فى البدايه عايزه أقول أن اللى هقوله ده حصل لواحده قريبتى
وحبيت أكتب الحكايه لأنها هتفيدنا كلنا وخصوصا الأمهات مننا
كان ليا واحده قريبتى وهى تبقى قريبه والدتى...وكان عندها 5 بنات وشاب واحد بس وهى أنجبت الشاب ده وكانت بتتمناه طول عمرها وجه بعد 5 بنات يعنى كان عندها حاجه كبيره جدااااااااااا
كانت بتحبه جداااااا ويمكن أكتر كمان من بناتها وهو كان أبن بار جداااااا جداااااا بأمه وأبوه وكان نعم الأخ بالنسبه لأخواته......
وكبر الشاب ده وأتعلم وربنا كرمه وأشتغل شغل كويس
وكان مهندس معمارى وبدأت فرحته بيه تكبر أكتر وأكتر وقابل أنسانه حبها وحبته جداااا وفكر أنه يرتبط بيها لأنه كان بيحبها حب محدش يتخيله..........المهم راح علشان يفاتح والدته فى أمر زواجه منها.............................
وأتفاجىء بالرد.
.
.
.
.
.
.
.
.
.
.
.
.
.
.
.
.
لا طبعا مينفعش أنا مش موافقه على البنت دى لأنى شايفالك واحده تانيه ولازم تتجوزها.....
يقولها طيب ليه يا ماما؟؟؟ أدينى سبب واحد أنا بحبها أوى
ومش عايز أتخلى عنها
تقوله...برده لأ
يقولها...طيب أنتى تعرفى عنها حاجه مش عاجباكى فى ايه
طالما هى بنت ناس وكويسه وفوق ده وده أنا بحبها وعايزها
وأنا قدرى بمصلحتى....
تقوله هو لأ وخلاااااااااااااااااااااااااااااااااااااص
قالها طيب يا ماما طالما معندكيش سبب يقنعنى أنا هتجوزها
لأنى مش هتجوز بالعافيه حد مبحبهوش
قالتله خلاص أختار اللى أنت عايزها بس الا دى برده
!!!!!!!!!!!!!!!!!!!!!!!!!!!!!!!!!!!!!!!!
وحاول يقنعها بكل الأشكال جاب ناس يقنعوها بأن البنت كويسه
وجاب البنت ذات نفسها علشان تشوفها كان بيتحايل عليها محايله الدنيا والأخره وبرده مش راضيه......برغم ان البنت والله مفيهاش أى حاجه تعيبها ولا سلوك ولا ألتزام ولا أخلاق ولا أى حاجه بجد تمام من كل النواحى................
أخر ما زهق قالها بصى يا ماما أنا كده عملت اللى عليا معاكى
وللأسف أضطرتينى أنى أروح أتجوزها حتى لو أنتى لسه مصره على الرفض اللى بدون داعى خالص.....قالتله يعنى هتتجوزها غصب عنى.....قالها أه هروح أطلبها ولو عايزه تحضرى الفرح هبقى أسعد واحد فى الدنيا....ولو مجتيش هيبقى ناقصنى حاجه كبيره أوى أوى ولو أنتى عايزه تخلينى أبقى كده وسط الناس وأمى مش موجوده براحتك أنتى حره
قالتله غور فى داهيه ويارب لو عملت اللى فى دماغك
ياااااااارب ما تلحق تتهنى بيها وأن شاء الله أشوفك ساقط كده من أى عماره قدامى علشان أفرح ساعتها وهى مترمله........
قالها الأعمار بأيد ربنا يا ماما...واللى ربنا كاتبه ليه هشوفه
وروحنا الفرح كلنا وفعلا هى محضرتش وكانت قاعده تعيط فى البيت راحلها تانى وهو لابس البدله وقالها يا ماما أنا عايزك معايا
مردتش عليه وبرده سابته وراح فعلا وكلنا وقفنا معاه وجنبه وحسسناه بالفرحه بس من جوانا كنا بنتقطع علشانه لأنه كان صعبان علينا كلنا.....لأنه حتى مالوش أخ يقف جمبه هو زى ما قولتلكم وحيد على أخواته البنات.................
المهم عدت الأيام ومامته مقاطعاه خالص..وكل لما يروحلها
مترضاش ترد عليه وهو كان بيمشى وهو زعلان أوى ولكن مفيش فى ايده أى حاجه وحاولو كتير يتكلمو معاها ولكن هى فى الحقيقه كانت قلبها جامد وطول عمها جامده كده
أنجب من زوجته دى وراحلها بأولاده علشان تشوفهم برده مرضيتش تكلمهم ولا تيجى جمبهم وفضلت على كده..........
