[ندعوك للتسجيل في المنتدى أو التعريف بنفسك لمعاينة هذا الرابط]هذة مشكله حقيقيه
ه من منتدى آخر عاوزين نناقش من خلالهامسأله الزوجه الثانيه والاسباب اللى بتخلى الواحد يتجوز على زوجته وشعور وموقف الزوجه الاولى فياريت الكل يدخل ويقول رأيه
السلام عليكم ورحمه الله وبركاته
بأدخل بالموضوع ع طول وأريحكم وأتمنى ألقى عندكم حل ,, وجزاكم الله خيرا
أنا متزوجة من رجل متزوج وماكنت أعرف قبل الزواج المهم لأني مطلقة وإستخرت قبل قلت الحمدلله وبأعيش حياتي ولو بحد أدنى من السعادة أنا رااااااضية بس أبغى أرتاح لأني تعبت كثير في هاذي الحياة لأن أمي وأبي ميتين من زمااان وماعندي أحد واللي زوجني خالي كنت أعيش معاه من بعد وفاة جدتي قبل 10 سنين وأمي وأبي صار لهم 17 سنة يعني توفوا وأنا صغيرة ومعاملة زوجة خالي لي سيئة وكأني خادمة عندها وتطلقت غصب عني أول مرة لأني عشت مع زوجي الأول بعذاب وإتحملت لكني ماقدرت أتحمل ضربه لي وكان بيموتني مره وصرت أرجع دم الله يكرمكم ولو ع هذا تهون بس المعاناة النفسية والسب والتجريح كااان أعظم لأن الموت بالنسبة لي أمنية لأني أحس مالي أحد بهاذي الدنيا ولولا مخافتي من ربي وتعظيمه وحبه بقلبي كنت موت نفسي من زمان
المهم بعد ماأنجبت بنتي من زوجي الأول وبعد ماصار عمرها سنتين ونص إتطلقت ورجعت بيت خالي وطبعا معاملة زوجة خالي كانت أسوأ ومعايه بنتي وورتني ألوان العذاب في بنتي لدرجة إني ماكنت أستحم إلا وبنتي نايمة أخاف تضربها لسبب تافه كالعادة وبعدين واحدة من أطراف الجماعة جابتلي عريس وأنا ماقدرت أتأخر بردي وتقول البنت إن زوجها يمدحه بالحي حقهم ووافقت ع طول بعد ماإستخرت طبعا وخالي ماأهتم يسأل عنه أو يروح لمدينته يتأكد لأن طفش مني
وخلال أسبوع من جاء صرت زوجته ورحت معاه وطبعا بنتي أخذها أبوها وحطها عند أمه والحمدلله إنها وبناتها ناس طيبين ويخافون الله ويحبون بنتي كثيييييير
ولما جيت مدينة زوجي فرح فيه وخلاني أنا أختار البيت لأنه مرتح ماديا وهو كان يقول إنه مطلق وعنده أطفال وإكتشفت بعد فترة إنه متزوج بس لقيت فيه الأب والزوج والأخ وكل شيء حلو وحناااان مابعده حنان وذقت السعادة لأول مره بحياتي وهو طيب وحنووون وكريييييم ويحبني ويعاملني مثل بنته لأن الفرق بيننا يمكن 17 سنة ويقولي دايما الجاي أحلى لكي بأحطلك بيت في مدينتك بإسمك ضماان للمستقبل
وإحنا صارلنا سنة ونصف متزوجين بس بدون أطفال لأنه يقول ماأقدر بسبب إنه بدوي وأنا كمان بس زوجي السابق وبنت مو بدو ويقول قدام جماعتي ماأقدر يكون أخوان عيالي حضر راح يعايرونهم ويتعقدوا وقالي الخيار لكي تستمري أو لا وأنا كأخ ماأنصحك تستمري لأني ماأبغى أظلمك وأنا أحبك وحتى بمرة كنا نتكلم مع بعض عن الإنفصال وبكى للأننا والله متفاهمين مع بعض ووالله أدري إنه يمووووت فيه الحمدلله بس أهله فعلا صعبين أنا شفتهم مايتقبلوا أحد مختلف عنهم مع طيبتهم ولما فكرت وفكرت وإتذكرت بيت خالي وعذابي هناك وطيبة زوجي وحبه قلتله خلاص إنت عندي أغلى من الأطفال وإذا كانوا من غيرك ماأبغاهم
