنى كمان كرم ربنا واسع
فى كمان


قال رسول الله صلى الله عليه وسلم : ((من اتبع جنازة مسلم إيمانا واحتسابا وكان معها حتى يصلي عليها ويفرغ من دفنها فإنه يرجع من الأجر بقيراطين، كل قيراط مثل أحد، ومن صلى عليها ثم رجع قبل أن تدفن فإنه يرجع بقيراط ))

شوف الاجر ازاى كبير

وطبعا لو قعدت اوصف واوصف مش هلحق اخلص كرم الله ليس له حدود
ما عليك الا ان ترضيه وتطيع الله والرسول

رساله بسيطه لكل غافل

الى كل من باع الجنه من اجل متعه عابره او لذه فانيه الا تستحق الجنه التضحيه

الثمن فى منتناول الجميع

قال رسول الله صلى الله عليه و سلم

(كل امتى يدخلون الجنه الا من ابى قالوا ومن يابى يا رسول الله قال00من اطاعنى دخل الجنه ومن عصانى فقد ابى )

وقال عليه افضل صلاة والسلام

(الا هل مشمر للجنه فان الجنة لا مثيل لها هى ورب الكعبه نور يتلاءلاء 00وريحانه تهتز وقصر مشيد ونهر جارى وثمره نضيجه وزوجه جميله
فقال الصحابه نحن المشمرون لها يا رسول الله فقال قولوا ان شاء الله
قولوا ان شاء الله)