أنا كده باكون سبت الاولاد يقعدوا لوحدهم فترة كبيرة حوالي ساعتين وربع او ونصف بالكتير
* الساعة10 ونصف باروح اقعد معاهم شويه بس اكون غسلت ايدي كويس جدا جدا الاول
واكون جهزت لهم سندوتشات ياكلم
* والساعة 12 انيمهم وابدأ أنا بقي اشتغل تاني
* لمدة نصف ساعة باخد الحمام بتاعي وقبل ما اخرج من الحمام بانضف المرايا بيكون ده احسن وقت لتنضيفها علشان البخار يكون عمل شغل
* وامسح الارض لو تفتكروا كان عليها كلوروكس
* واجهز حاجة الغداء سواء كان تقطيع البطاطس وتقشيره او الطماطم وعصرها كده يعني
واغير المية عالاكل اللي كنت طلعته يفك
ادخل انام لي ساعة مع الكتاكيت ما انا صاحية من بدري وما اقدرش اواصل لبليل
[ندعوك للتسجيل في المنتدى أو التعريف بنفسك لمعاينة هذا الرابط]خلاص يا جماعة صحينا من النوم وارتحنا نرجع نشتغل تاني الساعة بقت 2 الا ربع تقريبا اهي
* باولع عالاكل
وعما يجهز باسرح شعري وادهنه زيت والمه واحط عليه اي ايشارب صغنن علشان ساعة ما ييجي الزوج يكون سهل تسريحه تاني
* أروح أغسل المواعين اللي كنت باجهز فيها الغداء
الساعة بقت 3 ونصف تقريبا اهي
أغدي الكتاكيت تبقي الساعة وصلت لاربعة
• أقعد ساعة عالنت واخد الكتاكيت معاي واشغللهم توم وجيري عالكمبيوتر التاني ويبقوا برده جنبي علشان ما ابقاش سايباهم فترة طويلة
• الساعة 5 ابدأ استعد لاستقبال الزوج
• أقوم البس حاجة جميلة
• واحط مكياج خفيف روج وكحل واحمر خدود واحط برفان
• 5 ونصف ييجي الزوج ونتغدا كلنا مع بعض
•
• وبعد الغداء ده وقت الزوج والاولاد مع بعض لوحدهم وانا اروح اعافر مع المواعين والمطبخ
• اغسل الماعين والبوتجاز والرخامة والحوض وامسح الارض بالشرشوبة اكيد كلنا عارفينها
• أقعد مع الزوج والاولاد شويه أمام التليفزيون وابدا الساعة 9 انيمهم
• بعد 9 انا حرة بقي اعمل اللي انا عاوزاهاهذب اظافري أو أقعد عالنت او امسك ورقة وقلم واكتب مصروفات الاسبوع وايه اللي نقص علشان نبقي نجيبه
• الساعة 10 اقعد مع الزوج قليلا اعرف اخبار شغله ايه وهو يعرف اخبار البيت والاولاد في غيابه ايه
• الساعة 11 اخد ورقة وقلم واروح عالسرير واكتب ناويه اعمل ايه تاني يوم حتي لو كنت عملاه في جدول عام
لازم اكتب اليوم بيومه علشان بعد ما اعمل الحاجة اعلم عليها واحس اني انجزت
وانام بقي وادعي ربنا انه يبارك لي في ابنائي وزوجي واهلي وصحتي ووقتي
وتصبحوا علي خير
[ندعوك للتسجيل في المنتدى أو التعريف بنفسك لمعاينة هذا الرابط]ملحوظات عن الجدول اليوميقضيت ساعتين ونصف في البيت تنظيف(لاني بامسحزي ما قلتلكم قبل كده كل البيت)
قضيت 5 ساعات ونصف نوم بليل وساعة او ساعة ونصف بالنهار
قضيت ساعتين مع الزوج
قضيت 4 ساعات مع الاولاد بما فيه وقت تنيمهم وحكايه الحواديت
قضيت ساعتين عالنت
قضيت صلاتي زي ما كتبنا في الاول خالص
قضيت ساعة للاهتمام بنظافتي الشخصية
ما قصرتش مع الزوج في التوديع والاستقبال والاستماع له ولشكواه من الام وتعب وارهاق اليوم
البيت نضيف وفل وريحته حلوة
استنوا لسه هنكمل