وأنا أرووح لخالي بين فترة وفترة بس والله مغصوبة لأن زوجي يكون عنده ظروف سفر مع أخوه بس ياخذني في المرات اللي لحاله ومايسافر لوحده ولا يرتاح إلا وأنا معاه لأن الأولى عند أطفالها مدارس ومن ثلاث شهور وأنا ماسافرت معاه ولارحت مكان وسافر هو مرتين مع زوجته وعياله عشان فترة إجازات ومرة وهي قبل إسبوعين قالي بأسافر مع أصحابي ورحت لخالي وقعدت وهو غاب عني مايكلمني ولا شيء وفجأة أرسلي رسالة يقول فيها( إنه عشانك حبيبتي وعشان مستقبلك وعشان يجيكي أطفال ينفعوكي لاكبرتي فكري وإستخيري لأني إتزوجت وبأجلس إسبوعين وأجي)
أنا إنصدمت وماصدقت عيووني طيب ليه ؟ لأننا متفاهمين لأبعد حد ونموووت ببعض وأنا جميلة الحمدلله ومعاملته معاملة خيااال وربي حتى هو دايما يقولي ياليت كل الحريم زيك وأنا ماشفت السعادة ولاعرفت الزواج إلا معاكي وأنا بكيييت إلين ماوجعتني عيوني وتعبت نفسيا مرره حتى وجهي صار أسود من الحزن وأنا شفت إنه بيطول قلت أروح بيتي أحسن لأني جدا تعبانة وجيت إلين جاء زوجي أمس من السفر وراح البيت الثاني مع إنه المفروض يجيني بس ماقلت شيء وأرسلتله بالليل إنك تغيرت لدرجة إنك حتى ماجيت سلمت عليه وماوحشتك مو زي دايما وقلتله خلاص أنا وجودي بحياتك ماصار له داعي الأولى مهمة عشان أم أطفالك والجديدة تبسطك وأنا ولو ماكنت اليوم عبء بكرة بصير عبء عليك وبترميني برا حياتك وأنا أبكي ومنهارة والله حتى النوم ماذقته من بعد رسالته ولا حتى الموت جاء ورحمني صارت حياااتي عذااب بعذااب والحمدلله على كل حال
وبعدالفجر جاء عندي وبكيييت لما شفته ولاقدرت حتى أطالع فيه وهو يهديني وإتفاهمنا وقالي أنا إتزوجت إندونيسية بس على إنها شغالة لأنه عسكري وطلعت أقل من السن القانوني وماجابها بتجيي بعد إسبوع أو إسبوعين ومادام إنك جيتي البيت إنتي كبرتي بنظري ومابأسيبك وترى هذا الزواج عرفني قيمتك لأن مافي أحد زيك حتى البكرية مو زيك والله إن ريحتك غير وطعمك غير وكل شيء فيكي غير فيكي شيء ماذقته عند غيرك وهو يحلف ع المصحف على إني عنده أغلى من الثنتين ويقولي ماتبين تصدقين براحتك بس والله غلاوتك غير لأنك طيبة ودينة وعلى نياتك وتحبيني بشكل ماأحد حبني مثله ويسلم على يدي وراسي وأنا أبكي وأقول طيب ليه تكافئني بهذا الشكل وبنص الهرج قلت ماتجيبها عندي ولا تحاول أنا من حقي يكون ليه بيت مستقبل وأنا خايفة لأن بيتي كبير وفاااضي ما فيه غيري بس حسيته يحاول يقنعني وأنهيت الموضوع وقلت رأيي نهائي
ومحتتارة والله والغيرة بتقتلني هذا غير شكي فيه لأني ماصرت أصدق حرف من كلامه
أفيدوني جزاكم الله خييير لأني تعبانة ونفسيتي منهارة وحاسة بتعب في جسدي من كثر الهم اللي أعيشه والتفكيييير ...
قولولي إيش رايكم بالموضوع وإيش أسوي معاه وربي إني أحبه وعارفة إنها نزوة بس ؟؟؟؟؟؟؟؟
[ندعوك للتسجيل في المنتدى أو التعريف بنفسك لمعاينة هذا الرابط] 
