ايهما تفضل ""الصمت "" ام ""الكلام""" في ......؟؟؟؟؟؟

السلام عليكم و رحمة الله و بركاته

جبت لكم موضوع حلووووووو وارجووو من الجميع التفاعل والمشاركه..

مما لا شك فيه أن لكل انسان طريقته في مواجهة المواقف السلبية التي يمر بها . ويصطدم من خلالها

بالآخرين.. فمنهم من يواجهها بانفعال مقنّن , ومنهم من يواجهها برعونة وتهـــــــــوّر .. ومنهم من يواجهها

بصمت. وقد يكون هذا الصمت نابعا من حكمة .كما قد يكون ناتجا عن جبن واستسلام . أو لغاية في نفس

صاحبه.....

ولكن الحكمة تقول

ندمت على السكوت مرة ........ وندمت على الكلام مرارا

فما الافضل بنظركم مواجهة المواقف بالصمت ام بالكلام

انتظر ارائكم

تحيااااااااااااااااااااااااااااتى

والله فعلا فيه مواقف الواحد بيرد فيها وبيتكلم وهو ده الصح
لكن فيه ناس ما ينفعش معاهم كلام مهما اتقال
يعني حتي لو كان الرد صح ومظبوط
فهم بيشوفوا ان هم اللي علي حق
وان اي رد مخالف ليهم بيكون قلة زوق وعدم تقدير للامور
بذلك الصمت او الكلام بيكون علي حسب الفرد اللي بيتوجهله الكلام
يا ينفع معاه الكلام يا اما بيكون الصمت افضل بكتيييييير
وده طبعا مش ضعف ولا استسلام لكن للتاكد من عدم جدوي الكلام

وده ما بيجيش من اول مرة تعارف بالشخص لكن من مواقف مختلفة بتظهره كويس لينا

شكرا علي الموضوع
معلش انا رغيت كتير وطولت عليكي

[ندعوك للتسجيل في المنتدى أو التعريف بنفسك لمعاينة هذه الصورة]

اولا احيكي على الموضوع الجميل دا love

انا مش هطول ... انا راي ان الموقف هو اللي بيحدد

يعني انا بفضل الكلام لو هيفيد في حل الموقف ولو فعلا في اللي يسمع

الكلام دا ويستوعبه ... انما في ناس ودول ما اكثرهم يبقا السكوت افضل معاهم

فالاحسن الواحد يسكت

[ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل فعلا ياسكر

فى حكمة بتقول

اذا كان الكلام من فضة فاالسكوت من ذهب
فعلا احيانا فى بعض المواقف بتمر علينا بتكون انت صاحب حق فيها لكن اللى قدامك مش قادر يفهم ده فمش بيقتنع باى كلام فابالتالى السكوت بيكون احسن رد
وعامة لما يكون الانسان امام موقف وحاسس انه مهما قال محدش هيقتنع بكلامه يبقى يسكت احسن ويوفر الكلام
واحيانا كمان الانسان من شدة غضبه بيقول كلام مش بيبقى عارف هو بيقول ايه ولا عمل ايه فابالتالى بيتحسب الكلام ضده مش فى صالحه حتى لو كان هو صح لان عقول الناس وفهمهم مختلف
لذلك بيكون السكوت افضل بنسبة كبيرة عن الكلام فى اى موقف
لان الكلام هيجر كلام والمواضيع هتكبر وهتزيد فاالصمت هو الحل القاطع لكل ده
هيقولوا عليك جبان او ضعيف دى بتبقى طريقة استفزاز علشان يجبروك على الكلام والوقوع فى الخطأ
سيب اللى يقول يقول واللى يتكلم يتكلم وانت فى اخر الموقف هتطلع الاحسن فى كل ده حتى لو غلطان
لان اللى بيتكلم بيوقع لسانه فى الغلط وكل ده بيتحسب ضده

يارب اكون قدرت اوصل اللى انا عايزة اقوله
مع التحية
تقبلوا مرورى

[ندعوك للتسجيل في المنتدى أو التعريف بنفسك لمعاينة هذه الصورة]

اولا شكرا على الموضوع الجميل ده يا سكر

انا جربت الكلام الكتير والمبررات لكن من خبرتى لقيت ان السكوت افضل

فى جميع الحالات وخير الكلام ما قل ودل

والسكوت بيمنع الغلط وده سببه سوء الظن

فنادرا ماتجد من يحسن الظن بكلامك ولذلك ..............

السكوت ثم السكوت ثم السكوت

وده عشان العلاقات الطيبة تدوم

[ندعوك للتسجيل في المنتدى أو التعريف بنفسك لمعاينة هذه الصورة]

» الصمت أبلغ لغات الكلام
» """رئيس وزراء الجزائر يشن هجوماً ضد مصر ويصف موقفها بـ «الغوغائية»"""‏
» .".".".".."إجعلي بصماتك بحياته.".".".".".".
» "الجمل" يكلف "الأبنية التعليمية" بفحص ومتابعة جميع المدارس من حيث صلاحية دورات المياه والنظافة
» وقفة قبل الندم ""سيئات جارية"""