طريقة عمل البيتزا

البيتزا

المقادير


1) 2 كوب دقيق

2) ربع كوب زيت

3) ربع كوب لبن + ماء للعجن حسب الحاجة

4) بيضة واحدة

5) قطعة خميرة فى حجم عين الجمل ( تاكدى من صلاحيتها )

6) نصف معلقة صغيرة سكر

7)طرف المعلقة الصغيرة ملح

الحشو الخارجى للبيتزا

صلصة للتغطية

فلفل اخضر مقطع قطع صغيرة

قطع صغيرة طماطم

زيتون اسود او اخضر حسب الموجود

جبن رومى مبشور او لحمة معصجة او بسطرمة (حسب الرغبة )

زعتر ( ان وجد )


الطريقة

1) نجهز الخميرة وذلك بوضعها فى ربع ماء دافىء مع نصف معلقة السكر

2)نضع الدقيق فى وعاء للعجن وعلية الملح والبيضة والزيت والخميرة

ونقوم بالعجن باستخدام اللبن والماء حتى تصبح العجينة لينة

3) لنجاح البيتزا يجب ان تكون العجينة لينة جدا وغير متماسكة

4) وعشان تعرفى تفرديها فى الصينية ادهنى ايدك بالزيت

5) اتركى العجينة تخمر لمدة ساعة تقريبا او اقل حسب ملاحظتك لها

6) قومى بتجهيز الصلصة اما باستخدام التوم او بصلة صغيرة جدا

وسبكيها وضعى عليها ملح حسب رغبتك

7) ادهنى الصينية اللى هاتستخدميها وفردى فيها العجينة

اول طبقة هى الصلصة وبعد كدة رصى الفلفل وقطع الطماطم

والزيتون

9 )سخنى الفرن وضعى الصينية

10) بعد 10 دقائق اخرجى الصينية وضعى فوقها الجبن الرومى المبشور
وعليه الزعتر
ثم ادخليها مرة اخرى الفرن حتى تكتمل

11) وممكن تجربى تضعى بيضة وربيها وضعى عليها ذرة فلفل وزعتر

واسكبيها فوق الجبن الرومى المبشور

12 )ممكن تضعى مكان الجبن الرومى اللحمة المعصجة او البسطرمة


ملحوظة

العجينة واحدة لكن ابتكرى وغيرى بيتزا بالجبنة او اللحمة او البسطرمة

او الجمبرى او شيدر او جبنة مثلثات الموجود عندك ومن ايدك يكون جميل


جربوها مش هاتندموا واسالوا روبى ؟؟؟؟؟؟؟؟؟؟؟؟

يارب تعجبكم وبالهنا والعافية

هههههههههههههههههه
انا جيت اقول رايي
بتستشهدي بي
انا لسه عاملاها امبارح
وكنت بافتكرك وانا باعملها والله خطوة خطوة
والنتيجة كانت روعة جدا جدا جدا
جوزي والعيال كانول عاوزين كمان
ههههههههههههههه
اشهد بايه اكتر من كده؟؟؟

mocharaka raoi3aaaaaaaa