وطول السنين دى بنحاول نصالحوها عليه وهى أبداااااا ولا يمكن خااااااالص وكأنه أجرم فى حقها مع العلم أن زوجته طول الوقت ده كانت بتحاول تراضيها وتكسب ودها ولكنها كانت بتزيد غ-فى ظلمها لأبنها ولزوجته ولأولاده اللى مالهومش ذنب فى أى حاجه
واللى نفسهم جدتهم تكلمهم وتلعب معاهم زى الأطفال التانيه
ووالده لا يملك من الأمر شىء بيكلمه وبيزوره وولكن الأم على نفس الموقف....................
وفى يوم راح شغله زى كل يوم وكان يوم جمعه لأنه شغال فى المعمار زى ما قولتلكم
وكان مستنيه تحت أبن عمته واللى يبقى قريبى برده وبيقوله يالا علشان نلحق صلاه الجمعه.........قاله طيب ماشى أنا نازل أهو
ولسه يادوب مكمل الكلمه وفجأه
..
.
.
.
.
.
.
.
.
وسقط على الأرض من الدور 13
وتوفى فى نفس اللحظه
وأبن عمته جاله أنهيار عصبى لأنه شاف المنظر بنفسه
وطبعا مات بدعوه أمه عليه
هى دعت نفس الدعوه اللى هو مات بيها
يعنى فعلا ساعات دعوه الأم بتستجاب وساعات كتير كمان
وجات هى وأخواته شافوه وهو مرمى على الأرض وميت
فضلت تعيط وأنهارت وبقت زى المجنونه
تفتكرو كسبت ايه من دعوتها عليه؟؟؟؟؟؟؟؟
كسبت ايه لما فضلت مقاطعاه كده وسابته وهو عريس لوحده
سابته فى اليوم اللى بيتمناه أى شاب
كسبت ايه لما قعدت طول المده دى متكلمهوش كده وكاسره نفسه
وفعلا متهناش ولا يوم من يوم ما أتجوز........
دعوتها كلها أستجابت...........وأولاده أتيتمو....
وزوجته أترملت وهو لسه 32 سنه
............................
ولحد دلوقتى زوجته أثبتت لينا كلنا أنها كانت تستحق ده
لأنها لحد دلوقتى متجوزتش بعده ورافضه الزواج من أى حد تانى
وعايشه علشان تربى أولادها......راحت بأولاده وبقت مش عايزه تحرم جدتهم منهم....برغم أنها شافت منها كتير أوى أوى
أثبتت لينا كلها أنها أصيله بجد وأنه كان عنده ألف حق يوم ما أختارها ..................
أما بقى مامته فدى لا حول ولا قوه الا بالله عليها
طبعا كانت بتدعى عليه زى ما بتدعى كل الأمهات من ورا قلبها
ولكن للأسف راح منها أبنها وضناها ووحيدها وقره عينها
وكل اللى كانت بتتمناه فى الدنيا
هو توفى فى يوم جميل وكانت حسن خاتمه ليه لأنه كان رايح يصلى الجمعه وكان فى شغله كمااان وكان معدى عليها وبرده كان بيحاول يراضيها زى كل يوم وبرده هى زى كل مره رفضت رفض تاااااااااااااااااام وأهووو مااااااااااااااااااات
وولاده اللى كانت مش بترضى تبصلهم ولا تكلمهم دلوقتى بتتمنى أنها بس تشوفهم لأنهم طبعا حته منهم
بس للأسف هما ميعرفوهاش وبيخافو منها جداااااااااااااا
زى ما يكون قلبهم حاسس وعارف اللى حصل كله برغم أن سنهم صغير جدااااااااااااااااااا
واحد 5 سنوات والتانى3 سنوات
اللى عايوه أقوله واللى عايزاكم تاخدو بالكم منه
الا الدعوه على ولادكم........ولا بأى حاجه وحشه
ولا حتى يخرب بيتك ولا أقل حاجه ممكن تتقال بلاشها
حطو ولادكم فى عنيكم............ أديكو شفتو اللى حصل
مع العلم أنها أقسم بالله حكايه حقيقيه وتخصنى شخصيااااااااااا
الأطفال دول نعمه مهما يعملو أستحملوهم وبلاش تدعو عليهم
أستحلفكم بالله حطو الكلام ده فى عين الأعتبار
والا أولادكم وبلاش ندعى عليهم لأن الدعوه ساعات بتستجااااااااااااب.......................
يارب أكون أوصلكم اللى عايزه أوصله
منقووول
