اي من هذه القلوب تتعاطف معه؟؟؟

اذا طلبوا منك ان تتعاطف مع(( احد )) من هؤلاء فمن ستختار؟

قلب ممزق خانه محبوبه

-قلب الأم التى تتنظر رحمة أولادها الذين هجروها وعذرهم مشاغل الدنيا

-قلب الأب الذي كبر بالعمر ولازال يشتغل ويتعب والأولاد يتفرجون على الراقصات

-قلب الزوجة التي تكد وتتعب والزوج غائب وتائه بالمغريات الأخرى

-قلب الزوج الذى يرى زوجته تتعطر وتتبخر للحفلات وبالبيت هى والشغالة مثل بعض

-قلب الحبيبة التى تذرف بدل الدموع دما بسبب هجر وغدر الحبيب

قلب الموظف الذي يقضي معظمة وقته في العمل والراتب لا يكفي فاتورة الجوال

-قلب الطفل الذى يربي فى حضن الخادمة والأب والأم موجودان بالاسم فقط

-قلب المريض الذي يرقد بالمستشفيات ولا يجد من يسأل عنه

-قلب الغريب الذى لا يجد الأصدقاء المخلصين

أتمنى من كل من يشارك أن يختار قلب واحد فقط
يتعاطف معه..

حقيقة كل ماسبق يقطع القلب والانسان يتعاطف معاه لكن كل نوع من اللى فات اكيد ليه بديل او حل ماعدا نوع واحد فيهم
اسمحى لى بالتوضيح اكتر
كالتالى

قلب ممزق خانه محبوبه
القلب اللى خانه محبوبه اكيد هياخد وقته وهيعرف فى الاخر انه اساء الاختيار وربنا هيعوضه خير عن اللى شافه

-قلب الأم التى تتنظر رحمة أولادها الذين هجروها وعذرهم مشاغل الدنيا

الام قلبها كبير جدا واكيد فى يوم من الايام اولادها هيرجعوا وهما ندمانين على كل اللى حصل منهم لان ربنا مش بيرضى بالظلم اكيد هيفوقوا بازمة بصدمة ومش هيلاقوا غير امهم علشان يرموا حمولهم عليها بعد ربنا

-قلب الأب الذي كبر بالعمر ولازال يشتغل ويتعب والأولاد يتفرجون على الراقصات
الاب كمان قلبه كبير واكيد ربنا مش هيسيبه وهيعوض صبره خير وهيقويه على اللى هو فيه او مثل ماسبق زى الام ممكن اوزلاده يحصلهم موقف من خلاله يعرفوا ان الله حق

-قلب الزوجة التي تكد وتتعب والزوج غائب وتائه بالمغريات الأخرى

قلب الزوجة هيتعب من اللى بيحصل لكن اكيد ربنا هيفوق زوجها ده ويعرف ان اخطأ فى حقها

-قلب الزوج الذى يرى زوجته تتعطر وتتبخر للحفلات وبالبيت هى والشغالة مثل بعض

طالما هو قبل على نفسه كده يبقى يستاهل لان هو الراجل وهو اللى مسئول عن بيته وزوجته وميستهالش ان حد يتعاطف معاه اساسا

-قلب الحبيبة التى تذرف بدل الدموع دما بسبب هجر وغدر الحبيب

هتاخد وقتها والايام بتداوى الجراح مع انها مش هتقدر تنسى بس اكيد ربنا هيعوضها وهياخد بطارها من اللى غدر بيها وخانها

قلب الموظف الذي يقضي معظمة وقته في العمل والراتب لا يكفي فاتورة الجوال

اكيد هو بيتعب بس هيتعود على مثل هذا الوضع وهيبقى بالنسبة له عادة وطالما بيشتغل ربنا هيجازيه خير ان الله لايضيع اجر من احسن عملا

-قلب الطفل الذى يربي فى حضن الخادمة والأب والأم موجودان بالاسم فقط
الطفل ده ممكن يحس بالحب والحنان من قبل الخادمة اكثر من امه وابوه وده على حسب مش فى كل الاحوال بس اللى اقصده انه ممكن يلاقى الحنان ده حتى لو مع الخادمة طلما ابوه وامه مش فاضينله

-قلب المريض الذي يرقد بالمستشفيات ولا يجد من يسأل عنه

هو ده القلب اللى اتعاطف معاه فعلا لما يكون انسان مريض قليل الحيلة ومفيش حد بيسال عنه وبيحسسوه انه جرثومة ممكن تنتقل اليهم بيحس انه وحيد وعاجز
هو ده القلب اللى اتعاطف معاه فعلا اصعب حاجة لما الانسان يحس انه مريض ومش لاقى كلمة تهون عليه من اقرب الناس ليه ربنا يشفى جميع مرضى المسلمين يارب
ومثل هذا الشخص بيحس بالتعب الجسمانى والنفسى كمان يعنى ممكن حاجة زى دى تموته مش تتعب قلبه وبس

-قلب الغريب الذى لا يجد الأصدقاء المخلصين

الغريب مش هيفضل غريب طول عمره مسيره راجع واكيد ربنا بيهون عليه غربته بحاجات كتير زى الصحبة الكويسة او اى حاجة كويسة

عفوا اطلت عليكم لكن حبيت انقل وجهة نظرى ولكل منا نظرة مختلفة للامور بحسب ماراه وعرفه فى الحياة
شكرا ليكى ياروبى موضوع رائع

أتمنى من كل من يشارك أن يختار قلب واحد فقط
يتعاطف معه..

دا صعب اوى ياروبى كل الحالات صعبه وتحتاج عطف وحب مننا بس انتى عاوزة حاله واحدة هختار حاله

قلب الأم التى تتنظر رحمة أولادها الذين هجروها وعذرهم مشاغل الدنيا
لان الام لما تكبر بتكون فى حاجه ماسه لحنان اولادها وكذلك الاب بس الاب بيخرج غالبا لكن المراءة بتبقى قاعدة فى البيت وبتكون ضعيفه والرسول وصى بالام قال امك ثم امك ثم امك فهى محتاجه مزيد من الرعايه والحنان :Valentijn: :Valentijn:

وشكرا على الموضوع الرائع دا

حبيبتي هبة
معاكي ان كل موقف فيهم بيوجع القلب بس مش هيفضل كده علي طول
بس علي فكرة كل موقف فيهم بيوجع القلب قوي قوي
وساعتها ما بنفكرش هيستمر علي كده ولا لأ

بالنسبة لي اكتر حاجة توجعني في دول
قلب المريض الذي يرقد بالمستشفيات ولا يجد من يسأل عنه

لانه بيشتمل علي انه قلب ام او اب لم يبره ابنائه ويحس ان تربيته ليهم ضاعت سدي وهباءا
وهو برده قلب صديق هجره اصدقائه واهلة واقاربه وقت شدته واحتياجه لهم
وهو برده قلب زوج او زوجه لم يهتم به نصفه الاخر ولا حتي صان العشره
هو قلب خانه كل الاحباب
فهو قلب يشتمل علي كل انواع المواقف المحزنه اللي توجع القلب

شكرا لمرورك وردك الجميل
انا عارفة انك كتله من الحنان ورقة القلب

[ندعوك للتسجيل في المنتدى أو التعريف بنفسك لمعاينة هذا الرابط]

فعلا ياروبى
زى ماقلتى بالظبط لانى انا شايفة ان الاختيار ده هو اللى فعلا يستحق التعاطف معه

تمام يااحلى روبى
ربنا مايحرمنا من مواضيعك انتى وام عمر ولا ردودكم اللهم امين
[ندعوك للتسجيل في المنتدى أو التعريف بنفسك لمعاينة هذه الصورة]

حبيبتي هوبة

[ندعوك للتسجيل في المنتدى أو التعريف بنفسك لمعاينة هذا الرابط]

اكيد قلب الام هو من اتعاطف معه بدون منافس

لان الام بعد ان حملت ووضعت وارضعت وربت وتعبت...وبعد كل هذا تصدم بان تعبها لم يقدره الابناء....شيء صعب بجد وفي منتهي القسوه.

اللهم اجعلنا من البارين بابائهم وامهاتهم حتي يبرنا ابناؤنا في كبرنا.

شكرا علي مرورك وتفاعلك
ربنا يجعلنا من البارين بابائنا

قلب الطفل الذى يربي فى حضن الخادمة والأب والأم موجودان بالاسم فقط
لانه بيفضل محروم من حجات كتير اوي .. ومهما كان حنان الخادمه

عمرة ما يعوض حنان الام والاب .. مفيش حد في الدنيا ينفع يحل محل الام والاب

ومهما كان الحب والاهتمام من اي انسان ما بيعوضش طبطبه ولا حضن الام والاب

والا كان ربنا قال وبالوالدين احسانا وباللي ممكن يكون بدالهم ...

بياثر عليه عمرة كله .. لانه بيعمل خلل جواه في كل حاجه فيه ...

تحياتي لصاحبه الموضوع ولكل اللي قال رايه

شكرا لكي اختي دودو علي المرور والتواصل

» صور تدمع لها القلوب قبل العيون
» لاصحاب القلوب القويه .......
» ممنوع لضعفاء القلوب
» من عبادات القلوب.... الرضا
» ( باللين تمتلك القلوب )